Daniyɛ́li 2:22 - MAWUXÓWÉMA

²² É wɛ nɔ́ ɖe nǔbúdo e ɖo hwlǎhwlá lɛ́ɛ xlɛ́. É tunwun nǔ e ɖo zǐnflú mɛ lɛ́ɛ, wěziza ɔ́, gɔ̌n tɔn wɛ é ɖe.

Daniyɛ́li 2:22 Iomraidhean Croise

Bǐbɛ́mɛ 41:16

Jozɛ́fu ka yí gbe n'i ɖɔ: “Nyɛ wɛ ǎ; gbeɖé kpɔ́n! Mawu wɛ ná ná tínmɛ tɔn nǔgbó ɔ́ we.”

Jɔ̌bu 12:22

É nɔ́ ɖe nǔ e ɖo hwlǎhwlá ɖo zǐnflú mɛ ɔ́ nyi wěxo, é nɔ́ zé nǔ e ɖo ablu gɔngɔn mɛ ɔ́ wá wěziza nu.

Jɔ̌bu 26:6

Đó kútomɛ ɔ́ ɖo wěxo ɖo Mawu nukɔn, avɔ ɖěbǔ cyɔ́n ɛ ǎ.

Ɖɛhan 104:2

A sɔ́ wěziza dó awu ɖaxó ɖé ɖɔhun, a vlɔ̌n jǐxwé avɔgoxɔ ɖɔhun.

Ɖɛhan 25:14

Mawu Mavɔmavɔ nɔ ɖɔ nǔ e ɖo ayi tɔn mɛ ɔ́ nú mɛ e nɔ sí i lɛ́ɛ; é kplɔ́n nǔ e akɔ jɛ xá ɛ nyí ɔ́ yě.

Ɖɛhan 36:9

Nǔɖuɖu ɖagbe ɖagbe e ɖo xwé towe gbe ɔ́ wɛ yě nɔ́ ɖu bó nɔ́ gɔ́ xo; xomɛnyínyɔ́ towe wɛ nyí tɔsisa bɔ yě nɔ́ nu.

Nǔnywɛ́tɔ́xó 8:1

Mɛ̌ ká nyí nǔnywɛ́tɔ́, bɔ nǔɖé jɛ ɔ́, é nɔ́ tunwun nǔ e ɖɔ wɛ nǔ ɔ́ ɖe ɔ́ bó nɔ́ tínmɛ? Mɛ ɖé ɖó nǔnywɛ́ ɔ́, é sɔ́ nɔ́ dɔn nukún mɛ nyɔ ǎ; nukún mɛ tɔn nɔ́ vlɔ́n.

Ezayíi 41:22

Mi wá ɖɔ nǔ e ná jɛ ɔ́ nú mǐ. Nǔ tɛ́ ka ko jɛ wá yi? Mi ɖɔ bónú mǐ nǎ lin ta mɛ d'é wú kpɔ́n; é gló hǔn, mi ɖɔ nǔ e ná wá jɛ sɔ ɔ́ nú mǐ; énɛ́ ɔ́, mǐ nǎ tunwun nǔ e ɖo nǎ jɛ wɛ é.

Ezayíi 41:26

Mɛ̌ ká ɖɔ nǔ énɛ́ ɖ'ayǐ bónú mǐ nǎ tunwun? Mɛ̌ ká ko ɖɔ nǔ mɔ̌hun ná wá jɛ bónú mǐ nǎ ɖɔ: ‘Nǔgbó wɛ é ɖɔ’ Mɛ ɖé ɖo mi mɛ bó kpé nǔ mɔ̌hun wú ǎ. Mi ɖɔ xó ɖé bɔ mɛɖé se ǎ.

Ezayíi 42:9

Nǔ nukɔntɔn lɛ́ɛ kó jɛ; yɔ̌yɔ́ e ná jɛ ɔ́ ɖɔ wɛ un ɖe din; un ɖo ɖiɖɔ nú mi wɛ cóbɔ é ná wá jɛ.

Ezayíi 45:7

Un nɔ bló wěziza, bó nɔ́ bló ablu, nyi wɛ nɔ ná nyɔ̌ná mɛ; nyi wɛ nɔ dɔn tagba wá. Nǔgbó wɛ, nyɛ Mawu Mavɔmavɔ wɛ nɔ bló nǔ énɛ́ lɛ́ɛ bǐ.

