Daniyɛ́li 3:26 - MAWUXÓWÉMA

²⁶ Axɔ́sú Nabukodonɔzɔ́ɔ ka sɛkpɔ́ myɔkpó ɔ́, bó sú xó bó ɖɔ: “Cadlaki! Mɛcáki! Abɛ́di-Nɛgó! Mɛsɛntɔ́ Mawu Ajalɔ̌nlɔn tɔn lɛ́ɛ e mi! Mi tɔ́n bó wá!” Tlóló tɛn tɔn mɛ ɔ́, Cadlaki kpó Mɛcáki kpó, kpódó Abɛ́di-Nɛgó kpó tɔ́n sín myɔkpó ɔ́ mɛ.

Daniyɛ́li 3:26 Iomraidhean Croise

Bǐbɛ́mɛ 14:18

Lo ɔ́, Mɛlukisedɛ́ki , axɔ́sú Salɛ́mu tɔn ɔ́, éyɛ́ hɛn wɔ̌xúxú kpó vɛ̌ɛn kpó wá nú Ablámu. Mawu Ajalɔ̌nlɔn ɔ́ sín vɔ̌sánú-xwlémawutɔ́ wɛ é kó nyí ɖ'ayǐ.

1 Axɔ́sú 8:51

ɖó togun towe wɛ yě nyǐ, towe wɛ yě nyǐ, hwi wɛ ɖe yě tɔ́n sín Ejípu kú gan mɛ.

Ɛsidlási 5:11

Bɔ yě yí gbe nú mǐ ɖɔ: ‘Mawu e ɖó jǐnukúnsin kpódó ayǐkúngban kpó ɔ́ sín mɛsɛntɔ́ wɛ mǐ nyí. Xwé élɔ́ e gbá wɛ mǐ ɖe ɔ́, Mawu xwé ɔ́ wɛ bɔ axɔ́sú ɖaxó Izlayɛ́li tɔn ɖé ko gbá fó ɖ'ayǐ.

Ɖɛhan 66:12

A jǒ kɛntɔ́ mǐtɔn lɛ́ɛ dó bɔ yě xá sɔ́ gbɔn ta mǐtɔn jí. Mǐ xo zo zlɛ́, bó xo tɔ zlɛ́. A ka ɖe ɖɛ mǐ wǔyɛ́yɛ́ afɔyɛ́yɛ́, bó ná gbɔjɛ́ mǐ.

Ezayíi 28:16

Mi bo ɖótó xó e Aklúnɔ Mavɔmavɔ ɖɔ é: “Un ná zé awǐnnya dodó ɖokpó tun te ɖó Sinyɔ́ɔ, bó ná tɛ́n mi kpɔ́n; awǐnnya tají wɛ, awǐnnya dodó wɛ. Mɛ e ná gán jɛ awǐnnya ɔ́ wú ɔ́ ado ná hu i ǎ.

Ezayíi 52:12

Din ɔ́, midɛɛ lɛ́ɛ ɔ́, é sɔ́ nyí ɖɔ mi gosín to ɔ́ mɛ, mɛ e ahwan nya é ɖɔhun ǎ; mi zɔn adohu adohu jí bó xweyǐgbe ǎ, ɖó Mawu Mavɔmavɔ, Mawu Izlayɛ́li tɔn ɔ́ wɛ ɖo nukɔn nú mi, bó ɖo gǔdo nú mi. Xó lómílómí ɛnɛgɔ́ ɔ́

Jelemíi 11:4

Đ'ayǐ ɔ́, un ɖe tɔ́gbó mitɔn lɛ́ɛ sín Ejípu, zo hɛhɛ mɛ. Hwenɛ́nu wɛ un ko ɖɔ akɔjijɛ énɛ́ ɔ́ sín xó nú yě. Un ɖɔ nú yě ɖɔ: ‘Mi ɖótó xó ce lɛ́ɛ, mi bló nǔ e un ná ɖɔ nú mi lɛ́ɛ. Ényí mi bló ɔ́, mi ná nyí togun ce, bɔ un ná nyí Mawu mitɔn.

Daniyɛ́li 2:47

Bó ká ɖɔ nú Daniyɛ́li ɖɔ: “Mawu mitɔn hú gǎn vodún lɛ́ɛ bǐ nǔgbó; é wɛ nyí Aklúnɔ axɔ́sú lɛ́ɛ tɔn. É ɖokpó jɛ́n nɔ ɖe nǔbúdo lɛ́ɛ xlɛ́ mɛ; ɖó é bló din bɔ dlɔ̌ élɔ́ e mɛ un má mɔ nǔ jɛ ǎ ɔ́, a kpé wú bó tínmɛ nú mì.”

Daniyɛ́li 3:17

Nǔ e mɛ ka ná tunwun ɔ́ wɛ nyí ɖɔ Mawu e mǐ nɔ́ sɛn ɔ́ ɖó acɛ bó ná hwlɛ́n mǐ gán. É ná ɖe mǐ sín myɔ mɛ, bó ná lɛ́ ɖe mǐ sín acɛ mɛtɔn mɛ.

Daniyɛ́li 4:2

É wá su zǎn mɛ gbe ɖokpó, bɔ un ɖo ayǐmlɔ́mlɔ́ ɖo adɔ̌zan ce jí, lobo kú dlɔ̌ ɖokpó, bɔ é ɖó adohu nú mì. Nǔ e un mɔ ɖo dlɔ̌ ɔ́ mɛ ɔ́ dó xɛsi nú mì.

