Daniyɛ́li 4:13 - MAWUXÓWÉMA

¹³ È nǎ yí ayi gbɛtɔ́ tɔn sín así tɔn, bó ná ná ɛ ayi kanlin tɔn, bɔ é ná nɔ mɔ̌ káká nú xwe tɛ́nwe.’

Daniyɛ́li 4:13 Iomraidhean Croise

Jɔ̌bu 12:24

É nɔ́ yí nǔnywɛ́ sín gǎn e ɖo to nu lɛ́ɛ sí, bó nɔ́ jó yě dó bɔ yě nɔ́ jɛ flúflú jí gbɔn gbětótló mɛ,

Ɖɛhan 103:20

Wɛnsagun lɛ́ɛ e mi, mi kpa susu nú Mawu Mavɔmavɔ! Mi mɛ e nɔ zé hlɔ̌nhlɔ́n mitɔn dó bló nǔ e é zɔ́n mi lɛ́ɛ, bó nɔ́ dó ɖe xlɛ́ ɖɔ émí se tónú n'i lɛ́ɛ mi, mi kpa susu n'i.

Ɖɛhan 89:7

Mɛ̌ è ka sixú jlɛ́ dó hwi Mawu Mavɔmavɔ wú ɖo jǐnukúnsin? Nǔmɛsɛn lɛ́ɛ ɖě tɛ́ ká yá ga we?

Daniyɛ́li 4:10

“Un ɖo adɔ̌zan ce jí mɔ̌, bó lɛ́ mɔ wɛnsagun ɖokpó jɛ te sín jǐxwé.

Daniyɛ́li 4:17

Mɛ mɔ atín syɛ́nsyɛ́n ɖaxó ɖokpó, bɔ ala tɔn lɛ́ɛ ɖi ga káká yi sɔ́ jǐnukúnsin, bɔ gbɛ ɔ́ bǐ nɔ́ mɔ.

Daniyɛ́li 4:23

Gbeta e ka ɖɔ è nǐ jó atínta ɔ́ kpó ɖɔ tɔn lɛ́ɛ kpó dó ɔ́, tínmɛ tɔn ɖíe: mɛ ná lɛ́ wá ɖu axɔ́sú hwenu e mɛ ná wá tunwun ɖɔ Mawu sɛ́xwé tɔn ɔ́ wɛ kpa acɛ dó nǔ bǐ nu é.

Daniyɛ́li 4:5

É nɔ zaan bɔ Daniyɛ́li lɔmɔ̌ wá mɔ mì. Nya ɖé wɛ bɔ è nɔ lɛ́ ylɔ́ ɛ ɖɔ Bɛluticasáa. Nyǐkɔ énɛ́ ɔ́, vodún ce sín nyǐkɔ mɛ wɛ è ɖe sín . Nya énɛ́ ɔ́, nǔmɛsɛn mímɛ́ lɛ́ɛ sín yɛ ɖo jǐ tɔn. Ée é wá ɔ́, un ɖɔ dlɔ̌ e un kú ɔ́ n'i; un ɖɔ n'i ɖɔ:

Daniyɛ́li 7:1

Xwe e xwe axɔ́sú Babilɔ́nu tɔn Bɛlucasáa yi zinkpo jí ɔ́, Daniyɛ́li mlɔ ayǐ ɖo zan jí, bó kú dlɔ̌, bó mɔ nǔ tɛnmɛ tɛnmɛ ɖo amlɔ mɛ. Ée é yá ɔ́, é wlán dlɔ̌ e é kú ɔ́, bó xa nǔ tají tají e é mɔ ɖo amlɔ mɛ lɛ́ɛ.

Daniyɛ́li 7:17

É ɖɔ nú mì ɖɔ: ‘Kanlin ɖaxó ɛnɛ lɛ́ɛ ɔ́, axɔ́sú ayǐkúngban jí tɔn ɛnɛ sín xlɛ́ wɛ.

Daniyɛ́li 7:23

“Tínmɛ e é ná mì dó kanlin ɛnɛgɔ́ ɔ́ wú ɔ́ ɖíe: ‘Kanlin ɛnɛgɔ́ ɔ́ wɛ nyí axɔ́súɖuto ayǐkúngban jí tɔn ɛnɛgɔ́ ɔ́. Axɔ́súɖuto énɛ́ ɔ́ gbɔn vo nú ɖě lɛ́ɛ bǐ. É ná vúnvún nǔ e ɖo ayǐkúngban ɔ́ jí lɛ́ɛ bǐ. É ná gbídí yě, bó ná gba yě hánnyá.

