Daniyɛ́li 4:30 - MAWUXÓWÉMA

³⁰ Tɛn tɔn mɛ fínɛ́ jɛ́n nǔ e é se ɔ́ jɛ ɖe. Nǔ gbó ɔ́, è nya Nabukodonɔzɔ́ɔ sín gbɛtɔ́ lɛ́ɛ mɛ, bɔ é jɛ ama ɖu jí nyibú ɖɔhun; ahǔn nɔ́ ja dó jǐ tɔn. Đa tɔn ɖi ga káká bó cí gangan sín awafún ɖɔhun. Fɛn tɔn lɛ́ɛ ɖi káká bó cí xɛfɛn ɖɔhun.

Daniyɛ́li 4:30 Iomraidhean Croise

Bǐbɛ́mɛ 10:10

Toxo e mɛ Nimulodi ɖu axɔ́sú ɖe jɛ nukɔn lɛ́ɛ wɛ nyí: Babɛ́li, Elɛ́ki, Akadi kpó Kalunɛ́ɛ kpó ɖo Mɛzopotamíi yíkúngban jí.

Ɛsitɛ́ɛ 1:4

É fɔ dɔkun tɔn ɖagbe ɖagbe lɛ́ɛ kpó acɔ́ɖónú e nɔ ɖo kínkɔ́n wɛ bó nɔ́ ɖe axɔ́súɖuɖu tɔn sín susu xlɛ́ lɛ́ɛ kpó tɛ́. Nǔ lɛ́ɛ nɔ títɛ́ fínɛ́ xɔ azǎn. Azǎn kɛnnɛ ko (180) wɛ yě nɔ títɛ́ xɔ.

Ɖɛhan 104:1

Lǐndɔ̌n ce ní kpa susu nú Mawu Mavɔmavɔ. Mawu Mavɔmavɔ, Mawu ce, a dǒ agba bɔ é vɛ́ jlɛ́; nǔsacɔ́ kpó nǔjíwǔ kpó wɛ nyí awu e a dǒ é.

Ɖɛhan 49:20

É ká ɖó ná wá yi to e mɛ tɔ́gbó tɔn lɛ́ɛ yi é, to e mɛ yě yi bó má sɔ́ ná wá gbeɖé ǎ é.

Ɖɛhan 73:8

Yě nɔ́ ɖo mɛ cá ko wɛ, bó nɔ́ ɖo nu vawun vawun kɛ wɛ; yě nɔ́ ɖo lě e yě ná táfú mɛ gbɔn é ɖɔ wɛ gannaganna; yě nɔ́ jí nǔɖé ǎ.

Nǔnywɛ́xó 11:2

Goyíyí ɔ́, tɛ́ hu nú mɛ wɛ é nɔ́ dɔn wá. Amɔ̌, nǔwaɖójlɛ̌jí ɔ́, nǔnywɛ́tɔ́ lɛ́ɛ sí wɛ è nɔ mɔ ɖe.

Nǔnywɛ́xó 16:18

Mɛ ɖé ja cu kpé gbé ɔ́, goyíyí wɛ é nɔ́ bɛ́. Mɛ e nɔ mɔ éɖée ɔ́ nɔ́ sɔ́ éɖée nyi gbě.

Nǔnywɛ́xó 29:23

Mɛ e nɔ yí go ɔ́, goyíyí tɔn ná sɔ́ ɛ kɔn nyi ayǐ; mɛ e ka nɔ sɔ́ éɖée hwe ɔ́, è nǎ sɔ́ ɛ su.

Ezayíi 13:19

Mawu ná gba Babilɔ́nu e nyɔ́ ɖɛkpɛ hú axɔ́súɖuto lɛ́ɛ bǐ é; Babilɔ́nu e Kaludéenu lɛ́ɛ nɔ́ dó yí go é. É ná gba Babilɔ́nu lě e é bló gbɔn nú Sodɔ́mu kpó Gomɔ́ɔ kpó é.

Ezekiyɛ́li 29:3

Xó e nyɛ Aklúnɔ Mavɔmavɔ ɖɔ sɛ́ dó e ɔ́ ɖíe: un ná wa nǔ xá we Ejípu xɔ́sú. Un ná wa nǔ xá we; lǒ ɖaxó ɖé wɛ a nyǐ, bó mlɔ́ tɔ e ɖo to towe mɛ lɛ́ɛ tɛ́ntin, bó nɔ́ ɖɔ: Nilu tɔ ɔ́ kpó ala tɔn lɛ́ɛ kpó ɔ́, nyi wɛ bló yě.

Daniyɛ́li 4:31

Axɔ́sú Nabukodonɔzɔ́ɔ ɖɔ: “Ée xwe tɛ́nwe lɛ́ɛ wá yi ɔ́, un kpɔ́n jǐxwé, bɔ gbɛtɔ́ sín ayixa e un ɖó ɖ'ayǐ ɔ́ lɛ́ wá nú mì. Un dó kú nú Mawu Ajalɔ̌nlɔn e ɖo gbɛ káká sɔ́yi é. Un jɛ mlǎmlá ɛ jí, bó jɛ susu kpa n'i jí ɖɔ: Acɛkpikpa tɔn ɖó dogbó ǎ, axɔ́súɖuɖu tɔn ná nɔ ayǐ káká sɔ́yi.

