Daniyɛ́li 3:17 - MAWUXÓWÉMA

¹⁷ Nǔ e mɛ ka ná tunwun ɔ́ wɛ nyí ɖɔ Mawu e mǐ nɔ́ sɛn ɔ́ ɖó acɛ bó ná hwlɛ́n mǐ gán. É ná ɖe mǐ sín myɔ mɛ, bó ná lɛ́ ɖe mǐ sín acɛ mɛtɔn mɛ.

Daniyɛ́li 3:17 Iomraidhean Croise

Bǐbɛ́mɛ 17:1

Hwenu e Ablámu ɖo xwe kanwe afɔtɔn-nukún-ɛnɛ (99) ɖó wɛ ɔ́, Mawu Mavɔmavɔ tɔ́n dó jǐ tɔn, bó ɖɔ n'i ɖɔ: “Nyɛ wɛ nyí Mawu Nǔbǐwúkpétɔ́ ɔ́. Nɔ nɔ ali ce jí; è nǐ má nɔ́ mɔ nǔjɛdo ɖé ɖɔ dó wǔ towe ó.

Bǐbɛ́mɛ 18:14

Nǔɖé gló Mawu Mavɔmavɔ wɛ a? Xwe ɖě ɔ́ mɛ lěhwenu ɔ́, un ná lɛ́ wá gɔ̌n towe lě e un ɖɔ gbɔn ɔ́. Sala ná kó ɖó vǐ súnnu ɖokpó nɛ́.”

Jɔ̌bu 34:29

Nú Mawu ka nɔ abwɛ̌ ɔ́, mɛ̌ wɛ ná dó hwɛ ɛ? Nú é sɔ́ éɖée hwlá ɔ́, mɛ̌ ká ná sixú mɔ ɛ? Có é nɔ́ kpé nukún dó akɔta lɛ́ɛ kpó gbɛtɔ́ lɛ́ɛ kpó wú,

Jɔ̌bu 5:19

Adǎn gěgé ná gbo we adǎn ɖěbǔ ká gbo we ɔ́, é ná nɔ́ hwlɛ́n we sín mɛ, bɔ nǔɖé ná wa we gbeɖé ǎ.

Ɖɛhan 115:3

Mawu mǐtɔn ɖo sɛ́xwé; nǔ e jló e lɛ́ɛ bǐ wɛ é nɔ́ bló.

Ɖɛhan 37:39

Mawu Mavɔmavɔ gɔ́n wɛ hwɛjijɔnɔ lɛ́ɛ sín hwlɛngán nɔ́ gosín, é wɛ nyí bibɛtɛn yětɔn adǎngbomɛzán gbe.

Ɖɛhan 37:40

Mawu Mavɔmavɔ nɔ gɔ́ alɔ nú yě, bó nɔ́ hwlɛ́n yě; é nɔ́ yí yě sín mɛdídá lɛ́ɛ sí, bó nɔ́ hwlɛ́n yě gán, ɖó é wɛ yě nɔ́ hɔn yi su.

Ɖɛhan 73:20

Aklúnɔ, a sí te dó yě jí ɔ́, yě nɔ́ bú bléwún; yě nɔ́ bú bléwún mɛ ɖo nǔɖé mɔ ɖo dlɔ̌ mɛ wɛ bó nyí fɔ́n bó ba kpo ɖɔhun.

Ezayíi 12:2

Mawu Mɛhwlɛ́ngántɔ́ ce ɔ́ ɖíe, un ɖeji dó wǔ tɔn, xɛsi sɔ́ ɖi mì ǎ, ɖó Mawu Mavɔmavɔ wɛ nyí hlɔ̌nhlɔ́n ce, bó nyí han ɖo nu ce; é wɛ nyí hwlɛngán ce.”

Ezayíi 54:14

A nǎ nɔ́ xwedó hwɛjijɔ dó wa nǔ; mɛ ɖěbǔ sɔ́ ná dó tagba nú we ǎ; a sɔ́ ná ɖi xɛsi nú nǔɖé ǎ; mɛ ɖěbǔ sɔ́ ná nɔ́ dó adohuhu nú we ǎ; ado sɔ́ ná hu we ǎ.

Jelemíi 1:8

Ma ɖi xɛsi nú yě ó, ɖó un ɖo kpɔ́ xá we; un ná hwlɛ́n we gán. Nyɛ Mawu Mavɔmavɔ wɛ ɖɔ mɔ̌ nú we.”

Jelemíi 15:20

Un na bló bɔ a nǎ syɛ́n ɖo nukɔn yětɔn; a nǎ cí ganvɔdó ɖɔhun, yě ná tɔ́n ahwan we, yě ká ná kpé wǔ we ǎ. Đó un ɖo kpɔ́ xá we, bó ná hwlɛ́n we; un yí we sín fɛ́n yětɔn mɛ. Xó e nyɛ Mawu Mavɔmavɔ ɖɔ ɔ́ nɛ́.

Jelemíi 15:21

Un nǎ hwlɛ́n we gǎn sín mɛdídá lɛ́ɛ lɔ mɛ; un ná ɖe we sín dǎkaxotɔ́ lɛ́ɛ lɔ mɛ.”

Daniyɛ́li 3:26

Axɔ́sú Nabukodonɔzɔ́ɔ ka sɛkpɔ́ myɔkpó ɔ́, bó sú xó bó ɖɔ: “Cadlaki! Mɛcáki! Abɛ́di-Nɛgó! Mɛsɛntɔ́ Mawu Ajalɔ̌nlɔn tɔn lɛ́ɛ e mi! Mi tɔ́n bó wá!” Tlóló tɛn tɔn mɛ ɔ́, Cadlaki kpó Mɛcáki kpó, kpódó Abɛ́di-Nɛgó kpó tɔ́n sín myɔkpó ɔ́ mɛ.

