Daniyɛ́li 12:7 - MAWUXÓWÉMA

⁷ Nya e dó lɛ̌ɛnkanvɔ ɔ́ dlɛ́n alɔ tɔn we lɛ́ɛ dó jǐxwé, bɔ un se bɔ é ɖɔ: “Un xwlé Mawu e ɖo gbɛ káká sɔ́yi ɔ́ sín nyǐkɔ ɖɔ nǔ énɛ́ lɛ́ɛ ná jɛ káká nú xwe atɔn adaɖé. Nǔ énɛ́ lɛ́ɛ ná fó hwenu e togun Mawu tɔn ɔ́ sín acɛkpikpa ná gba hánnyá bǐ é.”

Daniyɛ́li 12:7 Iomraidhean Croise

Jɔ̌bu 27:2

Un xwlé Mawu nú mi; Mawu e má ba hwɛjijɔ nú mì ǎ ɔ́ wɛ un xwlé nú mi. Un xwlé Nǔbǐwúkpétɔ́ ɔ́ nú mi; Nǔbǐwúkpétɔ́ e zɔ́n bɔ un ɖo wǔvɛ́ mɔ wɛ sɔ lě wɛ ɔ́ un xwlé nú mi.

Ezayíi 62:12

È nǎ nɔ́ ylɔ́ yě ɖɔ: “Togun e Mawu sɔ́ ɖó vo nú éɖée” é, “mɛ e Mawu Mavɔmavɔ tún kan ná lɛ́ɛ” é. Jeluzalɛ́mu, hwɛ ɔ́, è sɔ́ ná nɔ́ ylɔ́ we ɖě ɖɔ: “Toxo e è jǒ dó ɔ́” ǎ, lo ɔ́, è nǎ nɔ́ ylɔ́ we ɖɔ: “Toxo e ba wɛ mɛ bǐ ɖe” é.

Jelemíi 4:2

Hwe nɛ́ nu ɔ́, a nǎ xwlé nyɛ Mawu Mavɔmavɔ e ɖo gbɛ ɔ́, a nǎ xwlé nǔgbó nǔgbó tɔn, a nǎ xwlé ɖó sɛ́nxwi jí, a nǎ xwlé kpó ayi towe bǐ kpó. A blǒ mɔ̌ ɔ́, akɔta ɖě lɛ́ɛ na byɔ́ mì ɖɔ nyɛ ní xo ɖɛ dó émí jí, yě ná zé mì dó xɔ susu ná.

Ezekiyɛ́li 20:5

Ɖɔ nú yě ɖɔ: Xó e nyɛ Aklúnɔ Mavɔmavɔ ɖɔ nú tɔ́gbó yětɔn lɛ́ɛ ɔ́ ɖíe: hwenu e un sɔ́ Izlayɛ́li togun Jakɔ́bu ví lɛ́ɛ ɔ́, un zin alɔ dó akɔ́n nú yě bǐ, bó ɖe nyiɖée xlɛ́ yě ɖo Ejípu. Un zin alɔ dó akɔn nú yě ɖɔ nyɛ wɛ nyí Mawu Mavɔmavɔ, Mawu yětɔn.

Daniyɛ́li 10:5

Ée un ɖo fínɛ́, bó ɖo nǔ kpɔ́n wɛ ɔ́, un mɔ mɛɖé dó lɛ̌ɛnkanvɔ ɖé, lobo sin siká akú sín gǒjíblánú ɖokpó.

Daniyɛ́li 11:13

Axɔ́sú Totaligbé tɔn lɛ́ɛ ná kplé ahwangɔnu yɔ̌yɔ́ ɖěvo lɛ́ɛ. Ahwangɔnu énɛ́ lɛ́ɛ ná sukpɔ́ hú nukɔn tɔn lɛ́ɛ. Xwe nabí ɖé wá yi ɔ́, axɔ́sú ɔ́ kpódó ahwangɔnu gěgé kpó ná lɛ́ vɔ́ wá, bó ná hɛn ahwanfunnú gěgé.

Daniyɛ́li 12:6

Mɛ ɖokpó kpan nukɔn nya e dó lɛ̌ɛnkanvɔ, bó ɖo tɔ ɔ́ jí ɔ́, bó kanbyɔ́ ɛ ɖɔ: “Hwetɛ́nu nǔ baɖabaɖa énɛ́ lɛ́ɛ ká ná fó dó?”

