Daniyɛ́li 3:29 - MAWUXÓWÉMA

²⁹ Énɛ́ ɔ́ wú wɛ un ɖo gbeta élɔ́ ɖe tɔ́n wɛ: ‘Ényí mɛ ɖěbǔ tíin, mɛ ɔ́ sixú nyí togun ɖěbǔ mɛ nu, é sixú tɔ́n sín akɔta ɖěbǔ mɛ, é sixú nɔ dó gbe alɔkpa alɔkpa ɖěbǔ, bó ɖɔ xó nyanya ɖé dó Mawu Cadlaki kpó Mɛcáki kpó Abɛ́di-Nɛgó kpó tɔn wú gbeɖé ɔ́, è nǎ já mɛ énɛ́ ɔ́, bó ná gúdú xwé tɔn, bɔ é ná húzú zunkɔ́ta. Ɖó vodún ɖěbǔ ɖe bó ná sixú hwlɛ́n mɛ gán Mawu yětɔn ɖɔhun ǎ.’ ”

Daniyɛ́li 3:29 Iomraidhean Croise

2 Axɔ́sú 10:27

Yě flí Baalu wínnya e yě tun te bó nɔ sɛn lɛ́ɛ xwe, bó gba xɔ tɔn, bó kun adado ɖó fínɛ́, bɔ yě kpo ɖo fínɛ́ káká jɛ égbé.

Ɛsidlási 6:11

Mɛ ɖé ma bló ɖó xó e un ɖɔ nɛ́ lɛ́ɛ jí ǎ ɔ́, un ná gbe ɖɔ è nǐ ɖe xɔtín tɔn nu xwíɖíxwíɖí ɖokpó, bó tun te bó sɔ́ ɛ slɔ́ nu, lobo zé xwé tɔn dó húzú zunkɔ́ta.

Ɖɛhan 3:8

Mawu Mavɔmavɔ, Mawu ce, sí te, hwlɛ̌n mì, ɖó hwi wɛ nɔ xo tómɛ nú kɛntɔ́ ce lɛ́ɛ, hwi wɛ nɔ wɛ́n aɖǔ mɛdídá lɛ́ɛ.

Ɖɛhan 76:10

hwenu e a sí te bo ná ɖɔ hwɛjijɔ é, hwenu e a sí te bó ná hwlɛ́n mɛ e è dǒ winnyá lɛ́ɛ gán é. Agbɔ̌n

Daniyɛ́li 1:19

Axɔ́sú ɔ́ ɖɔ xó xá yě, bó mɔ ɖɔ mɛ ɖé kún ɖo yě mɛ bó ɖó nǔnywɛ́ sɔ Daniyɛ́li kpó Hananiya, kpó Micaɛ́li kpódó Azalya kpó ó. Bɔ yě mɛ ɛnɛ énɛ́ lɛ́ɛ jɛ azɔ̌ wa jí.

Daniyɛ́li 1:7

Mɛ e kpa acɛ nú mɛ e nɔ wa azɔ̌ ɖo hɔnmɛ lɛ́ɛ ɔ́ ná nyǐkɔ ɖěvo yě. É sun nyǐ Daniyɛ́li ɖɔ Bɛluticasáa, bó sun nyǐ Hananiya ɖɔ Cadlaki, bó sun nyǐ Micaɛ́li ɖɔ Mɛcáki, bó sun nyǐ Azalya ɖɔ Abɛ́di-Nɛgó.

Daniyɛ́li 2:17

Énɛ́ ɔ́ gúdo ɔ́, Daniyɛ́li lɛ́ kɔ wá yi xwé gbe, bó wlí xó ɔ́ ɖɔ nú hǎgbɛ́ tɔn Hananiya, Micaɛ́li kpó Azalya kpó,

Daniyɛ́li 2:47

Bó ká ɖɔ nú Daniyɛ́li ɖɔ: “Mawu mitɔn hú gǎn vodún lɛ́ɛ bǐ nǔgbó; é wɛ nyí Aklúnɔ axɔ́sú lɛ́ɛ tɔn. É ɖokpó jɛ́n nɔ ɖe nǔbúdo lɛ́ɛ xlɛ́ mɛ; ɖó é bló din bɔ dlɔ̌ élɔ́ e mɛ un má mɔ nǔ jɛ ǎ ɔ́, a kpé wú bó tínmɛ nú mì.”

