Daniyɛ́li 2:18 - MAWUXÓWÉMA

¹⁸ lobo ɖɔ nú yě ɖɔ yě ní byɔ́ nǔbláwǔkúnúmɛ Mawu tɔn sín sɛ́xwé, nú Mawu ní ɖe dlɔ̌ mamɔdoná énɛ́ ɔ́ xlɛ́ émí, bónú è ma wá hu émí kpó nǔnywɛ́tɔ́ Babilɔ́nu tɔn lɛ́ɛ kpó ó.

Daniyɛ́li 2:18 Iomraidhean Croise

Bǐbɛ́mɛ 18:28

Din ɔ́, mǐ ní ɖɔ mɛ atɔ́ɔ́n hwe ɖo mɛ ɖagbe kanɖé wǒ (50) lɛ́ɛ mɛ. A nǎ gba toxo ɔ́ bǐ ɖó mɛ atɔ́ɔ́n énɛ́ lɛ́ɛ wú wɛ a?” Bɔ Mawu Mavɔmavɔ ɖɔ: “Nú un mɔ mɛ ɖagbe kanɖé atɔ́ɔ́n (45) ɖo to ɔ́ mɛ ɔ́, un sɔ́ ná gba toxo ɔ́ ǎ.”

Ɖɛhan 136:26

Mi kpa susu nú Mawu e ɖo jǐxwé é; ɖó xomɛnyínyɔ́ tɔn ɖo te káká sɔ́yi.

Ɖɛhan 50:15

Adǎn gbo we hweɖěbǔnu hǔn, ylɔ̌ mì. Un ná hwlɛ́n we gán, bɔ a nǎ kpa susu nú mì.”

Ɖɛhan 91:15

É ná ylɔ́ mì bɔ un ná sɔ n'i. Adǎngbomɛ hwenu ɔ́, un ná nɔ kpɔ́ xá ɛ. Un ná hwlɛ́n ɛ gán, bó ná sɔ́ ɛ su.

Ezayíi 37:4

Asilíi xɔ́sú ɔ́ sɛ́ ahwangán e nɔ kplá ɛ ɔ́ dó, bɔ é wá zun Mawu gbɛɖe ɔ́. Kóóyi nya! Ényí Mawu Mavɔmavɔ, Mawu towe se zun é nɛ́ lɛ́ɛ din, bó dɔn tó n'i ɔ́, é ná nyɔ́ mɛ nya! Hwɛ ɔ́, bo xo ɖɛ nú mɛ e kpo ɖo togun ɔ́ mɛ lɛ́ɛ.”

Jelemíi 33:3

“Sú xó ylɔ́ mì, un nǎ sɔ́ nú we; nǔ ɖaxó ɖaxó, nǔ e ɖo hwlǎhwlá bɔ a ma tunwun ǎ lɛ́ɛ ɔ́, un nǎ ɖɔ yě nú we.

Ezekiyɛ́li 36:37

“Xó e nyɛ Aklúnɔ Mavɔmavɔ ɖɔ ɔ́ ɖíe: un ná lɛ́ yí gbe bɔ Izlayɛ́li ví lɛ́ɛ ná nɔ́ ylɔ́ mì bónú má wa ɖagbe nú yě; un ná ná vǐ yě bɔ yě ná ji wɔɖɔɖɔ kanlin ɖɔhun.

Daniyɛ́li 2:23

Mawu tɔ́gbó ce lɛ́ɛ tɔn, un ɖo susu kpa nú we wɛ. Un ɖo mlǎmlá we wɛ, ɖó nǔnywɛ́ kpó hlɔ̌nhlɔ́n kpó e a nǎ mì ɔ́ wú, ɖó nǔ e mǐ byɔ́ we ɔ́, a ɖe xlɛ́ mǐ.”

Daniyɛ́li 3:17

Nǔ e mɛ ka ná tunwun ɔ́ wɛ nyí ɖɔ Mawu e mǐ nɔ́ sɛn ɔ́ ɖó acɛ bó ná hwlɛ́n mǐ gán. É ná ɖe mǐ sín myɔ mɛ, bó ná lɛ́ ɖe mǐ sín acɛ mɛtɔn mɛ.

