Daniyɛ́li 11:45 - MAWUXÓWÉMA

⁴⁵ Xu ɔ́ kpó só mímɛ́ e ɖo to e nyɔ́ ɖɛkpɛ hú to lɛ́ɛ bǐ é kpó sín tɛ́ntin wɛ é ná bló axɔ́sú sín goxɔ tɔn lɛ́ɛ nyi. Fínɛ́ wɛ kú ná wá fyán ɛ ɖe, bɔ mɛ ɖěbǔ ná wá dó alɔ ɛ ǎ.”

Daniyɛ́li 11:45 Iomraidhean Croise

Ɖɛhan 48:2

Mawu Mavɔmavɔ d'agba; è nɔ ji han mlá ɛ mɔ̌hunkɔtɔn, ɖo só mímɛ́ tɔn jí, ɖo toxo tɔn mɛ.

Ezayíi 10:12

Hwenu e Aklúnɔ ná fó azɔ̌ tɔn bǐ ɖo Sinyɔ́ɔ só ɔ́ jí, bó fó ɖo Jeluzalɛ́mu ɔ́, é ná sí te dó axɔ́sú Asilíi tɔn jí; axɔ́sú énɛ́ ɔ́ nɔ́ yí go, bɔ mɛ ma sí ɖo nukún tɔn ta.

Ezayíi 11:9

È nǎ wa nǔ nyanya ɖěbǔ ǎ, è nǎ hɛn nǔ ɖěbǔ gblé ɖo só mímɛ́ tɔn jí ǎ, ɖó Mawu Mavɔmavɔ tunwuntunwun ná gɔ́ to ɔ́, lě e sin gɔ́ xuzan jí é ɖɔhun.

Ezayíi 14:13

A nɔ ɖɔ dó ayi mɛ ɖɔ: “Un ná hun káká yi jǐnukúnsin; un ná sɔ́ axɔ́súzinkpo ce dó jǐ, bɔ é ná nɔ aga nú sunví Mawu tɔn lɛ́ɛ. Un ná kpa acɛ dó só e ta vodún lɛ́ɛ nɔ́ yi kplé ɖe é ɖo totaligbé aga dɔ̌n.

Ezayíi 2:2

Gbe ɖokpó ná wá su, bɔ só e jí Mawu Mavɔmavɔ xwé ɔ́ ɖe ɔ́ ná hú ga só kpɛví kpɛví lɛ́ɛ, é ná yi jǐ hú só ɖě lɛ́ɛ bǐ. Énɛ́ ɔ́, akɔta lɛ́ɛ bǐ ná nyi ahwan wá gɔ̌n tɔn.

Ezayíi 27:13

Gbe énɛ́ gbe ɔ́, lanzo ɖaxó ɔ́ ná jɛ gbe, bɔ mi mɛ e ahwan kplá yi Asilíi lɛ́ɛ, abǐ mi mɛ e è gba dó bɔ mi yi ɖo Ejípu lɛ́ɛ bǐ ná lɛ́ kɔ wá, bó ná jɛ kpo ɖo Mawu Mavɔmavɔ nukɔn, ɖo Jeluzalɛ́mu, ɖo só mímɛ́ ɔ́ jí.

Ezayíi 65:25

Hla kpó lɛ̌ngbɔ́ví kpó ná ɖu ama ɖó kpɔ́; kinnikínní ná ɖu ama nyibú ɖɔhun; dan ná nɔ́ ɖu kɔ́. Mɛ ɖé sɔ́ ná wa nyanya nú mɛ ɖé ǎ, mɛɖé ká sɔ́ ná hɛn nǔ gblé ɖo só mímɛ́ ce ɔ́ jí ǎ. Xó e nyɛ Mawu Mavɔmavɔ ɖɔ ɔ́ nɛ́.”

Ezayíi 66:20

Énɛ́ ɔ́, mɛ énɛ́ lɛ́ɛ ná kplá nɔví mitɔn e ɖo yě gɔ́n lɛ́ɛ bǐ wá nú mì nǔníná ɖɔhun; è nǎ bɛ́ yě ɖó sɔ́ jí; è nǎ bɛ́ yě dó ahwankɛkɛ́ví mɛ; è nǎ bɛ́ yě ɖó kɛkɛ́ví e è cyɔ́n nǔ ta ná é mɛ; è nǎ bɛ́ yě ɖó tócí abǐ lǎkúnmí jí, bó ná kplá yě káká wá só mímɛ́ ɔ́ kɔn, ɖo Jeluzalɛ́mu. É ná nyí nǔníná bɔ yě ná hɛn wá nú mì, bɔ un ná yí, nǔníná e Izlayɛ́li ví lɛ́ɛ nɔ hɛn dó agbǎn mímɛ́ mɛ wá nú mì é ɖɔhun.

