Daniyɛ́li 3:6 - MAWUXÓWÉMA

⁶ Mɛ e ma ná jɛ kpo bó ɖe kɔ́ nú sikábócyɔ ɔ́ ǎ ɔ́, è nǎ zé e nyi dó myɔkpó e mɛ myɔ hɛhɛ ɖo jiji ɖe wɛ é mɛ ɖo fí din tlóló.

Daniyɛ́li 3:6 Iomraidhean Croise

Bǐbɛ́mɛ 19:28

É kpɔ́n Sodɔ́mu kpó Gomɔ́ɔ kpó sɛ́ dó, bó kpɔ́n to e ɖo ayǐkúngban wɛnjɛ ɔ́ jí lɛ́ɛ bǐ sɛ́ dó, bó mɔ ɖɔ azɔ ɖo sisi wɛ myɔkpó ɖɔhun.

Tíntɔ́n 20:5

Ma jɛ kpo bo ɖe kɔ́ nú yě ó; ma sɛn yě ó, ɖó nyɛ Mawu Mavɔmavɔ, Mawu towe ɔ́, un nɔ ba gbeɖé ɖɔ a nǐ sɛn nǔ ɖěvo zɛ nyɛ wú ǎ; ényí mɛɖé gbɛ́ wǎn nú mì ɔ́, vǐ tɔn lɛ́ɛ ná sún sin tɔn, vǐvú tɔn lɛ́ɛ, vitikli tɔn lɛ́ɛ kpódó kpaba tɔn lɛ́ɛ kpó ná sún sin tɔn.

Ezayíi 44:17

Atín e kpo ɔ́, yě nɔ́ dó kpa bǒcyɔ, bó nɔ́ sɔ́ dó ɖó vodún; yě nɔ́ jɛ kpo ɖo nukɔn tɔn, bɔ mɛ ɖokpó ɖokpó nɔ́ xo ɖɛ bó nɔ́ ɖɔ: “Vodún, hwi wɛ un nɔ sɛn; hwlɛ̌n mì gán.”

Jelemíi 29:22

Énɛ́ ɔ́, è nǎ nɔ zé yě mɛ we lɛ́ɛ sín nyǐkɔ dó dó nu mɛ, ɖo mi Judáanu e ahwan wlí yi Babilɔ́nu lɛ́ɛ tɛ́ntin. È nǎ nɔ́ ɖɔ: Lě e Babilɔ́nu xɔ́sú ɔ́ mɛ ajotín gbeyíɖɔ Sedesíyasi kpó gbeyíɖɔ Akábu kpó tɔn gbɔn ɔ́, Mawu Mavɔmavɔ ní wa nǔ mitɔn gbɔn mɔ̌.

Daniyɛ́li 2:5

Axɔ́sú ɔ́ yí gbe nú yě ɖɔ: “Un ko ɖɔ bó tɛ afɔ jí ɖɔ nú mi ma ɖɔ nǔ e un mɔ ɖo dlɔ̌ e un kú ɔ́ mɛ ɔ́ nú mì, bó ná tínmɛ tɔn mì ǎ ɔ́, un ná já mi lan ɖɔhun, bó ná gba xwé mitɔn bǐ hánnyá.

Daniyɛ́li 3:11

Nú mɛɖé ma ka jɛ kpo bó ɖe kɔ́ ná ǎ ɔ́, è nǎ zé mɛ ɔ́ nyi dó myɔkpó e mɛ zo hɛhɛ ɖe ɔ́ mɛ.’

Daniyɛ́li 3:15

Din ɔ́, mi nɔ acéjí. Mi ná lɛ́ se ahwankpɛn, kpete, kanhún, kpó nǔxonú alɔkpa alɔkpa kpó sín gbe, lobo ná jɛ kpo bó ɖe kɔ́ nú bǒcyɔ ɔ́. Ényí mi ma ɖe kɔ́ ná ǎ ɔ́, è nǎ bɛ́ mi dó myɔkpó e mɛ myɔ ɖo jiji ɖe wɛ hɛhɛ é mɛ din tlóló, bɔ un ná kpɔ́n vodún e ná yí mi sín fɛn ce mɛ é.”

