Daniyɛ́li 3:19 - MAWUXÓWÉMA

¹⁹ Xó énɛ́ e axɔ́sú ɔ́ se ɔ́ lɛ́ dó xomɛsin n'i ɖésú, bɔ é húzú nukún mɛ dó Cadlaki kpó Mɛcáki kpó Abɛ́di-Nɛgó kpó jí. Énɛ́ ɔ́, é ná gbe ɖɔ è nǐ flɔ́ myɔ dó myɔkpó ɔ́ mɛ bónú é syɛ́n hú lě e é nɔ́ nɔ gbɔn ɖ'ayǐ é azɔn tɛ́nwe.

Daniyɛ́li 3:19 Iomraidhean Croise

Bǐbɛ́mɛ 31:2

Jakɔ́bu lɔ ka mɔ ɖɔ Labáan kún sɔ́ nɔ́ sɔ́ nukún ɖagbe dó kpɔ́n émí ná ó. Labáan sɔ́ ɖó ninɔmɛ xóxó ɔ́ dó wǔ tɔn ǎ.

Ɛsitɛ́ɛ 3:5

Hamáa mɔ ɖɔ Maadocée kún nɔ jɛ kpo bo nɔ ɖe kɔ́ nú émí nǔgbó ó, bɔ xomɛ sin i ɖésú.

Ɛsitɛ́ɛ 7:7

Xomɛ ka sin axɔ́sú ɔ́ ɖésú, bɔ é sí te sín fí e ɖu agɔ̌ ɔ́ ɖe wɛ yě ɖe é, bó yi cí folówakan mɛ ɖo hɔn ɔ́ mɛ. Hamáa ka cí fínɛ́ bó ɖo vo sa nú Ɛsitɛ́ɛ wɛ ɖɔ ní hwlɛ́n émí ɖo axɔ́sú ɔ́ sí, ɖó é mɔ ɖɔ axɔ́sú ɔ́ ná hu émí jɛ́n wɛ.

Ɖɛhan 76:10

hwenu e a sí te bo ná ɖɔ hwɛjijɔ é, hwenu e a sí te bó ná hwlɛ́n mɛ e è dǒ winnyá lɛ́ɛ gán é. Agbɔ̌n

Nǔnywɛ́xó 16:14

Axɔ́sú sin xomɛ ɔ́, é hɛn ɔ́, é ná ná gbe bɔ è nǎ hu mɛ; lo ɔ́, gbɛtɔ́ e ɖó nǔnywɛ́ ɔ́ hɛn ɔ́, é ná xo hwihwɛ́ ɛ.

Nǔnywɛ́xó 21:24

Mɛ e nɔ mɔ ɖɔ émí wɛ sɔ lě, bó nɔ́ ɖo go yí wɛ ɔ́, nǔ bǐ wɛ é nɔ́ hu tɛ́ ná; é nɔ́ wa nǔ bǐ kpó goyíyí kpó; goyíyí tɔn zɛ xwé wú.

Ezayíi 51:23

Un ná sɔ́ kɔ́fu ɔ́ dó alɔ mɛ nú mɛ e ɖo ya dó nú we wɛ lɛ́ɛ, mɛ e nɔ ɖɔ nú we ɖɔ: ‘Mlɔ̌ ayǐ nú mǐ ná gbɔn jǐ we.’ Bɔ a nɔ sɔ́ nɛgbé towe dó húzú ayǐkúngban bɔ yě nɔ́ gbɔn jí lɛ́ɛ; a nɔ sɔ́ nɛgbé towe dó húzú ali bɔ yě nɔ́ gbɔn jí.”

Daniyɛ́li 2:12

Ée yě ɖɔ mɔ̌ ɔ́, axɔ́sú ɔ́ sin xomɛ bó bɛ́ adǎn, bó ná gbe ɖɔ è nǐ hu nǔnywɛ́tɔ́ e ɖo Babilɔ́nu lɛ́ɛ bǐ,

Daniyɛ́li 3:13

Ée Nabukodonɔzɔ́ɔ se mɔ̌ ɔ́, xomɛ sin i ɖésú, bɔ é ɖo adǎn jí, lobo sɛ́ mɛ dó ɖɔ è nǐ kplá Cadlaki kpó Mɛcáki kpó, kpódó Abɛ́di-Nɛgó kpó wá nú émí. Ée è yi kplá yě wá ɔ́,

Daniyɛ́li 3:20

É ka zɔ́n sɔ́ja tɔn e kpan akɔ́n ganjí lɛ́ɛ ɖɔ yě ní blá Cadlaki, Mɛcáki kpódó Abɛ́di-Nɛgó kpó, nú è nǎ bɛ́ yě dó myɔkpó ɔ́ mɛ.

Daniyɛ́li 5:6

Ée é mɔ mɔ̌ ɔ́, é dɔn nukún mɛ nyɔ, bɔ ayi tɔn bǐ gbadó, bɔ alin tɔn kɛwun, bɔ koligó tɔn lɛ́ɛ ɖě nɔ́ xo dó ɖě wú.

Daniyɛ́li 6:24

Ée axɔ́sú ɔ́ se mɔ̌ ɔ́, xomɛ hun i ɖésú, bɔ é ɖɔ è nǐ ɖe Daniyɛ́li tɔ́n sín do ɔ́ mɛ. È ɖe Daniyɛ́li tɔ́n; è ka mɔ akpa ɖěbǔ ɖo wǔ tɔn ǎ, ɖó é ɖó nǔɖiɖi nú Mawu tɔn, bó ɖeji dó wǔ tɔn.

Levíi ví 26:18

“Ényí un wa mɔ̌ xá mi bɔ mi ma ɖótó mì ǎ jɛ́n wɛ ɔ́, un ná dɔn tó nú mi azɔn tɛ́nwe ɖó hwɛ e mi hu lɛ́ɛ wú.

Levíi ví 26:21

“Ényí mi lɛ́ fɔ́n gǔ dó jǐ ce, bó má ba ná ɖótó mì ǎ ɔ́, un ná dɔn tó nú mi azɔn tɛ́nwe d'é jí, bɔ é ná sɔgbe xá hwɛ e mi hu lɛ́ɛ.

Levíi ví 26:24

nyɛ ná fɔ́n gǔ dó mi jí, bó ná lɛ́ vɔ́ dɔn tó nú mi azɔn tɛ́nwe ɖó hwɛ e mi hu lɛ́ɛ wú.

Levíi ví 26:28

nyɛ ɖésúnɔ lɔmɔ̌ ná fɔ́n gǔ dó mi jí, kpó xomɛsin ɖé kpó, bó ná lɛ́ dɔn tó nú mi azɔn tɛ́nwe ɖó hwɛ e mi hu lɛ́ɛ wú.

Mɛsɛ́dó 5:33

Ée toxóɖɔtɔ́ lɛ́ɛ se xó énɛ́ lɛ́ɛ ɔ́, xomɛ sin yě tlala, bɔ yě jló ná hu mɛsɛ́dó lɛ́ɛ.

Mɛsɛ́dó 7:54

Ée toxóɖɔtɔ́ lɛ́ɛ se xó énɛ́ e Etyɛ́ni ɖɔ ɔ́, xomɛ sin yě dó wǔ tɔn tlala, bɔ yě jɛ aɖǔkún ɖu jí.