Daniyɛ́li 3:4 - MAWUXÓWÉMA

⁴ Gǎn e ɖo nǔwiwa ɔ́ nu ɔ́ zé gbe yi jǐ, bó sú xó bó ɖɔ: “Atóógbe! Mɛ bǐ ní ɖó tó mì! O togun e wá fí é, akɔta e wá fí é, mɛ e nyí mɛ bó nɔ dó gbe alɔkpa ɖěbǔ é bǐ ní ɖó tó mì.

Daniyɛ́li 3:4 Iomraidhean Croise

Ɛsitɛ́ɛ 8:9

Gbe nɛ́ gbe e ɖo azǎn ko-nukún-atɔngɔ́ ɔ́ nyí wɛ ɖo sun atɔngɔ́ ɔ́ e è nɔ ylɔ́ ɖɔ Siwáni-sun ɔ́ mɛ ɔ́, è ylɔ̌ wěgbójínɔtɔ́ axɔ́sú ɔ́ tɔn lɛ́ɛ bɔ yě wlǎn wěma lě e Maadocée ɖɔ gbɔn nú yě é. É sɛ́ wěma ɔ́ dó Jwifu lɛ́ɛ, bó sɛ́ dó tokpɔngán lɛ́ɛ kpó gǎn hɔn-yitɔ́ lɛ́ɛ kpó gbɔn tokpɔn kantɔn tɛ́nwe (127) e ɖo axɔ́súɖuto ɔ́ mɛ lɛ́ɛ mɛ, bɛ́ sín Ɛndu káká yi Etiopíi. È wlǎn wěma lɛ́ɛ lě e tokpɔn ɖokpó ɖokpó nɔ́ wlán nǔ gbɔn é, bó wlán dó gbe e togun ɖokpó ɖokpó nɔ́ dó ɖo axɔ́súɖuto ɔ́ mɛ é mɛ, bó wlán dó gbe e Jwifu lɛ́ɛ nɔ́ dó é mɛ, bó wlán lě e yě nɔ́ wlán nǔ gbɔn é.

Ezayíi 40:9

Jeluzalɛ́mu togun, xá só ɖaxó ɖokpó jí. Sinyɔ́ɔ togun, sú xó kpó hlɔ̌nhlɔ́n towe bǐ kpó. È dǒ wɛn ɖagbe ɖé we. Sú xó bó dó wɛn ɔ́; ma ɖi xɛsi ó. Đɔ nú Judáa toxo lɛ́ɛ ɖɔ: “Mi kpɔ́n Mawu mitɔn.

Ezayíi 58:1

Mawu ɖɔ: “Sú xó kpó hlɔ̌nhlɔ́n kpó, ma gɔn xó sú ó. Sú xó nú gbe towe ní yi zɔ lanzo ɖɔhun; sú xó bó ɖɔ nǔ e wa nyi do wɛ togun ce ɖe ɔ́ n'i, ɖɔ hwɛ e hu wɛ Jakɔ́bu ví lɛ́ɛ ɖe é nú yě.

Daniyɛ́li 3:10

Mɛ ɖésú wɛ ɖe gbeta tɔ́n ɖɔ: ‘Mɛ ɖěbǔ se ahwankpɛn, kpete, kanhún, kpó nǔxonú alɔkpa alɔkpa kpó sín gbe ɔ́, é ná jɛ kpo bó ɖe kɔ́ nú bǒcyɔ e è sɔ́ sikánú dó bló é.

Daniyɛ́li 3:3

Azɔ̌watɔ́ ɖaxó ɖaxó énɛ́ lɛ́ɛ wá kplé ɖo bǒcyɔ ɔ́ nukɔn, bó ná nɔ nǔwiwa ɔ́ tɛnmɛ.

Daniyɛ́li 3:7

“Énɛ́ ɔ́ wú wɛ hwenu e togun e ɖo fínɛ́ lɛ́ɛ, akɔta e ɖo fínɛ́ lɛ́ɛ, mɛ e nɔ dó gbe tɛnmɛ tɛnmɛ ɖo fínɛ́ lɛ́ɛ se ahwankpɛn, kpete, kanhún kpó nǔxonú alɔkpa alɔkpa bǐ kpó sín gbe é ɔ́, gǎn kpó ahwan kpó bǐ jɛ kpo bó ɖe kɔ́ nú sikábócyɔ e axɔ́sú ɔ́ tun te é.”

Daniyɛ́li 4:1

“Nyɛ axɔ́sú Nabukodonɔzɔ́ɔ ɔ́, xwíí wɛ un ɖe ɖo xwé ce gbe, bó ɖo gbɛ ce ɖu wɛ ɖo hɔn ce mɛ.

Daniyɛ́li 4:14

“Wɛnsagun lɛ́ɛ wɛ hɛn gbeta énɛ́ ɔ́ wá, bónú mɛ e ɖo gbɛ lɛ́ɛ bǐ ná tunwun ɖɔ Mawu Ajalɔ̌nlɔn ɔ́ wɛ ɖó acɛ dó gbɛtɔ́ lɛ́ɛ bǐ jí, ɖó é nɔ́ ná acɛ mɛ e jló e é. É jló e ɔ́, é ná zé mɛ e gbɛtɔ́ lɛ́ɛ gbɛ́ wǎn ná ɔ́ su.

Daniyɛ́li 6:25

Axɔ́sú ɔ́ ná gbe ɖɔ è nǐ yi wlí mɛ e wá slɛ́ Daniyɛ́li lɛ́ɛ wá; ée è wlǐ yě ɔ́, è bɛ̌ yě kpó asi yětɔn lɛ́ɛ kpó, kpó vǐ yětɔn lɛ́ɛ kpó nyi dó kinnikínnído ɔ́ mɛ. Yě ná jɛ do ɔ́ mɛ kpó nǎ gbɔ kpó ɔ́, kinnikínní lɛ́ɛ zɔn yě jí, bó gba xú yětɔn lɛ́ɛ bǐ.

Ozée 5:11

È dǒ ya nú akɔta Eflayímu tɔn ɔ́, bɔ hwɛ e è ɖǒ n'i ɔ́ zɔ́n bɔ é gba bǐ, ɖó é wa nǔ e jló e lɛ́ɛ.

Micée 6:16

Jujɔ nyanya e axɔ́sú Ɔmúli zán bɔ vǐ tɔn Akábu kpó hɛ̌nnu tɔn kpó zán ɔ́ xwedó wɛ a ɖe. A nɔ se gbe nú yě. Énɛ́ ɔ́ wú wɛ un ná ɖɔ bɔ è nǎ gba to towe, un ná ɖɔ bɔ gbɛtɔ́ lɛ́ɛ ná nɔ ko mi mɛ e ɖ'é mɛ lɛ́ɛ. Mi na ɖu winnyá e togun ce ɖó ná ɖu é.

Nǔɖexlɛ́mɛ 5:9

Yě ɖo han yɔ̌yɔ́ ɖé ji wɛ ɖɔ: “A nyǐ mɛ e jɛ xá bó ná yí wěma ɔ́, bó gba wuntun lɛ́ɛ é; ɖó è hu we, bɔ gbɔn hun towe gbla mɛ ɔ́, a xɔ gbɛ nú gbɛtɔ́ lɛ́ɛ nú Mawu, ɖo gbe lɛ́ɛ bǐ mɛ, ɖo togun lɛ́ɛ bǐ mɛ, ɖo to lɛ́ɛ bǐ mɛ.