Daniyɛ́li 12:4 - MAWUXÓWÉMA

⁴ “Daniyɛ́li! Hɛn xó élɔ́ ayi mɛ. Ma ɖɔ nǔ e ɖo wěma élɔ́ mɛ ɔ́ nú mɛɖé cóbónú nǔ lɛ́ɛ bǐ sín fífó hwenu ná su ó. Énɛ́ ɔ́ mɛ gěgé ná wá xa nǔ e ɖ'é mɛ lɛ́ɛ, bɔ nǔnywɛ́ yětɔn ná jɛ jí.”

Daniyɛ́li 12:4 Iomraidhean Croise

Ezayíi 11:9

È nǎ wa nǔ nyanya ɖěbǔ ǎ, è nǎ hɛn nǔ ɖěbǔ gblé ɖo só mímɛ́ tɔn jí ǎ, ɖó Mawu Mavɔmavɔ tunwuntunwun ná gɔ́ to ɔ́, lě e sin gɔ́ xuzan jí é ɖɔhun.

Ezayíi 29:11

Nǔɖexlɛ́mɛ énɛ́ lɛ́ɛ ɔ́, mi tunwun ǎ; é cí wěma e è wlǎn bó sú, bó ɖó wuntun é ɖɔhun. È zě nú mɛ e nyɔ́ nǔ xa ɔ́ ɖokpó bó ɖɔ: “Xa” bɔ é ɖɔ: “Un sixú xa ǎ, sú wɛ è sú bó ɖó wuntun.”

Ezayíi 30:26

Azǎn e gbe Mawu Mavɔmavɔ ná blá akpa nú togun tɔn ɔ́, hwenu e akpa tɔn lɛ́ɛ ná kú é ɔ́, sun ná za wě hwe ɖɔhun, hwe ná za wě lě e é nɔ́ za gbɔn ɔ́ donu tɛ́nwe.

Ezayíi 32:3

Mɛ e sín nukún ɖó ná nɔ́ mɔ nǔ lɛ́ɛ ɔ́, nukún yětɔn ná ɖo te, mɛ e sín tó ná nɔ́ se nǔ lɛ́ɛ ɔ́, tó yětɔn ná ɖo te.

Ezayíi 8:16

Un sɔ́ xó élɔ́ ɖó fí e é ná nɔ ganjí ɖe é; un sɔ́ kplɔ́n élɔ́ ɖó fí e nǔɖé ma ná wa ɛ ɖe ǎ é; ahwanvú ce lɛ́ɛ kɛ́ɖɛ́ jɛ́n se.

Jelemíi 5:1

Mawu ɖɔ: “Mi yi gbɔn ali e ɖo Jeluzalɛ́mu toxo mɛ lɛ́ɛ bǐ jí. Mi kpɔ́n nǔ ganjí, mi ba do nú nǔ, mi ba do ná gbɔn tokplétɛn lɛ́ɛ. Nú mi mɔ mɛ e nɔ wa nǔ ɖó sɛ́nxwi jí ɔ́, mɛ e nɔ ba ná ɖɔ nǔgbó ɔ́ ɖokpó ɖo toxo ɔ́ mɛ ɔ́, un ná kpɔ́n dó mɛ énɛ́ ɔ́ wú, bó ná sɔ́ hwɛ kɛ Jeluzalɛ́mu.”

Daniyɛ́li 10:1

Hwenu e axɔ́sú Pɛ́si tɔn Silúsi ɖo xwe atɔn bló wɛ ɖo zinkpo jí ɔ́, Mawu dó wɛn ɖé Daniyɛ́li e è nɔ ylɔ́ ɖɔ Bɛluticasáa é. Xó énɛ́ ɔ́, xójɔxó wɛ, bó ɖɔ wǔvɛ́ ɖaxó ɖaxó e jǎwe lɛ́ɛ. Daniyɛ́li ɖo tamɛ lin dó xó énɛ́ wú wɛ, bɔ Mawu wá ná ɛ tínmɛ tɔn ɖo dlɔ̌ mɛ.

Daniyɛ́li 10:14

Din ɔ́, un wá bó ná ɖɔ nǔ e ná wá jɛ dó togun towe jí sɔ gúdo ɔ́ nú we. Nǔ ɔ́ wɛ Mawu ɖe xlɛ́ we bɔ a mɔ.’

Daniyɛ́li 10:21

Lo ɔ́, un jló ná xlɛ́ nǔ e è wlǎn dó nǔgbówéma ɔ́ mɛ é we. Mɛ ɖé ka ná dó alɔ mì ɖo ahwan e fun gbé un ja ɔ́ mɛ zɛ gǎn mitɔn Micɛ́li wú ǎ.’ ”

Daniyɛ́li 11:33

Mɛ e bí ganjí ɖo yě mɛ lɛ́ɛ ná ná kplɔ́n mɛ gěgé. È nǎ hu mɛɖé lɛ́ɛ ɖó hwǐ wú, è nǎ dó mɛ lɛ́ɛ zo, è nǎ bɛ́ mɛɖé lɛ́ɛ sín dɔkun, lobo ná zé yě yi sú dó gankpá mɛ. Nǔ énɛ́ lɛ́ɛ ná jɛ káká yi jɛ hwe ɖé nu.

