Daniyɛ́li 11:4 - MAWUXÓWÉMA

⁴ Hwenu e è nǎ ɖe e síin ɔ́, axɔ́súɖuto tɔn ná gba hánnyá, bó ná fúnfún gbɔn wɛ̌kɛ́zo ɛnɛ lɛ́ɛ bǐ mɛ. Vǐ tɔn ɖě ná jɛ tɛn tɔn mɛ ǎ. Mɛ ɖěvo ɖěvo lɛ́ɛ wɛ ná kpa acɛ dó axɔ́súɖuto ɔ́ nu, amɔ̌, acɛkpikpa yětɔn ná sɔ éyɛ́ tɔn ǎ.

Daniyɛ́li 11:4 Iomraidhean Croise

Ɖɛhan 39:6

Éɖíe, gbɛzán e a nǎ mì ɔ́, ga tɔn ɔ́, alɔbá ɖokpó wɛ; azǎn nabí e un ná nɔ gbɛ xɔ ɔ́ nyí nǔɖé ɖo nukɔn towe ǎ; nǔgbó wɛ, gbɛtɔ́ e ɖo te ɔ́ bǐ ɔ́, jɔhɔn kpowun wɛ. Agbɔ̌n

Nǔnywɛ́tɔ́xó 4:8

Nya ɖé tíin, bɔ é ɖokpó wɛ ɖo ayǐ, mɛɖé ɖo kpɔ́ xá ɛ ǎ. Nya ɔ́ ɖó vǐ ǎ, é ɖó nɔví ǎ, é ká fɔ́n ɔ́, azɔ̌ wa wɛ jɛ́n é nɔ́ ɖe; dɔkun kplé dó dɔkun jí wɛ jɛ́n é nɔ́ ɖe. É nɔ́ wá kanbyɔ́ éɖée ɖɔ: “Mɛ̌ kplé dɔkun ɔ́ ɖ'ayǐ ná wɛ un ka ɖe bó gbɛ́ gbɛ ce ɖu?” Un mɔ ɖɔ nǔ énɛ́ lɔ ɔ́, nǔ yǎyá wɛ; gbɛ mɛtɔn zán nyi do wɛ.

Jelemíi 12:15

Un ɖe togun énɛ́ lɛ́ɛ tɔ́n sín to yětɔn mɛ gúdo ɔ́, un ná lɛ́ wá kú nǔ blá wǔ nú yě, bó ná kplá mɛ ɖokpó ɖokpó wá ayǐkúngban tɔn jí, ɖo to tɔn mɛ.

Jelemíi 12:17

Nǔ ɖo mɔ̌ có, nú togun énɛ́ lɛ́ɛ ɖě gbɛ́ tó ɖó mì ɔ́, un ná ɖe e sín to tɔn mɛ bǐ, bó ná jó e nú kú.” Xó e Mawu Mavɔmavɔ ɖɔ ɔ́ nɛ́.

Jelemíi 18:7

É nɔ́ wá su hwe ɖe nú, bɔ un nɔ ɖɔ xó dó akɔta ɖé abǐ axɔ́súɖuto ɖé wú ɖɔ: un ná hɔn ɛ atín ɖɔhun, un ná mu i zin dɛ́ atín ɖɔhun, un ná hɛn ɛ gblé.

Jelemíi 31:40

Énɛ́ ɔ́, mɛkúkú lɛ́ɛ sín tɔdo e mɛ afín gɔ́ ɔ́, kpódó ayǐkúngban vɔ̌tɔ́ e zɔn mɔ̌ káká yi Sedlɔ́n tɔ ɔ́ kɔn, bó zɔn mɔ̌ káká yi sɔ́ lɛ́ɛ sín hɔntogbó sín zwe mɛ ɖo zǎnzǎnhwe jí ɔ́, è nǎ sɔ́ ayǐkúngban énɛ́ lɛ́ɛ bǐ ɖó vo nú mì. Mɛ ɖé sɔ́ ná yí ayǐkúngban énɛ́ lɛ́ɛ ɖě ǎ, mɛɖé ká sɔ́ ná gba nǔ ɖo ayǐkúngban énɛ́ lɛ́ɛ jí ǎ.”

Jelemíi 45:4

Mawu Mavɔmavɔ ko ɖɔ nyi ní ɖɔ nú we ɖɔ: ‘Un ɖo xɔ e un gbá ɔ́ gba wɛ, un ɖo atín e un tun ɔ́ hɔn wɛ. Un ná ɖo mɔ̌ bló wɛ gbɔn to ɔ́ bǐ mɛ,

Jelemíi 49:36

Un ná sɛ́ jɔhɔn ɛnɛ dó sín wɛ̌kɛ́zo ɛnɛ lɛ́ɛ mɛ, bɔ jɔhɔn ɔ́ ná nyi dó Elámu to ɔ́ jí. “Un ná zé jɔhɔn énɛ́ lɛ́ɛ dó gba yě dó. Elámunu lɛ́ɛ ná hɔn yi akɔta lɛ́ɛ bǐ mɛ, è nǎ ba yě kpo ɖo akɔta ɖěbǔ mɛ ǎ.