Daniyɛ́li 6:16

Daniyɛ́li kɛntɔ́ lɛ́ɛ zɔn adǎn jí, bó wá mɔ axɔ́sú ɔ́ bó ɖɔ: “Sɛ́mɛɖó, mɛ tunwun ganjí ɖɔ Mɛdinu lɛ́ɛ kpó Pɛ́sinu lɛ́ɛ kpó sín sɛ́n ɖɔhun wɛ sɛ́n e mɛ dó ɔ́ kpó gbeta e mɛ ɖe tɔ́n ɔ́ kpó cí, bɔ mɛɖé nɔ́ húzú ǎ.”

Daniyɛ́li 6:23

Mawu ce sɛ́ wɛnsagun tɔn dó, bɔ é wá sú kinnikínní lɛ́ɛ sín nu, bɔ yě wa nǔɖé nú mì ǎ, ɖó un jɛ agɔ ɖé dó Mawu ce ǎ, un ka jɛ do dó mɛ lɔmɔ̌ ǎ.”

Daniyɛ́li 6:27

“Un ná gbe ɖɔ mɛ e ɖo axɔ́súɖuto ce sín ayǐkúngban jí lɛ́ɛ bǐ ní ɖó sísí nú Mawu Daniyɛ́li tɔn, bó ɖi xɛsi n'i. É wɛ nyí Mawu gbɛɖe ɔ́. É wɛ ná nɔ ayǐ tɛgbɛ sɔ́yi. Axɔ́súɖuɖu tɔn ná vɔ gbeɖé ǎ. Acɛkpikpa tɔn ná nɔ ayǐ káká sɔ́yi.

Micée 7:7

Amɔ̌, nyɛ ɔ́, un ná nɔ te kpɔ́n Mawu Mavɔmavɔ ce; un ɖeji dó Mawu wǔ, ɖó é nɔ hwlɛ́n mì gán. Mawu ce ná se ɖɛ ce.

Luki 1:37

Đó nǔ ɖěbǔ gló Mawu ǎ.”

Mɛsɛ́dó 20:24

Amɔ̌, gbɛ nyɛtɔn ɔ́ wɛ nyí nǔɖé nú mì ǎ; éé ɖo tají ɔ́ wɛ nyí ɖɔ má kó sixú dó wezun e ɖo afɔ ce nu ɔ́ yi fó, bó wa azɔ̌ e Aklúnɔ Jezu sɔ́ dó así nú mì ɔ́ yi fó; é wɛ nyí ɖɔ má jlá Wɛn Ɖagbe e ɖɔ xó dó fɛ́nú Mawu tɔn wú é.

Mɛsɛ́dó 21:13

É ka yí gbe nú mǐ ɖɔ: “Nɛ̌ ka gbɔn bɔ mi ɖo avǐ ya wɛ bó ɖo ayi gba dó nú mì wɛ mɔ̌? Ényí è nǎ blá mì kɛ́ɖɛ́ wɛ un ɖo gbesisɔ mɛ ná ǎ; lo ɔ́, un lɛ́ ɖo gbesisɔ mɛ bo ná kú ɖo Jeluzalɛ́mu, ɖó Aklúnɔ Jezu wútu.”

Hlɔ̌manu 8:31

Đo nǔ énɛ́ lɛ́ɛ bǐ mɛ ɔ́, étɛ́ mǐ ka na lɛ́ ɖɔ? Ényí Mawu ɖo mǐ jí ɔ́, mɛ ɖěbǔ sixú wa nǔ ɖěbǔ nú mǐ ǎ.

2 Kɔlɛ́ntinu 1:10

É wɛ hwlɛ́n mǐ sín afɔkú baɖabaɖa énɛ́ e hɛn ɔ́, é ná dɔn mɛ yi kú ɔ́ mɛ, bó ka ná lɛ́ hwlɛ́n mǐ sín mɛ. Nǔgbó wɛ! Mǐ ɖo nukún ɖó e wɛ ɖɔ é ná lɛ́ hwlɛ́n mǐ sín mɛ;

Eblée 7:25

Énɛ́ wú wɛ é hɛn ɔ́, é ná hwlɛ́n mɛ e gbɔn jǐ tɔn bó sɛkpɔ́ Mawu lɛ́ɛ é bǐ gǎn, bɔ nǔ bǐ ná vɔ ɖ'é wú sín din káká sɔ́yi, ɖó é ɖo gbɛ tɛgbɛ, bó ná nɔ sa vo nú Mawu dó ta yětɔn mɛ.

1 Samuwɛ́li 17:37

Davídi lɛ́ ɖɔ: “Mawu e nɔ hwlɛ́n mì sín kinnikínní fɛn mɛ, bó nɔ hwlɛ́n mì sín lɔnmɔ fɛn mɛ ɔ́ ná hwlɛ́n mì ɖo Filisitɛ́ɛn énɛ́ sí.” Bɔ Sawúlu ɖɔ nú Davídi ɖɔ: “Bo yi! Mawu Mavɔmavɔ ní nɔ kpɔ́ xá we.”

1 Samuwɛ́li 17:46

Mawu Mavɔmavɔ ná jó we nú mì égbé, bɔ un ná hu we sɔ́ nyi ayǐ, bó gbo ta towe. Égbé ɔ́, un ná ná Filisitɛ́ɛn lɛ́ɛ sín lan xɛ lɛ́ɛ kpó gběkanlin lɛ́ɛ kpó bɔ yě ná ɖu. Énɛ́ ɔ́, gbɛ ɔ́ bǐ ná tunwun ɖɔ Mawu Izlayɛ́li tɔn ɔ́ hú gan nǔ bǐ.