Daniyɛ́li 4:17 - MAWUXÓWÉMA

¹⁷ Mɛ mɔ atín syɛ́nsyɛ́n ɖaxó ɖokpó, bɔ ala tɔn lɛ́ɛ ɖi ga káká yi sɔ́ jǐnukúnsin, bɔ gbɛ ɔ́ bǐ nɔ́ mɔ.

Daniyɛ́li 4:17 Iomraidhean Croise

1 Axɔ́sú 21:25

Mɛ ɖěbǔ ɖe bɔ nǔ e má nyɔ́ Mawu Mavɔmavɔ nukún mɛ ǎ wiwa nɔ víví n'i Akábu ɖɔhun ǎ. Asi tɔn Jezabɛ́li ɔ́ wɛ ká dɔn ɛ d'é mɛ.

2 Tan 28:22

Axɔ́sú Akázi ɖo nukúnmyá mɛ mɔ̌, có bó lɛ́ kpo ɖo hwɛ hu dó Mawu Mavɔmavɔ wɛ.

Ɖɛhan 103:19

Mawu Mavɔmavɔ sɔ́ axɔ́súzinkpo tɔn ɖó jǐnukúnsin; axɔ́súɖuɖu tɔn hú gǎn nǔ bǐ.

Ɖɛhan 12:8

Mawu Mavɔmavɔ, hwi wɛ ná cyɔ́n alɔ mǐ jí, hwi wɛ ná hwlɛ́n mǐ ɖo gbɛtɔ́ alɔkpa énɛ́ lɛ́ɛ sí káká sɔ́yi.

Ɖɛhan 9:16

Akɔta e ma nɔ sɛn we ǎ lɛ́ɛ jɛ do e yě ɖésúnɔ kun ɔ́ mɛ; yě jɛ mɔ e yě ɖésúnɔ ɖó é mɛ.

Tíntɔ́n 9:16

Lo ɔ́, un jó we dó nyi gbɛ bó ná ɖe hlɔ̌nhlɔ́n ce xlɛ́ we, lobɔ nyǐkɔ ce ná gba kpé ayǐkúngban ɔ́ bǐ jí.

Ezayíi 6:3

Yě nɔ́ sú xó sɛ́ dó yěɖée ɖɔ: “Mǐmɛ́! Mǐmɛ́! Mǐmɛ́ wɛ Mawu Mavɔmavɔ Nǔbǐwúkpétɔ́ ɔ́ nyí. Susu tɔn gɔ́ gbɛ ɔ́ bǐ.”

Ezayíi 6:8

Énɛ́ ɔ́, un se Aklúnɔ ɖo kinkanbyɔ́ wɛ ɖɔ: “Mɛ̌ un ka ná sɛ́ dó? Mɛ̌ ka ná nyí gbeyíɖɔ mǐtɔn?” Bɔ un yí gbe n'i ɖɔ: “Nyɛ ná yi, sɛ́ mì dó.”

Ezekiyɛ́li 25:17

Hlɔn e un ná ba yě wú é kpó tó e un ná dɔn nú yě ɔ́ kpó ná dó xɛsi ɖésú. Ényí énɛ́ gbo yě ɔ́, yě ná tunwun ɖɔ nyi wɛ nyí Mawu Mavɔmavɔ.”

Ezekiyɛ́li 7:24

Énɛ́ ɔ́ wú ɔ́, un ná sɛ́ togun e nɔ xo dǎka titewungbe lɛ́ɛ dó to ɔ́ mɛ, bɔ yě ná yǐ xwé yětɔn lɛ́ɛ. Un ná hu acɛ nú gǎnhúnǔtɔ́ énɛ́ lɛ́ɛ e nɔ́ ɖo afɔ tɛ ayǐ wɛ lɛ́ɛ, bɔ è nǎ ɖu sú nú vodún xwé yětɔn lɛ́ɛ.

Daniyɛ́li 11:21

“Mɛ e ná wá mɛ énɛ́ ɔ́ sín tɛnmɛ ɔ́ ná nyí mɛɖé, bɔ mɛ bǐ ná gbɛ́ wǎn n'i; è nǎ sɔ́ ɛ su axɔ́sú ɖɔhun ǎ. To ɔ́ bǐ ná ɖo vivo mɛ, bɔ nya énɛ́ ɔ́ ná dó ahizi, bó ná klá jɛ axɔ́súɖuto ɔ́ nu, bó ná ɖu gǎn.

