Daniyɛ́li 3:1 - MAWUXÓWÉMA

¹ Axɔ́sú Nabukodonɔzɔ́ɔ zɔ́n sikábócyɔ ɖokpó. Ga tɔn yi nǔjlɛ́kpo gban (30) mɔ̌, gbló tɔn yi nǔjlɛ́kpo atɔn mɔ̌. É sɔ́ bǒcyɔ ɔ́ yi ɖó Dula sín tɔdomɛ, ɖo tokpɔn Babilɔ́nu tɔn mɛ.

Daniyɛ́li 3:1 Iomraidhean Croise

1 Axɔ́sú 12:28

Énɛ́ ɔ́, é ba ayixa ɖokpó; é zɔ́n bɔ è zě siká dó bló nyibúví we n'i, bɔ é ɖɔ nú togun ɔ́ ɖɔ: “Fí e mi yi Jeluzalɛ́mu jɛ ɔ́ kpé. Izlayɛ́linu e mi! Mawu mitɔn ɖíe. É wɛ ɖe mi tɔ́n sín Ejípu.”

Ɛsitɛ́ɛ 1:1

Hwenu e Zɛ̌ɛzɛsi ɖo axɔ́sú ɖu wɛ ɔ́ wɛ xó e è ɖɔ dó fí ɔ́ jɛ. Tokpɔn kantɔn tɛ́nwe (127) nu wɛ é kpa acɛ dó, sín Ɛndu yi Etiopíi;

Ɖɛhan 135:15

Nǔ e akɔta lɛ́ɛ nɔ sɛn ɔ́, kpatágan kpó siká kpó wɛ è dǒ bló, gbɛtɔ́ núwiwa wɛ ká nyí nǔ nɛ́ lɛ́ɛ bǐ.

Tíntɔ́n 20:23

Mi ma sɔ́ kpatágan abǐ siká dó bló nǔmɛsɛn ɖě, bó sɛn gɔ́ nú mì ó.

Tíntɔ́n 32:31

Énɛ́ ɔ́, Mɔyízi lɛ́ kɔ yi Mawu Mavɔmavɔ gɔ́n, bó ɖɔ n'i ɖɔ: “Mawu Mavɔmavɔ, togun élɔ́ hu hwɛ ɖaxó. Yě zé siká dó bló vodún ɖokpó ná.

Ezayíi 2:20

Gbe énɛ́ gbe ɔ́, gbɛtɔ́ lɛ́ɛ ná bɛ́ vodún e yě zé kpatágan abǐ siká dó bló, bó nɔ́ sɛn lɛ́ɛ nyi dó acú lɛ́ɛ kpó afluiflui lɛ́ɛ kpó.

Ezayíi 30:22

Vodún towe e è kɔn kpatágan dó lɛ́ɛ, kpó bǒcyɔ towe e è kɔn siká dó lɛ́ɛ kpó ɔ́, a nǎ nɔ́ mɔ yě dó mɔ nǔ blíblí; a nǎ bɛ̌ yě nyi gbě nǔ e ko nyɔ é ɖɔhun, bó ná ɖɔ: “Cí”.

Ezayíi 46:6

Mi kpɔ́n mɛ e nɔ zán dɔkun yětɔn bǐ, bó nɔ́ da kpatágan, bó nɔ́ da siká, bó nɔ́ yí nǔtuntɔ́ ɖokpó bɔ é nɔ́ bló nǔmɛsɛn nú yě, bɔ yě nɔ́ jɛ kpo ɖo asá tɔn mɛ, bó nɔ́ sɛn ɛ lɛ́ɛ.

Jelemíi 10:9

Nǔmɛsɛn énɛ́ lɛ́ɛ ɔ́, kpatágan gbajagbaja e è hɛn sín Taasísi, abǐ siká e è hɛn sín Wufázi ɔ́ wɛ è nɔ dó ba acɔ́ ná. Alɔnuzɔ́watɔ́ ɖé wɛ nɔ́ tun yě, nǔtuntɔ́ ɖé wɛ nɔ wa azɔ̌ yětɔn. È nɔ zé avɔ vɔvɔ abǐ fɛ́sinnɔ dó ba acɔ́ nú yě. Nǔmɛsɛn énɛ́ lɛ́ɛ ɔ́, gbɛtɔ́ sín alɔ wɛ bló bǐ.

