Daniyɛ́li 2:34 - MAWUXÓWÉMA

³⁴ Bǒcyɔ ɔ́ kpɔ́n wɛ mɛ ɖe, bɔ awǐnnya ɖé nɔ yǎyá, bó blí sín dɔ̌n bó wá xo bǒcyɔ ɔ́ dó afɔkpákpá e fí ɖě nyí gan, bɔ fí ɖě nyí ko é, bɔ yě gba hánnyá.

Daniyɛ́li 2:34 Iomraidhean Croise

Ɖɛhan 118:22

Awǐnnya e xɔmɛtɔ́ lɛ́ɛ xo nyi kɛ́n é, wɛ wá húzú awǐnnya tají e ɖo zwe jí é.

Ezayíi 28:16

Mi bo ɖótó xó e Aklúnɔ Mavɔmavɔ ɖɔ é: “Un ná zé awǐnnya dodó ɖokpó tun te ɖó Sinyɔ́ɔ, bó ná tɛ́n mi kpɔ́n; awǐnnya tají wɛ, awǐnnya dodó wɛ. Mɛ e ná gán jɛ awǐnnya ɔ́ wú ɔ́ ado ná hu i ǎ.

Ezayíi 60:12

“Ényí akɔta ɖé abǐ axɔ́súɖuto ɖé gbɛ́ ɖɔ émí kún ná wa azɔ̌ nú we ó ɔ́, è nǎ sú kún tɔn dó bǐ gbídígbídí.

Ezayíi 8:9

Togun lɛ́ɛ mi, mi na bo sɛ miɖée kplé gbɔn ɖěbǔ ɔ́ , nǔ baɖabaɖa wɛ ɖo te kpɔ́n mi. Ayi mitɔn ní ɖo te, mi mɛ e ɖo to línlín mɛ lɛ́ɛ. Mi sixú sɔ́ ahwannú gbɔn ɖěbǔ, nǔ baɖabaɖa ɖo te kpɔ́n mi; nǔgbó wɛ, mi sixú sɔ́ ahwannú gbɔn ɖěbǔ; nǔ baɖabaɖa ɖo te kpɔ́n mi.

Ezekiyɛ́li 32:28

Din ɔ́, ahwan jɛ mi Ejípunu lɛ́ɛ jí; mi ná kú bɔ è nǎ ɖi mi ɖó mɛ e ma gbo ada ǎ bɔ è hu ɖo ahwangbénu lɛ́ɛ tɛ́ntin.

Ezekiyɛ́li 47:5

É lɛ́ vɔ́ jlɛ́ nǔjlɛ́kpo yětɔn afatɔ́n (1.000), amɔ̌, un sɔ́ sixú gbɔn sin ɔ́ mɛ ɖě ǎ. Sin ɔ́ yi do ɖo fínɛ́; tɔ jɛ́n è nǎ lin có bó sixú gbɔn mɛ.

Daniyɛ́li 2:33

Zǎkɛ́tɛ́ tɔn lɛ́ɛ nyí gan. Afɔkpákpá tɔn lɛ́ɛ fí ɖě nyí gan bɔ fí ɖě nyí ko.

Daniyɛ́li 7:27

Axɔ́súɖuto e ɖo ayǐkúngban ɔ́ jí lɛ́ɛ bǐ sín axɔ́súɖuɖu kpó acɛkpikpa kpó, kpódó susu yětɔn kpó ná húzú togun mímɛ́ Mawu Ajalɔ̌nlɔn tɔn ɔ́ tɔn. Togun mímɛ́ ɔ́ ná ɖu axɔ́sú káká yi mavɔ mavɔ, bɔ hlɔ̌nhlɔ́n e ɖo gbɛ ɔ́ mɛ lɛ́ɛ bǐ ná nɔ acɛ tɔn mɛ, bó ná nɔ́ se tónú n'i, bó ná nɔ́ sɛn ɛ.’

Daniyɛ́li 8:25

É ná zé bǐbí tɔn dó táfú mɛ ɖé lɛ́ɛ, bó ná zé goyíyí tɔn dó sú mɛ e vɛdó ɖɔ émí ko mɔ agbɔ̌n lɛ́ɛ sín kún dó, bó ná lɛ́ sí te dó axɔ́sú axɔ́sú lɛ́ɛ tɔn ɔ́ jí. Hwenɛ́nu ɔ́, mɛ ɖěbǔ ná ɖó alɔ wǔ tɔn ǎ, bɔ é ná nɔ mɔ̌ bó gba hánnyá.

