Daniyɛ́li 2:44 - MAWUXÓWÉMA

⁴⁴ Axɔ́sú énɛ́ lɛ́ɛ sín hwenu ɔ́, Mawu sɛ́xwé tɔn ná ɖe axɔ́súɖuto e mɛɖé má sixú gba ǎ é ɖokpó tɔ́n. Acɛkpikpa tɔn ná jɛ akɔta ɖěvo sí gbeɖé ǎ. Axɔ́súɖuto énɛ́ ɔ́ ná gba axɔ́súɖuto e ko ɖo ayǐ lɛ́ɛ bǐ, bó ná hu acɛ nú yě, bɔ yě sɔ́ ná tíin nyǐ ǎ. Lo ɔ́, éyɛ́ ná nɔ te káká sɔ́yi.

Daniyɛ́li 2:44 Iomraidhean Croise

Bǐbɛ́mɛ 49:10

Axɔ́sú kpogɛ ɔ́ ná nɔ Judáa hɛ́nnu mɛ, gǎn kpogɛ ɔ́ ná nɔ vǐ tɔn lɛ́ɛ sín alɔmɛ, káká jɛ hwenu e mɛ e tɔn é nyí ɔ́ ná wá, bɔ togun lɛ́ɛ ná se tónú n'i é.

2 Samuwɛ́li 7:13

É wɛ ná sá xwé nú mì, bɔ un ná sɔ́ axɔ́súɖuɖu tɔn jínjɔ́n ayǐ káká sɔ́yi.

2 Samuwɛ́li 7:16

A gosín axɔ́súzinkpo jí ɔ́, vǐ towe lɛ́ɛ wɛ ná nɔ ɖu axɔ́sú ɖě jɛ ɖě gúdo káká sɔ́yi, ɖó nǔɖé ná yí axɔ́súɖuɖu ɔ́ sín xwédo towe mɛ ǎ.’ ”

Ɖɛhan 145:13

Axɔ́súɖuɖu towe ɔ́, axɔ́súɖuɖu mavɔ mavɔ wɛ, bɔ gǎnhúnǔ towe ɖo te káká sɔ́yi.

Ezayíi 60:12

“Ényí akɔta ɖé abǐ axɔ́súɖuto ɖé gbɛ́ ɖɔ émí kún ná wa azɔ̌ nú we ó ɔ́, è nǎ sú kún tɔn dó bǐ gbídígbídí.

Ezekiyɛ́li 37:25

Mi ná nɔ to e un ná mɛsɛntɔ́ ce Jakɔ́bu, bɔ tɔ́gbó mitɔn lɛ́ɛ nɔ mɛ é mɛ. Mi ná nɔ fínɛ́ káká sɔ́yi, mi kpó vǐ mitɔn lɛ́ɛ kpó, kpódó vǐvú vivu mitɔn lɛ́ɛ kpó. Mɛsɛntɔ́ ce Davídi ná nɔ mi nu káká sɔ́yi.

Daniyɛ́li 2:28

Amɔ̌, Mawu ɖokpó ɖo sɛ́xwé, bó nɔ́ ɖe nǔbúdo lɛ́ɛ xlɛ́ mɛ. Axɔ́sú Nabukodonɔzɔ́ɔ, Mawu énɛ́ ɔ́ wɛ ná ɖɔ nǔ e ná jɛ sɔ ɔ́ nú mɛ. Din ɔ́, nǔ e è mɔ ɖo dlɔ̌ mɛtɔn mɛ ɔ́ ɖíe:

Daniyɛ́li 2:34

Bǒcyɔ ɔ́ kpɔ́n wɛ mɛ ɖe, bɔ awǐnnya ɖé nɔ yǎyá, bó blí sín dɔ̌n bó wá xo bǒcyɔ ɔ́ dó afɔkpákpá e fí ɖě nyí gan, bɔ fí ɖě nyí ko é, bɔ yě gba hánnyá.

