Daniyɛ́li 2:45 - MAWUXÓWÉMA

⁴⁵ Nǔ e nyí wɛ awǐnnya e mɛɖé ma sɛ́ dó ǎ, bɔ é nɔ́ yǎyá, bó gosín só jí, bó wá gba gan kpó ganvɔ kpó, ko kpó kpatágan kpó, kpódó siká kpó e è dǒ bló bǒcyɔ ɔ́ ná lɛ́ɛ é nɛ́. Sɛ́mɛɖó ce, Nǔ e ɖo ná jɛ wɛ é wɛ Mawu ɖaxó bǐ ɔ́ ɖe xlɛ́ mɛ. Dlɔ̌ titewungbe wɛ mɛ kú, bɔ tínmɛ e é ɖó tawun ɔ́ jɛ́n un ɖɔ nú mɛ nɛ́.”

Daniyɛ́li 2:45 Iomraidhean Croise

Bǐbɛ́mɛ 41:26

Nyibú asi ɖɛkpɛ ɖɛkpɛ tɛ́nwe lɛ́ɛ ɔ́, xwe tɛ́nwe wɛ. Blěe ɖɛkpɛ ɖɛkpɛ tɛ́nwe lɛ́ɛ ɔ́, xwe tɛ́nwe wɛ. Hǔn nǔ ɖokpó ɔ́ ɖɔ wɛ dlɔ̌ we lɛ́ɛ ɖe.

Bǐbɛ́mɛ 41:28

Sɛ́mɛɖó, nǔ e un ko ɖɔ nú mɛ zaanɖé din ɔ́ wɛ; nǔ e wa gbé Mawu ja ɔ́ wɛ é zé xlɛ́ mɛ.

Bǐbɛ́mɛ 41:32

Ée è blǒ bɔ mɛ kú nǔ ɖokpó ɔ́ sín dlɔ̌ dó azɔn we jí mɔ̌ ɔ́, é ɖe xlɛ́ ɖɔ nǔ e Mawu lin ɖɔ émí ná wa ɔ́, wa jɛ́n é ná wa dandan; é ká ná lín cóbó wa nǔ ɔ́ ǎ.

2 Samuwɛ́li 7:22

Aklúnɔ, Mawu Mavɔmavɔ ce, a kló ɖésú. È sixú jlɛ́ we dó mɛ ɖěbǔ wú ǎ. Xó e è ɖɔ bɔ mǐ se lɛ́ɛ bǐ ɖe xlɛ́ ɖɔ Mawu ɖěvo kún tíin zɛ hwɛ wú ó.

1 Tan 16:25

Đó Mawu Mavɔmavɔ d'agba, é jɛ xá tawun ɖɔ è nǐ nɔ kpa susu n'i. É syɛ́n hú nǔmɛsɛn lɛ́ɛ bǐ.

Nɛɛmíi 4:14

Ényí mi ɖo fí ɖěbǔ bó se kpɛn gbe hǔn, mi sɛ kplé dó wǔ ce, nú Mawu mǐtɔn ná fun ahwan xá kɛntɔ́ mǐtɔn lɛ́ɛ nú mǐ.”

Nɛɛmíi 9:32

Hwɛ Mawu mǐtɔn, a kló bó d'agba. A ɖǒ hlɔ̌nhlɔ́n bó jí wǔ. Akɔ e a jɛ xá mǐ ɔ́, a hɛn ɖó alɔ jí. Kɛnklɛ́n bó kpɔ́n wǔvɛ́ e mɔ wɛ togun towe ɖe sín axɔ́sú Asilíi tɔn lɛ́ɛ hwenu káká wá jɛ din é; axɔ́sú mǐtɔn lɛ́ɛ, gǎn mǐtɔn lɛ́ɛ, vɔ̌sánú-xwlémawutɔ́ mǐtɔn lɛ́ɛ, gbeyíɖɔ mǐtɔn lɛ́ɛ, tɔ́gbó mǐtɔn lɛ́ɛ, kpó mɛ lɛ́ɛ kpó bǐ wɛ ɖo wǔvɛ́ mɔ wɛ.

Jɔ̌bu 36:26

Mawu kló, bɔ è sixú jlɛ́ ǎ; mɛ ɖěbǔ sixú tunwun xwe e é ɖó ɔ́ ǎ.

Ɖɛhan 135:5

Un tunwun ɖɔ Mawu Mavɔmavɔ kló, Aklúnɔ mǐtɔn hú gǎn nǔmɛsɛn lɛ́ɛ bǐ.

