Daniyɛ́li 3:12 - MAWUXÓWÉMA

¹² Lo ɔ́, Jwifu ɖé lɛ́ɛ tíin, bɔ mɛ zé yě nǔjíkpɔ́ntɔ́ ɖo Babilɔ́nu. Yě wɛ nyí Cadlaki kpó Mɛcáki kpó, kpódó Abɛ́di-Nɛgó kpó. Nya énɛ́ lɛ́ɛ nɔ́ sɛn vodún mɛtɔn lɛ́ɛ ǎ; yě ká nɔ ɖe kɔ́ nú bǒcyɔ e mɛ tun te ɔ́ ǎ.”

Daniyɛ́li 3:12 Iomraidhean Croise

Ɛsitɛ́ɛ 3:8

Hamáa ɖɔ nú axɔ́sú Zɛ̌ɛzɛsi ɖɔ: “Sɛ́mɛɖó e, togun ɖé tíin bó ɖo axɔ́súɖuto mɛtɔn mɛ, bó gba kpé tokpɔn lɛ́ɛ bǐ mɛ. Togun énɛ́ ɔ́ gbɔn vo ɖo togun ɖě lɛ́ɛ bǐ mɛ, bɔ walɔ tɔn gbɔn vo nú togun ɖě lɛ́ɛ bǐ tɔn; mɛ e ɖo togun énɛ́ ɔ́ mɛ lɛ́ɛ nɔ nyi sɛ́n mɛtɔn lɛ́ɛ ǎ; è nǎ agbɔ̌n mɛ énɛ́ lɛ́ɛ ɔ́, é ná nyɔ́ nú mɛ ǎ.

Nǔnywɛ́xó 27:4

Adǎn nɔ wa nǔ kanlin ɖɔhun; xomɛsin nɔ hɛn nǔ gblé; amɔ̌, wǔhwinhwan ɔ́, mɛ̌ ká sixú nɔ te nukɔn tɔn?

Nǔnywɛ́tɔ́xó 4:4

Un lɛ́ mɔ nǔ jɛ wú ɖɔ gbɛtɔ́ nɔ́ jɛ tagba bó nɔ lébe nú azɔ̌ tɔn. Nǔ e wú é nɔ́ ɖo mɔ̌ wa wɛ ɔ́ wɛ nyí ɖɔ nǔ ná nyɔ́ nú éyɛ́ hú mɛ bǐ. Un mɔ ɖɔ nǔ énɛ́ lɔ ɔ́, nǔ yǎyá wɛ; wezun kán ɖo jɔhɔn gúdo wɛ.

Daniyɛ́li 1:7

Mɛ e kpa acɛ nú mɛ e nɔ wa azɔ̌ ɖo hɔnmɛ lɛ́ɛ ɔ́ ná nyǐkɔ ɖěvo yě. É sun nyǐ Daniyɛ́li ɖɔ Bɛluticasáa, bó sun nyǐ Hananiya ɖɔ Cadlaki, bó sun nyǐ Micaɛ́li ɖɔ Mɛcáki, bó sun nyǐ Azalya ɖɔ Abɛ́di-Nɛgó.

Daniyɛ́li 2:48

Énɛ́ ɔ́ gúdo ɔ́, axɔ́sú ɔ́ sɔ́ Daniyɛ́li su, bó ná ɛ nǔ ɖagbe ɖagbe gěgé. É sɔ́ Daniyɛ́li tokpɔngán ɖo tokpɔn Babilɔ́nu tɔn nu. É lɛ́ sɔ́ gǎn Daniyɛ́li bɔ é kpa acɛ dó nǔnywɛ́tɔ́ e ɖo Babilɔ́nu lɛ́ɛ bǐ nu.

Daniyɛ́li 2:49

Daniyɛ́li byɔ́ axɔ́sú ɔ́ ɖɔ é ní zé Cadlaki kpó Mɛcáki kpó, kpódó Abɛ́di-Nɛgó kpó ɖó nǔjíkpɔ́ntɔ́ sín tɛnmɛ ɖo tokpɔn Babilɔ́nu tɔn mɛ. É ká zé Daniyɛ́li bɔ é húzú nǔnywɛ́námɛtɔ́ ɖo axɔ́sú ɔ́ sín agba jí.

Daniyɛ́li 3:11

Nú mɛɖé ma ka jɛ kpo bó ɖe kɔ́ ná ǎ ɔ́, è nǎ zé mɛ ɔ́ nyi dó myɔkpó e mɛ zo hɛhɛ ɖe ɔ́ mɛ.’

