Daniyɛ́li 2:37 - MAWUXÓWÉMA

³⁷ Mɛ wɛ kpa acɛ nú axɔ́sú lɛ́ɛ bǐ. Mawu sɛ́xwé tɔn ná axɔ́súɖuɖu mɛ, bó ná acɛ mɛ, bó ná hlɔ̌nhlɔ́n mɛ, bó ná susu mɛ.

Daniyɛ́li 2:37 Iomraidhean Croise

2 Axɔ́sú 25:28

É ɖɔ xó nú Yoyakini kpó xomɛfífá kpó, bó sɔ́ ɛ ɖó tɛn ɖé mɛ, bɔ tɛn ɔ́ ɖo nukɔn nú axɔ́sú e kpó é kpó ɖo Babilɔ́nu lɛ́ɛ bǐ tɔn.

2 Tan 36:23

“Xó e Dadá Pɛ́si tɔn Silúsi ɖɔ ɔ́ ɖíe: Mawu Mavɔmavɔ, Mawu jǐnukúnsin tɔn ɔ́ sɔ́ axɔ́súɖuto e ɖo ayǐkúngban jí lɛ́ɛ bǐ ɖó acɛ ce mɛ; é zɔ́n mì ɖɔ nyɛ ní sá xwé ɖokpó nú émí ɖó Jeluzalɛ́mu ɖo Judáa. Mi mɛ e ko sixú ɖo togun tɔn mɛ lɛ́ɛ bǐ ní lɛ́ kɔ yi Jeluzalɛ́mu. Mawu Mavɔmavɔ, Mawu mitɔn ní nɔ kpɔ́ xá mi.”

Ɛsidlási 1:2

Xó e Dadá Pɛ́si tɔn Silúsi ɖɔ ɔ́ ɖíe: “Mawu Mavɔmavɔ, Mawu jǐnukúnsin tɔn ɔ́ sɔ́ axɔ́súɖuto e ɖo ayǐkúngban jí lɛ́ɛ bǐ ɖó acɛkpikpa ce mɛ; é zɔ́n mì ɖɔ nyɛ ní vɔ́ xwé ɖokpó gbá nú émí ɖó Jeluzalɛ́mu, ɖo Judáa.

Ɛsidlási 7:12

Nyɛ Dadá Aatazɛɛzɛsi wɛ ɖo wěma élɔ́ sɛ́ dó hwi vɔ̌sánú-xwlémawutɔ́ Ɛsidlási wɛ; hwi mɛ e tunwun Mawu sɛ́xwé tɔn ɔ́ sín sɛ́n xéɖéxéɖé tɔn é,

Ɖɛhan 62:11

Mi ma gán jɛ mɛ táfútáfú wú ó, mi ma ka ɖó nukún nǔ e è fán asú bó yí é ó, nukúnɖíɖó yǎyá wɛ é ná nyí. Dɔkun ɖo dɔkun jí jɛ nú mi wɛ hǔn, ayixa mitɔn ní má nɔ wú ó.

Nǔnywɛ́xó 8:15

Nyi wɛ nyí tɔn axɔ́sú lɛ́ɛ nɔ ɖu axɔ́sú; nyi wɛ nyí tɔn nukɔntɔ́ lɛ́ɛ nɔ zɔ́n nǔ e sɔgbe é.

Ezayíi 10:8

Asilíi xɔ́sú ɔ́ nɔ́ ɖo ajɔ̌ jlá wɛ bó nɔ́ ɖɔ: ‘Ahwangán ce lɛ́ɛ ɔ́, axɔ́sú wɛ yě nyí; mɛ̌ ká ná dɔn xá mì?

Ezayíi 47:5

Mawu ɖɔ: “Babilɔ́nu, ɖǒ nu abwɛ̌ bó jínjɔ́n ayǐ; yi hɔn hwlá cí ablu mɛ fí ɖé, ɖó è sɔ́ ná nɔ́ ylɔ́ we ɖɔ ‘Gǎn axɔ́súɖuto lɛ́ɛ tɔn’ ɖě ǎ.

Jelemíi 28:14

Bɔ Jelemíi ɖɔ: “Xó e Mawu Mavɔmavɔ Nǔbǐwúkpétɔ́, Mawu Izlayɛ́li tɔn ɖɔ é ɖíe, é ɖɔ: ‘Din ɔ́, gankpo wɛ un sɔ́ ɖó kɔli mɛ nú akɔta e ɖo gbě jí fí lɛ́ɛ é bǐ, nǔ e ɖo gbě jí fí é bǐ ná nɔ axɔ́sú Babilɔ́nu tɔn Nabukodonɔzɔ́ɔ sín acɛ mɛ, káká jɛ gběkanlin lɛ́ɛ lɔ jí.’ ”

Jelemíi 34:1

Axɔ́sú Babilɔ́nu tɔn Nabukodonɔzɔ́ɔ tɔ́n ahwan Jeluzalɛ́mu kpó Judáa toxo ɖě lɛ́ɛ kpó. É kplá ahwangɔnu tɔn bǐ: É cyán sɔ́ja gbɔn axɔ́súɖuto lɛ́ɛ bǐ mɛ, bó cyán gbɔn togun e ɖo acɛ tɔn mɛ lɛ́ɛ mɛ. Hwe énɛ́ nu wɛ Mawu Mavɔmavɔ ɖɔ xó élɔ́ nú Jelemíi.