Daniyɛ́li 6:20

Axɔ́sú ɔ́ fɔ́n zǎn fuu, bó ɖidó kinnikínnído ɔ́ kɔn.

Daniyɛ́li 6:21

Hwenu e axɔ́sú ɔ́ ɖo do ɔ́ sɛkpɔ́ wɛ ɔ́, é ylɔ́ Daniyɛ́li wǔbláwúblá, bó ɖɔ: “Daniyɛ́li mɛsɛntɔ́ Mawu gbɛɖe ɔ́ tɔn! Mawu towe e wú a ɖǒ kan dó bó nɔ́ sɛn ɔ́ ká kpé wú bó hwlɛ́n we gán sín kinnikínní lɛ́ɛ sín fɛn mɛ din a?”

Daniyɛ́li 7:25

É ná nylá nu dó Mawu Ajalɔ̌nlɔn ɔ́ wú, bó ná nɔ dó ya nú togun mímɛ́ ɔ́. É ná lin ná húzú togun mímɛ́ ɔ́ sín tito lɛ́ɛ, kpódó sɛ́n tɔn lɛ́ɛ kpó; togun mímɛ́ ɔ́ ná nɔ acɛ tɔn mɛ nú xwe atɔn adaɖé.

Mɛsɛ́dó 16:17

Nyɔ̌nu énɛ́ ɔ́ jɛ Pɔ́lu kpó mǐ kpó gúdo, bó nɔ sú xó ɖɔ: “Mɛ élɔ́ lɛ́ɛ ɔ́, Mawu Ajalɔ̌nlɔn sín mɛsɛntɔ́ wɛ nú yě; hwlɛngán sín ali ɔ́ sín xó ɖɔ nú mi wɛ yě ɖe.”

Mɛsɛ́dó 16:37

Lo ɔ́, Pɔ́lu ɖɔ nú mɛ e è sɛ́ dó lɛ́ɛ ɖɔ: “Hlɔ̌manu wɛ mǐ nyí; yě ka xo mǐ ɖo agbawungba ma ɖɔ hwɛ xá mǐ, lobo bɛ́ mǐ wá kɔn nyi gankpá mɛ; bɔ din ɔ́, yě jló ná ɖe mǐ tɔ́n mɛɖé ma se; gbeɖé kpɔ́n, yě ɖésúnɔ ní wá ɖe mǐ tɔ́n.”

Mɛsɛ́dó 27:23

Đó Mawu e tɔn un nyí, bó nɔ́ sɛn ɔ́ sín wɛnsagun ɖokpó sɛ yá mì égbé zǎn mɛ,

Galatinu 1:10

Din ɔ́, má wa nǔ bónú gbɛtɔ́ lɛ́ɛ ná kpa mì, abǐ Mawu ná kpa mì ba wɛ un ɖe a? Abǐ un jló ná nyɔ́ ɖo gbɛtɔ́ lɛ́ɛ sí? Ényí gbɛtɔ́ lɛ́ɛ sí nyɔ́ ɖe wɛ un kpo ɖe ɔ́, un ná ɖo mɛsɛntɔ́ Klísu tɔn nyí wɛ din ǎ.

Sɛ́nflínmɛ 4:20

Lo ɔ́, midɛɛ lɛ́ɛ ɔ́, Mawu Mavɔmavɔ sɔ́ mi bó ɖe mi tɔ́n sín Ejípu, kúgan mɛ, bónú mi ná húzú togun tɔn lě e mi ɖe gbɔn égbé din é.

Jozuwée 3:17

Vɔ̌sánú-xwlémawutɔ́ e hɛn akɔjijɛgbá Mawu Mavɔmavɔ tɔn lɛ́ɛ nɔ te ɖo ayǐkúngban xúxú jí, ɖo tɔ ɔ́ tɛ́ntin. Yě nɔ te fínɛ́ káká bɔ togun ɔ́ bǐ zɔn afɔ gbɔn ayǐkúngban xúxú jí yi jɛ tɔ ɔ́ gúdo.

Jozuwée 4:10

Vɔ̌sánú-xwlémawutɔ́ e hɛn akɔjijɛgbá ɔ́ lɛ́ɛ nɔ te ɖo tɔ ɔ́ tɛ́ntin káká, bɔ togun ɔ́ bló nǔ e Mawu Mavɔmavɔ ɖɔ nú Jozuwée, bɔ é ɖɔ nú yě ɔ́ bǐ. Yě bló nǔ lɛ́ɛ bɔ é sɔ gbe xá lě e Mɔyízi ɖɔ gbɔn nú Jozuwée é. Togun ɔ́ hwlɛ́ndó bo dó asá tɔ ɔ́.

Nǔɖexlɛ́mɛ 19:5

È se gbe ɖé sín axɔ́súzinkpo ɔ́ kɔn, bɔ é ɖo ɖiɖɔ wɛ ɖɔ: “Mi mɛsɛntɔ́ Mawu tɔn lɛ́ɛ bǐ; mi mɛ e nɔ sí i lɛ́ɛ, mɛxó kpó yɔkpɔ́vú kpó, mi kpa Mawu mǐtɔn.”