Daniyɛ́li 3:16

Ée axɔ́sú ɔ́ ɖɔ mɔ̌ ɔ́, Cadlaki kpó Mɛcáki kpó, kpódó Abɛ́di-Nɛgó kpó yí gbe n'i ɖɔ: “Sɛ́mɛɖó, é byɔ́ ɖɔ mǐ ná ba hwɛjijɔ nú mǐɖée ǎ.

Daniyɛ́li 3:29

Énɛ́ ɔ́ wú wɛ un ɖo gbeta élɔ́ ɖe tɔ́n wɛ: ‘Ényí mɛ ɖěbǔ tíin, mɛ ɔ́ sixú nyí togun ɖěbǔ mɛ nu, é sixú tɔ́n sín akɔta ɖěbǔ mɛ, é sixú nɔ dó gbe alɔkpa alɔkpa ɖěbǔ, bó ɖɔ xó nyanya ɖé dó Mawu Cadlaki kpó Mɛcáki kpó Abɛ́di-Nɛgó kpó tɔn wú gbeɖé ɔ́, è nǎ já mɛ énɛ́ ɔ́, bó ná gúdú xwé tɔn, bɔ é ná húzú zunkɔ́ta. Ɖó vodún ɖěbǔ ɖe bó ná sixú hwlɛ́n mɛ gán Mawu yětɔn ɖɔhun ǎ.’ ”

Daniyɛ́li 3:30

Ée axɔ́sú ɔ́ ɖɔ mɔ̌ ɔ́, é ba azɔ̌ ɖagbe ɖagbe ɖěvo nú Cadlaki kpó Mɛcáki kpó Abɛ́di-Nɛgó kpó ɖo Babilɔ́nu sín tokpɔn ɔ́ mɛ. Tɛn e mɛ axɔ́sú ɔ́ zé yě ɖó ɔ́ lɛ́ nyɔ́ hú ée mɛ yě ɖe ɖ'ayǐ é.

Daniyɛ́li 6:13

Yě yi mɔ axɔ́sú ɔ́, bó ɖɔ n'i ɖɔ: “Sɛ́mɛɖó, mɛ ma dó sɛ́n ɖɔ mɛ ɖěbǔ xomlá nǔmɛsɛn ɖěbǔ, abǐ gbɛtɔ́ ɖěbǔ bɔ é ma nyí mɛ ɖésúnɔ ɔ́ wɛ è xomlá ǎ ɔ́, è ɖǒ ná sɔ́ mɛ ɔ́ nyi dó kinnikínnído mɛ ǎ cé?” Axɔ́sú ɔ́ yí gbe nú yě ɖɔ: “Gbeta e tɔ́n e nɛ́ mi ɖɔ pɛ́pɛ́pɛ́ nɛ́. É ná cí Mɛdinu lɛ́ɛ kpó Pɛ́sinu lɛ́ɛ kpó sɛ́n e mɛɖé ma nɔ́ húzú ǎ é ɖɔhun.”

Daniyɛ́li 6:14

Ée yě se mɔ̌ ɔ́, yě ɖɔ: “Éénɛ́! Sɛ́mɛɖó, mɛ e nyí Daniyɛ́li ɖo mɛ e ahwan wlí sín Judáa tomɛ lɛ́ɛ mɛ ɔ́ ké ya ɖěbǔ nú mɛ ǎ, é ka sí gbeta e mɛ ɖe tɔ́n é ǎ, ɖó azɔn atɔn wɛ é nɔ́ xomlá Mawu tɔn ɖo kéze ɖokpó mɛ.”

Mɛsɛ́dó 17:7

bɔ Jazɔ́ɔn ka yí yě dó xwé tɔn gbe; yě mɛ bǐ wɛ nɔ gba sɛ́n e Dadá Hlɔ̌ma tɔn dó lɛ́ɛ, bó nɔ ɖɔ axɔ́sú ɖěvo tíin bó nɔ́ nyí Jezu.”

Mɛsɛ́dó 5:28

“Mǐ má kó dó sɛ́n nú mi syɛ́nsyɛ́n ɖɔ mi ma sɔ́ kplɔ́n nǔ mɛ dó nya énɛ́ sín nyǐkɔ mɛ ó a? Énɛ́ nǔ e kplɔ́n mɛ wɛ mi ɖe ɔ́ ka gba kpé Jeluzalɛ́mu to ɔ́ bǐ mɛ nɛ́; bɔ mi jló ná zé nya énɛ́ sín kú kplá kɔ nú mǐ.”