Daniyɛ́li 4:3 - MAWUXÓWÉMA

³ Énɛ́ ɔ́, un ɖɔ è nǐ kplé nǔnywɛ́tɔ́ e ɖo Babilɔ́nu lɛ́ɛ bǐ, bónú yě ná tín dlɔ̌ ɔ́ mɛ nú mì.

Daniyɛ́li 4:3 Iomraidhean Croise

Jɔ̌bu 25:2

Mawu ɔ́, hlɔ̌nhlɔ́n tɔn d'agba bó jí wǔ. É bló bɔ fífá tíin ɖo jǐxwé aga.

Ɖɛhan 104:24

Mawu Mavɔmavɔ, nǔɖíɖó towe lɛ́ɛ sukpɔ́ lóóo! A blǒ nǔ énɛ́ bǐ kpó nǔnywɛ́ kpó. Nǔ e a blǒ lɛ́ɛ wɛ gɔ́ ayǐkúngban ɔ́ jí.

Ɖɛhan 105:27

Mɔyízi kpódó Aalɔ́ɔn kpó jlɛ́ nǔjíwǔ tɛnmɛ tɛnmɛ ɖo Ejípu togun ɔ́ mɛ, ɖo Mawu sín nyǐkɔ mɛ; yě jlɛ́ nǔ tɛnmɛ tɛnmɛ ɖo Cámu.

Ɖɛhan 145:13

Axɔ́súɖuɖu towe ɔ́, axɔ́súɖuɖu mavɔ mavɔ wɛ, bɔ gǎnhúnǔ towe ɖo te káká sɔ́yi.

Ɖɛhan 66:7

É sɔ́ gǎnhúnǔ tɔn dó ɖu axɔ́sú, bó ná ɖu káká sɔ́yi. Nukún tɔn ɖo akɔta lɛ́ɛ jí. Mɛ e nɔ fɔ́n gǔ dó jǐ tɔn lɛ́ɛ ní má yí nugo ó. Agbɔ̌n

Ɖɛhan 72:18

Jɛlijɛli nú Mawu Mavɔmavɔ, Mawu Izlayɛ́li tɔn. É ɖokpónɔ jɛ́n nɔ́ wa nǔjíwǔ lɛ́ɛ.

Ɖɛhan 77:19

jǐ towe ɖo gbe dó wɛ ɔ́, é nɔ́ lɛ́ ɖo wun kɛ wɛ; é nɔ́ kɛ wun gbɔn aɖisí amyɔ, bɔ gbɛ ɔ́ mɛ bǐ nɔ́ za wě; ayǐkúngban ɔ́ dán wǔ bó sísɔ́.

Ɖɛhan 86:10

Đó a d'agba, a nɔ wa nǔjíwǔ, hwi ɖokpónɔ wɛ nyí Mawu.

Ɖɛhan 92:5

Mawu Mavɔmavɔ, a nɔ sɔ́ nǔ e a blǒ lɛ́ɛ dó dó xomɛhunhun nú mì. Un nɔ ji han kpó awǎjijɛ kpó dó kpa nǔ e a sɔ́ alɔ towe dó bló lɛ́ɛ é.

Ezayíi 25:1

Mawu Mavɔmavɔ, hwi wɛ nyí Mawu ce; un jló ná sɔ́ we su, un jló ná ji han dó kpa susu nú nyǐkɔ towe, ɖó a blǒ nǔ ɖagbe ɖagbe gěgé. Nǔ énɛ́ lɛ́ɛ ɖe din ɔ́, é kó lín, bɔ è hɛn ɔ́, è nǎ ɖeji dó yě wú.

Ezayíi 28:29

Walɔ énɛ́ e glesi ɖó ɔ́, Mawu Mavɔmavɔ Nǔbǐwúkpétɔ́ ɔ́ wɛ ná ɛ; Mawu ɔ́, nǔkplɔ́nmɛ tɔn nyɔ́ bó vɛ́ jlɛ́; nǔnywɛ́ tɔn d'agba.

Ezayíi 9:7

Aklúnɔ ɖɔ xó dó Jakɔ́bu ví lɛ́ɛ wú; xó e é ɖɔ ɔ́ jɛ dó axɔ́súɖuto Izlayɛ́li tɔn ɔ́ jí.

Jelemíi 10:10

Lo ɔ́, Mawu Mavɔmavɔ wɛ nyí Mawu ɖokpó e tíin é; é wɛ nyí Mawu, bó nyí axɔ́sú káká yi káká sá. È sin xomɛ ɔ́ ayǐkúngban nɔ dán wǔ, akɔta lɛ́ɛ nɔ́ sixú nɔ te xomɛsin tɔn nukɔn ǎ.

Daniyɛ́li 2:2

Énɛ́ ɔ́, é ɖɔ è nǐ ylɔ́ nǔkantɔ́ lɛ́ɛ, majíkiblótɔ́ lɛ́ɛ, azětɔ́ lɛ́ɛ, kpó azɔnɖatɔ́ lɛ́ɛ kpó wá, bónú yě ná ɖɔ nǔ e émí mɔ ɖo dlɔ̌ mɛ ɔ́ nú émí. Ée yě wá ɔ́, yě nɔ te ɖo nukɔn tɔn,

Daniyɛ́li 2:44

Axɔ́sú énɛ́ lɛ́ɛ sín hwenu ɔ́, Mawu sɛ́xwé tɔn ná ɖe axɔ́súɖuto e mɛɖé má sixú gba ǎ é ɖokpó tɔ́n. Acɛkpikpa tɔn ná jɛ akɔta ɖěvo sí gbeɖé ǎ. Axɔ́súɖuto énɛ́ ɔ́ ná gba axɔ́súɖuto e ko ɖo ayǐ lɛ́ɛ bǐ, bó ná hu acɛ nú yě, bɔ yě sɔ́ ná tíin nyǐ ǎ. Lo ɔ́, éyɛ́ ná nɔ te káká sɔ́yi.