Daniyɛ́li 2:21

É wɛ nɔ́ húzú hwenu lɛ́ɛ. É wɛ nɔ́ húzú nǔ e ɖo jijɛ wɛ lɛ́ɛ. É wɛ nɔ́ ɖe axɔ́sú sín gǎnzinkpo jí. É wɛ nɔ́ zé mɛ axɔ́sú. É wɛ nɔ́ ná nǔnywɛ́ nǔnywɛ́tɔ́ lɛ́ɛ. É wɛ nɔ́ ná nukúnnú-mɔjɛnǔmɛ nukúnnú-mɔjɛnǔmɛtɔ́ lɛ́ɛ.

Daniyɛ́li 4:2

É wá su zǎn mɛ gbe ɖokpó, bɔ un ɖo ayǐmlɔ́mlɔ́ ɖo adɔ̌zan ce jí, lobo kú dlɔ̌ ɖokpó, bɔ é ɖó adohu nú mì. Nǔ e un mɔ ɖo dlɔ̌ ɔ́ mɛ ɔ́ dó xɛsi nú mì.

Daniyɛ́li 4:25

Nǔ e ɖo nǎ jɛ wɛ bɔ è ɖɔ nú axɔ́sú Nabukodonɔzɔ́ɔ lɛ́ɛ bǐ jɛ.

Daniyɛ́li 7:25

É ná nylá nu dó Mawu Ajalɔ̌nlɔn ɔ́ wú, bó ná nɔ dó ya nú togun mímɛ́ ɔ́. É ná lin ná húzú togun mímɛ́ ɔ́ sín tito lɛ́ɛ, kpódó sɛ́n tɔn lɛ́ɛ kpó; togun mímɛ́ ɔ́ ná nɔ acɛ tɔn mɛ nú xwe atɔn adaɖé.

Hlɔ̌manu 13:1

Gbɛtɔ́ lɛ́ɛ bǐ ɖó ná se tónú nú acɛkpikpa e ɖo to ɔ́ nu lɛ́ɛ, ɖó acɛkpikpa ɖé tíin, bɔ Mawu ma ná gbe tɔn ǎ; acɛkpikpa e tíin lɛ́ɛ ɔ́, Mawu wɛ ɖó yě ayǐ.

1 Kɔlɛ́ntinu 1:28

Nǔ e gbɛtɔ́ lɛ́ɛ mɔ dó mɔ nǔ masɔatɛ́n, nǔ gbɛ́hɛn, nǔ yǎyá ɔ́, Mawu sɔ́ dó gba nǔ e yě sɔ́ dó mɔ nǔgɛ́n é.

1 Timɔtée 5:21

Un ɖo byɔ̌byɔ́ we wɛ syɛ́nsyɛ́n ɖo Mawu nukɔn, ɖo Klísu Jezu nukɔn, ɖo wɛnsagun mímɛ́ Mawu tɔn lɛ́ɛ nukɔn ɖɔ hwi ní se tónú nú sɛ́n énɛ́ lɛ́ɛ. Ma nɔ mɛɖé jí ó; ma ka lɔn nú mɛɖé sín nǔ nyɔ́ nukún towe mɛ hú mɛɖé ɖo nǔwiwa towe lɛ́ɛ mɛ ó.

Nǔɖexlɛ́mɛ 4:8

Nǔɖogbɛ lɛ́ɛ ɖokpó ɖokpó ɖó awa ayizɛ́n; nukún kpé fí bǐ nú yě ɖo wěxo kpódó xomɛ kpó. Yě nɔ gɔn han ji zǎn kéze ǎ; yě nɔ ɖɔ: “Mǐmɛ́! Mǐmɛ́! Mǐmɛ́ wɛ Aklúnɔ Mawu ɔ́ nyí; é tíin ɖ'ayǐ, bó tíin din; é ná wá.”

1 Samuwɛ́li 2:8

É nɔ́ sɔ́ wamamɔnɔ sí te sín kɔ́ mɛ, é nɔ́ sɔ́ lelenɔ sí te sín zunkɔ́ mɛ, é nɔ́ sɔ́ ɛ jínjɔ́n mɛ klogǎn klogǎn lɛ́ɛ há jí, é nɔ́ sɔ́ ɛ ɖó tɛn ɖaxó mɛ. Đó Mawu Mavɔmavɔ tɔn wɛ nyí dotín ayǐkúngban ɔ́ tɔn lɛ́ɛ. Dotín énɛ́ lɛ́ɛ jí wɛ é sɔ́ gbɛ ɔ́ jínjɔ́n.