Daniyɛ́li 2:35

Đo nukúnxwixwe ɖokpó mɛ ɔ́, gan e ɖ'é mɛ é, ko e ɖ'é mɛ é, ganvɔ e ɖ'é mɛ é, kpatágan e ɖ'é mɛ é, kpó siká e ɖ'é mɛ é kpó bǐ gúdú, bó húzú afúntúntún, bɔ jɔhɔn d'alɔ mɛ bó dɔn yi lě e è ɖo jinukún fún wɛ ɔ́, jɔhɔn nɔ d'alɔ wɔn tɔn mɛ é ɖɔhun. Bǒcyɔ ɔ́, è sɔ́ mɔ wǔjɔnú tɔn ɖěbǔ ǎ. Awǐnnya e ká wá xo bǒcyɔ ɔ́ húzú só ɖaxó bó cyɔ́n ayǐkúngban ɔ́ bǐ.

Daniyɛ́li 2:37

Mɛ wɛ kpa acɛ nú axɔ́sú lɛ́ɛ bǐ. Mawu sɛ́xwé tɔn ná axɔ́súɖuɖu mɛ, bó ná acɛ mɛ, bó ná hlɔ̌nhlɔ́n mɛ, bó ná susu mɛ.

Daniyɛ́li 2:43

Xlɛ́ tɔn lɛ́ɛ ka ná syɛ́n ǎ. Lě e gan kpó ko kpó má nɔ́ nɔ bǔ ǎ é ɖɔhun jɛ́n ná cí.

Daniyɛ́li 4:3

Énɛ́ ɔ́, un ɖɔ è nǐ kplé nǔnywɛ́tɔ́ e ɖo Babilɔ́nu lɛ́ɛ bǐ, bónú yě ná tín dlɔ̌ ɔ́ mɛ nú mì.

Daniyɛ́li 4:34

Énɛ́ wú wɛ nyɛ axɔ́sú Nabukodonɔzɔ́ɔ ɖo Mawu jǐxwé tɔn ɔ́ mlá wɛ din, bó ɖo sísɔ́ ɛ su wɛ, bó ɖo susu kpa n'i wɛ. Nǔ e é bló é bǐ wɛ sɔgbe, nǔ e é wa lɛ́ɛ bǐ wɛ nyɔ́. É lɛ́ ɖó acɛ e ná sɔ́ mɛ e ɖo afɔ tɛ ayǐ wɛ lɛ́ɛ hwe é lɔ.”

Daniyɛ́li 6:26

Ée axɔ́sú Daliwúsi bló mɔ̌ ɔ́, é wlán sɛ́ dó togun lɛ́ɛ bǐ, akɔta lɛ́ɛ bǐ kpó mɛ e nɔ dó gbe alɔkpa alɔkpa ɖo gbɛ ɔ́ mɛ lɛ́ɛ kpó ɖɔ: “Fífá ní nɔ kpɔ́ xá mi bó túnflá!

Daniyɛ́li 6:27

“Un ná gbe ɖɔ mɛ e ɖo axɔ́súɖuto ce sín ayǐkúngban jí lɛ́ɛ bǐ ní ɖó sísí nú Mawu Daniyɛ́li tɔn, bó ɖi xɛsi n'i. É wɛ nyí Mawu gbɛɖe ɔ́. É wɛ ná nɔ ayǐ tɛgbɛ sɔ́yi. Axɔ́súɖuɖu tɔn ná vɔ gbeɖé ǎ. Acɛkpikpa tɔn ná nɔ ayǐ káká sɔ́yi.

Daniyɛ́li 7:27

Axɔ́súɖuto e ɖo ayǐkúngban ɔ́ jí lɛ́ɛ bǐ sín axɔ́súɖuɖu kpó acɛkpikpa kpó, kpódó susu yětɔn kpó ná húzú togun mímɛ́ Mawu Ajalɔ̌nlɔn tɔn ɔ́ tɔn. Togun mímɛ́ ɔ́ ná ɖu axɔ́sú káká yi mavɔ mavɔ, bɔ hlɔ̌nhlɔ́n e ɖo gbɛ ɔ́ mɛ lɛ́ɛ bǐ ná nɔ acɛ tɔn mɛ, bó ná nɔ́ se tónú n'i, bó ná nɔ́ sɛn ɛ.’

