Daniyɛ́li 2:31 - MAWUXÓWÉMA

³¹ Sɛ́mɛɖó, mɛ ɖo nǔ kpɔ́n wɛ bó mɔ bǒcyɔ ɖaxó ɖokpó; bǒcyɔ ɔ́ sɔ́ avɔ ɖésú; ɖɛkpɛ tɔn vɛ́ jlɛ́. Bǒcyɔ ɔ́ ɖo te nukɔn mɛtɔn, bɔ ninɔmɛ tɔn jí wǔ.

Daniyɛ́li 2:31 Iomraidhean Croise

Ezayíi 13:11

Mawu ɖɔ: “Un ná dɔn tó nú gbɛ ɔ́ ɖó dǎkaxixo tɔn wú, un ná dɔn tó nú mɛ nyanya lɛ́ɛ, ɖó nǔ baɖabaɖa e yě dó sin lɛ́ɛ wú. Jimakplɔ́n e nɔ ɖo go yí wɛ lɛ́ɛ ɔ́, un ná sú kún yětɔn dó, acɛgannaganna-kpanúmɛtɔ́ e nɔ ɖo afɔ tɛ ayǐ wɛ lɛ́ɛ ɔ́, un ná zin yě dɛ́.

Ezekiyɛ́li 28:7

Énɛ́ ɔ́ wú ɔ́, un ná ɖó toɖévomɛnu e nɔ xo dǎka hú mɛ bǐ lɛ́ɛ nú we, bɔ yě ná tɔ́n ahwan we; yě ná hɛn nǔ e a sɔ́ bǐbí towe dó wa lɛ́ɛ bǐ gblé. Yě ná hɛn ɖɛkpɛ towe gblé.

Daniyɛ́li 2:36

“Sɛ́mɛɖó, dlɔ̌ e mɛ kú ɔ́ nɛ́. Din ɔ́, tínmɛ tɔn ká ɖíe:

Daniyɛ́li 2:37

Mɛ wɛ kpa acɛ nú axɔ́sú lɛ́ɛ bǐ. Mawu sɛ́xwé tɔn ná axɔ́súɖuɖu mɛ, bó ná acɛ mɛ, bó ná hlɔ̌nhlɔ́n mɛ, bó ná susu mɛ.

Daniyɛ́li 3:1

Axɔ́sú Nabukodonɔzɔ́ɔ zɔ́n sikábócyɔ ɖokpó. Ga tɔn yi nǔjlɛ́kpo gban (30) mɔ̌, gbló tɔn yi nǔjlɛ́kpo atɔn mɔ̌. É sɔ́ bǒcyɔ ɔ́ yi ɖó Dula sín tɔdomɛ, ɖo tokpɔn Babilɔ́nu tɔn mɛ.

Xabakúku 1:7

Togun énɛ́ ɔ́ syɛ́n bó dó xɛsi. Đó gǎn e é hú nǔ é wú ɔ́, é ɖésúnɔ wɛ nɔ ɖɔ lě e nǔ ná nɔ bó ná nyɔ́ n'i é.

Matíe 4:8

Awǒvi lɛ́ kplá ɛ yi só ɖé jí; só ɔ́ yi jǐ ɖésú; é xlɛ́ ɛ axɔ́súɖuto gbɛmɛ fí tɔn lɛ́ɛ, kpódó dɔkun yětɔn lɛ́ɛ kpan,

Luki 4:5

Awǒvi ka wá kplá ɛ yi aga fí ɖé, bɔ nukúnxwixwe ɖokpó mɛ ɔ́, é xlɛ́ ɛ axɔ́súɖuto gbɛmɛ fí tɔn lɛ́ɛ bǐ,