Daniyɛ́li 2:40 - MAWUXÓWÉMA

⁴⁰ Axɔ́súɖuto ɛnɛgɔ́ ɔ́ ná jɛ fínɛ́; éyɛ́ ná syɛ́n ɖi gan. Lě e è nɔ zé gan dó gba nǔ hánnyá, bó nɔ li bɔ é nɔ́ mɛ́ kpɔ́ɖɔ́kpɔ́ɖɔ́ ɔ́ ɖɔhun wɛ axɔ́súɖuto énɛ́ ɔ́ ná gba, bó ná li axɔ́súɖuto e jɛ nukɔn n'i lɛ́ɛ bǐ .

Daniyɛ́li 2:40 Iomraidhean Croise

Jɔ̌bu 9:17

É nɔ mɔ̌ kpowun bo xo mì zindɛ́ ; é nɔ́ nɔ dadá mɛ, bó nɔ́ jɛ wǔ gblé mì jí ma ɖó alɔ te.

Jelemíi 15:12

Gan ɖě sixú hɛn ganwlíwlí wɛ́n a? Gan ɖě sixú hɛn ganvɔ wɛ́n a?”

Daniyɛ́li 2:33

Zǎkɛ́tɛ́ tɔn lɛ́ɛ nyí gan. Afɔkpákpá tɔn lɛ́ɛ fí ɖě nyí gan bɔ fí ɖě nyí ko.

Daniyɛ́li 2:39

Nú axɔ́súɖuto mɛtɔn wá yi ɔ́, axɔ́súɖuto ɖěvo ná wá; é ká ná ɖó acɛ sɔ mɛtɔn ǎ. Axɔ́súɖuto atɔngɔ́ ɔ́ ná wá, bó ná gba kpé ayǐkúngban ɔ́ bǐ jǐ. Axɔ́súɖuto énɛ́ ɔ́ wɛ ɖo ganvɔ ɔ́ nyí wɛ.

Daniyɛ́li 2:41

Lě e mɛ ko mɔ gbɔn ɔ́, bǒcyɔ ɔ́ sín afɔkpákpá lɛ́ɛ, kpó afɔví tɔn lɛ́ɛ kpó ɔ́, ko ɖě gan ɖě wɛ. É ɖo ɖiɖe xlɛ́ wɛ ɖɔ axɔ́súɖuto ɔ́ sín gbe kún ná nɔ kpɔ́ ó. Axɔ́súɖuto énɛ́ ɔ́ ná ɖó nǔɖé, bɔ nǔ ɔ́ ná syɛ́n gan ɖɔhun, ɖó mɛ ɖésúnɔ mɔ ɖɔ gan kpó ko kpó wɛ ɖo bǔ.

Daniyɛ́li 7:7

Un lɛ́ ɖo nǔ e mɔ wɛ un ɖe ɖo zǎn mɛ ɔ́ kpɔ́n wɛ. Kanlin ɛnɛgɔ́ e un mɔ ɔ́ dó xɛsi bó hu ado. Hlɔ̌nhlɔ́n e ɖo wǔtu tɔn ɔ́ vɛ́ jlɛ́. Ganɖú ɖaxó ɖaxó wɛ ɖo nu tɔn mɛ bɔ é nɔ dó ɖu nǔ ná, bó nɔ́ zé dó vúnvún nǔ e é nɔ́ wlí lɛ́ɛ ná. É nɔ́ gbídí nǔ e é ma nɔ ɖu ǎ lɛ́ɛ ɖó afɔ wú. Kanlin énɛ́ ɔ́ gbɔn vo nú atɔn ɖě lɛ́ɛ sésé, bó lɛ́ ɖó zo wǒ.

Daniyɛ́li 8:24

Acɛkpikpa tɔn ná nɔ́ ɖo syɛ́nsyɛ́n d'é jí wɛ, có é ka nyí é ɖésú wɛ ɖo hlɔ̌nhlɔ́n ɖé dó wɛ ǎ. É ná dɔn nǔ gěgé gúdú. É sí te dó nǔɖé wú ɔ́, é ná nɔ́ kpé wú. É ná sú mɛ e ɖó acɛ lɛ́ɛ sín kún dó. É ná sú togun mímɛ́ ɔ́ lɔ sín kún dó.

Daniyɛ́li 9:26

Ée xwe tɛ́nwe tɛ́nwe donu kanɖé ko-nukún-we (62) lɛ́ɛ ná fó ɔ́, è nǎ hu mɛ e jí è ylɔ̌ Mawu nyíkɔ dó é, bɔ mɛ ɖěbǔ ná jɛ hun jǐ tɔn ǎ. Énɛ́ ɔ́ gúdo ɔ́, gǎn ɖokpó ná wá kpó ahwangɔnu tɔn kpó, bó ná gba toxo ɔ́ kpó goxɔ tɔn kpó hánnyá. Amɔ̌, xomɛsin Mawu tɔn sín bǎ ná vɔ gǎn énɛ́ ɔ́ sín gbɛ. Gǎn énɛ́ ɔ́ ná ɖo ahwan fun wɛ, bó ná ɖo nǔ hɛn gblé wɛ káká jɛ kú tɔn hwenu lě e è ko ɖɔ gbɔn ɖ'ayǐ é.

Amɔ́si 1:3

Mawu Mavɔmavɔ ɖɔ: “Damásinu lɛ́ɛ ɔ́, nǔ e yě wa nyi do, bɔ un jló ná kɛ nu d'é wú nú yě ɔ́ nyí ɖokpó kɛ́ɖɛ́ ǎ, amɔ̌, élɔ́ e yě wa ɔ́ vɛ́ nú mì tawun. Yě zé gankpo dó li Galadinu lɛ́ɛ ná. Nǔ e wú un ma ná lɛ́ kɔ sín gbeta e un ɖe tɔ́n ɔ́ gúdo ǎ ɔ́ nɛ́.

Jǎan 11:48

Ényí mǐ jó e dó, bɔ é ɖo nǔ wa gbɔn mɔ̌ wɛ ɔ́, mɛ bǐ ná ɖi nǔ n'i, bɔ Hlɔ̌manu lɛ́ɛ ná wá gba sinsɛnxɔ mǐtɔn, bó ná gba to ɔ́ dó ta nú mǐ .”