Daniyɛ́li 3:28 - MAWUXÓWÉMA

²⁸ Bɔ axɔ́sú ɔ́ sú xó bó ɖɔ: “Susu nú Mawu Cadlaki kpó Mɛcáki kpó Abɛ́di-Nɛgó kpó tɔn. Mawu yětɔn sɛ́ wɛnsagun tɔn dó, bɔ é wá hwlɛ́n mɛsɛntɔ́ tɔn lɛ́ɛ gán, ɖó é wú wɛ yě gán jɛ, bó má se tónú nú gbeta e un ɖe tɔ́n é ǎ. Yě yí gbe nú wǔvɛ́mimɔ hú yě ní sɛn vodún, bó ɖe kɔ́ ná, lobo ná jó Mawu yětɔn dó.

Daniyɛ́li 3:28 Iomraidhean Croise

Bǐbɛ́mɛ 9:26

É lɛ́ ɖɔ: “Susu nú Mawu Mavɔmavɔ, Mawu Sɛ́mu tɔn! Kanáa ní ká nyí kannumɔ nú Sɛ́mu.

1 Tan 5:20

Hwenu e yě ɖo ahwan ɔ́ fun wɛ ɔ́, yě sú xó ylɔ́ Mawu ɖɔ é ní wá dó alɔ émí, bɔ Mawu dó alɔ yě bɔ yě ɖu ɖo Hagáa ví lɛ́ɛ kpó mɛ yětɔn lɛ́ɛ kpó jí, bó wlí yě. Mawu dó alɔ yě ɖó yě ɖeji dó wǔ tɔn.

2 Tan 20:20

Ayǐhɔ́ngbe tɔn zǎnzǎn tɛɛn ɔ́, yě bǐ jɛ ali ɖidó Tekowa sín gbětótló ɔ́ mɛ. Hwenu e yě jló ná jɛ ali ɔ́, Jozafáti wá ɖɔ nú yě ɖɔ: “Judáanu e mi, Jeluzalɛ́munu e mi, mi ɖótó mì. Mi ɖeji dó Mawu Mavɔmavɔ, Mawu mitɔn wú; énɛ́ ɔ́, é ná dó wǔsyɛ́n lanmɛ nú mi. Mi ɖeji dó gbeyíɖɔ tɔn lɛ́ɛ wú; énɛ́ ɔ́, mi ná ɖuɖéjí.”

2 Tan 32:21

Bɔ Mawu Mavɔmavɔ sɛ́ wɛnsagun ɖokpó dó ahwankpá Asilíi xɔ́sú ɔ́ tɔn mɛ, bɔ é hu ahwanfuntɔ́ syɛ́nsyɛ́n lɛ́ɛ, ahwangán lɛ́ɛ kpódó gbɛtɔ́ nukúnɖéjí lɛ́ɛ kpó. Nǔ énɛ́ ɔ́ hu winnyá nú axɔ́sú ɔ́, bɔ é lɛ́ kɔ yi to tɔn mɛ. É ká wá su gbe ɖokpó bɔ é yi byɔ́ vodún tɔn xɔ mɛ, bɔ vǐ é ɖésúnɔ tɔn lɛ́ɛ hu i kpó hwǐ kpó.

Ɛsidlási 1:3

Mi mɛ e ko sixú ɖo togun tɔn mɛ lɛ́ɛ bǐ ní lɛ́ kɔ yi Jeluzalɛ́mu ɖo Judáa, bó ná vɔ́ Mawu Mavɔmavɔ, Mawu Izlayɛ́li tɔn, Mawu e è nɔ sɛn ɖo Jeluzalɛ́mu ɔ́ sín xwé gbá, bónú é ná nɔ kpɔ́ xá mi.

Ɛsidlási 6:11

Mɛ ɖé ma bló ɖó xó e un ɖɔ nɛ́ lɛ́ɛ jí ǎ ɔ́, un ná gbe ɖɔ è nǐ ɖe xɔtín tɔn nu xwíɖíxwíɖí ɖokpó, bó tun te bó sɔ́ ɛ slɔ́ nu, lobo zé xwé tɔn dó húzú zunkɔ́ta.

