Daniyɛ́li 2:9 - MAWUXÓWÉMA

⁹ Ényí mi ma ɖɔ dlɔ̌ ɔ́ nú mì ǎ ɔ́, hwɛ e un ná ɖó nú mi ɔ́, mɛɖé ná hwe ɖ'é mɛ ǎ. Mi ɖo tagbesɔ yi wɛ, bó ná jɛ adingban ɖó nú mì jí, bó ná jɛ awo ɖó nú mì jí, káká bɔ nǔ lɛ́ɛ bǐ ná húzú. Mi bó yá wǔ ɖɔ dlɔ̌ e un kú ɔ́ nú mì, cóbónú má tunwun ɖɔ mi hɛn ɔ́, mi ná ná tínmɛ tɔn mì.”

Daniyɛ́li 2:9 Iomraidhean Croise

1 Axɔ́sú 22:22

Bɔ é yí gbe nú Mawu Mavɔmavɔ ɖɔ: ‘Un ná yi, bó ná zé adingban dó nu nú gbeyíɖɔ tɔn lɛ́ɛ bǐ.’ Ée é ɖɔ mɔ̌ ɔ́, Mawu Mavɔmavɔ ɖɔ n'i ɖɔ: ‘Wlɛnwín ɖagbe nɛ́! A nǎ kpé wú bó blɛ́ ɛ nǔgbó. Bo yi bo bló gbɔn mɔ̌.’

1 Axɔ́sú 22:6

Énɛ́ ɔ́, Izlayɛ́li xɔ́sú ɔ́ kplé gbeyíɖɔ lɛ́ɛ. Yě yi afɔwe (400) mɔ̌. É kanbyɔ́ yě ɖɔ: “Má yi tɔ́n ahwan Hlamɔti toxo ɖo Galadi a, abǐ má gbɔ?” Bɔ yě yí gbe n'i ɖɔ: “Yi, Aklúnɔ ná jó toxo ɔ́ nú we.”

Ɛsitɛ́ɛ 4:11

“Mɛ bǐ wɛ tunwun sɛ́n élɔ́, bɛ́ sín mɛsɛntɔ́ axɔ́sú ɔ́ tɔn lɛ́ɛ jí káká yi jɛ mɛ e ɖo tokpɔn axɔ́sú ɔ́ tɔn mɛ lɛ́ɛ jí ɖɔ axɔ́sú ɔ́ má ylɔ́ mɛɖé ǎ, bónú mɛ ɔ́ yi axɔ́sú ɔ́ sín xwéta ɖo hɔn ɔ́ mɛ ɔ́, hu jɛ́n è nɔ hu i; é sixú nyí súnnu, é sixú nyí nyɔ̌nu; có nú è nǎ gɔn mɛ énɛ́ ɔ́ hu ɔ́, axɔ́sú ɔ́ jɛ́n ná dlɛ́n sikákpogɛ tɔn dó e; nyɛ ɔ́, axɔ́sú ɔ́ ma ka sɔ́ ylɔ́ mì din ǎ ɔ́, azǎn gban (30) ɖíe.”

Nǔnywɛ́xó 12:19

Xó e nyí xó nǔgbó ɔ́ nɔ ɖo te tɛgbɛ; lo ɔ́, adingbanxó ɔ́, nukúnxwixwe ɖokpó mɛ jɛ́n é nɔ́ gba.

Ezayíi 41:23

Ɛɛn, mi ɖɔ nǔ e ɖo nǎ wǎ jɛ wɛ é nú mǐ; énɛ́ ɔ́, mǐ ná tunwun ɖɔ mi lɔ ɔ́ Mawu wɛ mi nyí. Mi vɛ́ kó sixú bló nǔɖé bónú mǐ nǎ mɔ, é sixú nyí nǔ ɖagbe, é sixú nyí nǔ nyanya; énɛ́ ɔ́, mǐ ná ɖó sísí nú mi.

Ezayíi 44:25

Din ɔ́, nǔ e ná wá jɛ bɔ nǔkantɔ́ lɛ́ɛ nɔ́ ɖɔ lɛ́ɛ ɔ́, un sɔ́ bǐ dó húzú nǔ yǎyá. Nǔmɔtɔ́ lɛ́ɛ ɔ́, un sɔ́ yě dó húzú xlonɔ; un nya nǔnywɛ́tɔ́ lɛ́ɛ dó gbě, un sɔ́ nǔnywɛ́ yětɔn dó húzú gblǒ.

Ezekiyɛ́li 13:17

Mawu ɖɔ nú mì ɖɔ: “Din ɔ́, hwɛ gbɛtɔ́ e, nyɔ̌nu Izlayɛ́li tɔn e nɔ ɖo nǔ e ɖo ayi yětɔn mɛ lɛ́ɛ ɖɔ wɛ, bó nɔ́ ɖɔ émí ɖo Mawu wɛn dó wɛ lɛ́ɛ ɔ́, ɖe yě gba ɖo nyǐkɔ ce mɛ.

