Daniyɛ́li 2:28 - MAWUXÓWÉMA

²⁸ Amɔ̌, Mawu ɖokpó ɖo sɛ́xwé, bó nɔ́ ɖe nǔbúdo lɛ́ɛ xlɛ́ mɛ. Axɔ́sú Nabukodonɔzɔ́ɔ, Mawu énɛ́ ɔ́ wɛ ná ɖɔ nǔ e ná jɛ sɔ ɔ́ nú mɛ. Din ɔ́, nǔ e è mɔ ɖo dlɔ̌ mɛtɔn mɛ ɔ́ ɖíe:

Daniyɛ́li 2:28 Iomraidhean Croise

Bǐbɛ́mɛ 40:8

Bɔ yě yí gbe n'i ɖɔ: “Dlɔ̌ ɖé wɛ mǐ kú, bɔ mǐ mɔ mɛɖé bɔ é ná tínmɛ nú mǐ ǎ.” Jozɛ́fu ka ɖɔ nú yě ɖɔ: “Mawu wɛ nɔ́ tín nǔ mɛ nú mɛ. Mi bo ɖɔ dlɔ̌ e mi kú ɔ́ nú mì.”

Bǐbɛ́mɛ 41:16

Jozɛ́fu ka yí gbe n'i ɖɔ: “Nyɛ wɛ ǎ; gbeɖé kpɔ́n! Mawu wɛ ná ná tínmɛ tɔn nǔgbó ɔ́ we.”

Bǐbɛ́mɛ 41:25

Jozɛ́fu ka ɖɔ nú axɔ́sú ɔ́ ɖɔ: “Dlɔ̌ we e mɛ kú lɛ́ɛ ɔ́, nǔ ɖokpó ɔ́ ɖɔ wɛ yě ɖe. Nǔ e wa gbé Mawu ja ɔ́ wɛ é ɖe xlɛ́ mɛ.

Bǐbɛ́mɛ 49:1

Jakɔ́bu ylɔ́ vǐ tɔn lɛ́ɛ; ée yě wǎ ɔ́, é ɖɔ nú yě ɖɔ: “Mi sɛkpɔ́ mì, bónú má ɖɔ lě e sɔ ná cí gbɔn ɔ́ nú mi.

Ɖɛhan 115:3

Mawu mǐtɔn ɖo sɛ́xwé; nǔ e jló e lɛ́ɛ bǐ wɛ é nɔ́ bló.

Ezayíi 2:2

Gbe ɖokpó ná wá su, bɔ só e jí Mawu Mavɔmavɔ xwé ɔ́ ɖe ɔ́ ná hú ga só kpɛví kpɛví lɛ́ɛ, é ná yi jǐ hú só ɖě lɛ́ɛ bǐ. Énɛ́ ɔ́, akɔta lɛ́ɛ bǐ ná nyi ahwan wá gɔ̌n tɔn.

Jelemíi 10:7

Akɔta lɛ́ɛ bǐ xɔ́sú, mɛ̌ ma ká ná ɖó sísí nú we ǎ? Hwi wɛ è ɖǒ ná ɖó sísí ná, ɖó nǔnywɛ́tɔ́ e ɖo axɔ́súɖuto lɛ́ɛ bǐ mɛ, gbɔn akɔta lɛ́ɛ bǐ mɛ ɔ́, è sixú jlɛ́ ɖě dó wǔ we ǎ.

Jelemíi 30:24

Xomɛsin ɖaxó e jí Mawu Mavɔmavɔ ɖe ɔ́ ɖo nǎ xwɛ wɛ ǎ. É ná xwɛ cóbónú Mawu Mavɔmavɔ ná wa nǔ e é lin lɛ́ɛ bǐ ǎ. Ayǐ ɖo hǐnhɔ́n wɛ ɔ́, mi ná mɔ nǔ jɛ nǔ énɛ́ lɛ́ɛ bǐ mɛ.

Jelemíi 48:47

Amɔ̌, ayǐ ɖo hǐnhɔ́n wɛ ɔ́, un ná zé yě ɖó ninɔmɛ e mɛ yě nɔ ɖ'ayǐ xóxó é. Xó e nyɛ Mawu Mavɔmavɔ ɖɔ ɔ́ nɛ́.” Lě e Mawu gbo Mɔwabu sín hwɛ gbɔn ɔ́ nɛ́.

Ezekiyɛ́li 28:3

A mɔ ɖɔ nǔɖé kún tíin bónú émí dán do ná ó. A vɛdó ɖɔ émí ɖó nǔnywɛ́ hú Daniyɛ́li wɛ sín a?

Ezekiyɛ́li 38:16

A nǎ tɔ́n ahwan togun ce Izlayɛ́li ɔ́, bó ná cyɔ́n to ɔ́ ahǔn ɖɔhun. É ká ná lín káká có nǔ énɛ́ lɛ́ɛ ná jɛ. Un ná sɛ́ we dó bɔ a nǎ wǎ tɔ́n ahwan to ce, énɛ́ ɔ́, to ɖě lɛ́ɛ ná tunwun ɖɔ nyɛ wɛ nyí Mawu mímɛ́ ɔ́. Hwi Gɔgu ɔ́ wɛ un ka ná zán dó bló nǔ énɛ́ ɔ́.

