Daniyɛ́li 4:20 - MAWUXÓWÉMA

²⁰ Mɛ ka mɔ wɛnsagun Mawu tɔn ɖokpó jɛ te sín jǐxwé, bó wá ná gbe ɖɔ: mi gbo atín ɔ́, bó sú kún tɔn dó. Amɔ̌, mi jó atínta ɔ́ kpó ɖɔ lɛ́ɛ kpó dó nyi zunkan ɔ́ mɛ, bó to gan kpó ganvɔ kpó lɛ́ lɛ̌ dó. Ahǔn ní ja dó jǐ tɔn, bónú nǔ e nɔ xá kanlin lɛ́ɛ ɔ́ ní xá é lɔmɔ̌ káká nú xwe tɛ́nwe.”

Daniyɛ́li 4:20 Iomraidhean Croise

Ezekiyɛ́li 31:16

Ée un zin atín énɛ́ ɔ́ dɛ́, bɔ é ná yi mɔ mɛ e ko kú lɛ́ɛ ɔ́, gbɛ ɔ́ bǐ se hwenu e é jɛ ayǐ é, bó nɔ́ sísɔ́. Ɖo doxwé ɔ́, atín Edɛ́ni tɔn lɛ́ɛ kpó atín ɖagbe ɖagbe Libáan tɔn e nɔ mɔ sin ganjí lɛ́ɛ kpó bǐ ká se bó nɔ́ j'awǎ.

Ezekiyɛ́li 31:3

Asilíi wú wɛ un ná jlɛ́ we dó! Asilíi ɔ́, sɛ́dlutín wɛ, sɛ́dlutín Libáan tɔn wɛ. Ala tɔn lɛ́ɛ nyɔ́ ɖɛkpɛ káká, é dó ama ɖo gbɛ mɛ, yɛtɛn tɔn kpé fí bǐ, é yi jǐ káká bɔ ɖa tɔn byɔ́ akpɔ́kpɔ́ mɛ.

Daniyɛ́li 4:21

Sɛ́mɛɖó, dlɔ̌ e mɛ kú ɔ́ tínmɛ tɔn ɖíe: lě e gbeta e Mawu Ajalɔ̌nlɔn ɔ́ ɖe tɔ́n dó mɛ wú ɔ́ ɖɔ gbɔn ɔ́,