Ezekiyɛ́li 26:7

“Xó e nyɛ Mawu Mavɔmavɔ lɛ́ ɖɔ ɔ́ ɖíe: Hwi Tíi toxo, un ná kplá axɔ́sú e syɛ́n hú axɔ́sú lɛ́ɛ bǐ é, Babilɔ́nu xɔ́sú Nabukodonɔzɔ́ɔ sín totaligbé, bɔ é ná wá tɔ́n ahwan we. É ja ahwan tɔ́n we gbé ɔ́, é ná hɛn sɔ́, bó ná hɛn ahwankɛkɛ́ví kpó sɔ́xátɔ́ lɛ́ɛ kpó. Ahwangɔnu e é ná hɛn dó wá fun ahwan xá we ɔ́ ná sukpɔ́ ɖésú.

Daniyɛ́li 1:2

Aklúnɔ jó Yoyakímu dó, bɔ Nabukodonɔzɔ́ɔ ɖu ɖo jǐ tɔn, bó lɛ́ jó nǔzínzán e è nɔ dó wa azɔ̌ ná ɖo sinsɛnxɔ Mawu tɔn mɛ lɛ́ɛ ɖě dó n'i. Nabukodonɔzɔ́ɔ wlí gbɛtɔ́ gěgé yi kannumɔgbénu ɖo Babilɔ́nu, bó bɛ́ nǔzínzán e é hɛn wá lɛ́ɛ yi dó vodún tɔn lɛ́ɛ xwé, ɖo xɔ e mɛ è nɔ kplé vodún tɔn lɛ́ɛ sín dɔkun lɛ́ɛ dó é mɛ.

Daniyɛ́li 2:31

Sɛ́mɛɖó, mɛ ɖo nǔ kpɔ́n wɛ bó mɔ bǒcyɔ ɖaxó ɖokpó; bǒcyɔ ɔ́ sɔ́ avɔ ɖésú; ɖɛkpɛ tɔn vɛ́ jlɛ́. Bǒcyɔ ɔ́ ɖo te nukɔn mɛtɔn, bɔ ninɔmɛ tɔn jí wǔ.

Daniyɛ́li 2:44

Axɔ́sú énɛ́ lɛ́ɛ sín hwenu ɔ́, Mawu sɛ́xwé tɔn ná ɖe axɔ́súɖuto e mɛɖé má sixú gba ǎ é ɖokpó tɔ́n. Acɛkpikpa tɔn ná jɛ akɔta ɖěvo sí gbeɖé ǎ. Axɔ́súɖuto énɛ́ ɔ́ ná gba axɔ́súɖuto e ko ɖo ayǐ lɛ́ɛ bǐ, bó ná hu acɛ nú yě, bɔ yě sɔ́ ná tíin nyǐ ǎ. Lo ɔ́, éyɛ́ ná nɔ te káká sɔ́yi.

Daniyɛ́li 4:19

Sɛ́mɛɖó, mɛ wɛ ɖo atín énɛ́ ɔ́ nyí wɛ. Đó mɛ ɖésú wá d'agba bó syɛ́n ɖésú, bɔ susu mɛtɔn hun káká yi jǐxwé, bɔ acɛkpikpa mɛtɔn gba kpé gbɛ ɔ́ bǐ mɛ.

Daniyɛ́li 4:22

wɛ nyí è nǎ nya mɛ sín gbɛtɔ́ lɛ́ɛ mɛ, bɔ mɛ ná yi nɔ gběkanlin lɛ́ɛ tɛ́ntin, bó ná nɔ́ ɖu gběhan nyibú ɖɔhun, bɔ ahǔn ná ja dó mɛ jí káká nú xwe tɛ́nwe. Xwe énɛ́ lɛ́ɛ wá yi ɔ́, mɛ ná wá tunwun ɖɔ Mawu Ajalɔ̌nlɔn ɔ́ wɛ kpa acɛ dó axɔ́súɖuɖu gbɛtɔ́ lɛ́ɛ tɔn bǐ jí, bó nɔ́ ná susu mɛ e jló e é.

Daniyɛ́li 4:25

Nǔ e ɖo nǎ jɛ wɛ bɔ è ɖɔ nú axɔ́sú Nabukodonɔzɔ́ɔ lɛ́ɛ bǐ jɛ.

Daniyɛ́li 4:3

Énɛ́ ɔ́, un ɖɔ è nǐ kplé nǔnywɛ́tɔ́ e ɖo Babilɔ́nu lɛ́ɛ bǐ, bónú yě ná tín dlɔ̌ ɔ́ mɛ nú mì.

