Daniyɛ́li 2:23 - MAWUXÓWÉMA

²³ Mawu tɔ́gbó ce lɛ́ɛ tɔn, un ɖo susu kpa nú we wɛ. Un ɖo mlǎmlá we wɛ, ɖó nǔnywɛ́ kpó hlɔ̌nhlɔ́n kpó e a nǎ mì ɔ́ wú, ɖó nǔ e mǐ byɔ́ we ɔ́, a ɖe xlɛ́ mǐ.”

Daniyɛ́li 2:23 Iomraidhean Croise

Bǐbɛ́mɛ 18:17

Mawu Mavɔmavɔ ɖɔ dó ayi mɛ ɖɔ: “Un jló ná zé nǔ e wa gbé un ja ɔ́ hwlá dó Ablaxámu ǎ.

Bǐbɛ́mɛ 31:42

Nú é má nyí Mawu tɔ́ ce Ablaxámu tɔn, Mawu e nukɔn tɔ́ ce Izáki nɔ sísɔ́ ɖe ɔ́ wɛ ɖo gǔdo ce ǎ ɔ́, a nǎ kó nya mì din asígbá alɔgbá. É ká mɔ ya e un ji lɛ́ɛ, bó mɔ azɔ̌ e un wa ɔ́, bó gbo hwɛ nú mǐ sɔ zǎn mɛ.”

1 Axɔ́sú 18:36

Ée gan e mɛ è nɔ xwlé vɔ̌sánú hwe lɛ́ kɔ tɔn Mawu Mavɔmavɔ ɔ́ xo ɔ́, gbeyíɖɔ Mawu Mavɔmavɔ tɔn Elíi sɛkpɔ́ vɔ̌sákpe ɔ́, bó ɖɔ: “Mawu Mavɔmavɔ, Mawu Ablaxámu tɔn, Mawu Izáki tɔn, Mawu Izlayɛ́li tɔn! Đe xlɛ́ égbé din ɖɔ hwi wɛ nyí Mawu Izlayɛ́li tɔn, bɔ nyɛ nyí mɛsɛntɔ́ towe; ɖe xlɛ́ ɖɔ gbe towe wɛ un xwedó dó bló nǔ énɛ́ lɛ́ɛ bǐ.

1 Axɔ́sú 8:57

Mawu Mavɔmavɔ, Mawu mǐtɔn ní nɔ kpɔ́ xá mǐ, lě e é nɔ kpɔ́ xá tɔ́gbó mǐtɔn lɛ́ɛ gbɔn é. Ní má ɖe alɔ tɔn sín mǐ wú ó, ní má ka jó mǐ dó ó.

1 Tan 29:10

Davídi kpa susu nú Mawu Mavɔmavɔ ɖo kplékplé bǐ nukɔn. É ɖɔ: “Mawu Mavɔmavɔ, Mawu tɔ́gbó mǐtɔn Jakɔ́bu tɔn, susu nú we káká sɔ́yi.

1 Tan 29:13

Mawu mǐtɔn, énɛ́ wú wɛ mǐ ɖo kpikpa we wɛ, bó ɖo nyǐkɔ towe ɖagbe ɖagbe ɔ́ sɔ́ su wɛ.

2 Tan 20:6

Énɛ́ ɔ́, é xo ɖɛ bó ɖɔ: “Mawu Mavɔmavɔ, Mawu tɔ́gbó mǐtɔn lɛ́ɛ tɔn e, hwi wɛ ɖu axɔ́sú ɖo jǐnukúnsin. Hwi wɛ kpa acɛ dó axɔ́súɖuto e ɖo gbɛ ɔ́ mɛ lɛ́ɛ bǐ nu. Hwi wɛ ɖó acɛ bó kpé nǔ bǐ wú, bɔ mɛ ɖěbǔ nɔ sixú nɔ te ɖo nukɔn towe ǎ.

Ɖɛhan 21:2

Mawu Mavɔmavɔ, axɔ́sú ɔ́ ɖo awǎ jɛ wɛ, ɖó hlɔ̌nhlɔ́n towe wú. Alɔ e a nɔ gɔ́ n'i ɔ́ nɔ víví n'i tawun.

Ɖɛhan 21:4

ɖó nyɔ̌ná ɖagbe ɖagbe sín agban wɛ a nɔ dó wá n'i. A xwe siká akú gbákún n'i.