Ezekiyɛ́li 39:2

Un ná ɖe we tɔ́n sín to towe mɛ, totaligbé aga dɔ̌n; un ná ɖe we tɔ́n gǎnnugǎnnu, bɔ a nǎ yi fun ahwan ɖo Izlayɛ́li só lɛ́ɛ jí.

Daniyɛ́li 11:16

Mɛ e gba to ɔ́ é ɔ́, lě e é jló e gbɔn ɔ́ wɛ é ná wa nǔ gbɔn, ɖó mɛ ɖěbǔ sixú nɔ te nukɔn tɔn ǎ. Nú é ɖo nǔ hɛn gblé wɛ bó ɖo yiyi wɛ ɔ́, to e nyɔ́ ɖɛkpɛ hú to lɛ́ɛ bǐ é mɛ wɛ é ná wa xwé ɖó.

Daniyɛ́li 11:41

É ná byɔ́ to e nyɔ́ ɖɛkpɛ hú to lɛ́ɛ bǐ é mɛ, bó ná hu mɛ gěgé. Amɔ̌, Edɔ́munu lɛ́ɛ, Mɔwabunu lɛ́ɛ, kpó gǎn ɖaxó Amumɔ́ɔ ví lɛ́ɛ tɔn lɛ́ɛ kpó ná gló e.

Daniyɛ́li 11:44

Amɔ̌, xó e è se sín zǎnzǎnhwe jí kpó totaligbé kpó lɛ́ɛ gba ayi dó n'i, bɔ é sin xomɛ bó dó ahwan gbě, bó ná sú mɛ gěgé sín kún dó.

Daniyɛ́li 2:35

Đo nukúnxwixwe ɖokpó mɛ ɔ́, gan e ɖ'é mɛ é, ko e ɖ'é mɛ é, ganvɔ e ɖ'é mɛ é, kpatágan e ɖ'é mɛ é, kpó siká e ɖ'é mɛ é kpó bǐ gúdú, bó húzú afúntúntún, bɔ jɔhɔn d'alɔ mɛ bó dɔn yi lě e è ɖo jinukún fún wɛ ɔ́, jɔhɔn nɔ d'alɔ wɔn tɔn mɛ é ɖɔhun. Bǒcyɔ ɔ́, è sɔ́ mɔ wǔjɔnú tɔn ɖěbǔ ǎ. Awǐnnya e ká wá xo bǒcyɔ ɔ́ húzú só ɖaxó bó cyɔ́n ayǐkúngban ɔ́ bǐ.

Daniyɛ́li 7:26

Énɛ́ ɔ́ gúdo ɔ́, hwɛɖiɖɔ sɛ́xwé tɔn ɔ́ ná wá, bó ná yí acɛkpikpa tɔn, bó ná sú kún tɔn dó, bɔ é sɔ́ ná tíin nyǐ gbeɖé ǎ.

Daniyɛ́li 8:25

É ná zé bǐbí tɔn dó táfú mɛ ɖé lɛ́ɛ, bó ná zé goyíyí tɔn dó sú mɛ e vɛdó ɖɔ émí ko mɔ agbɔ̌n lɛ́ɛ sín kún dó, bó ná lɛ́ sí te dó axɔ́sú axɔ́sú lɛ́ɛ tɔn ɔ́ jí. Hwenɛ́nu ɔ́, mɛ ɖěbǔ ná ɖó alɔ wǔ tɔn ǎ, bɔ é ná nɔ mɔ̌ bó gba hánnyá.

Daniyɛ́li 9:16

Aklúnɔ, lɛ̌ jɛ ɖagbe towe lɛ́ɛ wa nú mǐ jí. Ma sɔ́ xomɛsin ɖaxó énɛ́ dó kpɔ́n Jeluzalɛ́mu, toxo towe, só mímɛ́ towe ná ó. Agɔ e mǐ jɛ lɛ́ɛ kpó hwɛ e tɔgbó mǐtɔn lɛ́ɛ hu lɛ́ɛ kpó zɔ́n bɔ akɔta e lɛ́ dó mǐ lɛ́ɛ ɖo zun ɖe ɖo Jeluzalɛ́mu kpó togun towe kpó wú wɛ.

Daniyɛ́li 9:20

“Un kpo ɖo ɖɛ xo wɛ, bó kpo ɖo hwɛ ce lɛ́ɛ kpódó ée togun ce Izlayɛ́li hu ɔ́ kpó ɖɔ nú Mawu Mavɔmavɔ, Mawu ce wɛ. Un sa vo n'i dó só mímɛ́ tɔn tamɛ.