Daniyɛ́li 8:25

É ná zé bǐbí tɔn dó táfú mɛ ɖé lɛ́ɛ, bó ná zé goyíyí tɔn dó sú mɛ e vɛdó ɖɔ émí ko mɔ agbɔ̌n lɛ́ɛ sín kún dó, bó ná lɛ́ sí te dó axɔ́sú axɔ́sú lɛ́ɛ tɔn ɔ́ jí. Hwenɛ́nu ɔ́, mɛ ɖěbǔ ná ɖó alɔ wǔ tɔn ǎ, bɔ é ná nɔ mɔ̌ bó gba hánnyá.

Micée 4:7

Un ná kplé afɔkponɔ lɛ́ɛ, bónú togun ɔ́ ná lɛ́ fɔ́n. Un ná zé yě mɛ e ɖo gbejí lɛ́ɛ dó bló togun syɛ́nsyɛ́n ɖé, bɔ nyɛ Mawu Mavɔmavɔ ɔ́ ná ɖu axɔ́sú ɖo yě nu, ɖo Sinyɔ́ɔ só ɔ́ jí, sín hwenɛ́nu káká sɔ́yi.

Ajée 2:22

Un ná flí zinkpo sín axɔ́sú lɛ́ɛ glɔ́, bó ná hu acɛ nú axɔ́súɖuto e ɖo ayǐkúngban jí lɛ́ɛ bǐ. Un ná flí ahwanhún lɛ́ɛ kpó mɛ e ɖo kunkun wɛ lɛ́ɛ kpó nyi kɔ́ mɛ. Sɔ́ lɛ́ɛ ná kú bɔ sɔ́xátɔ́ lɛ́ɛ ná hu yěɖée.

Ajée 2:7

Un ná dán togun ɖě lɛ́ɛ bǐ, bɔ yě ná bɛ́ dɔkun yětɔn lɛ́ɛ wá fí, bɔ un ná bɛ́ bó dó vɔ́ acɔ́ ɖó nú xwé ce, bɔ é ná nyɔ́ ɖɛkpɛ ɖésú; nyɛ wɛ ɖɔ mɔ̌ nú mi.

Matíe 28:18

Jezu ka sɛ yá yě, bó ɖɔ nú yě ɖɔ: “Mawu ná acɛ e ɖo jǐnukúnsin, kpódó ée ɖo ayǐkúngban jí ɔ́ kpó bǐ mì.

Jǎan 12:34

Mɛ lɛ́ɛ ka yí gbe n'i ɖɔ: “Mǐ xa ɖo Mawuxówéma ɔ́ mɛ ɖɔ Klísu ɔ́ kún ná kú gbeɖé ó, bɔ hwɛ ka ɖo ɖiɖɔ nú mǐ wɛ din ɖɔ è nǎ sɔ́ Gbɛtɔ́ví ɔ́ dó jǐ. Mɛ̌ ká nyí Gbɛtɔ́ví énɛ́?”

Eblée 12:28

Hǔn, mi nú mǐ ná tunwun nǔ e Mawu wa nú mǐ ɔ́ n'i; ɖó é ɖo axɔ́súɖuto e ma sixú húnhún ǎ é ná mǐ wɛ. Mi nú mǐ ná sɛn ɛ lě e mǐ ná sɛn ɛ gbɔn, bɔ é ná nyɔ́ nukún tɔn mɛ é kpó sísí kpó, kpódó xɛsi kpó, bó ná dó ɖe xlɛ́ ɛ ɖɔ mǐ tunwun nǔ e é wa nú mǐ ɔ́ n'i.

Nǔɖexlɛ́mɛ 11:15

Énɛ́ ɔ́ gúdo ɔ́, wɛnsagun Mawu tɔn tɛ́nwegɔ́ ɔ́ kún kpɛn, bɔ gbe ɖaxó ɖé lɛ́ɛ ɖi ɖo jǐxwé bó ɖɔ: “Axɔ́súɖuɖu gbɛ ɔ́ tɔn nyí Aklúnɔ mǐtɔn kpó Klísu tɔn kpán tɔn lo! Bɔ é ná ɖu axɔ́sú káká sɔ́yi.”