Ɖɛhan 103:20

Wɛnsagun lɛ́ɛ e mi, mi kpa susu nú Mawu Mavɔmavɔ! Mi mɛ e nɔ zé hlɔ̌nhlɔ́n mitɔn dó bló nǔ e é zɔ́n mi lɛ́ɛ, bó nɔ́ dó ɖe xlɛ́ ɖɔ émí se tónú n'i lɛ́ɛ mi, mi kpa susu n'i.

Ɖɛhan 147:11

Mɛ e sín nǔ nɔ́ nyɔ́ Mawu Mavɔmavɔ nukún mɛ é wɛ nyí mɛ e nɔ sí i lɛ́ɛ; yě mɛ e nɔ gán jɛ wǔ tɔn lɛ́ɛ.

Ɖɛhan 33:18

Lo ɔ́, Mawu Mavɔmavɔ sín nukún nɔ́ ɖo mɛ e nɔ́ nɔ gbejí n'i lɛ́ɛ jí, mɛ e nɔ ɖó nukún xomɛnyínyɔ́ tɔn lɛ́ɛ,

Ɖɛhan 33:21

É wɛ zɔ́n bɔ xomɛ mǐtɔn bǐ gba wɔ̌. Mǐdɛɛ lɛ́ɛ ɔ́, mǐ ɖeji dó Mawu mímɛ́ ɔ́ wú.

Ɖɛhan 34:22

Nǔnyanyawatɔ́ ná kú nǔ nyanya kú, Mawu Mavɔmavɔ ná dɔn tó nú mɛ e jɛ gǒ mɛ nú gbejínɔtɔ́ lɛ́ɛ.

Ɖɛhan 62:8

Mawu jí wɛ hwlɛngán ce kpódó susu ce kpó jínjɔ́n. É wɛ nyí só e nɔ nya xɛ ɖo jǐ ce é. É wɛ nyí bibɛtɛn ce.

Tíntɔ́n 20:5

Ma jɛ kpo bo ɖe kɔ́ nú yě ó; ma sɛn yě ó, ɖó nyɛ Mawu Mavɔmavɔ, Mawu towe ɔ́, un nɔ ba gbeɖé ɖɔ a nǐ sɛn nǔ ɖěvo zɛ nyɛ wú ǎ; ényí mɛɖé gbɛ́ wǎn nú mì ɔ́, vǐ tɔn lɛ́ɛ ná sún sin tɔn, vǐvú tɔn lɛ́ɛ, vitikli tɔn lɛ́ɛ kpódó kpaba tɔn lɛ́ɛ kpó ná sún sin tɔn.

Ezayíi 12:2

Mawu Mɛhwlɛ́ngántɔ́ ce ɔ́ ɖíe, un ɖeji dó wǔ tɔn, xɛsi sɔ́ ɖi mì ǎ, ɖó Mawu Mavɔmavɔ wɛ nyí hlɔ̌nhlɔ́n ce, bó nyí han ɖo nu ce; é wɛ nyí hwlɛngán ce.”

Ezayíi 37:36

Wɛnsagun Mawu Mavɔmavɔ tɔn ɖokpó tɔ́n, bó hu gbɛtɔ́ adɔ̌kpo tɛ́nnɛ děgba ɖě afatɔ́n (185.000), ɖo Asilíinu lɛ́ɛ sín ahwankpá mɛ. Ée ayǐ hɔ́n zǎnzǎn ɔ́, mɛ e kpo lɛ́ɛ ná mɔ nǔɖé kpowun ɔ́, cyɔ yětɔn jɛ́n yě mɔ.

