Daniyɛ́li 12:10 - MAWUXÓWÉMA

¹⁰ Mɛ gěgé ná tíin bɔ è ná slá wǔ nú yě, bɔ yě ná wé, bó ná mɛ́. Mɛdídá e ma sixú mɔ nukúnnú jɛ nǔ mɛ ǎ lɛ́ɛ ná kpo ɖo nǔ nyanya yětɔn lɛ́ɛ dó sin wɛ. Amɔ̌, mɛ e ɖó nǔnywɛ́ lɛ́ɛ ná mɔ nukúnnú jɛ nǔ e ɖo jijɛ wɛ é wú.

Daniyɛ́li 12:10 Iomraidhean Croise

Ɖɛhan 107:43

Mɛ e ɖó nǔnywɛ́ ɔ́ ní ɖó ayi nǔ nɛ́ lɛ́ɛ jí, é ní tunwun ɖagbe e Mawu Mavɔmavɔ nɔ wa lɛ́ɛ.

Ɖɛhan 51:7

Sín hwenu e è ji mì ɔ́ wɛ hwɛhuhu sín alɔxwixwí kó ɖo wǔ ce, bó ɖo wǔ ce sín nɔ ce xomɛ. Ée è dǒ xo ce é jɛ́n hwɛhuhu tɔ́ dó wǔ ce.

Nǔnywɛ́xó 1:5

Mɛ e ɖó nǔnywɛ́ é ní ɖótó, bó ná yí nǔnywɛ́ dó nǔnywɛ́ jí; mɛ e nyí mɛ bíbí é lɔ ná kplɔ́n lě e é ná nɔ́ wa nǔ gbɔn é;

Ezayíi 1:18

Mawu Mavɔmavɔ ɖɔ: “Mi wá nú mǐ nǎ se nǔ jɛ mǐɖée gbe mɛ. Ényí hwɛ mitɔn lɛ́ɛ na bo myá cɛ́cɛ́ ɔ́, yě ná wé tété avɔkanfún ɖɔhun. Yě ná bó myá káká bó wi d'é mɛ ɔ́, yě ná wé la ɖɔhun.

Ezekiyɛ́li 36:25

Un ná kɔn sin mímɛ́ dó mi jí, bɔ mi ná húzú mɛ mímɛ́. Un ná lɛ mi sín nǔ blíblí e mi wa lɛ́ɛ kpó vodún e mi sɛn lɛ́ɛ kpó mɛ.

Ezekiyɛ́li 47:11

É ká ɖo mɔ̌ có gba kpó tɔ kpó e ná gbɔn Xu kúkú ɔ́ kpá lɛ́ɛ ná húzú sin ɖagbe ǎ; fí énɛ́ lɛ́ɛ ná nyí jɛgba.

Daniyɛ́li 11:33

Mɛ e bí ganjí ɖo yě mɛ lɛ́ɛ ná ná kplɔ́n mɛ gěgé. È nǎ hu mɛɖé lɛ́ɛ ɖó hwǐ wú, è nǎ dó mɛ lɛ́ɛ zo, è nǎ bɛ́ mɛɖé lɛ́ɛ sín dɔkun, lobo ná zé yě yi sú dó gankpá mɛ. Nǔ énɛ́ lɛ́ɛ ná jɛ káká yi jɛ hwe ɖé nu.

Daniyɛ́li 11:35

Mɛ gěgé ná kú ɖo nǔnywɛ́tɔ́ lɛ́ɛ mɛ, bɔ kú yětɔn ná slá wǔ nú togun ɔ́, bɔ é ná mɛ́ bó ná nɔ wǐwé jí nú gbe e gbe gbɛ ná vɔ é; lo ɔ́, hwe ɔ́ nu ko nɛ́ ǎ.

