Daniyɛ́li 12:1 - MAWUXÓWÉMA

¹ Wɛnsagun ɔ́ lɛ́ vɔ́ ɖɔ nú mì ɖɔ: “Hwenɛ́nu ɔ́, Micɛ́li gǎn wɛnsagun lɛ́ɛ tɔn e nɔ́ nya xɛ ɖo togun towe jí é ná wá. Akpɔmimɔ sín hwenu ɖé wɛ é ná nyí, bɔ nǔ e ná jɛ akɔta énɛ́ ɔ́ hwenu ɔ́, ɖě ná ko jɛ kpɔ́n sín hwenu e akɔta ɖě lɛ́ɛ ko jɔ é ǎ. Énɛ́ ɔ́ gúdo ɔ́, è nǎ hwlɛ́n to towe mɛ nu e sín nyǐkɔ è wlǎn dó gbɛwéma ɔ́ mɛ lɛ́ɛ gán.

Daniyɛ́li 12:1 Iomraidhean Croise

Ɖɛhan 56:8

Yě ná dó nǔ sin sɔ mɔ̌ bó ná gán ɖ'é mɛ wɛ a? Mawu, zin yě dɛ́ kpó xomɛsin kpó.

Ɖɛhan 69:28

Sɔ́ hwɛ énɛ́ dó hwɛ e yě kó hu ɖ'ayǐ lɛ́ɛ jí, ma sɔ́ kɛ yě gbeɖé ó.

Ezayíi 4:3

Énɛ́ ɔ́, mɛ e kpo ɖo Jeluzalɛ́mu lɛ́ɛ ɔ́, mɛ e kpo ɖo gbɛ ɖo Sinyɔ́ɔ lɛ́ɛ ɔ́, è nǎ nɔ́ ylɔ́ yě ɖɔ: “Mɛɖeɖóvo Mawu tɔn.” Yě mɛ énɛ́ lɛ́ɛ wɛ nyí mɛ e Mawu wlán nyǐkɔ yětɔn, bɔ yě ná nɔ gbɛ ɖo Jeluzalɛ́mu lɛ́ɛ é.

Ezayíi 9:7

Aklúnɔ ɖɔ xó dó Jakɔ́bu ví lɛ́ɛ wú; xó e é ɖɔ ɔ́ jɛ dó axɔ́súɖuto Izlayɛ́li tɔn ɔ́ jí.

Jelemíi 30:10

Mawu Mavɔmavɔ ɖɔ: “Togun ce Izlayɛ́li, ado ma hu we o! Mi togun ce, mi Jakɔ́bu ví lɛ́ɛ, mi ma ɖi xɛsi ó. Đó, un ná hwlɛ́n mi gán sín to ma yá to énɛ́ mɛ, un ná hwlɛ́n vǐ mitɔn lɛ́ɛ gán sín to e mɛ ahwan wlí yě yi é. Jakɔ́bu ví lɛ́ɛ ná lɛ́ kɔ wá, bó ná gbɔjɛ́, bó ná vo; mɛ ɖěbǔ ná dó tagba nú yě ǎ.

Jelemíi 30:7

Awě tɛ́ ɖíe! Azǎn baɖabaɖa ɖé wɛ, ayǐ mɔ̌hun ko hɔ́n kpɔ́n ǎ. Aluwɛ zán wɛ é nyí nú Jakɔ́bu ví lɛ́ɛ! Amɔ̌, yě ná tɔ́n sín mɛ, wǔyɛ́yɛ́ afɔyɛ́yɛ́.”

Ezekiyɛ́li 13:9

“Un ná wa nǔ xá gbeyíɖɔ e nɔ́ ɖo nǔ kpa ɖɔ wɛ, bó nɔ́ ɖɔ nǔ wɛ émí mɔ lɛ́ɛ. Yě ná nɔ togun ce mɛ ǎ. È nǎ wlán nyǐkɔ yětɔn dó Izlayɛ́li ví lɛ́ɛ mɛ ǎ; yě ná lɛ́ kɔ wá Izlayɛ́li yíkúngban ɔ́ jí ǎ. Énɛ́ ɔ́, yě ná tunwun ɖɔ nyɛ wɛ nyí Aklúnɔ Mavɔmavɔ.