Ezayíi 50:10

Ényí mɛɖé ɖo mi mɛ, bó nɔ́ ɖó sísí nú Mawu Mavɔmavɔ hǔn, mɛ ɔ́ ní nɔ́ ɖótó mɛsɛntɔ́ tɔn. Ényí mɛ ɖé ɖo zɔnlin ɖi wɛ ɖo ablu mɛ, bó má mɔ nukúnnú ɖěbǔ ǎ hǔn, mɛ ɔ́ ní sɔ́ éɖée jó nú Mawu Mavɔmavɔ, é ní gán jɛ Mawu tɔn wú.

Daniyɛ́li 2:47

Bó ká ɖɔ nú Daniyɛ́li ɖɔ: “Mawu mitɔn hú gǎn vodún lɛ́ɛ bǐ nǔgbó; é wɛ nyí Aklúnɔ axɔ́sú lɛ́ɛ tɔn. É ɖokpó jɛ́n nɔ ɖe nǔbúdo lɛ́ɛ xlɛ́ mɛ; ɖó é bló din bɔ dlɔ̌ élɔ́ e mɛ un má mɔ nǔ jɛ ǎ ɔ́, a kpé wú bó tínmɛ nú mì.”

Daniyɛ́li 3:25

Axɔ́sú ɔ́ lɛ́ ɖɔ: “Anhɛɛn nɛ́! Din ɔ́, un ka ɖo mɛ ɛnɛ mɔ ɖo zɔnlin ɖi wɛ ɖo myɔ ɔ́ mɛ. Yě ɖo kanmɛ ǎ, bó ɖo sa ɖi wɛ; myɔkpa ɖěbǔ ka ɖo yě wú ǎ. Mɛ ɛnɛgɔ́ ɔ́ ɖi nǔmɛsɛn sɛ́xwé tɔn lɛ́ɛ ɖě.”

Daniyɛ́li 4:34

Énɛ́ wú wɛ nyɛ axɔ́sú Nabukodonɔzɔ́ɔ ɖo Mawu jǐxwé tɔn ɔ́ mlá wɛ din, bó ɖo sísɔ́ ɛ su wɛ, bó ɖo susu kpa n'i wɛ. Nǔ e é bló é bǐ wɛ sɔgbe, nǔ e é wa lɛ́ɛ bǐ wɛ nyɔ́. É lɛ́ ɖó acɛ e ná sɔ́ mɛ e ɖo afɔ tɛ ayǐ wɛ lɛ́ɛ hwe é lɔ.”

Daniyɛ́li 6:16

Daniyɛ́li kɛntɔ́ lɛ́ɛ zɔn adǎn jí, bó wá mɔ axɔ́sú ɔ́ bó ɖɔ: “Sɛ́mɛɖó, mɛ tunwun ganjí ɖɔ Mɛdinu lɛ́ɛ kpó Pɛ́sinu lɛ́ɛ kpó sín sɛ́n ɖɔhun wɛ sɛ́n e mɛ dó ɔ́ kpó gbeta e mɛ ɖe tɔ́n ɔ́ kpó cí, bɔ mɛɖé nɔ́ húzú ǎ.”

Daniyɛ́li 6:26

Ée axɔ́sú Daliwúsi bló mɔ̌ ɔ́, é wlán sɛ́ dó togun lɛ́ɛ bǐ, akɔta lɛ́ɛ bǐ kpó mɛ e nɔ dó gbe alɔkpa alɔkpa ɖo gbɛ ɔ́ mɛ lɛ́ɛ kpó ɖɔ: “Fífá ní nɔ kpɔ́ xá mi bó túnflá!

Matíe 4:10

Jezu ka ɖɔ n'i ɖɔ: “Satáan, bǔ dó mì! Ɖó è ko wlán dó Mawuxówéma ɔ́ mɛ ɖɔ jí: ‘Aklúnɔ Mawu towe wɛ a nǎ ɖe kɔ́ ná, lobo sɛn é ɖokpónɔ géé.’ ”

Mɛsɛ́dó 4:19

Piyɛ́ɛ kpódó Jǎan kpán ka yí xó, bó ɖɔ nú yě ɖɔ: “Mi ɖésú mi kpɔ́n ɖɔ é sɔgbe ɖo Mawu nukɔn ɖɔ è nǐ se tónú nú mi hú è nǐ se tónú nú Mawu ají.