Jowɛ́li 2:20

Un ná nya kɛntɔ́ mitɔn e gosín totaligbé lɛ́ɛ dó zɔ nú mi. Un ná nya yě sɛ́ dó ayǐkúngban e ko sá bɔ mɛ ɖé má sɔ́ ɖ'é jí ǎ é jí. Un ná nya mɛ e ɖo nukɔn nú kɛntɔ́ mitɔn lɛ́ɛ dó Xu Kúkú ɔ́ mɛ, bó ná nya mɛ e ɖo gǔdo nú yě lɛ́ɛ dó Mɛditɛlanɛ́ɛ xu ɔ́ mɛ. Cyɔ yětɔn lɛ́ɛ ná dó cyɔ, bɔ wǎn ná vun blá fí bǐ; lě e mɛ e dó nǔ sin xá mi sɔ mɔ̌ lɛ́ɛ ná vɔ gbɔn é nɛ́.

Micée 4:2

Akɔta lɛ́ɛ ná nyi ahwan yi dɔ̌n, bó ná nɔ ɖɔ: “Mi wá nú mǐ ní yi xá Mawu Mavɔmavɔ só ɔ́ jí. Mi wá mǐ yi Mawu Jakɔ́bu tɔn sín xwé gbe, bónú é ná kplɔ́n nǔ e é jló ɖɔ mǐ ní wa lɛ́ɛ mǐ, bɔ mǐ na gbɔn ali tɔn lɛ́ɛ jí.” Đó Sinyɔ́ɔ wɛ Mawu Mavɔmavɔ sín nǔkplɔ́nmɛ nɔ gosín; Jeluzalɛ́mu wɛ xó tɔn nɔ gosín wá nú mǐ.

Zakalíi 14:8

Hwenɛ́nu ɔ́, tɔjɔtɛn ɖé ná tɔ́n ɖo Jeluzalɛ́mu. Sin e ná nɔ́ tɔ́n sín tɔjɔtɛn énɛ́ ɔ́ mɛ ɔ́ akpá ɖokpó ná nɔ́ sa yi Xu Kúkú mɛ, bɔ akpá ɖokpó ná nɔ sa yi Mɛditɛlanɛ́ɛ xu mɛ. Sin ɔ́ ná nɔ sa mɔ̌ alǔun mɛ kpó jǐ hwenu kpó.

Kɛ́nsísɔ́ 34:5

Bɛ́ sín Asemɔ́ni ɔ́, é ná xá káká yi tɔsisa Ejípu tɔn ɔ́ kɔn, bó ná yi fó dó Mɛditɛlanɛ́ɛ xu ɔ́ tó.

2 Tɛsalonikinu 2:4

É ná lɔn bónú gbɛtɔ́ lɛ́ɛ sɔ́ ná sɛn nǔ e yě nɔ sɛn lɛ́ɛ ɖě ǎ; yě ká sɔ́ ná sɛn nǔ e yě nɔ dó ɖó Mawu ná ɔ́ ɖě ǎ. É ná sɔ́ éɖée ɖó aga, nú nǔ énɛ́ lɛ́ɛ bǐ, bó ná hun káká yi byɔ́ sinsɛnxɔ Mawu tɔn mɛ, bó na jínjɔ́n ayǐ, lobo ná jlá ɖɔ émí nyí Mawu.

2 Tɛsalonikinu 2:8

Hwenɛ́nu ɔ́, Mɛdídá ɔ́ ná tɔ́n, bɔ Aklúnɔ Jezu ná zé funfún e nɔ́ tɔ́n sín nu tɔn mɛ ɔ́ dó hu i, lobo ná sɔ́ wǐwá tɔn sín kínkɔ́n dó vívá kún tɔn.

Nǔɖexlɛ́mɛ 13:10

Mɛ e ɖo te nú gankpá mɛ ɔ́ ɖó ná yi gankpá mɛ; mɛ e ɖo te nú hwǐ kú ɔ́ ɖó ná kú hwǐ kú; nǔ énɛ́ ɔ́ byɔ́ ɖɔ mɛɖeɖóvo Mawu tɔn lɛ́ɛ ní dɛ, bó ɖó nǔɖiɖi.”

Nǔɖexlɛ́mɛ 20:2

É wlí Dlagɔ́ɔn ɔ́; dan xóxó e nyí awǒvi abǐ Satáan é; é zé wlɔ ɔ́ dó blá ɛ ná nú xwe afatɔ́n (1.000).

Nǔɖexlɛ́mɛ 20:9

Yě ɖíe gba kpé ayǐkúngban ɔ́ bǐ jí jǎwe e; yě xá mɛɖeɖóvo Mawu tɔn lɛ́ɛ sín ahwankpá ɔ́ bó xá toxo e Mawu yí wǎn ná é. Lo ɔ́ myɔ jɛ te sín jǐnukúnsin bó fyɔ́ yě.