Ezekiyɛ́li 34:24

Nyɛ Mawu Mavɔmavɔ ɔ́, un ná nyí Mawu yětɔn, bɔ mɛsɛntɔ́ ce Davídi ka ná nyí axɔ́sú nú yě. Xó e nyɛ Mawu Mavɔmavɔ ɖɔ ɔ́ nɛ́.

Ezekiyɛ́li 5:9

Nǔ baɖabaɖa e mi dó sin lɛ́ɛ ná zɔ́n bɔ un ná dɔn tó e un ma dɔn nú mɛɖé gbeɖé kpɔ́n ǎ é nú mi; un ka sɔ́ ná dɔn tó mɔ̌hun nú mɛɖé gbeɖé ǎ.

Daniyɛ́li 10:13

Lo ɔ́, Pɛ́sigán ɔ́ fɔ́n gǔ dó jǐ ce káká nú azǎn ko-nukún-ɖokpó hwɛ̌ có Micɛ́li wɛnsagun Mawu tɔn ɖaxó lɛ́ɛ ɖokpó wá, bó wá dó alɔ mì, bɔ un nɔ axɔ́sú Pɛ́si tɔn lɛ́ɛ gɔ́n.

Daniyɛ́li 10:21

Lo ɔ́, un jló ná xlɛ́ nǔ e è wlǎn dó nǔgbówéma ɔ́ mɛ é we. Mɛ ɖé ka ná dó alɔ mì ɖo ahwan e fun gbé un ja ɔ́ mɛ zɛ gǎn mitɔn Micɛ́li wú ǎ.’ ”

Daniyɛ́li 11:45

Xu ɔ́ kpó só mímɛ́ e ɖo to e nyɔ́ ɖɛkpɛ hú to lɛ́ɛ bǐ é kpó sín tɛ́ntin wɛ é ná bló axɔ́sú sín goxɔ tɔn lɛ́ɛ nyi. Fínɛ́ wɛ kú ná wá fyán ɛ ɖe, bɔ mɛ ɖěbǔ ná wá dó alɔ ɛ ǎ.”

Daniyɛ́li 7:10

Myɔtɔ nɔ tɔ́n bó nɔ ɖo sisa wɛ ɖo nukɔn tɔn. Gbɛtɔ́ wɔ̌blíba ɖo te nukɔn tɔn bó ná sɛn ɛ. Hwɛɖɔtɔ́ lɛ́ɛ wá jínjɔ́n ayǐ, bɔ è hun wěma ɖé lɛ́ɛ nyi wɛn.

Daniyɛ́li 9:12

A ɖe gbe bɔ nǔ e a ɖɔ dó mǐ ɖésúnɔ kpó gǎn e ɖo acɛ kpa nú mǐ wɛ lɛ́ɛ kpó wú ɔ́ jɛ; a ɖe gbe bɔ nyladó e ma jɛ ɖo fí ɖé kpɔ́n gbeɖé ǎ ɔ́ jɛ dó mǐ jí ɖo Jeluzalɛ́mu.

Jowɛ́li 2:2

Zǐnflú gɔngɔn sín azǎn ɖé wɛ. Akpɔ́kpɔ́ dó, ahǔn sú. Nǔvínúvíhwan ɖé ɖíe, bó sukpɔ́, lobo dó xɛsi ɖésú. Yě dó ahwan gbě bó ja, bɔ a nǎ ɖɔ zǎn wɛ kú sín só jí ja. È ko mɔ mɔ̌hunkɔtɔn kpɔ́n gbeɖé ǎ; è ka sɔ́ ɖo nǎ mɔ wɛ ɖo sɔ e ja é ǎ.

Malacíi 3:16

Énɛ́ ɔ́, mɛ e nɔ hwíhwɛ́ yěɖée dó Mawu Mavɔmavɔ glɔ́ lɛ́ɛ ɖɔ xó nú yěɖée. Mawu Mavɔmavɔ ɖótó yě, é se nǔ e yě ɖɔ ɔ́. È wlǎn mɛ e tunwun Mawu Mavɔmavɔ, bó nɔ́ sí i lɛ́ɛ sín nyǐkɔ dó wěma mɛ ɖo nukɔn tɔn.