Daniyɛ́li 2:49

Daniyɛ́li byɔ́ axɔ́sú ɔ́ ɖɔ é ní zé Cadlaki kpó Mɛcáki kpó, kpódó Abɛ́di-Nɛgó kpó ɖó nǔjíkpɔ́ntɔ́ sín tɛnmɛ ɖo tokpɔn Babilɔ́nu tɔn mɛ. É ká zé Daniyɛ́li bɔ é húzú nǔnywɛ́námɛtɔ́ ɖo axɔ́sú ɔ́ sín agba jí.

Daniyɛ́li 2:5

Axɔ́sú ɔ́ yí gbe nú yě ɖɔ: “Un ko ɖɔ bó tɛ afɔ jí ɖɔ nú mi ma ɖɔ nǔ e un mɔ ɖo dlɔ̌ e un kú ɔ́ mɛ ɔ́ nú mì, bó ná tínmɛ tɔn mì ǎ ɔ́, un ná já mi lan ɖɔhun, bó ná gba xwé mitɔn bǐ hánnyá.

Daniyɛ́li 3:12

Lo ɔ́, Jwifu ɖé lɛ́ɛ tíin, bɔ mɛ zé yě nǔjíkpɔ́ntɔ́ ɖo Babilɔ́nu. Yě wɛ nyí Cadlaki kpó Mɛcáki kpó, kpódó Abɛ́di-Nɛgó kpó. Nya énɛ́ lɛ́ɛ nɔ́ sɛn vodún mɛtɔn lɛ́ɛ ǎ; yě ká nɔ ɖe kɔ́ nú bǒcyɔ e mɛ tun te ɔ́ ǎ.”

Daniyɛ́li 3:15

Din ɔ́, mi nɔ acéjí. Mi ná lɛ́ se ahwankpɛn, kpete, kanhún, kpó nǔxonú alɔkpa alɔkpa kpó sín gbe, lobo ná jɛ kpo bó ɖe kɔ́ nú bǒcyɔ ɔ́. Ényí mi ma ɖe kɔ́ ná ǎ ɔ́, è nǎ bɛ́ mi dó myɔkpó e mɛ myɔ ɖo jiji ɖe wɛ hɛhɛ é mɛ din tlóló, bɔ un ná kpɔ́n vodún e ná yí mi sín fɛn ce mɛ é.”

Daniyɛ́li 3:17

Nǔ e mɛ ka ná tunwun ɔ́ wɛ nyí ɖɔ Mawu e mǐ nɔ́ sɛn ɔ́ ɖó acɛ bó ná hwlɛ́n mǐ gán. É ná ɖe mǐ sín myɔ mɛ, bó ná lɛ́ ɖe mǐ sín acɛ mɛtɔn mɛ.

Daniyɛ́li 3:28

Bɔ axɔ́sú ɔ́ sú xó bó ɖɔ: “Susu nú Mawu Cadlaki kpó Mɛcáki kpó Abɛ́di-Nɛgó kpó tɔn. Mawu yětɔn sɛ́ wɛnsagun tɔn dó, bɔ é wá hwlɛ́n mɛsɛntɔ́ tɔn lɛ́ɛ gán, ɖó é wú wɛ yě gán jɛ, bó má se tónú nú gbeta e un ɖe tɔ́n é ǎ. Yě yí gbe nú wǔvɛ́mimɔ hú yě ní sɛn vodún, bó ɖe kɔ́ ná, lobo ná jó Mawu yětɔn dó.

Daniyɛ́li 6:28

É wɛ nɔ hwlɛ́n mɛ gán, bó nɔ ɖe mɛ sín mɛ kannu. É wɛ nɔ jlɛ́ nǔ tɛnmɛ tɛnmɛ lɛ́ɛ, bó nɔ́ bló nǔdábaɖa lɛ́ɛ ɖo jǐxwé kpódó dodomɛ kpó. Mawu énɛ́ ɔ́ wɛ yí Daniyɛ́li sín kinnikínní lɛ́ɛ sín fɛn mɛ.”

Sɛ́nflínmɛ 32:31

Kɛntɔ́ yětɔn lɛ́ɛ ɖésú ká tunwun ɖɔ nǔmɛsɛn émítɔn e nɔ́ ɖo alɔ cyɔ́n émí jí wɛ ɔ́ kún sixú nɔ te nyɛ Mawu Izlayɛ́li ví lɛ́ɛ tɔn nukɔn ó.