Ezekiyɛ́li 13:19

Mi nɔ yí jinukún alɔgogo kpɛɖé, abǐ wɔ̌xúxú gǒ ɖokpó ɖé ɖo mɛ lɛ́ɛ sí, bó nɔ́ dó hɛn nyǐkɔ ce blí ɖo togun ce mɛ. Mi nɔ yí nǔ énɛ́ lɛ́ɛ, bó nɔ́ hu mɛ e è ma ɖó ná hu ǎ lɛ́ɛ, bó nɔ́ jó mɛ e è ɖǒ ná hu lɛ́ɛ dó nyi gbɛ. Mi nɔ ɖó adingban nú togun ce bɔ yě lɔ nɔ ɖi nǔ nú mi.

Ezekiyɛ́li 13:6

Nǔ wɛ yě nɔ́ kpa ɖɔ bó nɔ́ ɖɔ émí mɔ nǔ; nǔ e yě nɔ́ ɖɔ é ná wá jɛ lɛ́ɛ ɔ́, adingban kɛ́ɖɛ́ wɛ; adingban ɖó wɛ yě nɔ́ ɖe bó nɔ́ ɖɔ: ‘Mawu Mavɔmavɔ ɖɔ lě’; nyɛ Mawu Mavɔmavɔ ka zɔ́n nǔɖé yě ǎ. Yě nɔ́ wa mɔ̌, bó nɔ́ ɖo te nɔ kpɔ́n wɛ ɖɔ nyɛ ná wa nǔ dó ɖe xlɛ́ ɖɔ émí ɖɔ nǔgbó.

Daniyɛ́li 2:16

Ée Daniyɛ́li se xó ɔ́ é ɔ́, é sɔ́ nǔ tlóló, bó yi mɔ axɔ́sú ɔ́, bó sa vo n'i ɖɔ é ní nɔ te kpɔ́n émí kpɛɖé nú émí ná wá tín nǔ e sín dlɔ̌ e é kú ɔ́ mɛ n'i.

Daniyɛ́li 2:21

É wɛ nɔ́ húzú hwenu lɛ́ɛ. É wɛ nɔ́ húzú nǔ e ɖo jijɛ wɛ lɛ́ɛ. É wɛ nɔ́ ɖe axɔ́sú sín gǎnzinkpo jí. É wɛ nɔ́ zé mɛ axɔ́sú. É wɛ nɔ́ ná nǔnywɛ́ nǔnywɛ́tɔ́ lɛ́ɛ. É wɛ nɔ́ ná nukúnnú-mɔjɛnǔmɛ nukúnnú-mɔjɛnǔmɛtɔ́ lɛ́ɛ.

Daniyɛ́li 2:8

Axɔ́sú ɔ́ lɛ́ yí xó bó ɖɔ: “Un mɔ din ɖɔ tɛn ba wɛ mi ɖe, bó ná yí agbɔ̌n kpɛɖé, ɖó gbeta e un ɖe tɔ́n ɔ́, un ɖɔ bó tɛ afɔ jí.

Daniyɛ́li 3:15

Din ɔ́, mi nɔ acéjí. Mi ná lɛ́ se ahwankpɛn, kpete, kanhún, kpó nǔxonú alɔkpa alɔkpa kpó sín gbe, lobo ná jɛ kpo bó ɖe kɔ́ nú bǒcyɔ ɔ́. Ényí mi ma ɖe kɔ́ ná ǎ ɔ́, è nǎ bɛ́ mi dó myɔkpó e mɛ myɔ ɖo jiji ɖe wɛ hɛhɛ é mɛ din tlóló, bɔ un ná kpɔ́n vodún e ná yí mi sín fɛn ce mɛ é.”

Daniyɛ́li 5:28

‘Palusíin’ ɔ́ sín tínmɛ nyí nǔmímá. É ɖo ɖiɖɔ ɖo fínɛ́ wɛ ɖɔ è mǎ axɔ́súɖuto ɔ́ nú Mɛdinu lɛ́ɛ kpó Pɛ́sinu lɛ́ɛ kpó.”

Daniyɛ́li 7:25

É ná nylá nu dó Mawu Ajalɔ̌nlɔn ɔ́ wú, bó ná nɔ dó ya nú togun mímɛ́ ɔ́. É ná lin ná húzú togun mímɛ́ ɔ́ sín tito lɛ́ɛ, kpódó sɛ́n tɔn lɛ́ɛ kpó; togun mímɛ́ ɔ́ ná nɔ acɛ tɔn mɛ nú xwe atɔn adaɖé.

2 Kɔlɛ́ntinu 2:17

Mǐ cí mɛ tobutóbú e nɔ zé Mawuxó ɔ́ dó wa ajɔ̌ ná lɛ́ɛ ɖɔhun ǎ. É nyɔ́ wa ɔ́, ée é nyí ɖɔ Mawu wɛ sɛ́ mǐ dó ɔ́, mǐ nɔ ɖɔ xó kpódó nǔgbó kpó ɖo nukɔn tɔn azɔ̌watɔ́ Klísu tɔn ɖɔhun.