Daniyɛ́li 12:3

Mɛ e ná ɖó nǔnywɛ́ lɛ́ɛ ná kɔ́n nǔ e ɖo jǐnukúnsin lɛ́ɛ sín ɖɛkpɛ ɖɔhun. Mɛ e ka ná kplɔ́n nǔ mɛ ɖě bɔ yě ná nɔ gbejí lɛ́ɛ ná kɔ́n sunví e ɖo jǐnukúnsin lɛ́ɛ ɖɔhun.

Ozée 14:9

Ani wɛ Eflayímunu lɛ́ɛ kpó vodún lɛ́ɛ kpó kpé dó? Nyɛ wɛ nɔ yí gbe nú ɖɛ e xo wɛ yě ɖe ɔ́, bó ná cyɔ́n alɔ yě jí. Nyɛ ɔ́, siplɛ́tín ɖɔhun wɛ un cí, bó nɔ ɖo mǔ hwebǐnu . Nyɛ wɛ nɔ zɔ́n bɔ yě nɔ́ mɔ jinukún.”

Zakalíi 13:9

Un ná zé atɔnvlɔ́ɖó énɛ́ ɔ́ dó myɔ mɛ, bó ná ɖe nǔ kwíji e ɖo yě wú ɔ́ síin, lě e è nɔ zé kpatágan dó myɔ mɛ bó nɔ ɖe nǔ blíblí e ɖ'é mɛ lɛ́ɛ síin é ɖɔhun. Un ná tɛ́n yě kpɔ́n lě e è nɔ tɛ́n siká kpɔ́n gbɔn ɖo myɔ mɛ é. Énɛ́ ɔ́, yě ná sú xó ylɔ́ mì, bɔ un ná yí gbe nú yě. Un ná ɖɔ: ‘Togun ce wɛ mi nyí’, bɔ yě ná nɔ yí gbe ɖɔ: ‘Nǔgbó wɛ Mawu Mavɔmavɔ, hwi wɛ nyí Mawu mǐtɔn!’ ”

Malacíi 3:3

É ná jɛ fínɛ́, bó ná za zunkɔ́ lɛ́ɛ, bó ná ɖe nǔ kwíji lɛ́ɛ síin. É ná slá wǔ nú Levíi ví vɔ̌sánú-xwlémawutɔ́ lɛ́ɛ bǐ dégbédégbé, lě e è nɔ́ xo zo dó siká kpódó kpatágan kpó, bó nɔ́ ɖe nǔ kwíji sín mɛ gbɔn é, bɔ vɔ̌sánú-xwlémawutɔ́ énɛ́ lɛ́ɛ ná xwlé vɔ̌sánú yětɔn lɛ́ɛ Mawu Mavɔmavɔ, lě e è nɔ́ bló gbɔn ɖ'ayǐ é.

Maki 4:11

É ka ɖɔ nú yě ɖɔ: “Axɔ́súɖuɖu Mawu tɔn sín nǔbúdo lɛ́ɛ ɔ́, midɛɛ lɛ́ɛ wɛ Mawu hun xlɛ́, amɔ̌, mɛ ɖě lɛ́ɛ ɔ́, lǒ mɛ wɛ è nǎ ɖɔ bǐ dó nú yě.

Luki 24:25

Jezu ka ɖɔ nú yě ɖɔ: “Gbɛtɔ́ nǔnywɛ́hwedónánɔ lɛ́ɛ mi! Hwetɛ́nu wɛ mi ná wá ɖi nǔ nú nǔ e gbeyíɖɔ Mawu tɔn lɛ́ɛ kó ɖɔ ɔ́ bǐ dó?

Jǎan 18:37

Pilátu lɛ́ kanbyɔ́ ɛ ɖɔ: “Hǔn axɔ́sú wɛ a nyí nɛ́ hǔn?” Bɔ Jezu yí gbe n'i ɖɔ: “Hwi wɛ ɖɔ un nyí axɔ́sú. È ji mì, bɔ un wá gbɛ ɔ́ mɛ, bó ná ɖe kúnnu nú nǔgbó ɔ́. Mɛ e nɔ xwedó nǔgbó ɔ́ bǐ wɛ nɔ ɖótó xó ce.”