Daniyɛ́li 4:17

Mɛ mɔ atín syɛ́nsyɛ́n ɖaxó ɖokpó, bɔ ala tɔn lɛ́ɛ ɖi ga káká yi sɔ́ jǐnukúnsin, bɔ gbɛ ɔ́ bǐ nɔ́ mɔ.

Daniyɛ́li 7:14

È ná ɛ acɛkpikpa kpó susu kpó, kpódó axɔ́súɖuɖu kpó, bónú togun lɛ́ɛ, akɔta lɛ́ɛ kpódó gbɛtɔ́ e nɔ dó gbe alɔkpa alɔkpa lɛ́ɛ kpó bǐ ná sɛn ɛ. Acɛkpikpa tɔn nyí acɛkpikpa ɖé, bó ná nɔ ayǐ káká sɔ́yi; é ná ɖó vivɔnu ǎ, mɛɖé ká ná sixú gba axɔ́súɖuto tɔn gbeɖé ǎ.

Daniyɛ́li 7:27

Axɔ́súɖuto e ɖo ayǐkúngban ɔ́ jí lɛ́ɛ bǐ sín axɔ́súɖuɖu kpó acɛkpikpa kpó, kpódó susu yětɔn kpó ná húzú togun mímɛ́ Mawu Ajalɔ̌nlɔn tɔn ɔ́ tɔn. Togun mímɛ́ ɔ́ ná ɖu axɔ́sú káká yi mavɔ mavɔ, bɔ hlɔ̌nhlɔ́n e ɖo gbɛ ɔ́ mɛ lɛ́ɛ bǐ ná nɔ acɛ tɔn mɛ, bó ná nɔ́ se tónú n'i, bó ná nɔ́ sɛn ɛ.’

Hlɔ̌manu 11:33

Fɛ́nú Mawu tɔn d'agba lóóo! Nǔnywɛ́ tɔn kpó nǔtunwuntunwun tɔn kpó gɔ́ngɔ́n lóóo! Mɛ̌ ka sixú tín gbeta e é nɔ ɖe tɔ́n lɛ́ɛ é mɛ? Mɛ̌ ka sixú mɔ nukúnnú jɛ tito tɔn lɛ́ɛ wú?

Sɛ́nflínmɛ 4:34

Nǔmɛsɛn tɛ́ ka tíin, bó sí te bó zán hlɔ̌nhlɔ́n bǐ, bó jlɛ́ nǔ, bó wa nǔjíwǔ, bó wa nǔ hu ado, nǔ syɛ́nsyɛ́n bǐ dó yí togun tɔn sín kɛntɔ́ sín acɛ mɛ kpɔ́n? É ɖe kpɔ́n ǎ; lo ɔ́, Mawu Mavɔmavɔ, Mawu mitɔn kɛ́ɖɛ́ wɛ nyí Mawu e yí mi gbɔn mɔ̌ ɖo Ejípu, bɔ mi gosín kannumɔgbénu lě e mi ɖésú mɔ gbɔn kpó nukún mitɔn kpó é.

1 Timɔtée 1:17

Axɔ́sú mavɔ mavɔ e ma nɔ kú gbeɖé ǎ ɔ́, axɔ́sú e è ma nɔ mɔ ǎ é, axɔ́sú e nyí Mawu ɖokpó géé ée tíin é; è nǐ wlí yɛ̌yi n'i, bó kpa susu n'i káká sɔ́yi mavɔ mavɔ. Amǐ.

Eblée 1:8

Lo ɔ́, Mawu ɖɔ dó vǐ ɔ́ wú ɖɔ: “Óo! Mawu, axɔ́súzinkpo towe ɖo te káká sɔ́yi. Hwɛjijɔ jí wɛ axɔ́súɖuɖu towe jínjɔ́n.

Eblée 2:4

Azɔn ɖokpó ɔ́, Mawu ɖe wuntun tɛnmɛ tɛnmɛ lɛ́ɛ xlɛ́, bó jlɛ́ nǔ tɛnmɛ tɛnmɛ kpódó nǔdábaɖa tɛnmɛ tɛnmɛ kpó gbɔn yě jí, bó dó ɖe xlɛ́ ɖɔ émí yí gbe nú kúnnuɖiɖe yětɔn. É lɛ́ má Yɛsinsɛn sín nǔníná lɛ́ɛ lě e é jló e gbɔn é.

1 Piyɛ́ɛ 4:11

Ényí mɛɖé ɖo Wɛn Ɖagbe jlá wɛ hǔn, ní nyí Mawuxó; ényí mɛɖé ɖo Mawuzɔ́ wa wɛ hǔn, ní wa kpó hlɔ̌nhlɔ́n e Mawu ná ɛ ɔ́ kpó, bónú è nǎ kpa susu nú Mawu ɖo nǔ bǐ mɛ, gbɔn Jezu Klísu e nyí susunɔ, bó nyí hlɔ̌nhlɔ́nnɔ káká sɔ́yi ɔ́ jí! Amǐ!

Nǔɖexlɛ́mɛ 11:15

Énɛ́ ɔ́ gúdo ɔ́, wɛnsagun Mawu tɔn tɛ́nwegɔ́ ɔ́ kún kpɛn, bɔ gbe ɖaxó ɖé lɛ́ɛ ɖi ɖo jǐxwé bó ɖɔ: “Axɔ́súɖuɖu gbɛ ɔ́ tɔn nyí Aklúnɔ mǐtɔn kpó Klísu tɔn kpán tɔn lo! Bɔ é ná ɖu axɔ́sú káká sɔ́yi.”