Daniyɛ́li 4:14 - MAWUXÓWÉMA

¹⁴ “Wɛnsagun lɛ́ɛ wɛ hɛn gbeta énɛ́ ɔ́ wá, bónú mɛ e ɖo gbɛ lɛ́ɛ bǐ ná tunwun ɖɔ Mawu Ajalɔ̌nlɔn ɔ́ wɛ ɖó acɛ dó gbɛtɔ́ lɛ́ɛ bǐ jí, ɖó é nɔ́ ná acɛ mɛ e jló e é. É jló e ɔ́, é ná zé mɛ e gbɛtɔ́ lɛ́ɛ gbɛ́ wǎn ná ɔ́ su.

Daniyɛ́li 4:14 Iomraidhean Croise

Jɔ̌bu 24:20

Étɛ́! Nyɔ̌nu e ji i ɔ́ ná wɔn ɛ; é ná húzú nǔɖuɖu ɖagbe nú wǎnvú; mɛɖé sɔ́ ná flín i vɔ́vɔ́ ǎ. È nǎ fɔ ɖɔ nú nǔ nyanya atín ɖɔhun.

Jelemíi 27:5

“Un bló ayǐkúngban, bó bló gbɛtɔ́ lɛ́ɛ, bó bló kanlin e ɖo ayǐkúngban ɔ́ jí lɛ́ɛ bǐ dó ɖe hlɔ̌nhlɔ́n ce kpódó nǔwúkpíkpé ce kpó xlɛ́. Nǔ e un bló lɛ́ɛ ɔ́, un nɔ ná mɛ e jló mì lɛ́ɛ.

Jelemíi 51:6

Mi hɔn sín Babilɔ́nu to ɔ́ mɛ, mɛ ɖokpó ɖokpó ní hwlɛ́n ta tɔn gán! É má nyí mɔ̌ ǎ ɔ́, mi táá wa dɔn ɖ'é mɛ! Đó hwenu e Mawu Mavɔmavɔ ná ba hlɔn ɔ́ wɛ su. É ná bló xá ɛ lě e é jɛ xá gbɔn é.

Jelemíi 51:9

Lo ɔ́, mɛ ɖěvo lɛ́ɛ ɖɔ: “Mǐ lébe nú Babilɔ́nu, azɔn tɔn ka gbɔ ǎ. Mi wá mǐ jó e dó bó ná yi to mǐtɔn mǐtɔn mɛ. Đó tó e ná dɔn n'i wɛ Mawu ɖe ɔ́ d'agba, é yi jǐxwé káká bó byɔ́ akpɔ́kpɔ́ lɛ́ɛ mɛ.

Ezekiyɛ́li 31:10

“Xó e nyɛ Aklúnɔ Mavɔmavɔ ɖɔ é ɖíe: Sɛ́dlutín ɔ́ su bó yi jǐ káká bɔ ɖa tɔn byɔ́ akpɔ́kpɔ́ mɛ, bɔ goyíyí tɔn fɔ́n ɔ́, é nɔ́ ɖo jijɛ jí wɛ.

Daniyɛ́li 2:21

É wɛ nɔ́ húzú hwenu lɛ́ɛ. É wɛ nɔ́ húzú nǔ e ɖo jijɛ wɛ lɛ́ɛ. É wɛ nɔ́ ɖe axɔ́sú sín gǎnzinkpo jí. É wɛ nɔ́ zé mɛ axɔ́sú. É wɛ nɔ́ ná nǔnywɛ́ nǔnywɛ́tɔ́ lɛ́ɛ. É wɛ nɔ́ ná nukúnnú-mɔjɛnǔmɛ nukúnnú-mɔjɛnǔmɛtɔ́ lɛ́ɛ.

Daniyɛ́li 3:4

Gǎn e ɖo nǔwiwa ɔ́ nu ɔ́ zé gbe yi jǐ, bó sú xó bó ɖɔ: “Atóógbe! Mɛ bǐ ní ɖó tó mì! O togun e wá fí é, akɔta e wá fí é, mɛ e nyí mɛ bó nɔ dó gbe alɔkpa ɖěbǔ é bǐ ní ɖó tó mì.