Jǎan 7:17

Mɛ e ɖó jlǒ, bó ná wa jlǒ Mawu tɔn ɔ́, ényí nǔkplɔ́nmɛ ce ɔ́, Mawu gɔ́n wɛ é gosín abǐ acɛ nyɛ ɖésúnɔ tɔn wɛ ɔ́, é ná mɔ do ná.

Jǎan 8:47

Mɛ e nyí Mawu tɔn ɔ́, Mawuxó wɛ é nɔ ɖótó; midɛɛ lɛ́ɛ ɔ́, mi ka nɔ ɖótó Mawuxó ɔ́ ǎ, ɖó mi nyí étɔn ǎ wú.”

1 Kɔlɛ́ntinu 6:11

Nǔ e mɛɖé lɛ́ɛ ɖo mi mɛ, bó ko nyí ɖ'ayǐ ɔ́ nɛ́. Amɔ̌, è ko lɛ mi wé sín hwɛ mɛ; è ko ɖe mi ɖó vo, bɔ mi na nyí Mawu tɔn; è ko sɔ́ mi dó húzú hwɛjijɔnɔ, ɖo Aklúnɔ Jezu Klísu sín nyǐkɔ mɛ, gbɔn Yɛ Mawu mǐtɔn tɔn jí.

2 Kɔlɛ́ntinu 7:1

Mɛvívɛ́ná ce lɛ́ɛ mi, akpá énɛ́ lɛ́ɛ e Mawu dó ɔ́, mǐ wɛ é dó yě ná. Énɛ́ ɔ́ wú ɔ́, mǐ ní slá wǔ nú agbaza kpó lǐndɔ̌n kpó, bó dó gǎn, bó ɖi xɛsi nú Mawu ɖo gbɛzán mǐtɔn mɛ, lobo ná nyí mɛ mímɛ́ yi fó.

Titu 2:14

É sɔ́ éɖée jó dó ta mǐtɔn mɛ, bó ná xɔ mǐ ɖo nǔ nyanya bǐ mɛ, bó ná sɔ́ mǐ dó bló togun mímɛ́ e nyí é ɖokpónɔ géé tɔn ɔ́ ná, bɔ mǐ ná nɔ́ ɖó kan dó nǔ ɖagbe wiwa wú.

Eblée 12:10

Tɔ́ mǐtɔn ayǐkúngban jí tɔn lɛ́ɛ nɔ kplɔ́n mǐ nú hwenu kpɛɖé, lě e yě mɔ ɖɔ é sɔgbe gbɔn é. Lo ɔ́, Mawu nɔ kplɔ́n mǐ ɖó ɖagbe mǐ ɖésúnɔ tɔn wú, bónú mǐ ná sixú ɖó ɖo mǐmá Mawu tɔn mɛ.

1 Piyɛ́ɛ 1:22

Mi se tónú nú nǔgbó ɔ́, bó dó slá wǔ nú miɖée, bó ná dó yí wǎn titewungbe nú nɔví mitɔn ɖo nǔɖiɖi mɛ lɛ́ɛ. Hǔn, mi bo yí wǎn ɖaxó nú miɖée kpó ayixa mitɔn bǐ kpó.

1 Piyɛ́ɛ 1:7

Nǔ énɛ́ lɛ́ɛ ɖo mi gbo wɛ nú è nǎ tɛ́n lě e nǔɖiɖi mitɔn jínjɔ́n ayǐ gbɔn ɔ́ kpɔ́n. Siká ɔ́, nǔ wɛ é nyí bó ná vɔ, có è ka nɔ tɛ́n ɛ kpɔ́n gbɔn myɔ nu; mɔ̌ ɖokpó ɔ́, nǔɖiɖi mitɔn e xɔ akwɛ́ ɖaxó hú siká ɔ́, è nɔ tɛ́n ɛ kpɔ́n, bó ná dó kpɔ́n lě e é lí dǒ gbɔn é. Bɔ énɛ́ ɔ́, hwenu e Jezu Klísu ná ɖe éɖée xlɛ́ ɔ́, è nǎ sixú mlá mi; è nǎ sixú kpa susu nú mi, bó ná sixú wlí yɛ̌yi nú mi.

