Daniyɛ́li 2:14 - MAWUXÓWÉMA

¹⁴ Alyɔki sɔ́ja e nɔ cɔ́ axɔ́sú ɔ́ lɛ́ɛ sín gǎn ɔ́ xwe nǔnywɛ́tɔ́ e ɖo Babilɔ́nu lɛ́ɛ hu gbé, bɔ Daniyɛ́li sɔ́ ayi dó ɖɔ xó n'i kpó sísí kpó.

Daniyɛ́li 2:14 Iomraidhean Croise

Bǐbɛ́mɛ 37:36

Madiáani ví lɛ́ɛ ká kplá Jozɛ́fu yi Ejípu, bó sɔ́ ɛ sa xá nya ɖé; è nɔ ylɔ́ nya ɔ́ ɖɔ Potifáa. Potifáa ɔ́ wú wɛ Ejípu xɔ́sú ɔ́ nɔ́ ɖeji dó. É wɛ nyí sɔ́ja e nɔ cɔ́ axɔ́sú ɔ́ lɛ́ɛ sín gǎn.

Jelemíi 39:9

Nɛbuzaladáni, sɔ́ja e nɔ cɔ́ axɔ́sú ɔ́ lɛ́ɛ sín gǎn ɔ́ wlí mɛ e ɖo toxo ɔ́ mɛ lɛ́ɛ, kpó mɛ e wá zé yěɖée jó n'i lɛ́ɛ kpó, kpó mɛ e kpo lɛ́ɛ kpó, bó kplá yě bǐ yi Babilɔ́nu.

Jelemíi 52:12

Hwenu e Nabukodonɔzɔ́ɔ ɖo xwe afɔtɔn-nukún-ɛnɛ bló wɛ ɖo axɔ́súzinkpo Babilɔ́nu tɔn jí ɔ́, azǎn wǒgɔ́ ɔ́ e ɖo sun atɔ́ɔ́ngɔ́ ɔ́ mɛ ɔ́ gbe ɔ́, Nɛbuzaladáni ahwangán e nɔ́ nɔ axɔ́sú ɔ́ sín xwé gbe ɔ́ wá Jeluzalɛ́mu.

Jelemíi 52:14

Babilɔ́nu sín ahwangɔnu ɔ́ bǐ wɛ xwedó Nɛbuzaladáni, bó wá gba ahohó e è mɛ lɛ́ lɛ̌ dó Jeluzalɛ́mu lɛ́ɛ bǐ.

Daniyɛ́li 2:15

É kanbyɔ́ ɛ ɖɔ étɛ́wú gbeta e axɔ́sú ɔ́ ɖe tɔ́n ɔ́ ka syɛ́n sɔ mɔ̌ a jí, bɔ Alyɔki tín nǔ e wú wɛ ɔ́ mɛ n'i.

Daniyɛ́li 2:24

Ée Daniyɛ́li kpa susu nú Mawu fó ɔ́, é ɖidó Alyɔki gɔ́n. Alyɔki ɔ́ wɛ axɔ́sú ɔ́ ná gbe ɖɔ é ní hu nǔnywɛ́tɔ́ e ɖo Babilɔ́nu lɛ́ɛ. Ée Daniyɛ́li wá Alyɔki gɔ́n tlóló ɔ́, é ɖɔ n'i ɖɔ: “Ma hu nǔnywɛ́tɔ́ e ɖo Babilɔ́nu lɛ́ɛ ó! Wǎ kplá mì yi axɔ́sú ɔ́ gɔ́n, bónú má tín dlɔ̌ e é kú ɔ́ mɛ n'i.”