Ezekiyɛ́li 38:8

É wá yá ɔ́, un ná zɔ́n nǔ we. Xwe wá ɖo xwe jí jɛ wɛ ɔ́, un ná sɛ́ we dó, bɔ a nǎ yi tɔ́n ahwan Izlayɛ́li to ɔ́. Izlayɛ́li ví e xo ahwan zlɛ́ lɛ́ɛ ɔ́, yě ná gosín to e mɛ yě gbadó gbɔn lɛ́ɛ mɛ, bó ná wá kplé kpɔ́ gěgé ɖo Izlayɛ́li, só e è ko jó dó bɔ é kó lín bɔ mɛ ɖě ma sɔ́ ɖ'é jí ǎ lɛ́ɛ jí. Yě mɛ énɛ́ lɛ́ɛ e è nǎ kplá sín akɔta ɖě lɛ́ɛ mɛ lɛ́ɛ ɔ́, yě ná wá vo bǐ ɖo to yě ɖésúnɔ tɔn ɔ́ mɛ.

Daniyɛ́li 1:20

Nǔ e ná nyí nǔ bó ná byɔ́ ɖɔ è nǎ ɖó nǔnywɛ́ kpó nukúnnú-mɔjɛnǔmɛ kpó cóbó kɛ nu d'é wú ɔ́, ényí axɔ́sú ɔ́ kan nǔ byɔ́ yě dó ɖěbǔ jí ɔ́, xósin e yě nɔ́ ná ɔ́ nɔ́ mɛ́ hú ée nǔkantɔ́ lɛ́ɛ kpó majíkiblótɔ́ e ɖo axɔ́súɖuto ɔ́ mɛ é kpó nɔ́ ná ɔ́ azɔn wǒ.

Daniyɛ́li 10:14

Din ɔ́, un wá bó ná ɖɔ nǔ e ná wá jɛ dó togun towe jí sɔ gúdo ɔ́ nú we. Nǔ ɔ́ wɛ Mawu ɖe xlɛ́ we bɔ a mɔ.’

Daniyɛ́li 2:18

lobo ɖɔ nú yě ɖɔ yě ní byɔ́ nǔbláwǔkúnúmɛ Mawu tɔn sín sɛ́xwé, nú Mawu ní ɖe dlɔ̌ mamɔdoná énɛ́ ɔ́ xlɛ́ émí, bónú è ma wá hu émí kpó nǔnywɛ́tɔ́ Babilɔ́nu tɔn lɛ́ɛ kpó ó.

Daniyɛ́li 2:22

É wɛ nɔ́ ɖe nǔbúdo e ɖo hwlǎhwlá lɛ́ɛ xlɛ́. É tunwun nǔ e ɖo zǐnflú mɛ lɛ́ɛ, wěziza ɔ́, gɔ̌n tɔn wɛ é ɖe.

Daniyɛ́li 2:44

Axɔ́sú énɛ́ lɛ́ɛ sín hwenu ɔ́, Mawu sɛ́xwé tɔn ná ɖe axɔ́súɖuto e mɛɖé má sixú gba ǎ é ɖokpó tɔ́n. Acɛkpikpa tɔn ná jɛ akɔta ɖěvo sí gbeɖé ǎ. Axɔ́súɖuto énɛ́ ɔ́ ná gba axɔ́súɖuto e ko ɖo ayǐ lɛ́ɛ bǐ, bó ná hu acɛ nú yě, bɔ yě sɔ́ ná tíin nyǐ ǎ. Lo ɔ́, éyɛ́ ná nɔ te káká sɔ́yi.

Daniyɛ́li 2:45

Nǔ e nyí wɛ awǐnnya e mɛɖé ma sɛ́ dó ǎ, bɔ é nɔ́ yǎyá, bó gosín só jí, bó wá gba gan kpó ganvɔ kpó, ko kpó kpatágan kpó, kpódó siká kpó e è dǒ bló bǒcyɔ ɔ́ ná lɛ́ɛ é nɛ́. Sɛ́mɛɖó ce, Nǔ e ɖo ná jɛ wɛ é wɛ Mawu ɖaxó bǐ ɔ́ ɖe xlɛ́ mɛ. Dlɔ̌ titewungbe wɛ mɛ kú, bɔ tínmɛ e é ɖó tawun ɔ́ jɛ́n un ɖɔ nú mɛ nɛ́.”

Daniyɛ́li 2:47

Bó ká ɖɔ nú Daniyɛ́li ɖɔ: “Mawu mitɔn hú gǎn vodún lɛ́ɛ bǐ nǔgbó; é wɛ nyí Aklúnɔ axɔ́sú lɛ́ɛ tɔn. É ɖokpó jɛ́n nɔ ɖe nǔbúdo lɛ́ɛ xlɛ́ mɛ; ɖó é bló din bɔ dlɔ̌ élɔ́ e mɛ un má mɔ nǔ jɛ ǎ ɔ́, a kpé wú bó tínmɛ nú mì.”