Daniyɛ́li 4:26

È tín dlɔ̌ ɔ́ mɛ nú axɔ́sú ɔ́, é ko yi xwe ɖokpó bɔ é ɖo sa ɖi gbɔn xɔ tɔn ta wɛ, ɖo hɔn tɔn mɛ ɖo Babilɔ́nu,

Jonási 1:9

Jonási ka yí gbe nú yě ɖɔ: “Eblée wɛ nú mì. Un nɔ sɛn Mawu Mavɔmavɔ, Mawu sɛ́xwé tɔn e bló xu kpó ayǐkúngban kpó é.”

Malacíi 3:18

Mi ná lɛ́ vɔ́ mɔ vogbingbɔn e ɖo hwɛjijɔnɔ lɛ́ɛ kpódó mɛdídá lɛ́ɛ kpó tɛ́ntin é, vogbingbɔn e ɖo mɛ e nɔ sɛn mì kpó mɛ e ma nɔ sɛn mì ǎ lɛ́ɛ kpó tɛ́ntin é.”

Matíe 18:12

“Ani mi ka lin dó xó élɔ́ wú? Ényí mɛɖé ɖó lɛ̌ngbɔ́ kanwe ko (100), bónú ɖokpó ka bú sín mɛ ɔ́, é ma ná jó kanwe afɔtɔn-nukún-ɛnɛ (99) ɖě lɛ́ɛ dó nyi fí ɖokpó ɖo sókan mɛ, lobo ɖidó ɖokpó e bú ɔ́ ba gbé ǎ cé?

Matíe 18:19

“Mɔ̌ ɖokpó ɔ́, un lɛ́ ɖo ɖiɖɔ nú mi wɛ: ényí mɛ we ɖó gbe kpɔ́ ɖo ayǐkúngban jí, bó byɔ́ nǔ ɖěbǔ Tɔ́ ce e ɖo sɛ́xwé ɔ́, é ná ná nǔ e yě byɔ́ lɛ́ɛ yě.

Mɛsɛ́dó 12:4

Ée Elódu wlí Piyɛ́ɛ ɔ́, é sú i dó gankpá mɛ, bó sɔ́ ɛ dó alɔ mɛ nú sɔ́ja ɛnɛ ɛnɛ gbɛ́ donu ɛnɛ, nú yě ná cɔ́ ɛ, bó ɖo linlin wɛ ɖɔ Dǐndínwáyixwe ɔ́ gúdo ɔ́, émí ná dɔn ɛ wá togun ɔ́ nukɔn, bó ná ɖɔ hwɛ xá ɛ.

Hlɔ̌manu 15:30

Nɔví ce lɛ́ɛ mi, nǔ e wú un ɖo vo sa nú mi wɛ gbɔn Aklúnɔ mǐtɔn Jezu Klísu kpó wǎn yíyí e Yɛsinsɛn nɔ ná mɛ ɔ́ kpán jí ɔ́ ɖíe: mi fun ahwan e fun wɛ un ɖe ɔ́ xá mì, bó sa vo nú Mawu dó ta ce mɛ.

2 Piyɛ́ɛ 2:9

Énɛ́ ɔ́, Aklúnɔ tunwun lě e é nɔ hwlɛ́n mɛ e nɔ ɖó sísí n'i lɛ́ɛ gán sín adǎngbomɛ lɛ́ɛ mɛ gbɔn é, bó lɛ́ tunwun lě e é nɔ sɔ́ yě mɛ e ɖo nǔ nyanya wa wɛ lɛ́ɛ ɖ'ayǐ gbɔn, bó ná dɔn tó nú yě ɖo hwɛɖɔzán gbe é.

1 Samuwɛ́li 17:37

Davídi lɛ́ ɖɔ: “Mawu e nɔ hwlɛ́n mì sín kinnikínní fɛn mɛ, bó nɔ hwlɛ́n mì sín lɔnmɔ fɛn mɛ ɔ́ ná hwlɛ́n mì ɖo Filisitɛ́ɛn énɛ́ sí.” Bɔ Sawúlu ɖɔ nú Davídi ɖɔ: “Bo yi! Mawu Mavɔmavɔ ní nɔ kpɔ́ xá we.”