Daniyɛ́li 12:6 - MAWUXÓWÉMA

⁶ Mɛ ɖokpó kpan nukɔn nya e dó lɛ̌ɛnkanvɔ, bó ɖo tɔ ɔ́ jí ɔ́, bó kanbyɔ́ ɛ ɖɔ: “Hwetɛ́nu nǔ baɖabaɖa énɛ́ lɛ́ɛ ká ná fó dó?”

Daniyɛ́li 12:6 Iomraidhean Croise

Ɖɛhan 74:9

Mǐ sɔ́ nɔ́ mɔ asyá mǐtɔn ɔ́ ɖě ǎ. Gbeyíɖɔ Mawu tɔn ɖě sɔ́ ɖe ǎ. Mɛ ɖěbǔ ka ɖo mǐ mɛ bó tunwun hwenu e é ná fó dó ɔ́ ǎ.

Ezekiyɛ́li 9:2

Ée Mawu ɖɔ mɔ̌ é ɔ́, un mɔ súnnu ayizɛ́n gosín hɔntogbó aga tɔn e ɖo xɔ ɔ́ sín taligbé ɔ́ kɔn ja, bɔ mɛ ɖokpó ɖokpó hɛn alǐnnyánú tɔn. Nya ɖěvo ɖo tɛ́ntin yětɔn, bó dó kanvɔ wěwé ɖé, lobo sɔ́ nǔwlánnú ɖokpó slɔ́ gǒ mɛ. Yě bǐ zɔn bó wá nɔ te vɔ̌sákpe e è zě ganvɔ dó bló ɔ́ nukɔn.

Daniyɛ́li 12:5

Hwenu e nyɛ Daniyɛ́li ɖo nǔ e mɔ wɛ un ɖe ɔ́ kpɔ́n wɛ ɔ́, mɛ we ɖěvo xwetɔ́n, bó ɖo te ɖo ɖisí amyɔ nú tɔsisa ɔ́.

Daniyɛ́li 12:8

Nyɛ Daniyɛ́li lɛ́ se xó énɛ́ lɛ́ɛ, un ka mɔ nukúnnú jɛ mɛ ǎ. Énɛ́ wú wɛ un kanbyɔ́ ɖɔ: “Sɛ́mɛɖó ce! Nɛ̌ nǔ énɛ́ lɛ́ɛ bǐ ka ná fó gbɔn?”

Daniyɛ́li 8:13

“Un se wɛnsagun ɖokpó sín gbe. Wɛnsagun ɖěvo ka kanbyɔ́ wɛnsagun e sín gbe un se ɔ́ ɖɔ: ‘Hwetɛ́nu nǔ e ɖo jijɛ wɛ lɛ́ɛ ná fó bɔ è ɖɔ ɖo nǔmimɔ ɔ́ mɛ? Káká jɛ hwetɛ́nu wɛ vɔ̌sísá ayǐhɔ́ngbe ayǐhɔ́ngbe tɔn ɔ́ ná nɔ te yi ɖó? Nǔmasɔgbe e ɖo nǔ bǐ gba wɛ ɔ́, káká jɛ hwetɛ́nu é ná gba nǔ yi ɖó te ɖó? Goxɔ ɔ́ kpó nǔɖogbɛ e ɖo sɛ́xwé lɛ́ɛ kpó ɔ́, káká jɛ hwetɛ́nu wɛ yě ná nyí afɔsúnsúnnú yi ɖó?’

Daniyɛ́li 8:16

bɔ mɛ ɖokpó sú xó ɖo Wuláyi tɔ ɔ́ tɛ́ntin, bó ɖɔ n'i ɖɔ: ‘Gabliyɛ́li, tín nǔ e mɔ wɛ nya énɛ́ ɔ́ ɖe ɔ́ mɛ n'i.’

Matíe 24:3

Jezu ka wá jínjɔ́n ayǐ ɖo olívutín só ɔ́ jí, bɔ ahwanvú tɔn lɛ́ɛ ɖokpónɔ yi mɔ ɛ, bó kanbyɔ́ ɛ ɖɔ: “Hwetɛ́nu wɛ nǔ e a ɖɔ nɛ́ ɔ́ ná wá jɛ dó? Ani wɛ ka ná ɖe hwenu e a nǎ lɛ́ kɔ wá ayǐkúngban jí fí ɔ́, kpódó hwenu e gbɛ élɔ́ ná vɔ dó ɔ́ kpán xlɛ́ mǐ? Ɖɔ nú mǐ ná se.”

Maki 13:4

“Đɔ hwenu e nǔ énɛ́ lɛ́ɛ bǐ ná jɛ dó ɔ́ nú mǐ; ani wɛ ka ná ɖe hwenu e nǔ énɛ́ lɛ́ɛ bǐ ná jɛ dó ɔ́ xlɛ́ mǐ?”

Efɛ́zinu 3:10

bónú din ɔ́, gǎn lɛ́ɛ kpódó hlɔ̌nhlɔ́n e ɖo gbɛ e mǐ ma ɖo mimɔ wɛ ǎ mɛ lɛ́ɛ kpó ní mɔ nukúnnú jɛ nǔnywɛ́ Mawu tɔn wú gbɔn alɔ bǐ mɛ gbɔn agun ɔ́ gbla mɛ.

1 Piyɛ́ɛ 1:12

Mawu ɖe xlɛ́ gbeyíɖɔ lɛ́ɛ ɖɔ wɛn énɛ́ e è ɖɔ yě ní dó ɔ́ kún nyí yě ɖésúnɔ tɔn ó; lo ɔ́, mi tɔn wɛ. Wɛn Ɖagbejlátɔ́ lɛ́ɛ dó wɛn énɛ́ ɔ́ mi din; yě ɖɔ xó tɔn nú mi kpó hlɔ̌nhlɔ́n e Yɛsinsɛn e è sɛ́ dó sín sɛ́xwé ɔ́ ná yě ɔ́ kpó; wɛnsagun lɛ́ɛ ɖésú lɔ ka jló ná mɔ nǔ jɛ wɛn énɛ́ mɛ.

Nǔɖexlɛ́mɛ 15:6

Wɛnsagun tɛ́nwe e hɛn nǔ nyanya tɛ́nwe lɛ́ɛ tɔ́n sín sinsɛnxɔ ɔ́ mɛ; yě dǒ akwɛ́núvɔ wěwé, bɔ é nɔ kɔ́n, bó sin akɔ́ntablánú e è sɔ́ siká dó bló ná ɔ́ dó akɔ́nnu.

Nǔɖexlɛ́mɛ 19:14

Ahwangɔnu jǐxwé tɔn lɛ́ɛ xwedó e; yě ɖo sɔ́ wěwé jí; yě dǒ akwɛ́núvɔ fɛ́ɖɛ́fɛ́ɖɛ́ wěwé mímɛ́ ɖagbe ɖagbe ɖé.

Nǔɖexlɛ́mɛ 6:10

Yě nɔ sú xó tlílí, bó nɔ ɖɔ: Aklúnɔ mímɛ́, Aklúnɔ nǔgbó nǔgbó, káká hwetɛ́nu wɛ a nǎ nɔ te yi jɛ, bó ná ɖɔ hwɛ xá mɛ e ɖo ayǐkúngban jí lɛ́ɛ, bó ná ba hlɔn nú mǐ, ɖó hu e yě hu mǐ ɔ́ wútu?