Jelemíi 16:20

Gbɛtɔ́ ɖó ná bló nǔmɛsɛn ǎ. Nǔ e é bló lɛ́ɛ nyí Mawu ǎ.”

Daniyɛ́li 2:48

Énɛ́ ɔ́ gúdo ɔ́, axɔ́sú ɔ́ sɔ́ Daniyɛ́li su, bó ná ɛ nǔ ɖagbe ɖagbe gěgé. É sɔ́ Daniyɛ́li tokpɔngán ɖo tokpɔn Babilɔ́nu tɔn nu. É lɛ́ sɔ́ gǎn Daniyɛ́li bɔ é kpa acɛ dó nǔnywɛ́tɔ́ e ɖo Babilɔ́nu lɛ́ɛ bǐ nu.

Daniyɛ́li 2:49

Daniyɛ́li byɔ́ axɔ́sú ɔ́ ɖɔ é ní zé Cadlaki kpó Mɛcáki kpó, kpódó Abɛ́di-Nɛgó kpó ɖó nǔjíkpɔ́ntɔ́ sín tɛnmɛ ɖo tokpɔn Babilɔ́nu tɔn mɛ. É ká zé Daniyɛ́li bɔ é húzú nǔnywɛ́námɛtɔ́ ɖo axɔ́sú ɔ́ sín agba jí.

Daniyɛ́li 3:14

axɔ́sú ɔ́ kanbyɔ́ yě ɖɔ: “Cadlaki, Mɛcáki, Abɛ́di-Nɛgó! Nǔgbó wɛ mi gbɛ́ ɖɔ émí kún ná sɛn vodún ce lɛ́ɛ ó a? Émí kún ka ná ɖe kɔ́ nú bǒcyɔ e un tun te é ó a?

Daniyɛ́li 3:30

Ée axɔ́sú ɔ́ ɖɔ mɔ̌ ɔ́, é ba azɔ̌ ɖagbe ɖagbe ɖěvo nú Cadlaki kpó Mɛcáki kpó Abɛ́di-Nɛgó kpó ɖo Babilɔ́nu sín tokpɔn ɔ́ mɛ. Tɛn e mɛ axɔ́sú ɔ́ zé yě ɖó ɔ́ lɛ́ nyɔ́ hú ée mɛ yě ɖe ɖ'ayǐ é.

Daniyɛ́li 5:23

A zě Aklúnɔ sɛ́xwé tɔn ɔ́ hwe, bó yi bɛ́ kɔ́fu e ɖo sinsɛnxɔ tɔn mɛ lɛ́ɛ, bɔ hwi kpó gbɛ̌ towe lɛ́ɛ kpó asi towe lɛ́ɛ kpó, kpó agalɛtɔ́ towe lɛ́ɛ kpó dó nu ahan ná, bɔ a nɔ ji han dó kpa susu nú vodún e è zě kpatágan dó bló ná lɛ́ɛ, ée è zě siká dó bló ná lɛ́ɛ, ée è zě ganvɔ dó bló ná lɛ́ɛ, ée è zě gan dó bló ná lɛ́ɛ, ée è zě atín dó bló ná lɛ́ɛ, kpó ée è zě awǐnnya dó bló ná lɛ́ɛ kpó. Vodún énɛ́ lɛ́ɛ ká nɔ mɔ nǔ ǎ, yě ká nɔ́ se xó ǎ, yě ká lɛ́ tunwun nǔ ɖěbǔ ǎ. A nɔ ɖo vodún énɛ́ lɛ́ɛ sɛn wɛ, bó nɔ́ gɔn susu kpa nú Mawu e sín alɔ mɛ funfún towe kpó nǔ e gbɛ towe ná nyí ɔ́ kpó ɖe é.

Daniyɛ́li 5:4

Ée yě bǐ nu ahan ganjí ɔ́, yě jɛ han e yě nɔ́ dó kpa susu nú vodún yětɔn lɛ́ɛ é ji jí. Vodún yětɔn lɛ́ɛ ɔ́, è zě siká dó bló ɖě, bó zé kpatágan dó bló ɖě, bó zé ganvɔ dó bló ɖě, bó zé gan dó bló ɖě. È zě atín dó bló ɖě, bó zé awǐnnya dó bló ɖě.

