Daniyɛ́li 2:35 - MAWUXÓWÉMA

³⁵ Đo nukúnxwixwe ɖokpó mɛ ɔ́, gan e ɖ'é mɛ é, ko e ɖ'é mɛ é, ganvɔ e ɖ'é mɛ é, kpatágan e ɖ'é mɛ é, kpó siká e ɖ'é mɛ é kpó bǐ gúdú, bó húzú afúntúntún, bɔ jɔhɔn d'alɔ mɛ bó dɔn yi lě e è ɖo jinukún fún wɛ ɔ́, jɔhɔn nɔ d'alɔ wɔn tɔn mɛ é ɖɔhun. Bǒcyɔ ɔ́, è sɔ́ mɔ wǔjɔnú tɔn ɖěbǔ ǎ. Awǐnnya e ká wá xo bǒcyɔ ɔ́ húzú só ɖaxó bó cyɔ́n ayǐkúngban ɔ́ bǐ.

Daniyɛ́li 2:35 Iomraidhean Croise

Jɔ̌bu 6:17

Alǔun ká tɔ́n lě ɔ́, tɔhwín lɛ́ɛ nɔ́ mɛ; hwesivɔ́ hun ɔ́, yě nɔ́ xú dó azan.

Ɖɛhan 103:16

Jɔhɔn ɖé ká nɔ́ wá nyi bɔ é nɔ́ xú; è sɔ́ nɔ́ mɔ ɛ ǎ, è sɔ́ nɔ́ tunwun fí e é nɔ lɔ é ǎ.

Ɖɛhan 22:27

Mɛ e nɔ zé yěɖée hwe lɛ́ɛ, ná ɖu nǔ gɔ́ xo. Mɛ e jó yěɖée nú Mawu Mavɔmavɔ lɛ́ɛ ná kpa susu n'i. Yě ná dɔ́ ji!

Ɖɛhan 37:10

Zaanɖé din ɔ́, mɛdídá sɔ́ ná ɖe ǎ; a nyi kɔ kpɔ́n fí e é nɔ ɔ́, a sɔ́ ná mɔ ɛ ǎ.

Ɖɛhan 37:36

Ée un lɛ́ wá gbɔn fínɛ́ ɔ́, un sɔ́ mɔ mɛɖé ǎ, un ba ɛ káká, un ka sɔ́ mɔ ɛ ǎ.

Ɖɛhan 46:9

Mi wá kpɔ́n nǔ e Mawu Mavɔmavɔ jlɛ́ lɛ́ɛ, mi wá kpɔ́n nǔ e é hɛn gblé ɖo ayǐkúngban jí lɛ́ɛ.

Ɖɛhan 66:4

Ayǐkúngban ɔ́ bǐ ɖo kɔ́ ɖe wɛ ɖo nukɔn towe, bó ɖo han ji dó mlá we wɛ. Ayǐkúngban ɔ́ ɖo xó lómílómí ɖɔ dó sɔ́ nyǐkɔ towe su wɛ.” Agbɔ̌n

Ɖɛhan 86:9

Aklúnɔ, akɔta e a blǒ lɛ́ɛ bǐ nǎ wá ɖe kɔ́ nú we, bǐ nǎ kpa susu nú nyǐkɔ towe.

Ezayíi 11:9

È nǎ wa nǔ nyanya ɖěbǔ ǎ, è nǎ hɛn nǔ ɖěbǔ gblé ɖo só mímɛ́ tɔn jí ǎ, ɖó Mawu Mavɔmavɔ tunwuntunwun ná gɔ́ to ɔ́, lě e sin gɔ́ xuzan jí é ɖɔhun.

Ezayíi 8:9

Togun lɛ́ɛ mi, mi na bo sɛ miɖée kplé gbɔn ɖěbǔ ɔ́ , nǔ baɖabaɖa wɛ ɖo te kpɔ́n mi. Ayi mitɔn ní ɖo te, mi mɛ e ɖo to línlín mɛ lɛ́ɛ. Mi sixú sɔ́ ahwannú gbɔn ɖěbǔ, nǔ baɖabaɖa ɖo te kpɔ́n mi; nǔgbó wɛ, mi sixú sɔ́ ahwannú gbɔn ɖěbǔ; nǔ baɖabaɖa ɖo te kpɔ́n mi.

