Daniyɛ́li 12:3 - MAWUXÓWÉMA

³ Mɛ e ná ɖó nǔnywɛ́ lɛ́ɛ ná kɔ́n nǔ e ɖo jǐnukúnsin lɛ́ɛ sín ɖɛkpɛ ɖɔhun. Mɛ e ka ná kplɔ́n nǔ mɛ ɖě bɔ yě ná nɔ gbejí lɛ́ɛ ná kɔ́n sunví e ɖo jǐnukúnsin lɛ́ɛ ɖɔhun.

Daniyɛ́li 12:3 Iomraidhean Croise

Tíntɔ́n 34:35

yě nɔ́ ɖo kɔ́n e kɔ́n wɛ nukún mɛ tɔn ɖe ɔ́ kpɔ́n wɛ. Énɛ́ ɔ́ gúdo ɔ́, é nɔ́ sɔ́ avɔ ɔ́ cyɔ́n nukún mɛ, bó nɔ́ nɔ mɔ̌ káká jɛ gbe e gbe é ná lɛ́ kɔ yi ɖɔ xó xá Mawu Mavɔmavɔ é.

Nǔnywɛ́xó 11:30

Mɛ e nɔ wa nǔ ɖó sɛ́nxwi jí ɔ́, nǔ e é nɔ́ wa ɔ́, atín e nɔ́ ná gbɛ mɛ ɔ́ wɛ; mɛ e ɖó nǔnywɛ́ ɔ́, gbɛtɔ́ nɔ ɖeji dó wǔ tɔn.

Nǔnywɛ́xó 3:35

Mɛ e ɖó mɛxóyixa lɛ́ɛ ɔ́, Mawu Mavɔmavɔ ná sɔ́ yě su; amɔ̌, xlonɔ lɛ́ɛ ɔ́, winnyá wɛ ɖo te kpɔ́n yě.

Nǔnywɛ́xó 4:18

Mɛ e nɔ wa nǔ jlɔ́jlɔ́ lɛ́ɛ sín ali cí wěziza zǎnzǎn tɔn ɖɔhun; é nɔ́ ɖo hǐnhɔ́n wɛ, é nɔ́ ɖo hǐnhɔ́n wɛ káká bó nɔ́ wá hɔ́n bǐ, bó nɔ́ cí wěziza hwemɛ tɔn ɖɔhun.

Nǔnywɛ́tɔ́xó 12:9

Nyɛ nǔnywɛ́tɔ́ ɔ́, ényí nǔnywɛ́ kɛ́ɖɛ́ wɛ un ɖó ǎ; gɔ́ nú nǔnywɛ́ ɔ́, un lɛ́ kplɔ́n nǔ togun ɔ́. Un gbéjé nǔ gěgé kpɔ́n, un ba do nú nǔ, lobo to lǒ wɔ̌buwɔ́bú ɖé lɛ́ɛ.

Ezayíi 53:11

Mawu ɖɔ: “Mɛsɛntɔ́ ce ji ya tobutóbú énɛ́ lɛ́ɛ mɔ̌ ɔ́, é ná wá mɔ wěziza; nǔ ná nyɔ́ n'i káká. Mɛsɛntɔ́ ce ɔ́, hwɛjijɔnɔ nǔgbó ɔ́ ná sɔ́ mɛ gěgé dó húzú hwɛjijɔnɔ, ɖó é wɛ ɖíɖá hwɛgban yětɔn.

Jelemíi 23:22

Ényí yě kó yi tagbesɔ xá mì wɛ ɔ́, yě ná kó se xó e un ɖɔ sɛ́ dó togun ce é. Yě ná ko se, bó ná ko ɖɔ nú togun ce bɔ é ná lɛ́ kɔ sín ali nyanya jí, lobo na jó dǎkaxixo dó.”