Zakalíi 12:3

Hwenɛ́nu ɔ́, un ná sɔ́ Jeluzalɛ́mu dó ɖó awǐnnya kpinkpɛn ɖé nú togun lɛ́ɛ bǐ. Mɛ e ná zé dó jǐ lɛ́ɛ bǐ ná gblé wǔ. Énɛ́ ɔ́, akɔta e ɖo ayǐkúngban jí lɛ́ɛ bǐ ná kplé bó húzú kpan nukɔn ɛ.”

Matíe 16:18

Din ɔ́, má ɖɔ nú we: Piyɛ́ɛ wɛ nyǐkɔ towe nɔ́ nyí, tínmɛ tɔn wɛ nyí awǐnnya, bɔ awǐnnya élɔ́ ɔ́ jí wɛ un ná sɔ́ agun ce jínjɔ́n, bɔ kú sín hlɔ̌nhlɔ́n ná sixú wa nǔ ɖěbǔ n'i ǎ.

Jǎan 1:13

Yě nyí vǐ gbɔn hun gbla mɛ ǎ; yě ká nyí vǐ gbɔn jlǒ agbaza tɔn gbla mɛ ǎ; yě ká nyí vǐ gbɔn gbɛtɔ́ sín jlǒ gbla mɛ ǎ; lo ɔ́, Mawu wɛ nyí Tɔ́ nú yě.

Mɛsɛ́dó 4:11

Jezu énɛ́ sín xó wɛ è ko ɖɔ ɖo Mawuxówéma ɔ́ mɛ ɖɔ jí: ‘Awǐnnya e mi xɔmɛtɔ́ lɛ́ɛ má sɔ́ dó mɔ nǔɖéwanú ǎ, bó xo nyi kɛ́n ɔ́, wá húzú awǐnnya tají ɔ́, awǐnnya zwe jí tɔn ɔ́.’

2 Kɔlɛ́ntinu 5:1

Nǔgbó ɔ́, mǐ tunwun ɖɔ nú è kíjá agbaza mǐtɔn e nyí goxɔ ayǐkúngban jí tɔn ɔ́, mǐ ɖó ɖěvo e nyí xɔ Mawu tɔn e gbɛtɔ́ sín alɔ ma bló ǎ, bɔ é ná nɔ ayǐ káká sɔ́yi ɔ́ ɖo sɛ́xwé.

Eblée 9:24

Đó Tɛn mímɛ́ e mɛ Klísu byɔ́ ɔ́ nyí Tɛn mímɛ́ ɖé kpowun bɔ gbɛtɔ́ lɛ́ɛ bló, bɔ é nyí xlɛ́ Tɛn mímɛ́ titewungbe ɔ́ tɔn ǎ; lo ɔ́, sɛ́xwé ɖésú wɛ é yi. Fínɛ́ wɛ é ɖo Mawu nukɔn ɖe din, dó ta mǐtɔn mɛ.

1 Piyɛ́ɛ 2:7

Awǐnnya xɔ akwɛ́ ɖaxó ɖokpó wɛ nyí awǐnnya énɛ́ ɔ́ nú mi mɛ e ɖi nǔ lɛ́ɛ; amɔ̌ nú mɛ e ma ɖi nǔ ǎ lɛ́ɛ ɔ́, é nyí: “Awǐnnya e xɔmɛtɔ́ lɛ́ɛ ma dó mɔ nǔɖéwanú ǎ, bó xo nyi kɛ́n, bɔ é húzú awǐnnya e ɖo tají é”.

Nǔɖexlɛ́mɛ 11:15

Énɛ́ ɔ́ gúdo ɔ́, wɛnsagun Mawu tɔn tɛ́nwegɔ́ ɔ́ kún kpɛn, bɔ gbe ɖaxó ɖé lɛ́ɛ ɖi ɖo jǐxwé bó ɖɔ: “Axɔ́súɖuɖu gbɛ ɔ́ tɔn nyí Aklúnɔ mǐtɔn kpó Klísu tɔn kpán tɔn lo! Bɔ é ná ɖu axɔ́sú káká sɔ́yi.”

Nǔɖexlɛ́mɛ 17:14

Yě ná fun ahwan xá Lɛ̌ngbɔ́ví ɔ́. Lɛ̌ngbɔ́ví ɔ́ ka ná ɖu ɖo yě jǐ; ɖó é wɛ nyí Aklúnɔ aklúnɔ lɛ́ɛ tɔn; Axɔ́sú axɔ́sú lɛ́ɛ tɔn; é ná ɖu ɖo yě jǐ, é kpó mɛ e ɖo kpɔ́ xá ɛ lɛ́ɛ kpó; mɛ e è ylɔ̌ bó cyán bɔ yě nɔ gbejí n'i lɛ́ɛ.”