Daniyɛ́li 3:21

Yě mɛ atɔn lɛ́ɛ bǐ ɖo gbagwé kpó cokoto kpó, kpó awu ɖaxó kpó, kpódó gbǎkún kpán mɛ mɔ̌, bɔ è blǎ yě, bó bɛ́ yě nyi dó myɔkpó ɔ́ mɛ.

Daniyɛ́li 3:7

“Énɛ́ ɔ́ wú wɛ hwenu e togun e ɖo fínɛ́ lɛ́ɛ, akɔta e ɖo fínɛ́ lɛ́ɛ, mɛ e nɔ dó gbe tɛnmɛ tɛnmɛ ɖo fínɛ́ lɛ́ɛ se ahwankpɛn, kpete, kanhún kpó nǔxonú alɔkpa alɔkpa bǐ kpó sín gbe é ɔ́, gǎn kpó ahwan kpó bǐ jɛ kpo bó ɖe kɔ́ nú sikábócyɔ e axɔ́sú ɔ́ tun te é.”

Daniyɛ́li 5:19

Susu énɛ́ e Mawu ná ɛ ɔ́ zɔ́n bɔ togun lɛ́ɛ bǐ, akɔta lɛ́ɛ bǐ, kpó mɛ e nɔ dó gbe tɛnmɛ tɛnmɛ lɛ́ɛ é kpó bǐ nɔ́ ɖi xɛsi n'i, bó nɔ́ sísɔ́ ɖo nukɔn tɔn. É nɔ́ ɖó kúhwɛ nú mɛ e jló e é, bó nɔ́ jó mɛ e jló e ɔ́ dó nyi gbɛ. Mɛ ɖé jló e ɔ́, é nɔ́ sɔ́ mɛ ɔ́ su, mɛɖé ká jló e ɔ́, é nɔ́ sɔ́ mɛ ɔ́ hwe.

Daniyɛ́li 6:7

Ée yě ɖɔ mɔ̌ ɔ́, yě ɖidó kpódó zǐngídi kpó, bó yi mɔ axɔ́sú ɔ́, bó ɖɔ n'i ɖɔ: “Axɔ́sú Daliwúsi, jidɔ́ mɛtɔn ní nyí káká.

Matíe 13:42

bó ná bɛ́ yě nyi dó zo mɛ. Fínɛ́ wɛ yě ná ya avǐ, bó ná ɖu aɖǔkún ɖe.

Matíe 13:50

bó ná bɛ́ mɛ nyanya lɛ́ɛ kɔn nyi zo hɛhɛ mɛ. Fínɛ́ wɛ yě ná ya avǐ, bó ná ɖu aɖǔkún ɖe.”

Matíe 4:9

lobo ɖɔ n'i ɖɔ: “Ényí a jɛ kpo, bó ɖe kɔ́ nú mì ɔ́, un ná ná nǔ énɛ́ lɛ́ɛ bǐ we.”

Maki 6:27

Azɔn ɖokpó ɔ́, axɔ́sú ɔ́ sɛ́ sɔ́ja tɔn lɛ́ɛ ɖokpó dó, bó ná ɛ gbe ɖɔ é ní yi gbo Jǎan sín ta wá.

Nǔɖexlɛ́mɛ 14:11

Myɔ e ná dó ya ɖaxó nú yě ɔ́ sín azizɔ ná ɖo sisi wɛ káká sɔ́yi. Zǎn kpó kéze kpó ɔ́, gbɔjɛ́ ɖe nú yě mɛ e sɛn kanlin ɔ́ kpó akpajlɛ́ tɔn lɛ́ɛ kpó é ǎ; é ka ɖe nú mɛ e wú nyǐkɔ tɔn sín wuntun ɖe ɔ́ ɖěbǔ ǎ.”

Nǔɖexlɛ́mɛ 9:2

Sunví ɔ́ hun hɔn dotɔ domaɖó-azan ɔ́ tɔn, bɔ azizɔ ɖé tɔ́n sín mɛ, bó cí kpómɛmyɔ ɖaxó sín azizɔ ɖɔhun. Azizɔ e tɔ́n sín dotɔ ɔ́ mɛ ɔ́ hɛn hwesivɔ́ kpódó gbɛ ɔ́ mɛ kpán wi.