Daniyɛ́li 2:4 - MAWUXÓWÉMA

⁴ Azɔnɖatɔ́ lɛ́ɛ yí gbe nú axɔ́sú ɔ́ dó alamugbe mɛ ɖɔ: “Sɛ́mɛɖó, jidɔ́ mɛtɔn ní nyí káká. Mɛ ní ɖɔ dlɔ̌ e mɛ kú ɔ́ nú mǐ, nú mǐ ná tínmɛ nú mɛ.”

Daniyɛ́li 2:4 Iomraidhean Croise

Bǐbɛ́mɛ 31:47

Labáan sun nyǐ fínɛ́ ɖɔ “Yegáa Saxaduta”. Jakɔ́bu ɔ́ ká sun nyǐ fínɛ́ ɖɔ “Galeɛdi”.

Bǐbɛ́mɛ 41:8

Ayi tɔn gbadó ayǐhɔ́ngbe tɔn zǎnzǎn, bɔ é dó wɛn sɛ́ dó majíkiblótɔ́ lɛ́ɛ bǐ kpó nǔnywɛ́tɔ́ Ejípu tɔn lɛ́ɛ bǐ kpó ɖɔ yě ní wá. Ée mɛ lɛ́ɛ wá ɔ́, é wlí dlɔ̌ e é kú lɛ́ɛ ɖɔ nú yě. Lo ɔ́, yě mɛ ɖěbǔ kpé wú bó tín nǔ e ɖɔ wɛ dlɔ̌ lɛ́ɛ ɖe ɔ́ mɛ nú axɔ́sú ɔ́ ǎ.

1 Axɔ́sú 1:25

Đó égbé din ɔ́, é yi tɔdo mɛ, bó ylɔ́ agɔ̌ ɖaxó ɖokpó, bó bɛ́ gbɔ̌, nyibú kpó kanlin e dó jǒ lɛ́ɛ kpó kɔn nyi kpɔ́ dó sá vɔ̌ ná. É ylɔ́ vǐ mɛtɔn lɛ́ɛ bǐ, bó ylɔ́ ahwangán lɛ́ɛ, lobo ylɔ́ vɔ̌sánú-xwlémawutɔ́ Abiyatáa bɔ yě ɖo gɔ̌n tɔn bó ɖo nǔ ɖu wɛ, bó ɖo ahan nu wɛ, bó nɔ sú xó ɖɔ: ‘Susu nú axɔ́sú Adoniyasi!’

1 Axɔ́sú 1:31

Ée Bɛtisabe se mɔ̌ ɔ́, é jɛ kpo bó ɖe kɔ́ nú axɔ́sú ɔ́, bó ɖɔ: “Susu nú sɛ́mɛɖó ce axɔ́sú Davídi káká sɔ́yi.”

2 Axɔ́sú 18:26

Eliyakímu Ilukyahu ví ɔ́ kpó Cevúna kpó, kpó Yoáxi kpó ɖɔ nú ahwangán ɔ́ ɖɔ: “Kɛnklɛ́n, dǒ alamugbe nú mǐ, mǐ se gbe énɛ́ ɔ́ ganjí. Ma sɔ́ dó Ebléegbe ɖě nú mǐ ó, é má nyí mɔ̌ ǎ ɔ́, mɛ e ɖo ahohó ɔ́ ta lɛ́ɛ bǐ ɖo tó ɖó mǐ wɛ.”

Ɛsidlási 4:7

Mɔ̌ ɖokpó ɔ́, hwenu e Dadá Pɛ́si tɔn Aatazɛɛzɛsi ɖo axɔ́sú ɖu wɛ ɔ́, Bicilámu kpódó Mitlɛdati kpó, kpódó Tavéyɛ́lu kpó, kpódó azɔ̌gbɛ́ yětɔn lɛ́ɛ kpó sɛ́ wěma dó e. Wěkwín Alamu tɔn wɛ è dǒ wlán wěma ɔ́ ná, bó wlán dó alamugbe mɛ.

