Daniyɛ́li 12:2 - MAWUXÓWÉMA

² Mɛ e ɖo amlɔ dɔ́ wɛ ɖo yɔdo mɛ lɛ́ɛ gěgé ná fɔ́n; mɛ ɖě ná fɔ́n nú gbɛ mavɔ mavɔ, mɛ ɖě ká ná fɔ́n dó winnyá nu, mɛ ɖě ká ná fɔ́n dó ya mavɔ mavɔ nu.

Daniyɛ́li 12:2 Iomraidhean Croise

Nǔnywɛ́xó 12:8

Mɛ e nɔ lin tamɛ kpɔ́n ɔ́, è nɔ kpa susu n'i, bó ka nɔ hu tɛ́ nú gbɛtɔ́ ayi hízíhízínɔ.

Ezayíi 26:19

Mawu Mavɔmavɔ, mɛ towe e kú lɛ́ɛ ná fɔ́n; togun ce sín mɛ e kú lɛ́ɛ ná fɔ́n. Mi mɛ e ɖo kɔ́ glɔ́ lɛ́ɛ mi, mi fɔ́n; mi j'awǎ, ɖó Mawu Mavɔmavɔ, a nǎ sɛ́ wěziza towe dó ahǔn ɖɔhun, bɔ ayǐkúngban ɔ́ nɔ́ ná gbɛ mɛ e kú lɛ́ɛ.

Ezayíi 66:24

Nú è tɔ́n sín Jeluzalɛ́mu toxo ɔ́ mɛ ɔ́, è nǎ nɔ́ mɔ mɛ e fɔ́n gǔ dó jǐ ce lɛ́ɛ sín cyɔ; wě e ná ɖo yě ɖu wɛ lɛ́ɛ ná kú gbeɖé ǎ; myɔ e mɛ yě ká ná ɖe ɔ́ ná cí gbeɖé ǎ. Nǔ baɖabaɖa wɛ é ná nyí nú gbɛtɔ́ lɛ́ɛ bǐ.”

Jelemíi 20:11

Lo ɔ́, Mawu Mavɔmavɔ, a dǒ hlɔ̌nhlɔ́n, bó ɖo ahwan fun nú mì wɛ. Yě mɛ e ɖo ya dó nú mì wɛ lɛ́ɛ ɔ́, yě wɛ ná klɛ́n afɔ. É ná gbo dó yětɔn jí ǎ. Yě ná ba nu tɔn kpo bó ɖu winnyá; wi ná kɔ́n sín ta nú yě káká sɔ́yi; mɛ ɖěbǔ ná wɔn ǎ.

Ezekiyɛ́li 37:12

Énɛ́ ɔ́ wú ɔ́, yi ɖɔ xó e nyɛ Aklúnɔ Mavɔmavɔ ɖɔ nú we ɔ́ nú yě; ɖɔ nú yě ɖɔ: un ná hun yɔdo mitɔn lɛ́ɛ, un ná ɖe mi tɔ́n sín mɛ, mi togun ce lɛ́ɛ, un ná kplá mi wá Izlayɛ́li, to mitɔn mɛ.

Ozée 13:14

Bɔ nyɛ Mawu Mavɔmavɔ ɔ́, un ɖó ná yí mɛ énɛ́ lɛ́ɛ sín kú fɛn mɛ wɛ a? Un ná ɖe yě sín kútomɛ wɛ a? Kú e, fítɛ́ ahwanfunnú towe lɛ́ɛ ɖe? Kú e, ɖe acɛ towe e a nɔ dó hu mɛ ná ɔ́ xlɛ́. Un ɖo nǔbláwǔ ná kú nú mɛɖé wɛ ǎ.

Matíe 25:46

Mɛ nyanya énɛ́ lɛ́ɛ ɔ́, è nǎ ɖo tó dɔn nú yě wɛ ma gbokɔ, bɔ mɛ e bló jlǒ Mawu tɔn lɛ́ɛ ná yi gbɛ mavɔ mavɔ mɛ.”

Mɛsɛ́dó 24:15

Un ka ɖo nukún ɖó Mawu wɛ, lě e yě lɔmɔ̌ ɖo nukún ɖó e wɛ gbɔn é. Mawu ná wá fɔ́n mɛ ɖagbe lɛ́ɛ, kpódó mɛ nyanya lɛ́ɛ kpó sín kú.

Mɛsɛ́dó 7:60

Énɛ́ ɔ́ gúdo ɔ́, é húzú jɛ kpo, bó sú xó tlílí ɖɔ: “Aklúnɔ, ma lɛ́n hwɛ élɔ́ dó kɔ nú yě ó.” Ée é ɖɔ mɔ̌ ɔ́, é bɔnu.

Hlɔ̌manu 9:21

Zɛ̌nmɛtɔ́ sixú zé ko dó wa nǔ e jló é ná: ko ɖokpó e é nya ɔ́, é sixú zé dó mɛ zɛ̌n e è nɔ zán nú nǔjɔnǔ é; é ka sixú lɛ́ zé dó mɛ zɛ̌n e è nɔ zán nú nǔ yǎyá é.

1 Tɛsalonikinu 4:14

Đó mǐ ɖi nǔ ɖɔ Jezu kú bó lɛ́ fɔ́n; mɔ̌ ɖokpó ɔ́, mǐ lɛ́ ɖi nǔ ɖɔ Mawu ná fɔ́n mɛ e ɖi nǔ nú Jezu cóbó kú lɛ́ɛ kpó é kpó.

Nǔɖexlɛ́mɛ 20:12

Un mɔ mɛkúkú lɛ́ɛ, mɛxó kpó yɔkpɔ́vú kpó ɖo te ɖo axɔ́súzinkpo ɔ́ nukɔn, bó lɛ́ hun wěma ɖé lɛ́ɛ. È lɛ̌ hun wěma ɖěvo; wěma e mɛ è wlǎn mɛ e ɖo gbɛ lɛ́ɛ sín nyǐkɔ dó ɔ́ wɛ. Mɛkúkú lɛ́ɛ ɔ́, è ɖɔ hwɛ xá yě bɔ é sɔgbe xá nǔ e yě wa bɔ è wlǎn dó wěma lɛ́ɛ mɛ é.