Daniyɛ́li 12:8

Nyɛ Daniyɛ́li lɛ́ se xó énɛ́ lɛ́ɛ, un ka mɔ nukúnnú jɛ mɛ ǎ. Énɛ́ wú wɛ un kanbyɔ́ ɖɔ: “Sɛ́mɛɖó ce! Nɛ̌ nǔ énɛ́ lɛ́ɛ bǐ ka ná fó gbɔn?”

Daniyɛ́li 4:31

Axɔ́sú Nabukodonɔzɔ́ɔ ɖɔ: “Ée xwe tɛ́nwe lɛ́ɛ wá yi ɔ́, un kpɔ́n jǐxwé, bɔ gbɛtɔ́ sín ayixa e un ɖó ɖ'ayǐ ɔ́ lɛ́ wá nú mì. Un dó kú nú Mawu Ajalɔ̌nlɔn e ɖo gbɛ káká sɔ́yi é. Un jɛ mlǎmlá ɛ jí, bó jɛ susu kpa n'i jí ɖɔ: Acɛkpikpa tɔn ɖó dogbó ǎ, axɔ́súɖuɖu tɔn ná nɔ ayǐ káká sɔ́yi.

Daniyɛ́li 4:34

Énɛ́ wú wɛ nyɛ axɔ́sú Nabukodonɔzɔ́ɔ ɖo Mawu jǐxwé tɔn ɔ́ mlá wɛ din, bó ɖo sísɔ́ ɛ su wɛ, bó ɖo susu kpa n'i wɛ. Nǔ e é bló é bǐ wɛ sɔgbe, nǔ e é wa lɛ́ɛ bǐ wɛ nyɔ́. É lɛ́ ɖó acɛ e ná sɔ́ mɛ e ɖo afɔ tɛ ayǐ wɛ lɛ́ɛ hwe é lɔ.”

Daniyɛ́li 7:21

Ée un ɖo kpínkpɔ́n ɛ wɛ ɔ́, un mɔ ɛ bɔ é ɖo ahwan fun xá togun mímɛ́ Mawu Ajalɔ̌nlɔn ɔ́ tɔn wɛ, bó ɖo ɖuɖu ɖ'é jí wɛ.

Daniyɛ́li 7:25

É ná nylá nu dó Mawu Ajalɔ̌nlɔn ɔ́ wú, bó ná nɔ dó ya nú togun mímɛ́ ɔ́. É ná lin ná húzú togun mímɛ́ ɔ́ sín tito lɛ́ɛ, kpódó sɛ́n tɔn lɛ́ɛ kpó; togun mímɛ́ ɔ́ ná nɔ acɛ tɔn mɛ nú xwe atɔn adaɖé.

Daniyɛ́li 8:14

Wɛnsagun nukɔntɔn ɔ́ yí gbe n'i ɖɔ: ‘Kéze afatɔ́n kantɔn gban (1.150) kpó zǎn afatɔ́n kantɔn gban (1.150) kpó ná to wá yi hwɛ̌. Énɛ́ ɔ́ gúdo ɔ́, è nǎ lɛ́ slá wǔ nú goxɔ ɔ́.’ ”

Daniyɛ́li 8:24

Acɛkpikpa tɔn ná nɔ́ ɖo syɛ́nsyɛ́n d'é jí wɛ, có é ka nyí é ɖésú wɛ ɖo hlɔ̌nhlɔ́n ɖé dó wɛ ǎ. É ná dɔn nǔ gěgé gúdú. É sí te dó nǔɖé wú ɔ́, é ná nɔ́ kpé wú. É ná sú mɛ e ɖó acɛ lɛ́ɛ sín kún dó. É ná sú togun mímɛ́ ɔ́ lɔ sín kún dó.

Luki 21:14

Mi ka tunwun ɖɔ xó e mi ná yi ɖɔ dó hwlɛ́n miɖée ɔ́, mi kún ná ba ɖ'ayǐ ó.

Luki 21:24

Yě ná kú hwǐ kú; ahwan ná wlí kannumɔ yětɔn yi to lɛ́ɛ mɛ to lɛ́ɛ mɛ, bɔ mɛ e ma nɔ sɛn Mawu ǎ lɛ́ɛ ná gbídí Jeluzalɛ́mu dó afɔ wú, káká yi jɛ hwenu e gan mɛ yětɔn ná vɔ dó é.”