Mɛsɛ́dó 5:19

Lo ɔ́, ée zǎn kú ɔ́, wɛnsagun Aklúnɔ tɔn ɖokpó hun gankpá ɔ́ sín hɔn lɛ́ɛ, bó kplá yě jɛ hɔnto, bó ɖɔ nú yě ɖɔ:

Hlɔ̌manu 12:1

Nɔví ce lɛ́ɛ mi, ée Mawu ɖe xomɛnyínyɔ́ tɔn xlɛ́ mi mɔ̌ é ɔ́, un ɖo vo sa nú mi wɛ ɖɔ mi ní sɔ́ mi ɖésúnɔ bǐ jǒ, vɔ̌sánú gbɛɖe e è sɔ́ ɖ'ayǐ nú Mawu, bɔ é nyɔ́ nukún tɔn mɛ é ɖɔhun. Lě e mi ná sɛn ɛ gbɔn, bɔ é ná nyí sinsɛn titewungbe ɔ́ é nɛ́.

1 Kɔlɛ́ntinu 13:3

Nú un ná bó má dɔkun ce lɛ́ɛ bǐ nú mɛ, un na bo sɔ́ agbaza ce dó sá vɔ̌, bɔ è dǒ zo, bɔ un ma ka ɖó wǎn yíyí ǎ ɔ́, nǔɖé ɖ'é mɛ nú mì ǎ.

Filípunu 1:20

Nǔgbó ɔ́, un ɖo te, bó ɖo nukún ɖó wɛ syɛ́nsyɛ́n ɖɔ nǔ ɖěbǔ ní ma zɔ́n, bónú winnyá hu mì ó. É nyɔ́ wa ɔ́, din kpódó hwe lɛ́ɛ bǐ nu kpó ɔ́, un ɖó gǎnjɛwú syɛ́nsyɛ́n ɖɔ un ɖo gbɛ oo, un ɖo kú oo, un ná sɔ́ nyɛɖée bǐ dó ɖe susu tɔn xlɛ́.

Eblée 1:14

Étɛ́ wɛnsagun lɛ́ɛ ka nyí lo? Yɛ wɛ yě bǐ nyí, bó ɖo azɔ̌ wa nú Mawu wɛ, bɔ Mawu sɛ́ yě dó nú yě ná wá dó alɔ mɛ e ɖó ná mɔ hwlɛngán lɛ́ɛ.

Eblée 11:37

È nyi awǐnnyaglo dó mɛɖé lɛ́ɛ káká bɔ yě kú; è sɔ́ sá dó sɛ́n mɛɖé lɛ́ɛ ɖó we; è sɔ́ hwǐ dó hu mɛɖé lɛ́ɛ ná. Yě ɖó nǔɖé ǎ; gbɔ̌nyú wɛ yě nɔ dó, bó nɔ ɖo flúflú kpé wɛ, bɔ è nɔ ɖo ya dó nú yě wɛ, bó nɔ ɖo tagba dó nú yě wɛ.

1 Piyɛ́ɛ 1:21

É jí wɛ mi gbɔn bó ɖi nǔ nú Mawu e fɔ́n ɛ sín kú, bó sɔ́ ɛ su é; énɛ́ ɔ́, nǔɖiɖi mitɔn kpó nukúnɖíɖó mitɔn kpó ɖo Mawu jǐ.

Nǔɖexlɛ́mɛ 12:11

Lɛ̌ngbɔ́ví ɔ́ sín kanjɔ kpó xó e nɔví mǐtɔn lɛ́ɛ ɖe kúnnu ná ɔ́ kpán zɔ́n bɔ yě ɖu ɖo jǐ tɔn. Yě yí gbe bó ná sɔ́ gbɛ yětɔn jó; yě yí gbe bó ná kú.