Daniyɛ́li 4:2 - MAWUXÓWÉMA

² É wá su zǎn mɛ gbe ɖokpó, bɔ un ɖo ayǐmlɔ́mlɔ́ ɖo adɔ̌zan ce jí, lobo kú dlɔ̌ ɖokpó, bɔ é ɖó adohu nú mì. Nǔ e un mɔ ɖo dlɔ̌ ɔ́ mɛ ɔ́ dó xɛsi nú mì.

Daniyɛ́li 4:2 Iomraidhean Croise

Jɔ̌bu 7:14

a nɔ dó xɛsi mì ɖo amlɔ mɛ; nǔ e a nɔ ɖe xlɛ́ mì ɔ́ nɔ́ dó adohu nú mì.

Ɖɛhan 51:14

Nǎ awǎjijɛ mì ɖó hwlɛ̌n e a hwlɛ̌n mì gán é wú. Sɔ́ ayixa e nɔ ɖɔ bó nɔ́ bló ɖ'é jí é dó xomɛ nú mì.

Ɖɛhan 65:9

Mɛ e ɖo ayǐkúngban ɔ́ jí é bǐ ɖo xɛsi jí káká yi fí e gbɛ ɔ́ kponu ɖó é, ɖó nǔjíwǔ e a nɔ bló lɛ́ɛ wú. A nɔ dó xomɛhunhun nú gbɛtɔ́ lɛ́ɛ, sín zǎnzǎn hwe jí káká yi gbada hwe jí.

Ɖɛhan 66:16

Mi mɛ e ɖó sísí nú Mawu lɛ́ɛ e mi, mi bǐ wá ɖótó bó se; mi wá má kpi tan nú mi; má ɖɔ nǔ e Mawu wa nú mì lɛ́ɛ nú mi ná se.

Ɖɛhan 71:18

Mɔ̌ ɖokpó ɔ́, Mawu ce, hɛn mì káká yi kpikpo hwenu; hwenu e ɖa e ɖo ta ce ɔ́ bǐ ná nyí hwa ɔ́, ma jó mì dó ó; énɛ́ ɔ́, un nǎ ɖɔ lě e a ɖǒ hlɔ̌nhlɔ́n sɔ é nú din ví lɛ́ɛ, un nǎ ɖɔ lě e a kpé nǔ wú gbɔn é nú mɛ e ná wá jɔ sɔ lɛ́ɛ.

Daniyɛ́li 2:1

Hwenu e axɔ́sú Nabukodonɔzɔ́ɔ ɖo xwe we bló wɛ ɖo zinkpo jí ɔ́, é kú dlɔ̌ ɖokpó, bɔ ayi tɔn bǐ gbadó, bɔ adɔ̌ vɛ́ ɛ.

Daniyɛ́li 3:26

Axɔ́sú Nabukodonɔzɔ́ɔ ka sɛkpɔ́ myɔkpó ɔ́, bó sú xó bó ɖɔ: “Cadlaki! Mɛcáki! Abɛ́di-Nɛgó! Mɛsɛntɔ́ Mawu Ajalɔ̌nlɔn tɔn lɛ́ɛ e mi! Mi tɔ́n bó wá!” Tlóló tɛn tɔn mɛ ɔ́, Cadlaki kpó Mɛcáki kpó, kpódó Abɛ́di-Nɛgó kpó tɔ́n sín myɔkpó ɔ́ mɛ.

Daniyɛ́li 4:17

Mɛ mɔ atín syɛ́nsyɛ́n ɖaxó ɖokpó, bɔ ala tɔn lɛ́ɛ ɖi ga káká yi sɔ́ jǐnukúnsin, bɔ gbɛ ɔ́ bǐ nɔ́ mɔ.

Daniyɛ́li 4:24

Énɛ́ ɔ́ wú ɔ́, Sɛ́mɛɖó, mɛ ná kɛnklɛ́n bó yí gbe nú nǔ e kplɔ́n mɛ gbé un ja é: mɛ ná jó hwɛ e mɛ nɔ hu lɛ́ɛ dó; mɛ ná lɛ́ kɔ sín nǔ e mɛ nɔ wa nyi do lɛ́ɛ gúdo, bó ná nɔ́ wa nǔ jlɔ́jlɔ́. Mɛ ná nɔ́ nyɔ́ xomɛ dó wamamɔnɔ lɛ́ɛ wú. Mɛ ɖo nǔ wa gbɔn mɔ̌ wɛ ɔ́, afɔ nyɔ́ ɔ́, nǔ ná nyɔ́ nú mɛ yi nukɔn.

Daniyɛ́li 4:25

Nǔ e ɖo nǎ jɛ wɛ bɔ è ɖɔ nú axɔ́sú Nabukodonɔzɔ́ɔ lɛ́ɛ bǐ jɛ.

Daniyɛ́li 4:34

Énɛ́ wú wɛ nyɛ axɔ́sú Nabukodonɔzɔ́ɔ ɖo Mawu jǐxwé tɔn ɔ́ mlá wɛ din, bó ɖo sísɔ́ ɛ su wɛ, bó ɖo susu kpa n'i wɛ. Nǔ e é bló é bǐ wɛ sɔgbe, nǔ e é wa lɛ́ɛ bǐ wɛ nyɔ́. É lɛ́ ɖó acɛ e ná sɔ́ mɛ e ɖo afɔ tɛ ayǐ wɛ lɛ́ɛ hwe é lɔ.”

Daniyɛ́li 5:18

Mawu Ajalɔ̌nlɔn ɔ́ sɔ́ tɔ́ mɛtɔn Nabukodonɔzɔ́ɔ ɔ́ axɔ́sú ɖaxó, bɔ susu kpó yɛ̌yi kpó kpé e.

Daniyɛ́li 6:27

“Un ná gbe ɖɔ mɛ e ɖo axɔ́súɖuto ce sín ayǐkúngban jí lɛ́ɛ bǐ ní ɖó sísí nú Mawu Daniyɛ́li tɔn, bó ɖi xɛsi n'i. É wɛ nyí Mawu gbɛɖe ɔ́. É wɛ ná nɔ ayǐ tɛgbɛ sɔ́yi. Axɔ́súɖuɖu tɔn ná vɔ gbeɖé ǎ. Acɛkpikpa tɔn ná nɔ ayǐ káká sɔ́yi.

Daniyɛ́li 7:25

É ná nylá nu dó Mawu Ajalɔ̌nlɔn ɔ́ wú, bó ná nɔ dó ya nú togun mímɛ́ ɔ́. É ná lin ná húzú togun mímɛ́ ɔ́ sín tito lɛ́ɛ, kpódó sɛ́n tɔn lɛ́ɛ kpó; togun mímɛ́ ɔ́ ná nɔ acɛ tɔn mɛ nú xwe atɔn adaɖé.

Jǎan 4:48

Jezu ka ɖɔ n'i ɖɔ: “Ényí mi ma ko mɔ nǔjíjlɛ́ lɛ́ɛ kpódó nǔdábaɖa lɛ́ɛ kpó ǎ ɔ́, mi ná ɖi nǔ ǎ.”

Jozuwée 7:19

Jozuwée ɖɔ nú Akáni ɖɔ: “Vǐ ce, tunwun ɖɔ Mawu Mavɔmavɔ, Mawu Izlayɛ́li tɔn kló, ɖɔ nǔgbó nú mì. Đɔ nǔ e a wa ɔ́ nú mì; ma hwlá nǔ ɖěbǔ dó mì ó.”