Nɛɛmíi 2:3

Xɛsi ɖo jǐ ce mɔ̌ có un ɖɔ nú Dadá ɔ́ ɖɔ: “Sɛ́mɛɖó, è nǐ nɔ gbɛ káká nú xwe maxamaxa. Dadá, wǔ sixú gɔn kúkú mì ǎ, ɖó toxo e mɛ è ɖi tɔ́gbó tɔgbo ce lɛ́ɛ dó ɔ́ gba, bɔ è dǒ toxo ɔ́ sín hɔntogbó lɛ́ɛ zo.”

Ezayíi 36:11

Énɛ́ ɔ́, Eliyakímu, Cevúna kpó Yoáxi kpó ɖɔ nú ahwangán ɔ́ ɖɔ: “Kɛnklɛ́n, dǒ alamugbe nú mǐ; mǐ se gbe énɛ́ ɔ́ ganjí. Ma sɔ́ dó Ebléegbe ɖě nú mǐ ó; é má nyí mɔ̌ ǎ ɔ́, mɛ e ɖo ahohó ɔ́ ta lɛ́ɛ bǐ ɖo tó ɖó mǐ wɛ.”

Ezayíi 44:25

Din ɔ́, nǔ e ná wá jɛ bɔ nǔkantɔ́ lɛ́ɛ nɔ́ ɖɔ lɛ́ɛ ɔ́, un sɔ́ bǐ dó húzú nǔ yǎyá. Nǔmɔtɔ́ lɛ́ɛ ɔ́, un sɔ́ yě dó húzú xlonɔ; un nya nǔnywɛ́tɔ́ lɛ́ɛ dó gbě, un sɔ́ nǔnywɛ́ yětɔn dó húzú gblǒ.

Daniyɛ́li 1:4

Súnnuví énɛ́ lɛ́ɛ ɖó ná ɖó blɔ̌ ɖěbǔ ɖo wǔ ǎ; ninɔmɛ yětɔn ɖó ná nyɔ́ kpɔ́n. Wǔ ɖó ná yá yě, bɔ nǔnywɛ́ ná kpé yě. Yě ɖó ná tunwun nǔ, bó ɖó ná nɔ mɔ nukúnnú jɛ nǔ mɛ. Gbɛtɔ́ mɔ̌hunkɔtɔn wɛ yě ɖó ná nyí cóbó ná sixú wa azɔ̌ ɖo axɔ́sú ɔ́ sín hɔnmɛ. È nǎ kplɔ́n Babilɔ́nunu lɛ́ɛ sín gbe yě, bó ná kplɔ́n wlǎnwlán tɔn yě.

Daniyɛ́li 2:7

Azɔnɖatɔ́ lɛ́ɛ lɛ́ ɖɔ nú axɔ́sú ɔ́ azɔn wegɔ́ ɔ́ ɖɔ: “Sɛ́mɛɖó, mɛ vɛ́ ɖɔ dlɔ̌ e mɛ kú ɔ́ nú mǐ, bónú mǐ ná sixú tínmɛ nú mɛ.”

Daniyɛ́li 3:9

Yě yí xó bó ɖɔ nú axɔ́sú Nabukodonɔzɔ́ɔ ɖɔ: “Sɛ́mɛɖó, jidɔ́ mɛtɔn ní nyí káká.

Daniyɛ́li 4:19

Sɛ́mɛɖó, mɛ wɛ ɖo atín énɛ́ ɔ́ nyí wɛ. Đó mɛ ɖésú wá d'agba bó syɛ́n ɖésú, bɔ susu mɛtɔn hun káká yi jǐxwé, bɔ acɛkpikpa mɛtɔn gba kpé gbɛ ɔ́ bǐ mɛ.

Daniyɛ́li 4:7

Dlɔ̌ e un kú ɔ́ ɖíe, ɖǒ tó: Hwenu e un ɖo ayǐmlɔ́mlɔ́ ɖo adɔ̌zan ce jí ɔ́, dlɔ̌ e un kú ɔ́ ɖíe: Un mɔ atín ɖaxó gɛnnyigɛnnyi ɖé ɖo ayǐkúngban ɔ́ tɛ́ntin.

