Daniyɛ́li 12:13 - MAWUXÓWÉMA

¹³ Amɔ̌, hwɛ Daniyɛ́li ɔ́, nɔ gbejí káká yi fó. Énɛ́ ɔ́, a nǎ ɖó vivo, bó ná fɔ́n sí te, bó ná wá yí ajɔ towe ɖo vivɔnu.”

Daniyɛ́li 12:13 Iomraidhean Croise

Ɖɛhan 1:5

Énɛ́ ɔ́ wú ɔ́, hwɛɖɔzán gbe su ɔ́, hwɛ ná kpa mɛdídá lɛ́ɛ ǎ; nǔjlɔ́jlɔ́watɔ́ lɛ́ɛ kplé ɔ́, hwɛhutɔ́ lɛ́ɛ ná ɖó tɛnmɛ ɖo yě mɛ ǎ.

Ɖɛhan 16:5

Mawu Mavɔmavɔ, hwi wɛ nyí gbɛ nú mì. Nǔɖé hu dó mì ɔ́, hwi wɛ nɔ ná mì. Nǔ e un ná nyí sɔ ɔ́ ɖo alɔ towe mɛ.

Ɖɛhan 16:9

Énɛ́ ɔ́ wú wɛ xomɛ hun mì, un ɖo awǎ jɛ wɛ, bɔ ayi ce jɛ ayǐ.

Tíntɔ́n 33:14

Mawu Mavɔmavɔ yí gbe nú Mɔyízi ɖɔ: “Nyɛ ɖésúnɔ kpódó hwi kpó wɛ xweyǐgbe, ado ní má hu we ó.”

Daniyɛ́li 12:3

Mɛ e ná ɖó nǔnywɛ́ lɛ́ɛ ná kɔ́n nǔ e ɖo jǐnukúnsin lɛ́ɛ sín ɖɛkpɛ ɖɔhun. Mɛ e ka ná kplɔ́n nǔ mɛ ɖě bɔ yě ná nɔ gbejí lɛ́ɛ ná kɔ́n sunví e ɖo jǐnukúnsin lɛ́ɛ ɖɔhun.

Daniyɛ́li 12:4

“Daniyɛ́li! Hɛn xó élɔ́ ayi mɛ. Ma ɖɔ nǔ e ɖo wěma élɔ́ mɛ ɔ́ nú mɛɖé cóbónú nǔ lɛ́ɛ bǐ sín fífó hwenu ná su ó. Énɛ́ ɔ́ mɛ gěgé ná wá xa nǔ e ɖ'é mɛ lɛ́ɛ, bɔ nǔnywɛ́ yětɔn ná jɛ jí.”

Zakalíi 3:7

Akpá e Mawu Mavɔmavɔ Nǔbǐwúkpétɔ́ ɔ́ dó ɔ́ ɖíe: “Nú a nyi sɛ́n ce lɛ́ɛ ɔ́, nú a wa nǔ ɖó tito ce lɛ́ɛ jí ɔ́, a nǎ kpa acɛ dó sinsɛnxɔ ce nu, bó ná kpa acɛ gbɔn kɔ́xo tɔn lɛ́ɛ ta, bɔ un ná zé we dó mɛ e ɖo fí, bó ɖo azɔ̌ wa nú mì wɛ lɛ́ɛ mɛ.”

Matíe 19:28

Bɔ Jezu yí gbe n'i ɖɔ: “Má ɖɔ nǔgbó nú mi: hwenu e nyɛ Gbɛtɔ́ví ɔ́ ná wá jínjɔ́n axɔ́súzinkpo ce jí, ɖo susu ce mɛ, ɖo gbɛ yɔ̌yɔ́ ɔ́ mɛ ɔ́, mi mɛ wěwe e xwedó mì lɛ́ɛ lɔmɔ̌ ná jínjɔ́n axɔ́súzinkpo wěwe jí, bó ná ɖɔ hwɛ xá Izlayɛ́li sín akɔta wěwe lɛ́ɛ,

Luki 21:36

Mi bo nɔ wunzɛn hwebǐnu, bó nɔ ɖo ɖɛ xo wɛ hwebǐnu, bó ná mɔ hlɔ̌nhlɔ́n dó gló nǔ énɛ́ lɛ́ɛ e ná jɛ lɛ́ɛ bǐ, lobo ná sigǎn nɔ te ɖo Gbɛtɔ́ví ɔ́ nukɔn.”

2 Kɔlɛ́ntinu 5:1

Nǔgbó ɔ́, mǐ tunwun ɖɔ nú è kíjá agbaza mǐtɔn e nyí goxɔ ayǐkúngban jí tɔn ɔ́, mǐ ɖó ɖěvo e nyí xɔ Mawu tɔn e gbɛtɔ́ sín alɔ ma bló ǎ, bɔ é ná nɔ ayǐ káká sɔ́yi ɔ́ ɖo sɛ́xwé.

2 Tɛsalonikinu 1:7

hwenu Aklúnɔ Jezu kpó wɛnsagun tɔn hlɔ̌nhlɔ́nnɔ lɛ́ɛ kpó ná gosín jǐxwé, bó ná zɔn zo hɛhɛ tɛ́ntin wá ɔ́, é ná ná gbɔjɛ́ mi mɛ e ɖo ya ji wɛ din lɛ́ɛ, bó ná ná gbɔjɛ́ mǐ lɔmɔ̌, lobo ná dɔn tó nú mɛ e ma tunwun Mawu ǎ lɛ́ɛ, kpódó mɛ e ma nɔ se tónú nú Wɛn Ɖagbe e ɖɔ xó dó Aklúnɔ mǐtɔn Jezu wú ǎ lɛ́ɛ kpó.

Nǔɖexlɛ́mɛ 14:13

Un se gbe ɖé bɔ gbe ɔ́ ɖɔ nú mì sín jǐxwé ɖɔ: “Wlǎn nǔ élɔ́: ‘Mɛ e ɖo kúkú wɛ ɖo Aklúnɔ mɛ bɛ́ sín din lɛ́ɛ ɔ́, nǔ nyɔ́ nú yě!’ ” Yɛ ɔ́ ɖɔ: “Ɛɛn nǔgbó wɛ, yě hɛn ɔ́, yě ná gbɔjɛ́ ɖo azɔ̌ syɛ́nsyɛ́n e yě wa lɛ́ɛ mɛ, ɖó ɖagbe e yě wa lɛ́ɛ kpó yě kpo ɖo yiyi wɛ.”