Daniyɛ́li 12:8 - MAWUXÓWÉMA

⁸ Nyɛ Daniyɛ́li lɛ́ se xó énɛ́ lɛ́ɛ, un ka mɔ nukúnnú jɛ mɛ ǎ. Énɛ́ wú wɛ un kanbyɔ́ ɖɔ: “Sɛ́mɛɖó ce! Nɛ̌ nǔ énɛ́ lɛ́ɛ bǐ ka ná fó gbɔn?”

Daniyɛ́li 12:8 Iomraidhean Croise

Daniyɛ́li 10:14

Din ɔ́, un wá bó ná ɖɔ nǔ e ná wá jɛ dó togun towe jí sɔ gúdo ɔ́ nú we. Nǔ ɔ́ wɛ Mawu ɖe xlɛ́ we bɔ a mɔ.’

Daniyɛ́li 12:6

Mɛ ɖokpó kpan nukɔn nya e dó lɛ̌ɛnkanvɔ, bó ɖo tɔ ɔ́ jí ɔ́, bó kanbyɔ́ ɛ ɖɔ: “Hwetɛ́nu nǔ baɖabaɖa énɛ́ lɛ́ɛ ká ná fó dó?”

Daniyɛ́li 12:7

Nya e dó lɛ̌ɛnkanvɔ ɔ́ dlɛ́n alɔ tɔn we lɛ́ɛ dó jǐxwé, bɔ un se bɔ é ɖɔ: “Un xwlé Mawu e ɖo gbɛ káká sɔ́yi ɔ́ sín nyǐkɔ ɖɔ nǔ énɛ́ lɛ́ɛ ná jɛ káká nú xwe atɔn adaɖé. Nǔ énɛ́ lɛ́ɛ ná fó hwenu e togun Mawu tɔn ɔ́ sín acɛkpikpa ná gba hánnyá bǐ é.”

Daniyɛ́li 12:9

É yí gbe nú mì ɖɔ: “Daniyɛ́li, ado ma hu we ó. Xó énɛ́ ɖó ná nɔ hwlǎhwlá ganjí káká jɛ nǔ lɛ́ɛ sín vivɔ hwenu.

Daniyɛ́li 8:13

“Un se wɛnsagun ɖokpó sín gbe. Wɛnsagun ɖěvo ka kanbyɔ́ wɛnsagun e sín gbe un se ɔ́ ɖɔ: ‘Hwetɛ́nu nǔ e ɖo jijɛ wɛ lɛ́ɛ ná fó bɔ è ɖɔ ɖo nǔmimɔ ɔ́ mɛ? Káká jɛ hwetɛ́nu wɛ vɔ̌sísá ayǐhɔ́ngbe ayǐhɔ́ngbe tɔn ɔ́ ná nɔ te yi ɖó? Nǔmasɔgbe e ɖo nǔ bǐ gba wɛ ɔ́, káká jɛ hwetɛ́nu é ná gba nǔ yi ɖó te ɖó? Goxɔ ɔ́ kpó nǔɖogbɛ e ɖo sɛ́xwé lɛ́ɛ kpó ɔ́, káká jɛ hwetɛ́nu wɛ yě ná nyí afɔsúnsúnnú yi ɖó?’

Luki 18:34

Lo ɔ́, ahwanvú tɔn lɛ́ɛ mɔ nǔ jɛ xó énɛ́ lɛ́ɛ e é ɖɔ nú yě lɛ́ɛ ɖěbǔ mɛ ǎ, é búdo dó yě, bɔ yě tunwun nǔ e ɖɔ wɛ Jezu ɖe ɔ́ ǎ.

Jǎan 12:16

Ahwanvú Jezu tɔn lɛ́ɛ ka yá wǔ mɔ nǔ jɛ nǔ énɛ́ lɛ́ɛ e ɖo jijɛ wɛ lɛ́ɛ mɛ ǎ; lo ɔ́, hwenu e è sɔ́ Jezu su ɔ́, yě flín ɖɔ nǔ énɛ́ lɛ́ɛ e jɛ ɔ́ bǐ wɛ è ko wlán dó wú tɔn ɖ'ayǐ nǔgbó.

Mɛsɛ́dó 1:7

É ka yí gbe nú yě ɖɔ: “Hwenu e é ná nyí ɔ́, gan e mɛ ka wɛ ɔ́, Mawu Tɔ́ ɔ́ ko to kpódó acɛ tɔn kpán; é nyí xó mitɔn ɖé ǎ.

1 Piyɛ́ɛ 1:11

Nǔ e Yɛ Klísu tɔn ɖɔ nú yě lɛ́ɛ ɔ́, yě nɔ dó gǎn ná tunwun hwenu e nǔ lɛ́ɛ ná jɛ dó ɔ́ kpódó nǔ e hwenu yě ná jɛ dó ɔ́ kpán; ɖó Yɛ énɛ́ e ɖo yě mɛ ɔ́ ko ɖɔ ya e Klísu ná ji lɛ́ɛ, kpó susu e é ná mɔ ɖo yajiji énɛ́ lɛ́ɛ gúdo ɔ́ kpán sín xó nú yě ɖ'ayǐ.