Daniyɛ́li 4:12

Mi ma ka hɔn atínta ɔ́ kpó ɖɔ tɔn lɛ́ɛ kpó ó, mi jó dó nyi zunkan ɔ́ mɛ. Mi to gan kpó ganvɔ kpó lɛ́ lɛ̌ dó, ahǔn ní ja dó jǐ tɔn, bónú é ní ɖu gběhan kanlin ɖɔhun.

Daniyɛ́li 4:23

Gbeta e ka ɖɔ è nǐ jó atínta ɔ́ kpó ɖɔ tɔn lɛ́ɛ kpó dó ɔ́, tínmɛ tɔn ɖíe: mɛ ná lɛ́ wá ɖu axɔ́sú hwenu e mɛ ná wá tunwun ɖɔ Mawu sɛ́xwé tɔn ɔ́ wɛ kpa acɛ dó nǔ bǐ nu é.

Daniyɛ́li 4:29

È nǎ nya we sín gbɛtɔ́ lɛ́ɛ mɛ. A nǎ yi nɔ gběkanlin lɛ́ɛ tɛ́ntin, bó ná nɔ́ ɖu gběhan nyibú ɖɔhun. A nǎ nɔ mɔ̌ káká nú xwe tɛ́nwe. Énɛ́ ɔ́ gúdo ɔ́, a nǎ wá tunwun ɖɔ Mawu Ajalɔ̌nlɔn ɔ́ ɖó acɛ dó axɔ́súɖuto gbɛtɔ́ lɛ́ɛ tɔn bǐ jí, bó nɔ́ ná acɛ mɛ e jló e é.”

Daniyɛ́li 5:20

Lo ɔ́, ée goyíyí kpó mɛmasí kpó byɔ́ ayi tɔn mɛ ɔ́, è ɖe e sín axɔ́súzinkpo ɔ́ jí, bó yí acɛ bǐ sín así tɔn.

Daniyɛ́li 5:21

È nya ɛ sín gbɛtɔ́ lɛ́ɛ mɛ, bɔ é yi nɔ gběkanlin lɛ́ɛ tɛ́ntin, bó nɔ́ ɖu gběhan nyibú ɖɔhun; ahǔn nɔ́ ɖo jija dó jǐ tɔn wɛ. É nɔ mɔ̌ káká jɛ hwenu e é wá tunwun ɖɔ Mawu Ajalɔ̌nlɔn ɔ́ wɛ kpa acɛ dó axɔ́súɖuɖu gbɛtɔ́ tɔn lɛ́ɛ bǐ jí, bó nɔ́ sɔ́ axɔ́sú mɛ e jló e é.

Matíe 3:10

Asyɔ́ví ɖíe ko ɖo atín lɛ́ɛ sín ɖɔ wú e: atín e ma nɔ ná sínsɛ́n ɖagbe ǎ ɔ́, è nǎ gbo e, bó bɛ́ kɔn nyi myɔ mɛ.

Matíe 7:19

Atín ɖěbǔ ma ná sínsɛ́n ɖagbe ǎ ɔ́, è nɔ gbo e, bo nɔ sɔ́ nyi myɔ mɛ.

Luki 3:9

Asyɔ́ví ɖíe ko ɖo atín lɛ́ɛ sín ɖɔ wú e; atín e má nɔ́ ná sínsɛ́n ɖagbe ǎ lɛ́ɛ ɔ́, è nǎ gbo yě, bó bɛ́ kɔn nyi myɔ mɛ.”

Nǔɖexlɛ́mɛ 10:3

É sú xó tlílí kinnikínní dó gbe ɖɔhun. Ée é sú xó fó ɔ́, so tɛ́nwe lɛ́ɛ dó gbe dó yí gbe n'i.

Nǔɖexlɛ́mɛ 18:2

Wɛnsagun ɔ́ sú xó tlílí bó ɖɔ: “É jɛ ayǐ lóóo, Babilɔ́nu toxo ɖaxó ɔ́ jɛ ayǐ lóóo! Awǒvi lɛ́ɛ sín nɔtɛn wɛ é nyí din, bó nyí bibɛtɛn nú yɛ nyanya alɔkpa alɔkpa lɛ́ɛ bǐ; xɛ blíblí, xɛ gbɛ́ hɛn tɛnmɛ tɛnmɛ lɛ́ɛ bǐ nɔ́ nɔ fínɛ́.