Jelemíi 23:24

Mɛ ɖé hɔn yi bɛ ɖo fí ɖé ɔ́, un nɔ mɔ ɛ jɛ́n wɛ. Un ɖo fí bǐ ɖo jǐxwé, bó lɛ́ ɖo fí bǐ ɖo ayǐkúngban ɔ́ jí. Xó e nyɛ Mawu Mavɔmavɔ ɖɔ ɔ́ nɛ́.”

Jelemíi 33:3

“Sú xó ylɔ́ mì, un nǎ sɔ́ nú we; nǔ ɖaxó ɖaxó, nǔ e ɖo hwlǎhwlá bɔ a ma tunwun ǎ lɛ́ɛ ɔ́, un nǎ ɖɔ yě nú we.

Daniyɛ́li 2:11

Nǔ e ba wɛ axɔ́sú ɔ́ ɖe ɔ́ dín gbě, bɔ mɛ ɖěbǔ sixú ná ɛ tínmɛ tɔn ǎ; vodún jɛ́n é ná nyí; vodún lɛ́ɛ sín nɔtɛn ɖíe ma ka ɖo gbɛtɔ́ lɛ́ɛ mɛ ǎ e.”

Daniyɛ́li 2:19

Énɛ́ ɔ́, Mawu ɖe nǔbúdo énɛ́ ɔ́ xlɛ́ Daniyɛ́li ɖo dlɔ̌ mɛ, bɔ Daniyɛ́li jɛ Mawu sɛ́xwé tɔn ɔ́ mlá jí,

Daniyɛ́li 2:47

Bó ká ɖɔ nú Daniyɛ́li ɖɔ: “Mawu mitɔn hú gǎn vodún lɛ́ɛ bǐ nǔgbó; é wɛ nyí Aklúnɔ axɔ́sú lɛ́ɛ tɔn. É ɖokpó jɛ́n nɔ ɖe nǔbúdo lɛ́ɛ xlɛ́ mɛ; ɖó é bló din bɔ dlɔ̌ élɔ́ e mɛ un má mɔ nǔ jɛ ǎ ɔ́, a kpé wú bó tínmɛ nú mì.”

Daniyɛ́li 5:11

Nǔmɛsɛn mímɛ́ lɛ́ɛ sín yɛ ɖo nya ɖokpó jí ɖo axɔ́súɖuto mɛtɔn mɛ. Tɔ́ mɛtɔn hwenu ɔ́, nya ɖé wɛ, bó nɔ́ mɔ nukúnnú jɛ nǔ wú céɖécéɖé. É bí, bó ɖó nǔnywɛ́ nǔmɛsɛn ɖɔhun. Énɛ́ ɔ́ wú wɛ tɔ́ mɛtɔn sɔ́ ɛ gǎn, bɔ é kpa acɛ dó nǔkantɔ́ lɛ́ɛ, majíkiblótɔ́, azětɔ́ lɛ́ɛ, kpódó azɔnɖatɔ́ lɛ́ɛ kpó nu.

Daniyɛ́li 5:14

Un se ɖɔ nǔmɛsɛn lɛ́ɛ sín yɛ ɖo jǐ we, bɔ a nɔ mɔ nukúnnú jɛ nǔ wú céɖécéɖé bó bí, bɔ nǔnywɛ́ e a ɖǒ ɔ́, gbɛtɔ́ ɖěbǔ ɖó ǎ.

Matíe 13:13

Nǔ e wú un nɔ dó lǒ dó ɖɔ xó nú yě ɔ́ nɛ́; ɖó yě ɖo nǔ mɔ wɛ, cóbó nyí mamɔtɔ́; yě ɖo nǔ se wɛ, cóbó nyí masetɔ́; yě ká nɔ lɛ́ mɔ nukúnnú jɛ nǔ ɖěbǔ mɛ ǎ.

Jǎan 1:9

Wěziza énɛ́ ɔ́ wɛ nyí wěziza nǔgbó e wá gbɛ ɔ́ mɛ, bó hɔ́n dó gbɛtɔ́ lɛ́ɛ bǐ jí é.

Jǎan 21:17

Jezu lɛ́ kanbyɔ́ ɛ azɔn atɔngɔ́ ɔ́ ɖɔ: “Sinmɔ́ɔ Jǎan ví, a yǐ wǎn nú mì a?” Ée Piyɛ́ɛ mɔ ɖɔ Jezu kanbyɔ́ émí azɔn atɔngɔ́ ɔ́ ɖɔ é yí wǎn nú émí a jí ɔ́, wǔ kú i, bɔ é gbɔ bó yí gbe n'i ɖɔ: “Aklúnɔ, a tunwun nǔ bǐ; a tunwun ɖɔ un yí wǎn nú we.” Jezu ka ɖɔ n'i ɖɔ: “Nǎ nǔɖuɖu lɛ̌ngbɔ́ ce lɛ́ɛ.

