Daniyɛ́li 2:39 - MAWUXÓWÉMA

³⁹ Nú axɔ́súɖuto mɛtɔn wá yi ɔ́, axɔ́súɖuto ɖěvo ná wá; é ká ná ɖó acɛ sɔ mɛtɔn ǎ. Axɔ́súɖuto atɔngɔ́ ɔ́ ná wá, bó ná gba kpé ayǐkúngban ɔ́ bǐ jǐ. Axɔ́súɖuto énɛ́ ɔ́ wɛ ɖo ganvɔ ɔ́ nyí wɛ.

Daniyɛ́li 2:39 Iomraidhean Croise

Ezayíi 44:28

Un ɖɔ dó Silúsi wú ɖɔ: ‘É wɛ nyí lɛ̌ngbɔ́nyitɔ́ e un sɔ́ é; é ná bló bɔ nǔ e jló mì lɛ́ɛ bǐ ná nyí wiwa. É ná ná gbe bɔ è nǎ vɔ́ Jeluzalɛ́mu gbá, bó ná vɔ́ xwé ce sá.’ ”

Daniyɛ́li 10:20

É lɛ́ ɖɔ nú mì ɖɔ: ‘A tunwun nǔ e wú un wá gɔ̌n towe ɔ́ a? Din ɔ́, un ná yi fun ahwan xá Pɛ́sigán ɔ́; un ka yi ɔ́, Glɛ̌sigán ɔ́ ná wá.

Daniyɛ́li 2:32

Ta tɔn nyí siká akú; akɔ́nnu tɔn kpó awa tɔn lɛ́ɛ kpó nyí kpatágan; adɔgo tɔn kpó asá tɔn lɛ́ɛ kpó nyí ganvɔ.

Daniyɛ́li 2:38

É sɔ́ gbɛtɔ́ kpó kanlin kpó, kpódó xɛ kpó ɖó acɛ mɛtɔn mɛ. Yě ɖo fí ɖěbǔ ɔ́, mɛ wɛ ɖo gǎn yětɔn nyí wɛ. Hǔn Sɛ́mɛɖó, mɛ wɛ nyí ta e è sɔ́ siká dó bló é.

Daniyɛ́li 2:40

Axɔ́súɖuto ɛnɛgɔ́ ɔ́ ná jɛ fínɛ́; éyɛ́ ná syɛ́n ɖi gan. Lě e è nɔ zé gan dó gba nǔ hánnyá, bó nɔ li bɔ é nɔ́ mɛ́ kpɔ́ɖɔ́kpɔ́ɖɔ́ ɔ́ ɖɔhun wɛ axɔ́súɖuto énɛ́ ɔ́ ná gba, bó ná li axɔ́súɖuto e jɛ nukɔn n'i lɛ́ɛ bǐ .

Daniyɛ́li 7:23

“Tínmɛ e é ná mì dó kanlin ɛnɛgɔ́ ɔ́ wú ɔ́ ɖíe: ‘Kanlin ɛnɛgɔ́ ɔ́ wɛ nyí axɔ́súɖuto ayǐkúngban jí tɔn ɛnɛgɔ́ ɔ́. Axɔ́súɖuto énɛ́ ɔ́ gbɔn vo nú ɖě lɛ́ɛ bǐ. É ná vúnvún nǔ e ɖo ayǐkúngban ɔ́ jí lɛ́ɛ bǐ. É ná gbídí yě, bó ná gba yě hánnyá.

Daniyɛ́li 8:20

Agbo e ɖó zo we bɔ a mɔ ɔ́, ɖo axɔ́súɖuto Mɛdi tɔn kpó Pɛ́si tɔn kpó sín xlɛ́ nyí wɛ.

Daniyɛ́li 8:21

Gbǎgbá ɔ́ nyí axɔ́súɖuto Glɛ̌si tɔn sín xlɛ́. Zo ɖaxó e ɖo nukún tɔn lɛ́ɛ tɛ́ntin ɔ́ nyí axɔ́súɖuto nukɔntɔn ɔ́ sín xlɛ́ .

Zakalíi 6:3

È sin ahwankɛkɛ́ví atɔngɔ́ ɔ́ dó ahwansɔ́ wěwé ɖé lɛ́ɛ wú, bó sin ɛnɛgɔ́ ɔ́ dó sɔ́ wlanwlan ɖé lɛ́ɛ wú.

Zakalíi 6:6

Ahwankɛkɛ́ví e dɔn wɛ sɔ́ wiwi lɛ́ɛ ɖe ɔ́, totaligbé wɛ yě dɔn ɖidó. Sɔ́ wěwé lɛ́ɛ jɛ gǔdo yětɔn, bɔ wlanwlan lɛ́ɛ ɖidó tofɔligbé.