Daniyɛ́li 11:40

“Hwenu e nǔ lɛ́ɛ bǐ ná ɖo nǎ fó wɛ ɔ́, axɔ́sú Tofɔligbé tɔn ɔ́ ná lɛ́ jɛ kɛnfɔ ɖe xá axɔ́sú Totaligbé tɔn ɔ́ jí. Amɔ̌, axɔ́sú totaligbé tɔn ɔ́ ná sí te dó jǐ tɔn kpó zǐngídi kpó, bó ná fɔ ahwanhún kpó sɔ́ kpó tɔjíhún gěgé kpó, lobo ná tɔ́n ahwan ɛ. Lě e tɔsisa nɔ́ gɔ́, bó nɔ́ gba wǔ ɔ́ ɖɔhun wɛ é kpódó ahwangɔnu tɔn kpó ná xo to ɔ́ sín dogbó lɛ́ɛ zlɛ́, bó ná byɔ́ to ɔ́ mɛ gbɔn ɖisí amyɔ.

Daniyɛ́li 12:13

Amɔ̌, hwɛ Daniyɛ́li ɔ́, nɔ gbejí káká yi fó. Énɛ́ ɔ́, a nǎ ɖó vivo, bó ná fɔ́n sí te, bó ná wá yí ajɔ towe ɖo vivɔnu.”

Daniyɛ́li 12:5

Hwenu e nyɛ Daniyɛ́li ɖo nǔ e mɔ wɛ un ɖe ɔ́ kpɔ́n wɛ ɔ́, mɛ we ɖěvo xwetɔ́n, bó ɖo te ɖo ɖisí amyɔ nú tɔsisa ɔ́.

Daniyɛ́li 12:9

É yí gbe nú mì ɖɔ: “Daniyɛ́li, ado ma hu we ó. Xó énɛ́ ɖó ná nɔ hwlǎhwlá ganjí káká jɛ nǔ lɛ́ɛ sín vivɔ hwenu.

Daniyɛ́li 8:17

Gabliyɛ́li jǎwe fí e un ɖe ɔ́, bɔ xɛsi jɛ jǐ ce, bɔ un xwe agbɔ̌nnusú do. Lo ɔ́, é ɖɔ nú mì ɖɔ: ‘Daniyɛ́li, ɖǒ tó; hwɛ ɔ́ gbɛtɔ́ wɛ a nyǐ, nǔ e mɔ wɛ a ka ɖe ɔ́, gbɛvivɔ wú ɖɔ xó dó wɛ é ɖe.’

Daniyɛ́li 8:19

bó ɖɔ nú mì ɖɔ: ‘Un ná ɖɔ nǔ e ná jɛ hwenu e è ɖǒ, bɔ xomɛsin Mawu tɔn ná fó ɔ́ nú we.

Daniyɛ́li 8:26

Tínmɛ e jɛ xá vɔ̌sísá zǎnzǎn gbada tɔn e a mɔ lɛ́ɛ é nɛ́. Amɔ̌, ma ɖɔ nǔ énɛ́ e a mɔ ɔ́ nú mɛɖé ó, ɖó hwenu e é ná jɛ dó ɔ́ kpo ɖaxó.’

Matíe 24:14

È nǎ jlá axɔ́súɖuɖu Mawu tɔn sín Wɛn Ɖagbe gbɔn gbɛ ɔ́ bǐ mɛ, bónú é ná nyí kúnnuɖiɖe nú gbɛtɔ́ lɛ́ɛ bǐ. Énɛ́ ɔ́ gúdo ɔ́, gbɛ ɔ́ ná vɔ.

Hlɔ̌manu 10:18

Lo ɔ́, un nɔ kanbyɔ́ ɖɔ: “Yě ka se Mawuxó ɔ́ ǎ wɛ a?” Ɛɛn, yě se ganjí. Đó Mawuxówéma ɔ́ ɖɔ: “Yě ɖɔ xó bɔ è se gbɔn ayǐkúngban ɔ́ bǐ jǐ, bɔ xó e yě ɖɔ ɔ́ yi káká fí e gbɛ ɔ́ kponu ɖó é.”

Nǔɖexlɛ́mɛ 10:4

Ée so tɛ́nwe lɛ́ɛ dó gbe fó ɔ́, un jló ná jɛ nǔ e yě ɖɔ lɛ́ɛ wlán jí, lo ɔ́, un se gbe ɖé sín jǐxwé, bɔ gbe ɔ́ ɖɔ nú mì ɖɔ: “Hɛn nǔ e so tɛ́nwe lɛ́ɛ ɖɔ é dó ayi mɛ; ma wlán ó.”

Nǔɖexlɛ́mɛ 22:10

Énɛ́ ɔ́ gúdo ɔ́, é ɖɔ nú mì ɖɔ: “Xó ɖɔ ɖ'ayǐ e è wlán dó wěma élɔ́ mɛ lɛ́ɛ ɔ́, ma hɛn xomɛ ó, ɖó hwenu e è ɖǒ, bɔ nǔ énɛ́ lɛ́ɛ bǐ ná jɛ ɔ́ ko sɛkpɔ́.

Nǔɖexlɛ́mɛ 5:1

Énɛ́ ɔ́ gúdo ɔ́, un mɔ wěma ɖé ɖo mlǎmlá ɖo mɛ e jínjɔ́n axɔ́súzinkpo jí ɔ́ sín alɔ ɖisí ɔ́ mɛ; è wlán nǔ dó wěma énɛ́ sín akpáxwé we lɛ́ɛ bǐ; è tlɛ́ wěma ɔ́ ɖo fí tɛ́nwe, bó ɖó wuntun jí.