Jǎan 8:12

Jezu lɛ́ jɛ nǔ kplɔ́n mɛ lɛ́ɛ jí ɖo sinsɛnxɔ mɛ, bo ɖɔ nú yě ɖɔ: “Nyɛ wɛ nyí wěziza gbɛ ɔ́ tɔn; mɛ e xwedó mì ɔ́ na gbɔn zǐnflú mɛ gbeɖé ǎ, lo ɔ́ é ná mɔ wěziza e nɔ ná gbɛ jɔ gbɛ mɛ é.”

1 Kɔlɛ́ntinu 4:5

Énɛ́ ɔ́ wú ɔ́, mi ma ɖɔ hwɛ dó mɛ ɖěbǔ cóbónú hwenu e Mawu ɖó ɔ́ ná su ó; mi nɔ te nú Aklúnɔ ní wá: é ná ɖe nǔ e ɖo hwlǎhwlá ɖo zǐnflú mɛ ɔ́ nyi wěxo, bɔ linlin e ɖo ayixa mɛ nú gbɛtɔ́, bɔ è ma mɔ nukúnnú jɛ wú ǎ lɛ́ɛ ɔ́, é ná ɖe xlɛ́; énɛ́ ɔ́, Mawu ná kpa mɛ ɖokpó ɖokpó lě e é jɛ xá gbɔn é.

Efɛ́zinu 3:5

Đ'ayǐ xóxó ɔ́, Mawu ɖe nǔbúdo énɛ́ ɔ́ xlɛ́ gbɛtɔ́ lɛ́ɛ ǎ; amɔ̌ din ɔ́, é ɖe xlɛ́ mɛsɛ́dó mímɛ́ lɛ́ɛ kpódó gbeyíɖɔ lɛ́ɛ kpán gbɔn Yɛsinsɛn jí.

Sɛ́nflínmɛ 29:28

Nǔ e ɖo hwlǎhwlá ɔ́, Mawu Mavɔmavɔ, Mawu mǐtɔn kɛ́ɖɛ́ wɛ tunwun. Lo ɔ́, mǐ tunwun éé é ɖe xlɛ́ mǐ kpó vǐ mǐtɔn lɛ́ɛ kpó bɔ é ná nɔ ayǐ káká sɔ́yi é. É wɛ nyí sɛ́n tɔn lɛ́ɛ bɔ mǐ ɖǒ ná nɔ́ nyi.

1 Timɔtée 6:16

É ɖokpónɔ géé wɛ má nɔ kú ǎ, bó ɖo wěziza e mɛɖé ma sixú sɛkpɔ́ ǎ é mɛ; mɛɖé mɔ ɛ kpɔ́n gbeɖé ǎ; mɛɖé ka sixú mɔ ɛ lɔ bo gbɔ ǎ. Susu kpódó hlɔ̌nhlɔ́n mavɔ mavɔ kpó ní nyí étɔn; amǐ!

Eblée 4:13

Nǔ ɖěbǔ tíin bɔ è sixú sɔ́ hwlá dó Mawu ǎ. Nǔ e Mawu bló lɛ́ɛ ɖěbǔ ɖo hwlǎhwlá n'i ǎ; nǔ lɛ́ɛ bǐ wɛ é nɔ mɔ ɖo mɛ̌, bó nɔ mɔ yě ɖo wěxo; é wɛ mǐ bǐ ɖó ná ɖó gbe ná.

Jaki 1:17

Nǔníná ɖagbe ɖagbe bǐ, kpó nǔnámɛ e nǔ vɔ ɖ'é wú ɔ́ bǐ kpó ɔ́, sɛ́xwé wɛ yě nɔ gosín; yě nɔ jɛ te sín Mawu e bló nǔ e ɖo jǐxwé bó nɔ ná wěziza lɛ́ɛ é gɔ́n; Mawu nɔ húzú ǎ; é ɖo ɖěbǔ ɔ́, é nɔ dó zǐnflú ǎ.

1 Jǎan 1:5

Wɛn e mǐ se ɖo Jezu Klísu nu, bó ɖo dǐdó mi wɛ ɔ́ wɛ nyí ɖɔ Mawu nyí wěziza, bɔ zǐnflú ɖěbǔ ɖo wǔ tɔn ǎ.