Daniyɛ́li 2:11 - MAWUXÓWÉMA

¹¹ Nǔ e ba wɛ axɔ́sú ɔ́ ɖe ɔ́ dín gbě, bɔ mɛ ɖěbǔ sixú ná ɛ tínmɛ tɔn ǎ; vodún jɛ́n é ná nyí; vodún lɛ́ɛ sín nɔtɛn ɖíe ma ka ɖo gbɛtɔ́ lɛ́ɛ mɛ ǎ e.”

Daniyɛ́li 2:11 Iomraidhean Croise

Bǐbɛ́mɛ 41:39

É ká ɖɔ nú Jozɛ́fu ɖɔ: “Ée é nyí hwi wɛ Mawu zé nǔ énɛ́ lɛ́ɛ bǐ xlɛ́ din é ɔ́, mǐ sɔ́ sixú mɔ mɛɖé bɔ é ná bí ganjí, bó ɖó nǔnywɛ́ hwi ɖɔhun ǎ.

Bǐbɛ́mɛ 41:8

Ayi tɔn gbadó ayǐhɔ́ngbe tɔn zǎnzǎn, bɔ é dó wɛn sɛ́ dó majíkiblótɔ́ lɛ́ɛ bǐ kpó nǔnywɛ́tɔ́ Ejípu tɔn lɛ́ɛ bǐ kpó ɖɔ yě ní wá. Ée mɛ lɛ́ɛ wá ɔ́, é wlí dlɔ̌ e é kú lɛ́ɛ ɖɔ nú yě. Lo ɔ́, yě mɛ ɖěbǔ kpé wú bó tín nǔ e ɖɔ wɛ dlɔ̌ lɛ́ɛ ɖe ɔ́ mɛ nú axɔ́sú ɔ́ ǎ.

1 Axɔ́sú 8:27

“Mawu ká sixú nɔ ayǐkúngban jí nǔgbó a? Jǐnukúnsin ɖíe sɔ́ avɔ sɔ mɔ̌ cóbó ma ka sixú hɛn ɛ ǎ e! Ani wɛ ka sɔ́ lɛ́ nyí xɔ élɔ́ e nyɛ gbá nú we ɔ́ tɔn?

2 Tan 6:18

“Mawu ka sixú nɔ ayǐkúngban jí xá gbɛtɔ́ lɛ́ɛ nǔgbó a? Jǐnukúnsin ɖíe sɔ́ avɔ sɔ mɔ̌ cóbó ma ka sixú hɛn ɛ ǎ e! Ani ka sɔ́ nyí xɔ élɔ́ e nyɛ gbá n'i ɔ́ tɔn?

Ɖɛhan 132:14

É ɖɔ: “Fí e ná nyí vivotɛn ce káká sɔ́yi ɔ́ ɖíe. Fí wɛ un ná nɔ, ɖó fí jló mì.

Ɖɛhan 68:18

Ahwankɛkɛ́ Mawu tɔn lɛ́ɛ sukpɔ́ lóóo! Afatɔ́n (1.000) afatɔ́n wɛ è nɔ xa. Aklúnɔ kpó ahwankɛkɛ́ tɔn lɛ́ɛ kpó wá, Sinayíi só ɔ́ ɖo tɛn mímɛ́ ɔ́ mɛ.

Tíntɔ́n 29:45

Un ná nɔ Izlayɛ́li ví lɛ́ɛ tɛ́ntin, bó ná nyí Mawu yětɔn.

Tíntɔ́n 8:19

Un ná bló bɔ vogbingbɔn ɖé ná tíin ɖo togun ce kpó togun towe kpó tɛ́ntin. Sɔ wɛ nǔ énɛ́ ɔ́ ná jɛ.’ ”

Ezayíi 47:12

A fɔ́n hǔn, nɔ ɖo azě gbo mɛ wɛ, bó nɔ́ ɖo majíki bló wɛ. Sín vǔ wɛ a ko ván kan d'é wú sín, bó tunwun ɖɔ nǔ ná nyɔ́ nú émí ɖ'é mɛ abǐ émí ná dó dó xɛsi nú mɛ.

Ezayíi 57:15

Mawu mímɛ́ ɔ́, éyɛ́ mɛ e hú gǎn nǔ bǐ, bɔ nɔtɛn tɔn ɖo te káká sɔ́yi é ɔ́, xó e é ɖɔ ɔ́ ɖíe: “Nyɛ Mawu mímɛ́ ɔ́, jǐxwé aga wɛ un nɔ nɔ. Amɔ̌, un ɖo kpɔ́ xá mɛ e nǔ cikɔ ná lɛ́ɛ, mɛ e sɔ́ yěɖée hwe lɛ́ɛ; un ɖo kpɔ́ xá mɛ e sɔ́ yěɖée hwe lɛ́ɛ bó ná ná gbɛ yě; un ɖo kpɔ́ xá mɛ e nǔ cikɔ ná lɛ́ɛ bó ná ná gbɛ yě.

