Daniyɛ́li 2:27 - MAWUXÓWÉMA

²⁷ Daniyɛ́li yí gbe nú axɔ́sú ɔ́ ɖɔ: “Sɛ́mɛɖó, nǔ e búdo dó mɛ ɔ́, mɛ ɖěbǔ sixú tínmɛ nú mɛ ǎ. Nǔnywɛ́tɔ́ lɛ́ɛ, majíkiblótɔ́ lɛ́ɛ, nǔkantɔ́ lɛ́ɛ, azɔnɖatɔ́ lɛ́ɛ ɖěbǔ sixú tínmɛ nú mɛ ǎ.

Daniyɛ́li 2:27 Iomraidhean Croise

Bǐbɛ́mɛ 40:8

Bɔ yě yí gbe n'i ɖɔ: “Dlɔ̌ ɖé wɛ mǐ kú, bɔ mǐ mɔ mɛɖé bɔ é ná tínmɛ nú mǐ ǎ.” Jozɛ́fu ka ɖɔ nú yě ɖɔ: “Mawu wɛ nɔ́ tín nǔ mɛ nú mɛ. Mi bo ɖɔ dlɔ̌ e mi kú ɔ́ nú mì.”

Bǐbɛ́mɛ 41:8

Ayi tɔn gbadó ayǐhɔ́ngbe tɔn zǎnzǎn, bɔ é dó wɛn sɛ́ dó majíkiblótɔ́ lɛ́ɛ bǐ kpó nǔnywɛ́tɔ́ Ejípu tɔn lɛ́ɛ bǐ kpó ɖɔ yě ní wá. Ée mɛ lɛ́ɛ wá ɔ́, é wlí dlɔ̌ e é kú lɛ́ɛ ɖɔ nú yě. Lo ɔ́, yě mɛ ɖěbǔ kpé wú bó tín nǔ e ɖɔ wɛ dlɔ̌ lɛ́ɛ ɖe ɔ́ mɛ nú axɔ́sú ɔ́ ǎ.

Ezayíi 19:3

Ejípunu lɛ́ɛ sín hǔn ná gbadó, bɔ un ná hɛn tito yětɔn bǐ dó agudu. Un bló mɔ̌ lo ɔ́, yě ná yi mɔ vodún yětɔn lɛ́ɛ, bokantɔ́ lɛ́ɛ kpódó bokɔ́nɔ lɛ́ɛ kpó, bó ná kan nǔ ɖo yě gɔ́n.

Ezayíi 44:25

Din ɔ́, nǔ e ná wá jɛ bɔ nǔkantɔ́ lɛ́ɛ nɔ́ ɖɔ lɛ́ɛ ɔ́, un sɔ́ bǐ dó húzú nǔ yǎyá. Nǔmɔtɔ́ lɛ́ɛ ɔ́, un sɔ́ yě dó húzú xlonɔ; un nya nǔnywɛ́tɔ́ lɛ́ɛ dó gbě, un sɔ́ nǔnywɛ́ yětɔn dó húzú gblǒ.

Jelemíi 10:7

Akɔta lɛ́ɛ bǐ xɔ́sú, mɛ̌ ma ká ná ɖó sísí nú we ǎ? Hwi wɛ è ɖǒ ná ɖó sísí ná, ɖó nǔnywɛ́tɔ́ e ɖo axɔ́súɖuto lɛ́ɛ bǐ mɛ, gbɔn akɔta lɛ́ɛ bǐ mɛ ɔ́, è sixú jlɛ́ ɖě dó wǔ we ǎ.

Daniyɛ́li 1:20

Nǔ e ná nyí nǔ bó ná byɔ́ ɖɔ è nǎ ɖó nǔnywɛ́ kpó nukúnnú-mɔjɛnǔmɛ kpó cóbó kɛ nu d'é wú ɔ́, ényí axɔ́sú ɔ́ kan nǔ byɔ́ yě dó ɖěbǔ jí ɔ́, xósin e yě nɔ́ ná ɔ́ nɔ́ mɛ́ hú ée nǔkantɔ́ lɛ́ɛ kpó majíkiblótɔ́ e ɖo axɔ́súɖuto ɔ́ mɛ é kpó nɔ́ ná ɔ́ azɔn wǒ.

Daniyɛ́li 2:2

Énɛ́ ɔ́, é ɖɔ è nǐ ylɔ́ nǔkantɔ́ lɛ́ɛ, majíkiblótɔ́ lɛ́ɛ, azětɔ́ lɛ́ɛ, kpó azɔnɖatɔ́ lɛ́ɛ kpó wá, bónú yě ná ɖɔ nǔ e émí mɔ ɖo dlɔ̌ mɛ ɔ́ nú émí. Ée yě wá ɔ́, yě nɔ te ɖo nukɔn tɔn,

Daniyɛ́li 4:7

Dlɔ̌ e un kú ɔ́ ɖíe, ɖǒ tó: Hwenu e un ɖo ayǐmlɔ́mlɔ́ ɖo adɔ̌zan ce jí ɔ́, dlɔ̌ e un kú ɔ́ ɖíe: Un mɔ atín ɖaxó gɛnnyigɛnnyi ɖé ɖo ayǐkúngban ɔ́ tɛ́ntin.