Daniyɛ́li 3:9 - MAWUXÓWÉMA

⁹ Yě yí xó bó ɖɔ nú axɔ́sú Nabukodonɔzɔ́ɔ ɖɔ: “Sɛ́mɛɖó, jidɔ́ mɛtɔn ní nyí káká.

Daniyɛ́li 3:9 Iomraidhean Croise

1 Axɔ́sú 1:31

Ée Bɛtisabe se mɔ̌ ɔ́, é jɛ kpo bó ɖe kɔ́ nú axɔ́sú ɔ́, bó ɖɔ: “Susu nú sɛ́mɛɖó ce axɔ́sú Davídi káká sɔ́yi.”

Daniyɛ́li 2:4

Azɔnɖatɔ́ lɛ́ɛ yí gbe nú axɔ́sú ɔ́ dó alamugbe mɛ ɖɔ: “Sɛ́mɛɖó, jidɔ́ mɛtɔn ní nyí káká. Mɛ ní ɖɔ dlɔ̌ e mɛ kú ɔ́ nú mǐ, nú mǐ ná tínmɛ nú mɛ.”

Daniyɛ́li 5:10

Nyɔ̌nu axɔ́si ɔ́ se xó e sú wɛ axɔ́sú ɔ́ kpó tozɔ́watɔ́ tɔn lɛ́ɛ kpó ɖe ɔ́, lobo wá. É byɔ́ xɔ e sá ɖu agɔ̌ ɖe wɛ yě ɖe ɔ́, bó ɖɔ: “Sɛ́mɛɖó, jidɔ́ mɛtɔn ní nyí káká. È ma nú nǔ e lin wɛ mɛ ɖe lɛ́ɛ gba ayi dó nú mɛ ó. É byɔ́ ɖɔ mɛ ná dɔn nukún mɛ nyɔ sɔ mɔ̌ ǎ.

Daniyɛ́li 6:21

Hwenu e axɔ́sú ɔ́ ɖo do ɔ́ sɛkpɔ́ wɛ ɔ́, é ylɔ́ Daniyɛ́li wǔbláwúblá, bó ɖɔ: “Daniyɛ́li mɛsɛntɔ́ Mawu gbɛɖe ɔ́ tɔn! Mawu towe e wú a ɖǒ kan dó bó nɔ́ sɛn ɔ́ ká kpé wú bó hwlɛ́n we gán sín kinnikínní lɛ́ɛ sín fɛn mɛ din a?”

Daniyɛ́li 6:6

Din ɔ́, yě ɖɔ: “Mǐ mɔ nǔ e wú mǐ ná ɖó dó bó dó hwɛ Daniyɛ́li ɔ́ ɖěbǔ ǎ. Ényí mǐ ná mɔ nǔɖé din ɔ́, Mawu e é nɔ́ sɛn ɔ́ sín sɛ́n lixo jɛ́n mǐ nǎ ba ɖe.”

Hlɔ̌manu 13:7

Nǔ e sín axɔ́ mi ɖu lɛ́ɛ ɔ́, mi sú mɛ e mi ɖu dó lɛ́ɛ bǐ. Mi sú kuzú mɛ e mi ɖu kuzú sín axɔ́ dó lɛ́ɛ; mi sú tokwɛ́ mɛ e mi ɖu tokwɛ́ sín axɔ́ dó lɛ́ɛ. Mi sí mɛ e mi ɖó ná sí é; mi wlí yɛ̌yi nú mɛ mi ɖó ná wlí yɛ̌yi ná é.