Ɖɛhan 145:3

Mawu Mavɔmavɔ kló, susu jɛ xá ɛ ɖě ɖo ɖě jí. É kló bɔ é sixú jlɛ́ ǎ.

Ɖɛhan 2:9

A nǎ sɔ́ gankpo dó gba yě ná; a nǎ gba yě hánnyá kozɛ́n ɖɔhun.’ ”

Ɖɛhan 48:1

Kolée ví súnnu lɛ́ɛ sín han.

Ɖɛhan 96:4

Đó Mawu Mavɔmavɔ d'agba, é jɛ xá tawun ɖɔ è nǐ kpa susu n'i. É syɛ́n hú nǔmɛsɛn lɛ́ɛ bǐ.

Ezayíi 28:16

Mi bo ɖótó xó e Aklúnɔ Mavɔmavɔ ɖɔ é: “Un ná zé awǐnnya dodó ɖokpó tun te ɖó Sinyɔ́ɔ, bó ná tɛ́n mi kpɔ́n; awǐnnya tají wɛ, awǐnnya dodó wɛ. Mɛ e ná gán jɛ awǐnnya ɔ́ wú ɔ́ ado ná hu i ǎ.

Daniyɛ́li 2:24

Ée Daniyɛ́li kpa susu nú Mawu fó ɔ́, é ɖidó Alyɔki gɔ́n. Alyɔki ɔ́ wɛ axɔ́sú ɔ́ ná gbe ɖɔ é ní hu nǔnywɛ́tɔ́ e ɖo Babilɔ́nu lɛ́ɛ. Ée Daniyɛ́li wá Alyɔki gɔ́n tlóló ɔ́, é ɖɔ n'i ɖɔ: “Ma hu nǔnywɛ́tɔ́ e ɖo Babilɔ́nu lɛ́ɛ ó! Wǎ kplá mì yi axɔ́sú ɔ́ gɔ́n, bónú má tín dlɔ̌ e é kú ɔ́ mɛ n'i.”

Daniyɛ́li 2:28

Amɔ̌, Mawu ɖokpó ɖo sɛ́xwé, bó nɔ́ ɖe nǔbúdo lɛ́ɛ xlɛ́ mɛ. Axɔ́sú Nabukodonɔzɔ́ɔ, Mawu énɛ́ ɔ́ wɛ ná ɖɔ nǔ e ná jɛ sɔ ɔ́ nú mɛ. Din ɔ́, nǔ e è mɔ ɖo dlɔ̌ mɛtɔn mɛ ɔ́ ɖíe:

Daniyɛ́li 2:29

Sɛ́mɛɖó, hwenu e mɛ ɖo adɔ̌zan mɛtɔn jí ɔ́, mɛ ɖo nǔ lin sɛ́ dó nukɔn mɛ wɛ, bɔ mɛ e nɔ ɖe nǔbúdo lɛ́ɛ xlɛ́ mɛ ɔ́ xlɛ́ mɛ nǔ e ná wá jɛ sɔ gúdo é.

Daniyɛ́li 2:44

Axɔ́sú énɛ́ lɛ́ɛ sín hwenu ɔ́, Mawu sɛ́xwé tɔn ná ɖe axɔ́súɖuto e mɛɖé má sixú gba ǎ é ɖokpó tɔ́n. Acɛkpikpa tɔn ná jɛ akɔta ɖěvo sí gbeɖé ǎ. Axɔ́súɖuto énɛ́ ɔ́ ná gba axɔ́súɖuto e ko ɖo ayǐ lɛ́ɛ bǐ, bó ná hu acɛ nú yě, bɔ yě sɔ́ ná tíin nyǐ ǎ. Lo ɔ́, éyɛ́ ná nɔ te káká sɔ́yi.

Daniyɛ́li 8:25

É ná zé bǐbí tɔn dó táfú mɛ ɖé lɛ́ɛ, bó ná zé goyíyí tɔn dó sú mɛ e vɛdó ɖɔ émí ko mɔ agbɔ̌n lɛ́ɛ sín kún dó, bó ná lɛ́ sí te dó axɔ́sú axɔ́sú lɛ́ɛ tɔn ɔ́ jí. Hwenɛ́nu ɔ́, mɛ ɖěbǔ ná ɖó alɔ wǔ tɔn ǎ, bɔ é ná nɔ mɔ̌ bó gba hánnyá.

