Daniyɛ́li 3:23 - MAWUXÓWÉMA

²³ Yě mɛ atɔn lɛ́ɛ ka ɖo blǎblá mɔ̌ bɔ è bɛ̌ yě nyi dó myɔkpó ɔ́ mɛ.

Daniyɛ́li 3:23 Iomraidhean Croise

Ɖɛhan 34:19

Mawu Mavɔmavɔ ɖo kpɔ́ xá mɛ e ayi yětɔn gbadó lɛ́ɛ, é nɔ́ hwlɛ́n mɛ e nǔ jɛ akɔ́n jí ná lɛ́ɛ.

Ezayíi 43:2

A ɖo tɔ mɛ gbɔn wɛ ɔ́, un ná ɖo kpɔ́ xá we; a ɖo tɔ gbo wɛ ɔ́, a nǎ kú tɔ ǎ. A ɖo zɔnlin ɖi gbɔn myɔ mɛ wɛ ɔ́, a nǎ ji myɔ ǎ, myɔ ná wa nǔɖé nú we ǎ.

Jelemíi 38:6

Ée axɔ́sú ɔ́ ɖɔ mɔ̌ ɔ́, yě yi zé Jelemíi, bó sɔ́ ɛ dó axɔ́sú ɔ́ sín vǐ Malukíya sín sitɛ́nu mɛ ɖo gankpá ɔ́ sín kɔ́xota. Kan wɛ è dó Jelemíi, bó zé e dó sitɛ́nu ɔ́ mɛ. Sin ɖěbǔ sɔ́ ɖo tɔ ɔ́ mɛ ǎ, babá kɛ́ɖɛ́ wɛ kpo ɖ'é mɛ. Bɔ Jelemíi jɛ bɔ̌ yi jí ɖo tɔ ɔ́ mɛ.

Daniyɛ́li 1:7

Mɛ e kpa acɛ nú mɛ e nɔ wa azɔ̌ ɖo hɔnmɛ lɛ́ɛ ɔ́ ná nyǐkɔ ɖěvo yě. É sun nyǐ Daniyɛ́li ɖɔ Bɛluticasáa, bó sun nyǐ Hananiya ɖɔ Cadlaki, bó sun nyǐ Micaɛ́li ɖɔ Mɛcáki, bó sun nyǐ Azalya ɖɔ Abɛ́di-Nɛgó.

Daniyɛ́li 3:24

Xɛsi jɛ axɔ́sú Nabukodonɔzɔ́ɔ jí, bɔ é si te vawun bó kanbyɔ́ azaglɔ́gán tɔn lɛ́ɛ ɖɔ: “É ma nyí mɛ atɔn wɛ mǐ blá bó bɛ́ nyi dó zo ɔ́ mɛ a?” Azaglɔ́gán tɔn lɛ́ɛ yí gbe n'i ɖɔ: “Sɛ́mɛɖó! É jɛ́n nɛ́! Mɛ atɔn wɛ.”

2 Kɔlɛ́ntinu 4:17

Wǔvɛ́ kpɛ e mɔ wɛ mǐ ɖe din nú hwenu ɖé ɔ́ nɔ́ bló susu mavɔ mavɔ ɖ'ayǐ nú mǐ, bɔ é nɔ́ túnflá; susu énɛ́ ɖo tají hú wǔvɛ́ e mɔ wɛ mǐ ɖe din é ɖaxó.

Eblée 11:34

Nǔɖiɖi e yě ɖó ɔ́ zɔ́n bɔ yě xo myɔ e ɖo jiji wɛ hɛhɛ ɔ́ cí; yě gló hwǐ; yě ɖó gǎn ɖé ɖ'ayǐ ǎ, yě ka wá mɔ gǎn. Ahwanfuntɔ́ syɛ́nsyɛ́n wɛ yě wá nyí, bó ɖu ɖo ahwangɔnu to ɖěvo mɛ tɔn lɛ́ɛ jí.