Daniyɛ́li 2:41 - MAWUXÓWÉMA

⁴¹ Lě e mɛ ko mɔ gbɔn ɔ́, bǒcyɔ ɔ́ sín afɔkpákpá lɛ́ɛ, kpó afɔví tɔn lɛ́ɛ kpó ɔ́, ko ɖě gan ɖě wɛ. É ɖo ɖiɖe xlɛ́ wɛ ɖɔ axɔ́súɖuto ɔ́ sín gbe kún ná nɔ kpɔ́ ó. Axɔ́súɖuto énɛ́ ɔ́ ná ɖó nǔɖé, bɔ nǔ ɔ́ ná syɛ́n gan ɖɔhun, ɖó mɛ ɖésúnɔ mɔ ɖɔ gan kpó ko kpó wɛ ɖo bǔ.

Daniyɛ́li 2:41 Iomraidhean Croise

Daniyɛ́li 2:40

Axɔ́súɖuto ɛnɛgɔ́ ɔ́ ná jɛ fínɛ́; éyɛ́ ná syɛ́n ɖi gan. Lě e è nɔ zé gan dó gba nǔ hánnyá, bó nɔ li bɔ é nɔ́ mɛ́ kpɔ́ɖɔ́kpɔ́ɖɔ́ ɔ́ ɖɔhun wɛ axɔ́súɖuto énɛ́ ɔ́ ná gba, bó ná li axɔ́súɖuto e jɛ nukɔn n'i lɛ́ɛ bǐ .

Daniyɛ́li 2:42

Ée afɔví lɛ́ɛ ɖě nyí gan, bɔ ɖě nyí ko, bɔ yě bǐ ká ɖo bǔ ɔ́, énɛ́ ɖo ɖiɖe xlɛ́ wɛ ɖɔ axɔ́súɖuto ɔ́ akpá bǔ ná dó hlɔ̌nhlɔ́n, bó syɛ́n gan ɖɔhun, bɔ akpá bǔ ná vɔ́ da.

Daniyɛ́li 7:24

Zo tɔn wǒ lɛ́ɛ nyí axɔ́sú wǒ e ná kpa acɛ ɖo axɔ́súɖuto énɛ́ ɔ́ mɛ lɛ́ɛ sín xlɛ̌. Axɔ́sú wǒ-ɖokpógɔ́ ɔ́ ná wá, bó ka ná gbɔn vo nú ɖě lɛ́ɛ. Éyɛ́ ná zin axɔ́sú atɔn dɛ́, bó ná kpa acɛ.

Daniyɛ́li 7:7

Un lɛ́ ɖo nǔ e mɔ wɛ un ɖe ɖo zǎn mɛ ɔ́ kpɔ́n wɛ. Kanlin ɛnɛgɔ́ e un mɔ ɔ́ dó xɛsi bó hu ado. Hlɔ̌nhlɔ́n e ɖo wǔtu tɔn ɔ́ vɛ́ jlɛ́. Ganɖú ɖaxó ɖaxó wɛ ɖo nu tɔn mɛ bɔ é nɔ dó ɖu nǔ ná, bó nɔ́ zé dó vúnvún nǔ e é nɔ́ wlí lɛ́ɛ ná. É nɔ́ gbídí nǔ e é ma nɔ ɖu ǎ lɛ́ɛ ɖó afɔ wú. Kanlin énɛ́ ɔ́ gbɔn vo nú atɔn ɖě lɛ́ɛ sésé, bó lɛ́ ɖó zo wǒ.

Nǔɖexlɛ́mɛ 12:3

Xlɛ̌ ɖěvo lɛ́ tɔ́n ɖo jǐxwé: è mɔ kanlin baɖabaɖa ɖaxó vɔvɔ ɖé; è nɔ ylɔ́ kanlin ɔ́ ɖɔ Dlagɔ́ɔn; é ɖó ta tɛ́nwe, bó ɖó zo wǒ, bɔ axɔ́súgbákún ɖokpó ɖokpó ɖo ta tɔn ɖokpó ɖokpó jí.

Nǔɖexlɛ́mɛ 13:1

Énɛ́ ɔ́ gúdo ɔ́, un mɔ kanlin ɖé tɔ́n sín xu mɛ; é ɖó zo wǒ, bó ɖó ta tɛ́nwe; é xwe axɔ́súgbákún ɖokpó ɖokpó ɖó zo tɔn lɛ́ɛ ɖokpó ɖokpó jí; è wlǎn nu nylá dó Mawu wú sín nyǐkɔ dó ta tɔn lɛ́ɛ wú.

Nǔɖexlɛ́mɛ 17:12

“Zo wǒ e a mɔ lɛ́ɛ ɔ́, axɔ́sú wǒ wɛ yě nyí; yě ka ko jɛ axɔ́sú ɖu jí ǎ. Amɔ̌ è nǎ sɔ́ acɛkpikpa ɔ́ dó así nú yě, bɔ yě ná ɖu axɔ́sú xá kanlin ɔ́ nú ganxixo ɖokpó.