Daniyɛ́li 4:9

Ama tɔn lɛ́ɛ nyɔ́ ɖɛkpɛ ɖésú. Atín ɔ́ sɛ́n káká bɔ mɛ bǐ ná mɔ sínsɛ́n tɔn ɖu. Kanlin lɛ́ɛ nɔ́ wá bɛ yɛ ɖo glɔ̌ tɔn. Xɛ lɛ́ɛ nɔ́ xo adɔ̌ nyi ala tɔn lɛ́ɛ mɛ. Nǔ e ɖo gbɛ ɔ́ mɛ lɛ́ɛ bǐ nɔ wá ba nǔɖuɖu ɖo gɔ̌n tɔn.

Daniyɛ́li 5:10

Nyɔ̌nu axɔ́si ɔ́ se xó e sú wɛ axɔ́sú ɔ́ kpó tozɔ́watɔ́ tɔn lɛ́ɛ kpó ɖe ɔ́, lobo wá. É byɔ́ xɔ e sá ɖu agɔ̌ ɖe wɛ yě ɖe ɔ́, bó ɖɔ: “Sɛ́mɛɖó, jidɔ́ mɛtɔn ní nyí káká. È ma nú nǔ e lin wɛ mɛ ɖe lɛ́ɛ gba ayi dó nú mɛ ó. É byɔ́ ɖɔ mɛ ná dɔn nukún mɛ nyɔ sɔ mɔ̌ ǎ.

Daniyɛ́li 5:8

Nǔnywɛ́tɔ́ axɔ́sú ɔ́ tɔn lɛ́ɛ bǐ wá, mɛ ɖěbǔ ká ɖo yě mɛ bó sixú xa nǔ e è wlǎn ɔ́, bó ná tínmɛ nú axɔ́sú ɔ́ ǎ.

Daniyɛ́li 6:21

Hwenu e axɔ́sú ɔ́ ɖo do ɔ́ sɛkpɔ́ wɛ ɔ́, é ylɔ́ Daniyɛ́li wǔbláwúblá, bó ɖɔ: “Daniyɛ́li mɛsɛntɔ́ Mawu gbɛɖe ɔ́ tɔn! Mawu towe e wú a ɖǒ kan dó bó nɔ́ sɛn ɔ́ ká kpé wú bó hwlɛ́n we gán sín kinnikínní lɛ́ɛ sín fɛn mɛ din a?”

Daniyɛ́li 6:6

Din ɔ́, yě ɖɔ: “Mǐ mɔ nǔ e wú mǐ ná ɖó dó bó dó hwɛ Daniyɛ́li ɔ́ ɖěbǔ ǎ. Ényí mǐ ná mɔ nǔɖé din ɔ́, Mawu e é nɔ́ sɛn ɔ́ sín sɛ́n lixo jɛ́n mǐ nǎ ba ɖe.”

Daniyɛ́li 6:7

Ée yě ɖɔ mɔ̌ ɔ́, yě ɖidó kpódó zǐngídi kpó, bó yi mɔ axɔ́sú ɔ́, bó ɖɔ n'i ɖɔ: “Axɔ́sú Daliwúsi, jidɔ́ mɛtɔn ní nyí káká.

Matíe 21:9

Mɛ e ɖo nukɔn nú Jezu lɛ́ɛ kpódó mɛ e ɖo gǔdo n'i lɛ́ɛ kpán nɔ́ ɖo xó sú wɛ, bó nɔ́ ɖɔ: “Ozána nú Davídi ví! Susu nú mɛ e jǎwe ɖo Aklúnɔ nyǐkɔ mɛ é! Ozána! Susu nú Mawu Ajalɔ̌nlɔn ɖo jǐxwé!”

1 Samuwɛ́li 10:24

Ée é wá ɔ́, Samuwɛ́li ɖɔ nú togun ɔ́ bǐ ɖɔ: “Mi mɔ mɛ e Mawu Mavɔmavɔ sɔ́ é a? Mɛ éé ɖɔhun ɖě ɖo to ɔ́ mɛ ǎ.” Bɔ togun ɔ́ bǐ kpa awǒbóbó bó sú xó ɖɔ: “Susu nú axɔ́sú ɔ́.”