Daniyɛ́li 11:8 - MAWUXÓWÉMA

⁸ É ɖu ɖo jǐ tɔn fó ɔ́, é ná bɛ́ vodún yětɔn lɛ́ɛ sín bǒcyɔ, bó ná bɛ́ nǔ e yě zě kpatágan kpó siká kpó dó bló ná, bó ylɔ́ Mawu nyǐkɔ d'é jí, bó nɔ zán lɛ́ɛ. É ná bɛ́ nǔ énɛ́ lɛ́ɛ bǐ yi Ejípu. Yě ná gɔn ahwan fun nú xwe we jɛjí.

Daniyɛ́li 11:8 Iomraidhean Croise

Bǐbɛ́mɛ 31:30

Din e a xweyǐgbe bǐ ɖó tɔ́ towe xwé ɖo jlǒjló we wɛ dín ɔ́, aniwú a ka fin bǒcyɔ ce lɛ́ɛ?”

2 Samuwɛ́li 5:21

Filisitɛ́ɛn lɛ́ɛ jó vodún yětɔn lɛ́ɛ dó nyi fínɛ́, bɔ Davídi kpó sɔ́ja tɔn lɛ́ɛ kpó bɛ́ wá yi xwé.

Tíntɔ́n 12:12

“Zǎn énɛ́ ɔ́ mɛ ɔ́, un ná gbɔn Ejípu to ɔ́ mɛ, bó ná hu nukɔngbéví súnnu e ɖo to ɔ́ mɛ lɛ́ɛ bǐ, un ná hu gbɛtɔ́ kpó kanlin kpó sín nukɔngbéví bǐ. Un ná ɖó hwɛ nú vodún e ɖo Ejípu lɛ́ɛ bǐ. Nyɛ wɛ nyí Mawu Mavɔmavɔ.

Ezayíi 2:16

É ná ɖó hwɛ nú tɔjíhún ɖaxó ɖaxó lɛ́ɛ bǐ, bó ná ɖó hwɛ nú tɔjíhún ɖɛkpɛ ɖɛkpɛ lɛ́ɛ bǐ.

Ezayíi 37:19

bó bɛ́ nǔmɛsɛn yětɔn lɛ́ɛ dó myɔ mɛ nǔgbó. Amɔ̌, nǔmɛsɛn yětɔn énɛ́ lɛ́ɛ cí hwi ɖɔhun ǎ. Nǔdówá gbɛtɔ́ lɛ́ɛ tɔn wɛ, atín kpó awǐnnya kpó wɛ, bɔ yě vívá kún ná.

Jelemíi 46:25

Mawu Mavɔmavɔ Nǔbǐwúkpétɔ́, Mawu Izlayɛ́li tɔn ɖɔ: “Un ná wa nǔ xá Amɔ́ni vodún Tɛ́bu ɔ́, un ná wa nǔ xá Ejípu to ɔ́, bó wa nǔ xá vodún tɔn lɛ́ɛ kpódó axɔ́sú tɔn lɛ́ɛ kpó. Un ná wa nǔ xá Ejípu xɔ́sú ɔ́ kpódó mɛ e nɔ gán jɛ wǔ tɔn lɛ́ɛ kpó.

Daniyɛ́li 10:3

Un nɔ ɖu nǔɖuɖu jɔ nǔɖuɖu ɖěbǔ ǎ. Un nɔ ɖu lan ǎ, un nɔ nu vɛ̌ɛn ǎ, un lɛ́ gɔn ɖa vún káká bɔ aklúnɔzángbla atɔn lɛ́ɛ wá yi.

Daniyɛ́li 11:9

Énɛ́ ɔ́ gúdo ɔ́, axɔ́sú Totaligbé tɔn ɔ́ ná yi tɔ́n ahwan axɔ́súɖuto Tofɔligbé tɔn ɔ́, bó ná lɛ́ lɛ́ kɔ wá yi to tɔn mɛ.

Ozée 13:15

Nǔ na bó ɖo nyǐnyɔ́ nú Eflayímunu lɛ́ɛ wɛ ɖo nɔví yětɔn lɛ́ɛ tɛ́ntin ɔ́, jɔhɔn e nɔ xú nǔ bǐ ɔ́ ná wá, jɔhɔn nyɛ Mawu Mavɔmavɔ tɔn ɔ́ ná fɔ́n sín gbětótló mɛ wá, bó ná xú tɔjɔtɛn yětɔn lɛ́ɛ, dotɔ yětɔn lɛ́ɛ. È nǎ bɛ̌ dɔkun lɛ́ɛ yi, è nǎ hɛn akwɛ́nú lɛ́ɛ bǐ gblé.”

Ozée 8:6

Izlayɛ́li wɛ nyibúví ɔ́ ká gosín hǔn, alɔnuzɔ́watɔ́ ɖé wɛ tun. Nyibúví ɔ́ nyí Mawu ǎ. Nǔ énɛ́ ɔ́ wú wɛ è nǎ gba nyibúví ɔ́ hánnyá.

Kɛ́nsísɔ́ 33:4

Énɛ́ ɔ́, Ejípunu lɛ́ɛ ɖo nukɔngbéví yětɔn e wú Mawu Mavɔmavɔ sín alɔ jɛ ɖo tɛ́ntin yětɔn, bɔ yě bǐ kú lɛ́ɛ sín cyɔ ɖi wɛ. Mawu Mavɔmavɔ ɖo hwɛ ɖó nú Ejípunu lɛ́ɛ sín vodún lɛ́ɛ lɔmɔ̌ wɛ.

Sɛ́nflínmɛ 12:3

Mi ná flí vɔ̌sákpe yětɔn lɛ́ɛ bǐ xwe, bó ná gba awǐnnya e yě tun te bó nɔ sɛn lɛ́ɛ bǐ, bó ná dó kpo e yě tun te bó nɔ́ sɛn lɛ́ɛ bǐ zo, bó ná gba bǒcyɔ yětɔn lɛ́ɛ bǐ. Mi ná sú nǔmɛsɛn yětɔn lɛ́ɛ sín kún dó, bɔ mɛ ɖé sɔ́ ná flín yě ǎ.

Hwɛɖɔtɔ́ 18:24

É ka yí gbe nú yě ɖɔ: “Mi bɛ́ vodún ce e un bló lɛ́ɛ, bó kplá sinsɛngán ce. É sɔ́ kpo nǔ ɖěbǔ nú mì ǎ, bɔ mi lɛ́ glá bó kanbyɔ́ mì ɖɔ étɛ́ wɛ ɖo wiwa mì wɛ a jí?”