Xabakúku 1:11

Yě nɔ́ dín jɔhɔn ɖaxó ɖé ɖɔhun, bó nɔ́ lɛ́ yi tɔ́n ɖo fí ɖěvo. Hlɔ̌nhlɔ́n yětɔn wɛ nyí mawu e yě nɔ́ sɛn é.

Luki 14:11

Đó mɛ ɖěbǔ sɔ́ éɖée su ɔ́, è nǎ sɔ́ ɛ hwe; mɛ e ka sɔ́ éɖée hwe ɔ́, è nǎ sɔ́ ɛ su.”

Luki 14:9

Mɛ e ylɔ́ we, bó ylɔ́ é lɔmɔ̌ ɔ́ táá wá ɖɔ nú we ɖɔ: ‘Sí te, bó ná tɛn nya élɔ́’, hwenɛ́nu ɔ́, tɛnmɛ ba gbé wɛ a xwe ɖo gǔdo bǐ nɛ́, bɔ é ná nyí winnyá nú we.

1 Kɔlɛ́ntinu 10:31

Nǔ ɖu wɛ mi ɖe oo, ahan nu wɛ mi ɖe oo, abǐ nǔ ɖěbǔ wa wɛ mi ɖe hǔn, mi bló bǐ, bó dó sɔ́ Mawu su.

1 Piyɛ́ɛ 5:5

Mɔ̌ ɖokpó ɔ́, mi mɛwínnyáwínnyá lɛ́ɛ mi, mi ɖó ná nɔ́ hwíhwɛ́ miɖée dó mɛ e nyí mɛxó nú mi lɛ́ɛ glɔ́; mi bǐ ní nɔ sɔ́ miɖée hwe, bó ná nɔ wa azɔ̌ nú miɖée, ɖó Mawuxówéma ɔ́ ɖɔ: “Mawu nɔ ɖe kɔ dó goyítɔ́ lɛ́ɛ; lo ɔ́, é nɔ nyɔ́ xomɛ dó mɛ e nɔ sɔ́ yěɖée hwe lɛ́ɛ wú.”

Nǔɖexlɛ́mɛ 14:8

Wɛnsagun wegɔ́ ɔ́ jɛ nukɔntɔn ɔ́ gúdo, bó ɖɔ: “É jɛ ayǐ lóóo! Toxo ɖaxó e è nɔ ylɔ́ ɖɔ Babilɔ́nu ɔ́ jɛ ayǐ lóóo. É ná vɛ̌ɛn tɔn to lɛ́ɛ bǐ. Aga e é lɛ ɔ́ sín vɛ̌ɛn baɖabaɖa ɔ́, é ná to lɛ́ɛ bǐ bɔ yě nu!”

Nǔɖexlɛ́mɛ 16:19

Toxo ɖaxó ɔ́ má ɖó atɔn, bɔ toxo e gbɔn to lɛ́ɛ bǐ mɛ lɛ́ɛ gba hánnyá. Mawu wɔn Babilɔ́nu ɖaxó ɔ́ ǎ; é ná ɛ xomɛsin tɔn ɖaxó ɔ́ sín vɛ̌ɛn e ɖo sinnugannú tɔn mɛ ɔ́, bɔ é nu.

Nǔɖexlɛ́mɛ 17:5

È wlǎn nyǐkɔ ɖé dó nukɔn tɔn; nyǐkɔ ɔ́ búdo. È wlǎn ɖɔ: “Babilɔ́nu ɖaxó ɔ́, agalɛtɔ́ lɛ́ɛ kpó suɖunú gbɛ ɔ́ tɔn lɛ́ɛ kpó sín nɔ.”

Nǔɖexlɛ́mɛ 18:10

Yě ná ɖo xɛsi ɖi nú wǔvɛ́ e é ná mɔ lɛ́ɛ wɛ, bó ná nɔ zɔ, bó ná nɔ ɖɔ: “Awo! Awo! Babilɔ́nu toxo ɖaxó, toxo hlɔ̌nhlɔ́nnɔ! È sɔ́ ganxixo ɖokpó géé ɖó te, bó dó ɖó hwɛ nú we!”

Nǔɖexlɛ́mɛ 18:21

Hwenɛ́nu ɔ́, wɛnsagun hlɔ̌nhlɔ́nnɔ ɖé zé awǐnnya sé ɖaxó ɖɔhun ɖé nyi dó xu mɛ bó ɖɔ: “Lě e è nǎ zé toxo ɖaxó Babilɔ́nu ɔ́ nyi dó do, kpó hlɔ̌nhlɔ́n kpó gbɔn ɔ́ nɛ́, bɔ è sɔ́ ná mɔ ɛ gbeɖé ǎ.