Daniyɛ́li 2:49 - MAWUXÓWÉMA

⁴⁹ Daniyɛ́li byɔ́ axɔ́sú ɔ́ ɖɔ é ní zé Cadlaki kpó Mɛcáki kpó, kpódó Abɛ́di-Nɛgó kpó ɖó nǔjíkpɔ́ntɔ́ sín tɛnmɛ ɖo tokpɔn Babilɔ́nu tɔn mɛ. É ká zé Daniyɛ́li bɔ é húzú nǔnywɛ́námɛtɔ́ ɖo axɔ́sú ɔ́ sín agba jí.

Daniyɛ́li 2:49 Iomraidhean Croise

Ɛsitɛ́ɛ 2:19

È kplé ɖyɔ̌vǐ lɛ́ɛ azɔn wegɔ́ ɔ́; Maadocée ɖo azɔ̌ wa wɛ ɖo axɔ́sú ɔ́ xwé hwenɛ́nu.

Ɛsitɛ́ɛ 2:21

Maadocée ɖo azɔ̌ tɔn wa wɛ gbe ɖokpó ɖo hɔnmɛ bɔ Bigitáni kpódó Tɛlɛ́ci kpó blá sé ɖɔ émí ná hu axɔ́sú Zɛ̌ɛzɛsi, ɖó é dó xomɛsin ɖaxó ɖé xomɛ nú yě. Yě mɛ we énɛ́ lɛ́ɛ ɔ́, axɔ́sú ɔ́ sín hɔnta wɛ yě nɔ́ nɔ.

Ɛsitɛ́ɛ 3:2

Azɔ̌watɔ́ axɔ́sú ɔ́ tɔn lɛ́ɛ bǐ nɔ jɛ kpo nú Hamáa, bó nɔ́ ɖe kɔ́ n'i ɖó axɔ́sú ɔ́ wɛ ná gbe tɔn. Maadocée kɛ́ɖɛ́ jɛ́n má nɔ́ jɛ kpo bo nɔ ɖe kɔ́ n'i ǎ.

Nǔnywɛ́xó 28:12

Gbɛtɔ́ hwɛjijɔnɔ ɖó ɖuɖéjí ɔ́, xwe wɛ é nɔ́ nyí; amɔ̌, mɛdídá ɖu gǎn ɔ́, mɛ bǐ wɛ nɔ́ hɔn hwlá.

Jelemíi 39:3

Énɛ́ ɔ́, Babilɔ́nu xɔ́sú ɔ́ sín ahwangán lɛ́ɛ byɔ́ toxo ɔ́ mɛ, bó yi cí toxo ɔ́ sín hɔntogbó e è nɔ ylɔ́ ɖɔ Hɔntogbó Tɛ́ntin tɔn é jí; yě mɛ e yi cí fínɛ́ lɛ́ɛ ɖíe: Nɛ̌ɛgali-Salɛsɛ́ɛ ahwangán lɛ́ɛ sín gǎn ɔ́, Samugáa-Nɛbu, Nɛbu-Saasekímu, mɛ e wú axɔ́sú ɔ́ ɖeji dó hú mɛ bǐ ɔ́ kpó ahwangán ɖě lɛ́ɛ bǐ kpó.

Daniyɛ́li 1:17

Dɔ̌nkpɛvú ɛnɛ lɛ́ɛ ɔ́, Mawu ná yě nukúnnú-mɔjɛnǔmɛ, bó ná yě nǔtunwuntunwun, bɔ yě se gbe lɛ́ɛ, bó lɛ́ ɖó nǔnywɛ́. Daniyɛ́li ɔ́, éyɛ́ nɔ́ tín nǔmimɔ kpó dlɔ̌ lɛ́ɛ kpó mɛ.

Daniyɛ́li 1:7

Mɛ e kpa acɛ nú mɛ e nɔ wa azɔ̌ ɖo hɔnmɛ lɛ́ɛ ɔ́ ná nyǐkɔ ɖěvo yě. É sun nyǐ Daniyɛ́li ɖɔ Bɛluticasáa, bó sun nyǐ Hananiya ɖɔ Cadlaki, bó sun nyǐ Micaɛ́li ɖɔ Mɛcáki, bó sun nyǐ Azalya ɖɔ Abɛ́di-Nɛgó.

Daniyɛ́li 2:17

Énɛ́ ɔ́ gúdo ɔ́, Daniyɛ́li lɛ́ kɔ wá yi xwé gbe, bó wlí xó ɔ́ ɖɔ nú hǎgbɛ́ tɔn Hananiya, Micaɛ́li kpó Azalya kpó,

Daniyɛ́li 3:1

Axɔ́sú Nabukodonɔzɔ́ɔ zɔ́n sikábócyɔ ɖokpó. Ga tɔn yi nǔjlɛ́kpo gban (30) mɔ̌, gbló tɔn yi nǔjlɛ́kpo atɔn mɔ̌. É sɔ́ bǒcyɔ ɔ́ yi ɖó Dula sín tɔdomɛ, ɖo tokpɔn Babilɔ́nu tɔn mɛ.

Daniyɛ́li 6:2

Daliwúsi mɔ ɖɔ é nyɔ́ ɖɔ émí ní má axɔ́súɖuto émítɔn ɖó do kantɔn (120), lobo ná sɔ́ tokpɔngán ɖó ɖokpó ɖokpó nu, bónú yě ná sɔ́ acɛkpikpa émítɔn sín afɔ ɖó te gbɔn tokpɔn lɛ́ɛ mɛ.

Amɔ́si 5:15

Mi gbɛ́ wǎn nú nǔ nyanya wiwa, mi yí wǎn nú nǔ ɖagbe wiwa. Mi jɛ hwɛɖɔxɔsá hǔn, mi nɔ ɖɔ xó e sɔgbe é. Énɛ́ ɔ́, afɔ nyɔ́ ɔ́, Mawu Mavɔmavɔ, Mawu Nǔbǐwúkpétɔ́ ɔ́ sixú kú nǔbláwǔ nú Jozɛ́fu sín vǐ e kpo lɛ́ɛ.