Daniyɛ́li 11:33

Mɛ e bí ganjí ɖo yě mɛ lɛ́ɛ ná ná kplɔ́n mɛ gěgé. È nǎ hu mɛɖé lɛ́ɛ ɖó hwǐ wú, è nǎ dó mɛ lɛ́ɛ zo, è nǎ bɛ́ mɛɖé lɛ́ɛ sín dɔkun, lobo ná zé yě yi sú dó gankpá mɛ. Nǔ énɛ́ lɛ́ɛ ná jɛ káká yi jɛ hwe ɖé nu.

Daniyɛ́li 11:35

Mɛ gěgé ná kú ɖo nǔnywɛ́tɔ́ lɛ́ɛ mɛ, bɔ kú yětɔn ná slá wǔ nú togun ɔ́, bɔ é ná mɛ́ bó ná nɔ wǐwé jí nú gbe e gbe gbɛ ná vɔ é; lo ɔ́, hwe ɔ́ nu ko nɛ́ ǎ.

Daniyɛ́li 12:10

Mɛ gěgé ná tíin bɔ è ná slá wǔ nú yě, bɔ yě ná wé, bó ná mɛ́. Mɛdídá e ma sixú mɔ nukúnnú jɛ nǔ mɛ ǎ lɛ́ɛ ná kpo ɖo nǔ nyanya yětɔn lɛ́ɛ dó sin wɛ. Amɔ̌, mɛ e ɖó nǔnywɛ́ lɛ́ɛ ná mɔ nukúnnú jɛ nǔ e ɖo jijɛ wɛ é wú.

Matíe 13:43

Hwenɛ́nu ɔ́, Mawu ná sɔ́ hwɛjijɔnɔ lɛ́ɛ su, bó ná zé yě dó húzú nǔɖaxó ná ɖo axɔ́súɖuto tɔn mɛ. Mɛ e ɖó tó bó ná dó se nǔ ná ɔ́ ní ɖótó bó se.”

Matíe 19:28

Bɔ Jezu yí gbe n'i ɖɔ: “Má ɖɔ nǔgbó nú mi: hwenu e nyɛ Gbɛtɔ́ví ɔ́ ná wá jínjɔ́n axɔ́súzinkpo ce jí, ɖo susu ce mɛ, ɖo gbɛ yɔ̌yɔ́ ɔ́ mɛ ɔ́, mi mɛ wěwe e xwedó mì lɛ́ɛ lɔmɔ̌ ná jínjɔ́n axɔ́súzinkpo wěwe jí, bó ná ɖɔ hwɛ xá Izlayɛ́li sín akɔta wěwe lɛ́ɛ,

Matíe 24:45

“Má ɖɔ mɛ e mɛsɛntɔ́ gbejínɔtɔ́, ayiɖotenánɔ ɖi ɔ́ nú mi: é ɖi mɛ e gǎn tɔn ɖo hwɛ ná zɛ wɛ, bó sɔ́ ɛ ɖó mɛ e ɖo xwé tɔn gbe lɛ́ɛ nu, bɔ é ná nɔ ná nǔɖuɖu yě dó hwe tɔn nu é.

Jǎan 4:36

Nukún-yatɔ́ nɔ yí azɔ̌kwɛ́ tɔn, bó nɔ́ kplé nǔkún lɛ́ɛ nú gbɛ mavɔ mavɔ, bónú nǔdótɔ́ ɔ́ kpódó nukún-yatɔ́ ɔ́ kpó bǐ ná kplé, bó ná j'awǎ.

Jǎan 5:35

Jǎan cí zogbɛ́n e ɖo títá é ɖɔhun nú mi, bɔ mi yí gbe bó j'awǎ kpɛɖé ɖo wěziza tɔn nu.