Matíe 24:21

ɖó adǎn e na wá gbo gbɛtɔ́ lɛ́ɛ hwenɛ́nu ɔ́ na syɛ́n dín, bɔ mɔ̌hunkɔtɔn ko jɛ kpɔ́n gbeɖé sín hwenu e Mawu ko ɖó gbɛ ɔ́ káká wá jɛ din é ǎ; nǔ mɔ̌hunkɔ ɖě ká sɔ́ ná jɛ gbeɖé kpɔ́n ǎ.

Maki 13:19

Đó azǎn énɛ́ lɛ́ɛ mɛ ɔ́, adǎn e ná gbo gbɛtɔ́ lɛ́ɛ ɔ́ ná syɛ́n káká, bɔ è ko mɔ mɔ̌hunkɔtɔn kpɔ́n gbeɖé sín hwenu e Mawu ko ɖó gbɛ ɔ́ dó ɔ́ káká jɛ din é ǎ; è ka sɔ́ lɛ́ ɖo mɔ̌hunkɔtɔn ɖě ná mɔ wɛ gbeɖé ǎ.

Luki 10:20

É ɖo mɔ̌ có, yɛ nyanya lɛ́ɛ e jó ta nú mi é wú wɛ xomɛ ná hun mi ǎ; lo ɔ́, xomɛ ní hun mi ɖó nyǐkɔ mitɔn e è wlǎn ɖó sɛ́xwé é wú.”

Hlɔ̌manu 11:15

Nǔgbó ɔ́, ée Mawu gbɛ́ mɛ e ɖo akɔta ce mɛ lɛ́ɛ ɔ́, é dó hwɛ gbɔ xá akɔta ɖě lɛ́ɛ e kpo ɖo gbɛ ɔ́ mɛ é. Hwenu e Mawu ka ná wá yí yě ɔ́, nɛ̌ é ná nyí gbɔn lo? Gbɛ wɛ é ná nyí nú mɛ e ko kú lɛ́ɛ.

Hlɔ̌manu 11:26

Mɔ̌ wɛ Mawu ná hwlɛ́n Izlayɛ́li ví lɛ́ɛ bǐ gán gbɔn; lě e Mawuxówéma ɔ́ ɖɔ gbɔn ɔ́; Mawuxówéma ɔ́ ɖɔ: “Mɛhwlɛ́ngántɔ́ ɔ́ ná gosín Sinyɔ́ɔ wá; é ná ɖe sísí ma ɖó nú Mawu Jakɔ́bu ví lɛ́ɛ tɔn síin.

Efɛ́zinu 1:21

Đo fínɛ́ ɔ́, Klísu hú gǎn gǎn lɛ́ɛ bǐ; é hú gǎn hlɔ̌nhlɔ́n lɛ́ɛ bǐ; é hú gǎn acɛkpikpa lɛ́ɛ bǐ; é hú gǎn gǎnhúnǔtɔ́ lɛ́ɛ bǐ, bɔ nǔ e mɛ ɖěbǔ ko sixú nyí ɔ́, é hú gǎn bǐ; é nyí gbɛ élɔ́ mɛ kɛ́ɖɛ́ wɛ é hú gǎn nǔ bǐ ɖe ǎ; lo ɔ́, é lɛ́ hú gǎn nǔ bǐ ɖo gbɛ e jǎwe ɔ́ mɛ.

Filípunu 4:3

Hwi mɛ e nyí azɔ̌gbɛ́ ce gbejínɔtɔ́ ɔ́, un ɖo byɔ̌byɔ́ hwi lɔmɔ̌ wɛ ɖɔ hwi ní dó alɔ nyɔ̌nu énɛ́ lɛ́ɛ; nǔgbó ɔ́, nyɛ kpódó yě kpó fun ahwan ɖó kpɔ́, bónú Wɛn Ɖagbe ɔ́ ná gba kpé: mǐ kpó Klemáa kpó, kpódó azɔ̌gbɛ́ ce lɛ́ɛ bǐ kpán wɛ fun ahwan énɛ́ ɔ́; mɛ énɛ́ lɛ́ɛ bǐ sín nyǐkɔ wɛ Mawu wlán dó gbɛwéma ɔ́ mɛ .