Ɖɛhan 25:14

Mawu Mavɔmavɔ nɔ ɖɔ nǔ e ɖo ayi tɔn mɛ ɔ́ nú mɛ e nɔ sí i lɛ́ɛ; é kplɔ́n nǔ e akɔ jɛ xá ɛ nyí ɔ́ yě.

Ɖɛhan 50:14

Vɔ̌ e a nǎ sá nú nyɛ Mawu towe ɔ́ wɛ nyí ɖɔ a nǐ tunwun nǔ e bló nú we wɛ un ɖe ɔ́ nú mì. Đe akpá e a dǒ nú nyɛ Mawu Ajalɔ̌nlɔn lɛ́ɛ.

Tíntɔ́n 3:15

Mawu lɛ́ ɖɔ nú Mɔyízi ɖɔ: “A nǎ ɖɔ nú Izlayɛ́li ví lɛ́ɛ ɖɔ Mawu Mavɔmavɔ, Mawu e tɔ́gbó yětɔn lɛ́ɛ nɔ sɛn ɔ́ wɛ sɛ́ émí dó. Mawu e Ablaxámu, Izáki, kpó Jakɔ́bu kpó nɔ sɛn ɔ́ wɛ sɛ́ émí dó yě gɔ̌n. Nyǐkɔ ce nɛ́ káká sɔ́yi; nyǐkɔ ce nɛ́ nú hwe lɛ́ɛ bǐ nu.”

Nǔnywɛ́xó 21:22

Mɛ e ɖó nǔnywɛ́ ɔ́ nɔ́ tɔ́n ahwan toxo e ɖo sɔ́ja syɛ́nsyɛ́n lɛ́ɛ lɔ mɛ é, bó nɔ́ gba ahohó e wú yě ɖeji dó é.

Nǔnywɛ́xó 24:5

Mɛ e ɖó nǔnywɛ́ ɔ́ ɖó hlɔ̌nhlɔ́n; mɛ e tunwun nǔ ɔ́, hlɔ̌nhlɔ́n nɔ́ jɛ hlɔ̌nhlɔ́n jí n'i.

Nǔnywɛ́xó 8:14

Azɔ̌ e nyí ce ɔ́ wɛ nyí nǔ kplɔ́n mɛ bónú è lɛ̌n nǔ dó nukɔn mɛ. Nyɛ wɛ nyí nukúnnú mɔ jɛ nǔ mɛ; nyɛ wɛ nɔ ná hlɔ̌nhlɔ́n mɛ.

Nǔnywɛ́tɔ́xó 7:19

Nǔnywɛ́ nɔ́ ná hlɔ̌nhlɔ́n nǔnywɛ́tɔ́ bɔ acɛ tɔn nɔ syɛ́n hú acɛ e gǎn wǒ nɔ kpa dó toxo ɖokpó nu é.

Nǔnywɛ́tɔ́xó 9:16

Mɛ bǐ gbɛ́ wǎn nú wamamɔnɔ énɛ́ e ɖó nǔnywɛ́ é, bó nɔ́ ɖótó xó tɔn ǎ, có nyɛ ɔ́, un mɔ ɖɔ nǔnywɛ́ nyɔ́ hú hlɔ̌nhlɔ́n.

Nǔnywɛ́tɔ́xó 9:18

Nǔnywɛ́ nyɔ́ hú ahwanfunnú lɛ́ɛ; lo ɔ́, mɛ e ma nɔ lin tamɛ cóbó nɔ́ wa nǔ ǎ ɖokpó géé nɔ́ hɛn nǔ ɖagbe e nǔnywɛ́ nɔ́ ná mɛ ɔ́ gěgé gblé.

Ezayíi 12:1

Izlayɛ́li, gbe énɛ́ gbé ɔ́, a nǎ ɖɔ: “Mawu Mavɔmavɔ, un ɖo kú dó nú we wɛ, ɖó a sin xomɛ dó mì ɖ'ayǐ, amɔ̌, din ɔ́, xo towe mɛ ko fá, bɔ a dǒ gbɔ nú mì.

Jelemíi 33:3

“Sú xó ylɔ́ mì, un nǎ sɔ́ nú we; nǔ ɖaxó ɖaxó, nǔ e ɖo hwlǎhwlá bɔ a ma tunwun ǎ lɛ́ɛ ɔ́, un nǎ ɖɔ yě nú we.