Ezayíi 8:18

Nyi ɖésúnɔ kpó vǐ e Mawu Mavɔmavɔ ná mì lɛ́ɛ kpó ɔ́, wuntun wɛ mǐ nyí bó nyí xlɛ̌ ɖo Izlayɛ́li, ɖo Mawu Mavɔmavɔ Nǔbǐwúkpétɔ́ e nɔtɛn tɔn ɖo Sinyɔ́ɔ só ɔ́ jí ɔ́ nyǐkɔ mɛ.

Daniyɛ́li 4:4

Ée nǔkantɔ́ lɛ́ɛ, majíkiblótɔ́ lɛ́ɛ, azětɔ́ lɛ́ɛ kpódó azɔnɖatɔ́ lɛ́ɛ kpó wá kplé ɔ́, un ɖɔ dlɔ̌ e un kú ɔ́ nú yě, yě mɛ ɖě ká kpé tínmɛ tɔn wú bó ná mì ǎ.

Daniyɛ́li 5:11

Nǔmɛsɛn mímɛ́ lɛ́ɛ sín yɛ ɖo nya ɖokpó jí ɖo axɔ́súɖuto mɛtɔn mɛ. Tɔ́ mɛtɔn hwenu ɔ́, nya ɖé wɛ, bó nɔ́ mɔ nukúnnú jɛ nǔ wú céɖécéɖé. É bí, bó ɖó nǔnywɛ́ nǔmɛsɛn ɖɔhun. Énɛ́ ɔ́ wú wɛ tɔ́ mɛtɔn sɔ́ ɛ gǎn, bɔ é kpa acɛ dó nǔkantɔ́ lɛ́ɛ, majíkiblótɔ́, azětɔ́ lɛ́ɛ, kpódó azɔnɖatɔ́ lɛ́ɛ kpó nu.

Kɛ́nsísɔ́ 35:34

Mi ma hɛn to e mɛ mi ná yi nɔ, bɔ nyɛ ɖésúnɔ ná nɔ tɛ́ntin mitɔn ɔ́ blí ó, ɖó nyɛ wɛ nyí Mawu Mavɔmavɔ; nyɛ wɛ nɔ nɔ Izlayɛ́li ví lɛ́ɛ tɛ́ntin.”

Matíe 19:26

Jezu ka kpɔ́n yě bó ɖɔ: “Gbɛtɔ́ lɛ́ɛ wɛ nǔ énɛ́ ɔ́ gló; lo ɔ́, Mawu kpé nǔ bǐ wú.”

Jǎan 1:14

Xó ɔ́ húzú gbɛtɔ́, bó wá nɔ mǐ mɛ; é ɖe fɛ́nú kpódó nǔgbó kpó xlɛ́ mǐ, bɔ mǐ mɔ susu tɔn, susu e Tɔ́ nɔ ná Vǐɖokpónɔ tɔn é.

Jǎan 14:17

Éyɛ́ wɛ nyí Yɛ nǔgbónɔ, bɔ mɛ e nyí gbɛ ɔ́ tɔn lɛ́ɛ sixú yí i ǎ; ɖó yě sixú mɔ ɛ ǎ; yě ká lɛ́ sixú tunwun i ǎ. Midɛɛ lɛ́ɛ ɔ́, mi ka ko tunwun i, ɖó é ɖo kpɔ́ xá mi, bó ɖo mi mɛ.

Jǎan 14:23

Bɔ Jezu ka yí gbe n'i ɖɔ: “Ényí mɛɖé yí wǎn nú mì ɔ́, é ná bló ɖó xó ce lɛ́ɛ jí, bɔ Tɔ́ ce na yí wǎn n'i, bɔ mǐ ná wá gɔ̌n tɔn, bó ná nɔ kpɔ́ xá ɛ.

2 Kɔlɛ́ntinu 6:16

Étɛ́ sinsɛnxɔ Mawu tɔn sixú kpé xá vodún lɛ́ɛ? Đó sinsɛnxɔ Mawu gbɛɖe ɔ́ tɔn wɛ mǐ nyí, lě e Mawu ko ɖɔ gbɔn é; Mawu ɖɔ: “Un ná nɔ yě mɛ, bó ná ɖi zɔnlin xá yě; un ná nyí Mawu yětɔn, bɔ yě ná nyí togun ce.”

Nǔɖexlɛ́mɛ 21:3

Un se gbe ɖaxó ɖé gosín axɔ́súzinkpo ɔ́ kɔn, bó ɖo ɖiɖɔ wɛ ɖɔ: “Din ɔ́, nɔtɛn Mawu tɔn ɖo gbɛtɔ́ lɛ́ɛ tɛ́ntin! É ná nɔ xá yě, bɔ yě ná nyí togun tɔn. Mawu ɖésúnɔ ná nɔ kpɔ́ xá yě, bó ná nyí Mawu yětɔn.