Mɛsɛ́dó 13:1

Đo mɛ e ɖi nǔ nú Jezu lɛ́ɛ sín agun e ɖo Antyɔ́ci ɔ́ mɛ ɔ́, è nɔ mɔ gbeyíɖɔ Mawu tɔn lɛ́ɛ, kpódó nǔkplɔ́nmɛtɔ́ lɛ́ɛ kpó: Baanabási, Simɛ́nyɔ́ɔ e è nɔ ylɔ́ ɖɔ Mɛwi é, Lusiwúsi Silenɛ́ɛnu ɔ́, Manayɛnu e Elódu tokpɔngán ɔ́ sín mɛ lɛ́ɛ hɛn, bɔ é kpó é kpó nɔ kpɔ́ bó su é, kpódó Sólu kpán.

1 Kɔlɛ́ntinu 3:10

Un wa azɔ̌ ɖi xɔmɛtɔ́gán e nǔnywɛ́ kpé é ɖɔhun, bó dó xɔ ɔ́ do ganjí, lě e Mawu ná nǔníná tɔn mì gbɔn é. Din ɔ́, mɛɖěvo ɖo dǒ mɛ ɖ'é jí wɛ. Amɔ̌, mɛ ɖokpó ɖokpó ka ɖó ná hɛn ayixa dó lě e é ɖo dǒ mɛ ɖ'é jí gbɔn wɛ é wú.

Efɛ́zinu 4:11

É wɛ ná nǔníná vovo gbɛtɔ́ lɛ́ɛ. É ná, bɔ mɛɖé lɛ́ɛ nyí mɛsɛ́dó, bɔ mɛɖé lɛ́ɛ nyí gbeyíɖɔ Mawu tɔn, mɛɖé lɛ́ɛ nyí Mawuxójlátɔ́, bɔ mɛɖé lɛ́ɛ nyí nukɔntɔ́, bó nyí nǔkplɔ́nmɛtɔ́.

Eblée 5:12

Mi mɛ e ná kó nyí mɛ̌si sín tɛgbɛ ɔ́, é lɛ́ byɔ́ ɖɔ è ní kplɔ́n nǔ nukɔn nukɔntɔn e ɖo Mawuxó ɔ́ mɛ lɛ́ɛ mi. Mi mɛ e ɖó ná ko ɖo nǔɖuɖu syɛ́nsyɛ́n ɖu wɛ ɔ́, é lɛ́ byɔ́ ɖɔ anɔ̌sin wɛ mi ná nu.

2 Piyɛ́ɛ 3:15

Mi ní tunwun ɖɔ suúlu e Aklúnɔ mǐtɔn ɖó ɔ́ wɛ nyí hwlɛngán mitɔn, lě e Mawu ná nǔnywɛ́ nɔví mǐtɔn vívɛ́ná Pɔ́lu, bɔ é lɔmɔ̌ wlán sɛ́ dó mi gbɔn é.

Nǔɖexlɛ́mɛ 1:20

Sunví tɛ́nwe e mɔ wɛ a ɖe ɖo alɔ ce ɖisí ɔ́ mɛ lɛ́ɛ kpó sikázogbɛ́nhɛnnú tɛ́nwe lɛ́ɛ kpó ɔ́, nǔbúdo e ɖe xlɛ́ wɛ yě ɖe ɔ́ ɖíe: sunví tɛ́nwe lɛ́ɛ ɔ́, agun Klísu tɔn tɛ́nwe lɛ́ɛ sín wɛnsagun lɛ́ɛ wɛ; bɔ zogbɛ́nhɛnnú tɛ́nwe lɛ́ɛ nyí agun Klísu tɔn tɛ́nwe lɛ́ɛ.”

Hwɛɖɔtɔ́ 5:31

Mawu Mavɔmavɔ, kɛntɔ́ towe lɛ́ɛ bǐ ní kú lě e Sisela kú gbɔn é; lo ɔ́, xɔ́ntɔn towe lɛ́ɛ ní cí hwe ɖɔhun. Hwe e tɔ́n kpó wěziza tɔn bǐ kpó é ɖɔhun!” To ɔ́ nɔ vivo mɛ xɔ xwe kanɖé.