Daniyɛ́li 1:17

Dɔ̌nkpɛvú ɛnɛ lɛ́ɛ ɔ́, Mawu ná yě nukúnnú-mɔjɛnǔmɛ, bó ná yě nǔtunwuntunwun, bɔ yě se gbe lɛ́ɛ, bó lɛ́ ɖó nǔnywɛ́. Daniyɛ́li ɔ́, éyɛ́ nɔ́ tín nǔmimɔ kpó dlɔ̌ lɛ́ɛ kpó mɛ.

Daniyɛ́li 2:18

lobo ɖɔ nú yě ɖɔ yě ní byɔ́ nǔbláwǔkúnúmɛ Mawu tɔn sín sɛ́xwé, nú Mawu ní ɖe dlɔ̌ mamɔdoná énɛ́ ɔ́ xlɛ́ émí, bónú è ma wá hu émí kpó nǔnywɛ́tɔ́ Babilɔ́nu tɔn lɛ́ɛ kpó ó.

Amɔ́si 3:7

Đó Aklúnɔ Mavɔmavɔ nɔ wa nǔɖé ma ɖe nǔbúdo tɔn xlɛ́ mɛsɛntɔ́ tɔn gbeyíɖɔ lɛ́ɛ ǎ.

Matíe 11:25

Hwenɛ́nu ɔ́, Jezu yí xó, bó ɖɔ: “Daá! Aklúnɔ jǐnukúnsin kpódó ayǐkúngban kpó tɔn, un dó kú nú we, ɖó a sɔ́ nǔ énɛ́ lɛ́ɛ hwlá dó nukúnnú-mɔjɛnǔmɛtɔ́ lɛ́ɛ kpódó nǔnywɛ́tɔ́ lɛ́ɛ kpó, lobo ka ɖe yě xlɛ́ vǐ ɖo anɔ̌nu lɛ́ɛ.

Luki 10:21

Hwenɛ́nu tlóló ɔ́, Yɛsinsɛn dó xomɛ hunhun ɖaxó ɖé nú Jezu, bɔ é ɖɔ: “Daá! Aklúnɔ jǐnukúnsin kpódó ayǐkúngban kpó tɔn, un dó kú nú we, ɖó a sɔ́ nǔ énɛ́ lɛ́ɛ hwlá dó nukúnnú-mɔjɛ́nǔmɛtɔ́ lɛ́ɛ, kpódó nǔnywɛ́tɔ́ lɛ́ɛ kpó, lobo ka ɖe yě xlɛ́ vǐ ɖo anɔ̌nu lɛ́ɛ. Mɔ̌ wɛ Daá! Đó lě e a jlǒ gbɔn é nɛ́.

Jǎan 11:41

Bɔ yě blí awǐnnya ɔ́ síin. Jezu ka zé ta yi jǐ, bó ɖɔ: “Tɔ́ ce, un dó kú nú we, ɖó a ɖǒtó mì.

Jǎan 15:15

Un sɔ́ nɔ ylɔ́ mi ɖɔ mɛsɛntɔ́ ǎ, ɖó mɛsɛntɔ́ nɔ mɔ do nú nǔ e wa wɛ gǎn tɔn ɖe ɔ́ ǎ. Un nɔ ylɔ́ mi ɖɔ xɔ́ntɔn, ɖó nǔ e un se ɖo Tɔ́ ce nu lɛ́ɛ bǐ wɛ un ɖe xlɛ́ mi.

Nǔɖexlɛ́mɛ 1:1

Nǔ e ɖo hwlǎhwlá, bɔ Jezu Klísu ɖe xlɛ́ céɖécéɖé lɛ́ɛ wɛ ɖo wěma élɔ́ mɛ. Mawu ɖe nǔ énɛ́ lɛ́ɛ xlɛ́ ɛ, bónú é ná xlɛ́ nǔ e ná jɛ ɖo malín málín mɛ lɛ́ɛ mɛsɛntɔ́ tɔn lɛ́ɛ. Jezu Klísu sɛ́ wɛnsagun tɔn dó mɛsɛntɔ́ tɔn Jǎan, bó ɖe nǔ lɛ́ɛ xlɛ́ ɛ.

Nǔɖexlɛ́mɛ 5:5

Lo ɔ́, mɛxó lɛ́ɛ ɖokpó ɖɔ nú mì ɖɔ: “Ma ya avǐ ó, kpɔ́n: kinnikínní e ɖo akɔta Judáa tɔn mɛ, bó nyí axɔ́sú Davídi ví ɔ́ ɖu ɖ'é jí, bó ná gba wuntun tɛ́nwe lɛ́ɛ, bó ná hun wěma ɔ́.”