Daniyɛ́li 4:5

É nɔ zaan bɔ Daniyɛ́li lɔmɔ̌ wá mɔ mì. Nya ɖé wɛ bɔ è nɔ lɛ́ ylɔ́ ɛ ɖɔ Bɛluticasáa. Nyǐkɔ énɛ́ ɔ́, vodún ce sín nyǐkɔ mɛ wɛ è ɖe sín . Nya énɛ́ ɔ́, nǔmɛsɛn mímɛ́ lɛ́ɛ sín yɛ ɖo jǐ tɔn. Ée é wá ɔ́, un ɖɔ dlɔ̌ e un kú ɔ́ n'i; un ɖɔ n'i ɖɔ:

Ozée 3:5

Énɛ́ ɔ́ gúdo ɔ́, Izlayɛ́li ví lɛ́ɛ ná lɛ́ kɔ wá. Yě ná ba Mawu Mavɔmavɔ, Mawu yětɔn kpódó Davídi axɔ́sú yětɔn ɔ́ kpó mɔ. Nú é wá yá ɔ́, kpó sísí kpó wɛ yě ná ba Mawu Mavɔmavɔ ɔ́ kpó ɖagbe e é nɔ́ wa nú mɛ lɛ́ɛ kpó.

Amɔ́si 4:13

“Đó nyɛ wɛ bló só lɛ́ɛ; nyɛ wɛ bló jɔhɔn; nyɛ wɛ nɔ ɖe linlin ce lɛ́ɛ xlɛ́ gbɛtɔ́; nyɛ wɛ nɔ sɔ́ ayǐtéhɔ̌nnu dó húzú zǎn; nyɛ wɛ nɔ zun zɔnlin gbɔn fí e yi jǐ hú fí bǐ é. Mawu Mavɔmavɔ, Mawu Nǔbǐwúkpétɔ́ wɛ un nyí.”

Kɛ́nsísɔ́ 24:14

Din ɔ́, un ná lɛ́ kɔ yi togun ce mɛ. Wǎ má ɖɔ nǔ e togun élɔ́ ná wa xá togun towe ɖo sɔ gúdo ɔ́ nú we.”

Matíe 6:9

Lě e mi ɖó ná nɔ xo ɖɛ gbɔn ɔ́ ɖíe: ‘Tɔ́ mǐtɔn e ɖo sɛ́xwé ɔ́, nyǐkɔ towe ní nyí nǔsísí.

Sɛ́nflínmɛ 31:19

Xó e ɖɔ gbé un ja din ɔ́, wlǎn; han wɛ, bɔ a nǎ kplɔ́n Izlayɛ́li ví lɛ́ɛ. A nǎ tɛ́nkpɔ́n káká bɔ yě ná tunwun. Han énɛ́ ná ɖe kúnnu nú mì ɖo Izlayɛ́li ví lɛ́ɛ nukɔn.

Sɛ́nflínmɛ 4:30

Hwenu e nǔ e un ɖɔ nú mi lɛ́ɛ bǐ ná jɛ, bɔ mi ná ɖo aluwɛ mɛ ɔ́, mi ná lɛ́ kɔ wá Mawu Mavɔmavɔ, Mawu mitɔn gɔ́n, bó ná lɛ́ jɛ tónú se n'i jí.

2 Timɔtée 3:1

Ka lɛ́ nywɛ́ ɖɔ hwenu vɛ́ wǔ lɛ́ɛ ná tíin ɖo azǎn gǔdo gúdo tɔn lɛ́ɛ mɛ.

Eblée 1:1

Đ'ayǐ xóxó ɔ́, Mawu gbɔn gbeyíɖɔ lɛ́ɛ jí, bó ɖɔ xó nú tɔ́gbó mǐtɔn lɛ́ɛ azɔn mɔ̌kpán gbɔn alɔ gěgé mɛ.

2 Piyɛ́ɛ 3:3

Nǔ e mi ná tunwun jɛ nukɔn ɔ́ wɛ nyí ɖɔ: ɖo azǎn gǔdo gúdo tɔn lɛ́ɛ mɛ ɔ́, mɛ e nɔ zán gbɛ yětɔn lě e jlǒ yě ɖésúnɔ tɔn ba gbɔn lɛ́ɛ ná ɖe yěɖée xlɛ́. Yě ná ɖɔ slǎmɛ mi wú,

Nǔɖexlɛ́mɛ 1:1

Nǔ e ɖo hwlǎhwlá, bɔ Jezu Klísu ɖe xlɛ́ céɖécéɖé lɛ́ɛ wɛ ɖo wěma élɔ́ mɛ. Mawu ɖe nǔ énɛ́ lɛ́ɛ xlɛ́ ɛ, bónú é ná xlɛ́ nǔ e ná jɛ ɖo malín málín mɛ lɛ́ɛ mɛsɛntɔ́ tɔn lɛ́ɛ. Jezu Klísu sɛ́ wɛnsagun tɔn dó mɛsɛntɔ́ tɔn Jǎan, bó ɖe nǔ lɛ́ɛ xlɛ́ ɛ.