Daniyɛ́li 4:11 - MAWUXÓWÉMA

¹¹ Wɛnsagun ɔ́ sú xó bó ɖɔ: ‘Mi gbo atín élɔ́, bó já ala tɔn lɛ́ɛ. Mi vúnvún ama tɔn lɛ́ɛ, bó vúnvún sínsɛ́n tɔn lɛ́ɛ, bónú kanlin lɛ́ɛ ní hɔn sín yɛtɛn tɔn, bónú xɛ lɛ́ɛ ní zɔn sín ala tɔn lɛ́ɛ jí.

Daniyɛ́li 4:11 Iomraidhean Croise

Bǐbɛ́mɛ 11:4

Yě lɛ́ ɖɔ: “Din ɔ́, mǐ ní gbá toxo ɖaxó ɖokpó, síngbó ɖaxó ɖokpó, bɔ é ná yi jǐ yi sɔ́ jǐnukúnsin. Énɛ́ ɔ́, nyǐkɔ mǐtɔn ná yi jǐ, bɔ mǐ ná gba kpé ayǐkúngban ɔ́ bǐ jí ǎ.”

Ezekiyɛ́li 31:12

Toɖévomɛnu e nɔ xo dǎka hú mɛ bǐ lɛ́ɛ wá gbo e zindɛ́, bó jó e dó. Ala tɔn lɛ́ɛ kpó ama tɔn lɛ́ɛ kpó gbɔn só ta só ta, tɔdo mɛ tɔdo mɛ. Akɔta tɛnmɛ tɛnmɛ e nɔ wá bɛ yɛ ɖo asá tɔn mɛ lɛ́ɛ bǐ wɛ jó e dó bó hɔn yi.

Ezekiyɛ́li 31:5

É nɔ́ mɔ sin ganjí, énɛ́ wú wɛ é yi jǐ hú atín e ɖo gběhan mɛ lɛ́ɛ bǐ; é zɛ ala kɔn nyi kpɔ́; ala tɔn lɛ́ɛ ɖo ga ɖi wɛ kpowun.

Matíe 11:23

Kafaanawúmu, hwɛ ɔ́ ka lo? È nǎ sɔ́ we yi jǐ káká yi sɔ́ jǐnukúnsin wɛ a vɛdó a? Gbeɖé kpɔ́n! Káká kútomɛ wɛ Mawu ná kpíkpé we nyi; ɖó nǔ e un jlɛ́ ɖo tɛ́ntin towe lɛ́ɛ ɔ́, ényí Sodɔ́mu wɛ un ko jlɛ́ yě ɖe ɔ́, to énɛ́ ɔ́ ná kpo ɖo te káká jɛ égbé.

Sɛ́nflínmɛ 9:1

Mɔyízi ɖɔ: “Izlayɛ́li ví lɛ́ɛ e mi, mi ɖótó mì; mi ɖíe ja Judɛ́ɛn tɔ ɔ́ d'asá gbé e. Mi ná nya akɔta wɔ̌buwɔ́bú ɖé lɛ́ɛ, bó ná yí toxo yětɔn lɛ́ɛ; toxo ɖaxó ɖaxó ɖé lɛ́ɛ wɛ, bɔ è mɛ ahohó lɛ́ lɛ̌ dó bɔ é yi jǐ ɖésú. Akɔta énɛ́ lɛ́ɛ sukpɔ́ hú mi bó syɛ́n hú mi.