Ozée 2:8

Énɛ́ ɔ́ wú wɛ nyɛ Mawu Mavɔmavɔ ɔ́, un ná bɛ́ wunkan dó gbo ali n'i, un ná mɛ dǒ lɛ́ lɛ̌ dó e, bɔ é sɔ́ ná mɔ ali bó tɔ́n ǎ.

Ozée 8:4

Yě nɔ́ sɔ́ axɔ́sú nyɛ mɛ vo. Yě nɔ́ sɔ́ gǎn ma kan nǔɖé byɔ́ mì. Yě zé kpatágan yětɔn kpó siká yětɔn kpó dó bló vodún ná. Énɛ́ ɔ́ wú wɛ kún yětɔn ná sú dó.

Xabakúku 2:19

Mi mɛ e nɔ ɖɔ nú kpo énɛ́ ɖɔ é ní sí te lɛ́ɛ, heelú mi! Mi mɛ e nɔ ɖɔ nú awǐnnya ɖɔ é ní fɔ́n sí te lɛ́ɛ heelú mi! Awǐnnya ká nɔ kɛ nu bo nɔ sixú ɖe nǔɖé xlɛ́ mɛ wɛ a? Énɛ́ è bɛ̌ siká kpódó kpatágan kpó dó va nɛ́! Yɛ e nɔ ná gbɛ mɛ ɔ́ ká ɖ'é mɛ ǎ.

Mɛsɛ́dó 17:29

“Ée é ka nyí ɖɔ Mawu sín vǐ wɛ mǐ nyí é ɔ́, mǐ sɔ́ ɖó ná lin ɖɔ Mawu cí siká abǐ kpatágan abǐ awǐnnya ɖagbe ɖagbe e gbɛtɔ́ sɔ́ linlin tɔn kpódó aɖawun tɔn kpó dó kɔn ná é ɖɔhun ǎ.

Mɛsɛ́dó 19:26

Mi ka ɖo nǔ e dó sin wɛ nya Pɔ́lu énɛ́ ɖe ɔ́ mɔ wɛ, bó ɖo sise wɛ: é sɔ́ xó tɔn dó gblé tamɛ nú mɛ gěgé; ényí Efɛ́zi fí kɛ́ɖɛ́ wɛ ǎ, ɖibla gbɔn Azíi gbé ɔ́ bǐ jǐ wɛ, ɖó é nɔ́ ɖo ɖiɖɔ nú mɛ lɛ́ɛ wɛ ɖɔ nǔmɛsɛn e mǐ nɔ́ sɔ́ alɔ dó bló ná lɛ́ɛ kún nyí nǔ è nǎ sɛn ɖé ó.

Sɛ́nflínmɛ 7:25

bó ná dó nǔmɛsɛn yětɔn lɛ́ɛ sín bǒcyɔ zo; amɔ̌, mi ma nú siká kpó kpatágan kpó e ɖo yě wú lɛ́ɛ jló mi ó. Mi ma fɔ yě ó, ɖó suɖunú wɛ yě nyí ɖo Mawu Mavɔmavɔ, Mawu mitɔn nukɔn, bó ná dɔn nǔ nyanya wá nú mi.

Nǔɖexlɛ́mɛ 9:20

Gbɛtɔ́ e kpo bɔ nǔ nyanya énɛ́ lɛ́ɛ ma hu ǎ lɛ́ɛ lɛ́ kɔ sín nǔ e yě sɔ́ alɔ yě ɖésúnɔ tɔn dó bló ná lɛ́ɛ sinsɛn gúdo ǎ. Yě nɔ gɔn yɛ nyanya lɛ́ɛ sɛn ǎ; yě ka nɔ gɔn vodún e è sɔ́ siká dó bló ná lɛ́ɛ, ée è sɔ́ kpatágan dó bló ná lɛ́ɛ, ée è sɔ́ ganvɔ dó bló ná lɛ́ɛ, ée è sɔ́ awǐnnya dó bló ná lɛ́ɛ kpó ée è sɔ́ atín dó bló ná lɛ́ɛ kpán sɛn ǎ; nǔ énɛ́ lɛ́ɛ ka sixú mɔ nukúnnú ǎ; yě ka sixú se tónú ǎ; yě ka sixú ɖi zɔnlin ǎ.