Daniyɛ́li 4:32

Lě do gbɛtɔ́ sukpɔ́ ɖo ayǐkúngban jí sɔ é nɛ́, có yě mɛ ɖěbǔ ká nyí nǔ ɖěbǔ ɖo nukɔn tɔn ǎ. Nǔɖíɖó sɛ́xwé tɔn lɛ́ɛ kpó gbɛtɔ́ lɛ́ɛ kpó ɔ́, nǔ e jló e ɔ́ wɛ é nɔ́ sɔ́ yě dó wa. É ja nǔɖé wa gbé ɔ́, mɛɖé nɔ́ sixú gbɛ́ ǎ, mɛɖé ka nɔ́ sixú kɛ nu dó nǔ e é wa ɔ́ wu n'i ǎ.

Daniyɛ́li 4:34

Énɛ́ wú wɛ nyɛ axɔ́sú Nabukodonɔzɔ́ɔ ɖo Mawu jǐxwé tɔn ɔ́ mlá wɛ din, bó ɖo sísɔ́ ɛ su wɛ, bó ɖo susu kpa n'i wɛ. Nǔ e é bló é bǐ wɛ sɔgbe, nǔ e é wa lɛ́ɛ bǐ wɛ nyɔ́. É lɛ́ ɖó acɛ e ná sɔ́ mɛ e ɖo afɔ tɛ ayǐ wɛ lɛ́ɛ hwe é lɔ.”

Daniyɛ́li 5:18

Mawu Ajalɔ̌nlɔn ɔ́ sɔ́ tɔ́ mɛtɔn Nabukodonɔzɔ́ɔ ɔ́ axɔ́sú ɖaxó, bɔ susu kpó yɛ̌yi kpó kpé e.

Daniyɛ́li 7:14

È ná ɛ acɛkpikpa kpó susu kpó, kpódó axɔ́súɖuɖu kpó, bónú togun lɛ́ɛ, akɔta lɛ́ɛ kpódó gbɛtɔ́ e nɔ dó gbe alɔkpa alɔkpa lɛ́ɛ kpó bǐ ná sɛn ɛ. Acɛkpikpa tɔn nyí acɛkpikpa ɖé, bó ná nɔ ayǐ káká sɔ́yi; é ná ɖó vivɔnu ǎ, mɛɖé ká ná sixú gba axɔ́súɖuto tɔn gbeɖé ǎ.

Ozée 8:10

Yě ná nǔ akɔta lɛ́ɛ bó ná dó nyɔ́ ɖo yě sí có, un ná kplé yě lo, bɔ zaanɖé din ɔ́, yě ná ji ya ɖo agban kpinkpɛn e axɔ́sú Asilíi tɔn ɔ́ ná ɖíɖá yě ɔ́ glɔ́.

Matíe 6:13

Ma lɔn nú mǐ ní jɛ tɛ́nkpɔ́n mɛ ó, lo ɔ́, hwlɛ̌n mǐ gán ɖo awǒvi sí.’ [Ɖó towe wɛ nyí axɔ́súɖuɖu, hlɔ̌nhlɔ́n, kpódó susu kpó, káká sɔ́yi mavɔ mavɔ! Amǐ.]

Jǎan 19:11

Jezu ka yí gbe n'i ɖɔ: “Ényí Mawu ma ná gbe tɔn we ǎ ɔ́, a sixú ɖó acɛ ɖěbǔ ɖo jǐ ce ǎ; énɛ́ ɔ́ wú wɛ mɛ e jó mì ɔ́ hu hwɛ hú we.”

Nǔɖexlɛ́mɛ 17:14

Yě ná fun ahwan xá Lɛ̌ngbɔ́ví ɔ́. Lɛ̌ngbɔ́ví ɔ́ ka ná ɖu ɖo yě jǐ; ɖó é wɛ nyí Aklúnɔ aklúnɔ lɛ́ɛ tɔn; Axɔ́sú axɔ́sú lɛ́ɛ tɔn; é ná ɖu ɖo yě jǐ, é kpó mɛ e ɖo kpɔ́ xá ɛ lɛ́ɛ kpó; mɛ e è ylɔ̌ bó cyán bɔ yě nɔ gbejí n'i lɛ́ɛ.”

Nǔɖexlɛ́mɛ 19:16

È wlǎn nyǐkɔ ɖé dó awu tɔn kpó asá tɔn kpó wú; è wlǎn ɖɔ: “Axɔ́sú axɔ́sú lɛ́ɛ tɔn; Aklúnɔ aklúnɔ lɛ́ɛ tɔn.”

Nǔɖexlɛ́mɛ 4:11

“Aklúnɔ mǐtɔn, Mawu mǐtɔn, susu, yɛ̌yi kpó hlɔ̌nhlɔ́n kpó jɛ xá we, ɖó a blǒ nǔ bǐ; hwi wɛ jló bɔ yě tíin; hwi wɛ jló bɔ yě ɖo gbɛ.”

Nǔɖexlɛ́mɛ 5:12

Yě zé gbe dó jǐ bó ɖo ɖiɖɔ wɛ ɖɔ: “Lɛ̌ngbɔ́ví e è hu ɔ́ wɛ nyí mɛ e é jɛ xá bɔ é ná yí acɛ, dɔkun, nǔnywɛ́, hlɔ̌nhlɔ́n, yɛ̌yi, susu kpó kpikpa kpó é.”