Sɛ́nflínmɛ 26:19

Énɛ́ ɔ́, é ná bló bɔ mi ná hú gǎn togun e é kó bló lɛ́ɛ bǐ ɖo susu mɛ, ɖo ɖɛkpɛ mɛ; nyǐkɔ mitɔn ná nɔ aga nú yě bǐ, bɔ mi ná nyí togun e Mawu Mavɔmavɔ, Mawu mitɔn sɔ́ ɖó vo lě e é kó dó akpá tɔn nú mi gbɔn é.”

Sɛ́nflínmɛ 32:36

Nǔgbó ɔ́, Mawu Mavɔmavɔ ná wa nǔ jlɔ́jlɔ́ nú togun tɔn; mɛsɛntɔ́ tɔn lɛ́ɛ sín nǔ ná blá wǔ n'i, hwenu e é ná mɔ ɖɔ hlɔ̌nhlɔ́n hwedó yě bɔ yě ma sɔ́ ɖó gǎnjɛwú ɖěbǔ ǎ, bó má sɔ́ ɖó ɖɔxátɔ́ ɖěbǔ ǎ é.

Sɛ́nflínmɛ 32:40

Un dlɛ́n alɔ dó jǐ, bó ɖe gbeta tɔ́n ɖɔ: Un ɖo gbɛ tɛgbɛ!

Sɛ́nflínmɛ 7:6

Đó togun ɖe ɖó vo Mawu Mavɔmavɔ, Mawu mitɔn tɔn wɛ mi nyí. Mawu Mavɔmavɔ, Mawu mitɔn sɔ́ mi bɔ mi ná nyí togun tɔn vívɛ́ná ɖo togun e ɖo ayǐkúngban ɔ́ jí lɛ́ɛ bǐ mɛ.”

1 Piyɛ́ɛ 2:9

Amɔ̌ midɛɛ lɛ́ɛ ɔ́, akɔta e è cyán ɔ́ wɛ mi nyí, bó nyí vɔ̌sánú-xwlémawutɔ́ axɔ́sú ɔ́ tɔn; akɔta ɖe ɖó vo wɛ mi nyí, bó nyí togun Mawu tɔn. Mawu e ylɔ́ mi nú mi ná gosín ablu mɛ, bó wá wěziza tɔn ɖagbe ɖagbe ɔ́ nu ɔ́ cyán mi bónú mi ná jlá azɔ̌ ɖagbe ɖagbe e é nɔ wa lɛ́ɛ.

Nǔɖexlɛ́mɛ 12:14

Lo ɔ́, è nǎ gangan ɖaxó sín awa we nyɔ̌nu ɔ́, bónú é ná zɔn yi tɛn tɔn mɛ ɖo gbětótló mɛ, fí e è nǎ ná ɛ nǔɖuɖu ɖe xɔ xwe atɔn adaɖé é; fí e dan ɔ́ ma ná wlí i ɖe ǎ é.

Nǔɖexlɛ́mɛ 12:6

bɔ nyɔ̌nu ɔ́ hɔn yi gbětótló mɛ, fí e Mawu ko bló tɛnmɛ ɖó ɖ'ayǐ n'i ɖe é, bónú è nǎ ná nǔɖuɖu i xɔ azǎn afatɔ́n afɔɖé kanɖé ko (1.260) .

Nǔɖexlɛ́mɛ 13:5

È nǎ gbe kanlin ɔ́ ɖɔ ní ɖɔ xó, bó dó yí go Mawu wú, bó ɖɔ xó dó zun Mawu; è ná ɛ acɛ ɖɔ ní wa mɔ̌ xɔ sun kanɖé nukún-we (42).

Nǔɖexlɛ́mɛ 4:10

mɛxó ko-nukún-ɛnɛ lɛ́ɛ nɔ jɛ kpo ɖo mɛ e ɖo axɔ́súzinkpo ɔ́ jí, bó ɖo gbɛ káká sɔ́yi ɔ́ nukɔn, bó nɔ sɛn ɛ. Yě nɔ zé axɔ́súgbákún yětɔn lɛ́ɛ nyi axɔ́súzinkpo ɔ́ nukɔn, bó nɔ ɖɔ:

Nǔɖexlɛ́mɛ 4:9

Nǔɖogbɛ ɛnɛ lɛ́ɛ nɔ ji han dó kpá susu, dó wlí yɛ̌yi, dó dó kú nú mɛ e ɖo ayǐjínjɔ́n ɖo axɔ́súzinkpo ɔ́ jí, bó ɖo gbɛ káká sɔ́yi é. Nú yě ɖo mɔ̌ bló wɛ hweɖěbǔnu ɔ́,