1 Jǎan 5:20

Mǐ tunwun ɖɔ Mawu ví ɔ́ wá, bó ná nǔnywɛ́ mǐ, nú mǐ ná dó tunwun Mawu nǔgbó ɔ́, bɔ mǐ ɖo bǔ xá Mawu nǔgbó ɔ́ gbɔn vǐ tɔn Jezu Klísu jí; é wɛ nyí Mawu nǔgbó ɔ́, bó nyí gbɛ mavɔ mavɔ.

Nǔɖexlɛ́mɛ 16:11

Yě nylá nu dó Mawu sɛ́xwé tɔn wú, ɖó wǔvɛ́ e mɔ wɛ yě ɖe ɔ́ kpó agadá yětɔn lɛ́ɛ kpó wú. Yě lɛ́ kɔ sín nǔ nyanya e wa wɛ yě ɖe lɛ́ɛ gúdo ǎ.

Nǔɖexlɛ́mɛ 19:14

Ahwangɔnu jǐxwé tɔn lɛ́ɛ xwedó e; yě ɖo sɔ́ wěwé jí; yě dǒ akwɛ́núvɔ fɛ́ɖɛ́fɛ́ɖɛ́ wěwé mímɛ́ ɖagbe ɖagbe ɖé.

Nǔɖexlɛ́mɛ 19:8

È nǎ acɛ asi tɔn ɖɔ ní dó akwɛ́núvɔ fɛ́ɖɛ́fɛ́ɖɛ́ ɖagbe ɖagbe e nɔ kɔ́n, bó mɛ́ é.” Đó mɛɖeɖóvo Mawu tɔn lɛ́ɛ sín azɔ̌ jlɔ́jlɔ́ lɛ́ɛ wɛ nyí akwɛ́núvɔ fɛ́ɖɛ́fɛ́ɖɛ́ ɖagbe ɖagbe ɔ́.

Nǔɖexlɛ́mɛ 22:11

Mɛ e nyí mɛdídá ɔ́ ní fɔ́n bó ɖo mɛdídá nyí wɛ; mɛ e nyí mɛ blíblí ɔ́ ní fɔ́n bó ɖo mɛ blíblí nyí wɛ; mɛ e nyí mɛ ɖagbe ɔ́ ní fɔ́n bó ɖo mɛ ɖagbe nyí wɛ; mɛ e nyí mɛ mímɛ́ ɔ́ ní fɔ́n bó ɖo mɛ mímɛ́ nyí wɛ.”

Nǔɖexlɛ́mɛ 3:18

Énɛ́ ɔ́ wú wɛ un ɖo nǔ kplɔ́n we wɛ ɖɔ hwi ní xɔ siká e è ko zé dó myɔ mɛ, bɔ nǔblíblí ɖé ma sɔ́ ɖ'é mɛ ǎ ɔ́ ɖo así ce, bó ná dó nyí dɔkunnɔ. Xɔ awu wěwé lɛ́ɛ lɔ ɖo así ce, bó ná dó, dó mɛ̌ towe e ɖo winnyá hu nú we wɛ ɔ́ jí. Mɔ̌ ɖokpó ɔ́, xɔ nukúntínkɛn ɖo así ce, bó ná dó nukún towe lɛ́ɛ jí, bó ná sixú mɔ nukúnnú.

1 Samuwɛ́li 24:13

Mawu Mavɔmavɔ wɛ ná gbo hwɛ énɛ́ ɔ́ nú nyi kpó mɛ kpó; nǔ e mɛ wa xá mì ɔ́, é wɛ ná dɔn tó tɔn nú mɛ. Amɔ̌ nyɛ ɔ́, un ná wa nǔɖé nú mɛ ǎ.