Daniyɛ́li 8:13

“Un se wɛnsagun ɖokpó sín gbe. Wɛnsagun ɖěvo ka kanbyɔ́ wɛnsagun e sín gbe un se ɔ́ ɖɔ: ‘Hwetɛ́nu nǔ e ɖo jijɛ wɛ lɛ́ɛ ná fó bɔ è ɖɔ ɖo nǔmimɔ ɔ́ mɛ? Káká jɛ hwetɛ́nu wɛ vɔ̌sísá ayǐhɔ́ngbe ayǐhɔ́ngbe tɔn ɔ́ ná nɔ te yi ɖó? Nǔmasɔgbe e ɖo nǔ bǐ gba wɛ ɔ́, káká jɛ hwetɛ́nu é ná gba nǔ yi ɖó te ɖó? Goxɔ ɔ́ kpó nǔɖogbɛ e ɖo sɛ́xwé lɛ́ɛ kpó ɔ́, káká jɛ hwetɛ́nu wɛ yě ná nyí afɔsúnsúnnú yi ɖó?’

Zakalíi 14:5

Énɛ́ ɔ́, mi ná hɔn yi tɔdo e ɖo só ce lɛ́ɛ tɛ́ntin é mɛ, ɖó tɔdo ɔ́ ná gbló ada káká yi Asálu. Mi ná hɔn lě e tɔ́gbó mitɔn lɛ́ɛ hɔn gbɔn hwenu e ayǐkúngban dán wǔ axɔ́sú Judáa tɔn Oziyási hwenu é. Mawu Mavɔmavɔ, Mawu ce ná wá, é kpódó wɛnsagun tɔn lɛ́ɛ bǐ kpó.

Matíe 25:31

“Hwenu nyɛ Gbɛtɔ́ví ɔ́ ná lɛ́ kɔ wá, kpódó susu kpó, ɖo wɛnsagun lɛ́ɛ bǐ tɛ́ntin ɔ́, un ná wá jínjɔ́n axɔ́súzinkpo ce jí,

Maki 1:24

“Étɛ́ wɛ mǐ kpó hwi kpó kpédó, Jezu Nazalɛ́tinu? Kún mǐtɔn sú dó gbé wɛ a ja bo wá a? Un tunwun mɛ e a nyǐ é; mɛ mímɛ́ Mawu tɔn wɛ a nyǐ.”

Luki 4:34

“Yěege! Étɛ́ mǐ kpó hwi kpó ká kpédó, Jezu Nazalɛ́tinu? Kún mǐtɔn sú dó gbé wɛ a ja bó wá a? Un tunwun mɛ e a nyǐ é; mɛ mímɛ́ Mawu tɔ́n wɛ a nyǐ.”

Sɛ́nflínmɛ 33:2

“Mawu Mavɔmavɔ gosín Sinayíi só jí bó wá. É tɔ́n ɖo Seyíi to ɔ́ ta nu hwe ɖɔhun. É tɔ́n ɖo Paláni só lɛ́ɛ jí, bó za wě dó togun ɔ́ bǐ jí. Wɛnsagun wɔ̌buwɔ́bú ɖé xwedó e bɔ é wá mɛ tɔn lɛ́ɛ gɔ́n, bó hɛn sɛ́n ɔ́ alɔ mɛ, bɔ é ɖo jiji wɛ myɔ ɖɔhun.

Judi 1:14

Henɔci e nyí jijimɛ tɛ́nwegɔ́ ɔ́ bɛ́ sín Adámu jí ɔ́, é ko lín xóxó din bɔ é dó wɛn élɔ́ e Mawu sɔ́ dó ayi mɛ n'i ɖɔ é ní dó e; é ɖɔ: “Mi kpɔ́n! Aklúnɔ kpó wɛnsagun mímɛ́ tɔn wɔ̌buwɔ́bú lɛ́ɛ kpó ja, bó ná ɖɔ hwɛ xá mɛ bǐ, bó ná ɖó hwɛ nú mɛdídá lɛ́ɛ bǐ; yě ná bló mɔ̌, ɖó nǔ nyanya e mɛdídá lɛ́ɛ wa hwenu e yě fɔ́n gǔ dó Mawu jí lɛ́ɛ bǐ, kpódó xó baɖabaɖa e hwɛhutɔ́ énɛ́ lɛ́ɛ e ma nɔ ɖó sísí nú Mawu ǎ lɛ́ɛ ɖɔ dó Mawu wú ɔ́ bǐ kpó wútu”. Mɛ énɛ́ lɛ́ɛ wú wɛ wɛn énɛ́ e é dó ɔ́ ɖɔ xó dó.

Nǔɖexlɛ́mɛ 14:10

mɛ énɛ́ ɖésú ná nu vɛ̌ɛn Mawu tɔn; adǎn tɔn sín vɛ̌ɛn e é kɔn akú tɔn dó xomɛsin tɔn sín kɔ́fu mɛ é! Yě mɛ e ɖo nǔ wa gbɔn mɔ̌ wɛ lɛ́ɛ bǐ ná ji ya ɖaxó, ɖo myɔ kpó hwemí kpó mɛ, ɖo wɛnsagun mímɛ́ lɛ́ɛ kpódó Lɛ̌ngbɔ́ví ɔ́ kpán nukɔn.