Daniyɛ́li 2:44

Axɔ́sú énɛ́ lɛ́ɛ sín hwenu ɔ́, Mawu sɛ́xwé tɔn ná ɖe axɔ́súɖuto e mɛɖé má sixú gba ǎ é ɖokpó tɔ́n. Acɛkpikpa tɔn ná jɛ akɔta ɖěvo sí gbeɖé ǎ. Axɔ́súɖuto énɛ́ ɔ́ ná gba axɔ́súɖuto e ko ɖo ayǐ lɛ́ɛ bǐ, bó ná hu acɛ nú yě, bɔ yě sɔ́ ná tíin nyǐ ǎ. Lo ɔ́, éyɛ́ ná nɔ te káká sɔ́yi.

Ozée 13:3

Énɛ́ ɔ́ wú wɛ yě ná cí akpɔ́kpɔ́ zǎnzǎn tɔn ɖɔhun, yě ná cí amǔ e nɔ́ sú bɔ zaanɖé ɔ́, é nɔ́ kɛn ɔ́ ɖɔhun; yě ná cí nǔywɛ́ e jɔhɔn dó alɔ mɛ, bó fún sín kɔ́xota fí e è nɔ só jinukún ɖe ɔ́ ɖɔhun. Yě ná cí azizɔ e nɔ ɖo tíntɔ́n sín azɔgonu wɛ é ɖɔhun.

Micée 4:13

Jeluzalɛ́munu lɛ́ɛ e mi, mi sí te bó ná só kɛntɔ́ mitɔn lɛ́ɛ. Un ná ná hlɔ̌nhlɔ́n mi, nyibúsú e ɖó ganzo, bɔ afɔkpa tɔn lɛ́ɛ nyí ganvɔ é ɖɔhun. Mi ná gba togun gěgé hánnyá, bɔ nǔ e mi ná yí sín yě sí lɛ́ɛ kpó dɔkun yětɔn kpó ɔ́, mi ná sɔ́ wá xwlé nyɛ Aklúnɔ e kpa acɛ nú gbɛ ɔ́ bǐ é.

Zakalíi 12:3

Hwenɛ́nu ɔ́, un ná sɔ́ Jeluzalɛ́mu dó ɖó awǐnnya kpinkpɛn ɖé nú togun lɛ́ɛ bǐ. Mɛ e ná zé dó jǐ lɛ́ɛ bǐ ná gblé wǔ. Énɛ́ ɔ́, akɔta e ɖo ayǐkúngban jí lɛ́ɛ bǐ ná kplé bó húzú kpan nukɔn ɛ.”

1 Kɔlɛ́ntinu 15:25

Đó Klísu ɖó ná ɖo axɔ́sú ɖu wɛ káká bɔ Mawu ná ɖu ɖo kɛntɔ́ lɛ́ɛ bǐ jǐ, bó ná bɛ́ yě dó afɔ tɔn lɛ́ɛ glɔ́.

Nǔɖexlɛ́mɛ 11:15

Énɛ́ ɔ́ gúdo ɔ́, wɛnsagun Mawu tɔn tɛ́nwegɔ́ ɔ́ kún kpɛn, bɔ gbe ɖaxó ɖé lɛ́ɛ ɖi ɖo jǐxwé bó ɖɔ: “Axɔ́súɖuɖu gbɛ ɔ́ tɔn nyí Aklúnɔ mǐtɔn kpó Klísu tɔn kpán tɔn lo! Bɔ é ná ɖu axɔ́sú káká sɔ́yi.”

Nǔɖexlɛ́mɛ 12:8

Lo ɔ́, yě ka ɖu ɖo Dlagɔ́ɔn ɔ́ jí, bɔ è sɔ́ ná gbe é kpódó wɛnsagun tɔn lɛ́ɛ kpó ɖɔ yě ní nɔ jǐxwé ǎ.

Nǔɖexlɛ́mɛ 20:11

Énɛ́ ɔ́ gúdo ɔ́, un mɔ axɔ́súzinkpo ɖaxó wěwé ɖé kpó mɛ e ɖo ayǐjínjɔ́n ɖ'é jí ɔ́ kpó. Ayǐkúngban kpó jǐnukúnsin kpó hɔn sín nukɔn tɔn, bɔ é sɔ́ mɔ yě ǎ.