Ajée 2:22

Un ná flí zinkpo sín axɔ́sú lɛ́ɛ glɔ́, bó ná hu acɛ nú axɔ́súɖuto e ɖo ayǐkúngban jí lɛ́ɛ bǐ. Un ná flí ahwanhún lɛ́ɛ kpó mɛ e ɖo kunkun wɛ lɛ́ɛ kpó nyi kɔ́ mɛ. Sɔ́ lɛ́ɛ ná kú bɔ sɔ́xátɔ́ lɛ́ɛ ná hu yěɖée.

Zakalíi 12:3

Hwenɛ́nu ɔ́, un ná sɔ́ Jeluzalɛ́mu dó ɖó awǐnnya kpinkpɛn ɖé nú togun lɛ́ɛ bǐ. Mɛ e ná zé dó jǐ lɛ́ɛ bǐ ná gblé wǔ. Énɛ́ ɔ́, akɔta e ɖo ayǐkúngban jí lɛ́ɛ bǐ ná kplé bó húzú kpan nukɔn ɛ.”

Malacíi 1:11

Sín zǎnzǎnhwe jí káká wá yi gbadahwe jí ɔ́, gbɛtɔ́ e ɖo ayǐkúngban ɔ́ jí lɛ́ɛ bǐ wɛ tunwun susu ce. Fí bǐ wɛ è nɔ dó zǎlínkpɔ́n zo ɖe dó ta ce mɛ, bó nɔ́ hɛn vɔ̌sánú e jɛ xá mì lɛ́ɛ wá nú mì ɖe. Nǔgbó wɛ, akɔta lɛ́ɛ tunwun susu ce.

Matíe 21:24

Jezu ka yí xó, bó ɖɔ nú yě ɖɔ: “Nyɛ lɔ ná kan nǔ ɖokpó byɔ́ mi. Ényí mi ná sin tɔn mì ɔ́, nyɛ lɔ ná ɖɔ acɛ e un ɖó, bó nɔ́ wa nǔ gbɔn mɔ̌ ɔ́ nú mi.

Matíe 24:35

Jǐnukúnsin kpódó ayǐkúngban kpó ná vɔ, amɔ̌, xó ce lɛ́ɛ ná vɔ gbeɖé ǎ.

Luki 17:20

Falizyɛn lɛ́ɛ ka wá kan nǔ byɔ́ Jezu dó hwenu e axɔ́súɖuɖu Mawu tɔn na wa dó é wu, bɔ é yí gbe nú yě ɖɔ: “Axɔ́súɖuɖu Mawu tɔn nyí nǔ e è nǎ sixú mɔ dó nukún wú ɔ́ ǎ.

Sɛ́nflínmɛ 10:17

È ka ná ɖɔ ɔ́, Mawu Mavɔmavɔ, Mawu mitɔn ɔ́, é ɖokpónɔ wɛ nyí Mawu; é wɛ nyí Aklúnɔ aklúnɔ lɛ́ɛ tɔn; Mawu ɖaxó wɛ, lobo dó xɛsi. É nɔ́ nɔ awo mɛ nú mɛ ɖěbǔ ǎ; é ká nɔ́ yí ajɔ ɖo mɛ ɖěbǔ sí ǎ.

Nǔɖexlɛ́mɛ 1:19

Hǔn, bo wlán nǔ e a mɔ lɛ́ɛ: ée ɖo jijɛ wɛ din lɛ́ɛ kpódó ée ná wá jɛ dó énɛ́ lɛ́ɛ gúdo lɛ́ɛ kpán.

Nǔɖexlɛ́mɛ 19:17

Énɛ́ ɔ́ gúdo ɔ́, un mɔ wɛnsagun ɖé ɖo te hwesivɔ́ mɛ. É sú xó gbe lélé sɛ́ dó xɛ e ɖo zinzɔn wɛ ɖo aga ɖéé lɛ́ɛ bǐ ɖɔ: “Mi wá; mi kplé miɖée nú nǔɖuɖu ɖaxó Mawu tɔn ɔ́!

Nǔɖexlɛ́mɛ 4:1

Énɛ́ ɔ́ gúdo ɔ́, un ɖo nǔ kpɔ́n wɛ bó mɔ hɔn ɖé ɖo hunhun ɖo sɛ́xwé. Gbe e ɖo nǔ ɖɔ wɛ kpɛn ɖaxó ɖé ɖɔhun, bó ɖo xó ɖɔ nú mì wɛ ɖ'ayǐ ɔ́ ɖɔ nú mì ɖɔ: “Xá jǐ fí, un ná xlɛ́ nǔ e ɖó ná jɛ énɛ́ ɔ́ gúdo ɔ́ we.”