Judi 1:9

Lo ɔ́, hwenu e wɛnsagun ɖaxó Micɛ́li ɖo nǔ dɔn xá awǒvi wɛ, bó ɖo Mɔyízi cyɔ hwlɛ́n xá ɛ wɛ ɔ́, é glá sɔ́ zun dó ɖó hwɛ n'i ǎ; lo ɔ́, é ɖɔ n'i kpowun ɖɔ: “Aklúnɔ ní dɔn tó nú we.”

Nǔɖexlɛ́mɛ 12:7

Bɔ ahwan tɔ́n ɖo jǐxwé: wɛnsagun ɖaxó Micɛ́li kpódó wɛnsagun e ɖo glɔ́ tɔn lɛ́ɛ kpó fun ahwan xá Dlagɔ́ɔn ɔ́, bɔ Dlagɔ́ɔn ɔ́ kpódó wɛnsagun tɔn lɛ́ɛ kpó fun ahwan xá yě.

Nǔɖexlɛ́mɛ 13:8

Mɛ e ɖo ayǐkúngban jí lɛ́ɛ bǐ ná nɔ sɛn ɛ: yě mɛ e sín nyǐkɔ è ma wlán dó Lɛ̌ngbɔ́ví e è hu ɔ́ sín wěma mɛ ǎ lɛ́ɛ ná sɛn ɛ. Wěma énɛ́ ɔ́, mɛ e ɖo gbɛ lɛ́ɛ tɔn wɛ, bɔ è ko wlán nyǐkɔ yětɔn lɛ́ɛ d'é mɛ sín bǐbɛ́mɛ gbɛ ɔ́ tɔn.

Nǔɖexlɛ́mɛ 17:14

Yě ná fun ahwan xá Lɛ̌ngbɔ́ví ɔ́. Lɛ̌ngbɔ́ví ɔ́ ka ná ɖu ɖo yě jǐ; ɖó é wɛ nyí Aklúnɔ aklúnɔ lɛ́ɛ tɔn; Axɔ́sú axɔ́sú lɛ́ɛ tɔn; é ná ɖu ɖo yě jǐ, é kpó mɛ e ɖo kpɔ́ xá ɛ lɛ́ɛ kpó; mɛ e è ylɔ̌ bó cyán bɔ yě nɔ gbejí n'i lɛ́ɛ.”

Nǔɖexlɛ́mɛ 20:12

Un mɔ mɛkúkú lɛ́ɛ, mɛxó kpó yɔkpɔ́vú kpó ɖo te ɖo axɔ́súzinkpo ɔ́ nukɔn, bó lɛ́ hun wěma ɖé lɛ́ɛ. È lɛ̌ hun wěma ɖěvo; wěma e mɛ è wlǎn mɛ e ɖo gbɛ lɛ́ɛ sín nyǐkɔ dó ɔ́ wɛ. Mɛkúkú lɛ́ɛ ɔ́, è ɖɔ hwɛ xá yě bɔ é sɔgbe xá nǔ e yě wa bɔ è wlǎn dó wěma lɛ́ɛ mɛ é.

Nǔɖexlɛ́mɛ 20:15

Mɛ ɖěbǔ e sín nyǐkɔ è ma ko wlán dó gbɛwéma ɔ́ mɛ ɖ'ayǐ ǎ ɔ́, è sɔ́ ɛ nyi myɔ togotogo ɔ́ mɛ.

Nǔɖexlɛ́mɛ 3:5

“Mɔ̌ wɛ mɛ e ná ɖu ɖ'é jí ɔ́ ná dó awu wěwé gbɔn; un ná súnsún nyǐkɔ tɔn sín gbɛwéma ɔ́ mɛ ǎ . Un ná ɖɔ ɖo Tɔ́ ce kpó wɛnsagun tɔn lɛ́ɛ kpó nukɔn ɖɔ ce wɛ é nyí.

Nǔɖexlɛ́mɛ 7:14

Un yí gbe n'i ɖɔ: “Aklúnɔ ce, un ma tunwun nɛ́, hwi wɛ tunwun.” Bɔ é ɖɔ nú mì ɖɔ: “Mɛ e è dǒ ya ɖaxó ɔ́ ná lɛ́ɛ é wɛ. Yě nya awu gaga yětɔn lɛ́ɛ, bó bɛ́ dó Lɛ̌ngbɔ́ví ɔ́ sín hun mɛ, bɔ awu lɛ́ɛ wé.