Ezekiyɛ́li 37:9

Mawu ɖɔ nú mì ɖɔ: “Hwɛ gbɛtɔ́ e, ɖɔ xó nú funfún e nɔ ná gbɛ mɛ ɔ́ nú mì; ɖɔ n'i ɖɔ: ‘Funfún e nɔ́ ná gbɛ mɛ ɔ́ e, Aklúnɔ Mavɔmavɔ ɖe gbe nú we ɖɔ hwi ní gosín wɛ̌kɛ́zo ɛnɛ lɛ́ɛ bǐ jí wá nyi dó mɛkúkú élɔ́ lɛ́ɛ jí nú yě ní fɔ́n wá gbɛ.’ ”

Daniyɛ́li 7:2

Nǔ e Daniyɛ́li wlán lɛ́ɛ ɖíe: “Zǎn mɛ ɔ́, un ɖo amlɔ mɛ, bó mɔ jɔhɔn jɛ nyinyi jí sín wɛ̌kɛ́zo ɛnɛ lɛ́ɛ mɛ, bó nɔ́ nyi dó xu ɖaxó ɔ́ jí.

Daniyɛ́li 7:6

Ée un lɛ́ ɖo kpínkpɔ́n wɛ ɔ́, un mɔ kanlin ɖěvo bɔ é cí kpɔ ɖɔhun. É ɖó xɛ sín awa ɛnɛ ɖo nɛgbé, bó lɛ́ ɖó ta ɛnɛ. È ná ɛ acɛ bɔ é ná ɖu ɖo nǔ bǐ jí.

Daniyɛ́li 7:8

Hwenu e un ɖo zo tɔn lɛ́ɛ kpɔ́n wɛ ɔ́, zo yɔ̌yɔ́ kpɛví ɖěvo lɛ́ jɛ wǔwú jí ɖó ɖě lɛ́ɛ tɛ́ntin, lobo zin zo xóxó lɛ́ɛ atɔn dɛ́. Zo yɔ̌yɔ́ ɔ́ ɖó gbɛtɔ́ nukún. É ɖó nu ɖokpó bɔ goyíyíxó nɔ́ ɖo tíntɔ́n sín mɛ wɛ.”

Daniyɛ́li 8:22

Hwenu e zo ɖaxó énɛ́ ɔ́ lɔ́ ɔ́, zo ɖěvo ɛnɛ wú ɖó tɛn tɔn mɛ. Énɛ́ xlɛ́ ɖɔ axɔ́súɖuto ɛnɛ ná jɛ axɔ́súɖuto e wá yi ɔ́ sín tɛnmɛ. Amɔ̌, axɔ́súɖuto énɛ́ lɛ́ɛ ná ɖó hlɔ̌nhlɔ́n sɔ ée yě wá ɖyɔ́ é ǎ.

Daniyɛ́li 8:8

Gbǎgbá ɔ́, hlɔ̌nhlɔ́n tɔn ɖo jijɛ jí wɛ. Ée hlɔ̌nhlɔ́n tɔn wá syɛ́n bǐ ɔ́, zo tɔn ɖaxó ɔ́ nɔ mɔ̌ bó wɛ́n, bɔ zo ɖagbe ɖagbe ɛnɛ wú ɖó tɛn tɔn mɛ, lobo kpan nukɔn wɛ̌kɛ́zo ɛnɛ lɛ́ɛ.

Zakalíi 2:6

Un kanbyɔ́ ɛ ɖɔ: “Fítɛ́ wɛ a xwe?” Bɔ é yí gbe nú mì ɖɔ: “Un xwe Jeluzalɛ́mu, bó ná jlɛ́ ga tɔn kpó gblǒ tɔn kpó.”

Zakalíi 6:5

Bɔ é yí gbe nú mì ɖɔ: “Wɛ̌kɛ́zo ɛnɛ lɛ́ɛ wɛ. Aklúnɔ e kpa acɛ dó ayǐkúngban ɔ́ bǐ nu ɔ́ gɔ́n wɛ yě nɔ́ nɔ. Gɔ̌n tɔn wɛ yě gosín din.”

Matíe 12:25

Ée Jezu ka mɔ nǔ jɛ ayi yětɔn mɛ ɔ́, é ɖɔ nú yě ɖɔ: “Axɔ́sú ɖé sín to ma ɖó gbe kpɔ́ ǎ ɔ́, to énɛ́ ɔ́ gba wɛ é nɔ́ gba; bɔ to abǐ xwé ɖé tíin bónú mɛ e ɖ'é mɛ lɛ́ɛ sín gbe ma ɖo kpɔ́ ǎ ɔ́, to énɛ́ ɔ́, abǐ xwé énɛ́ ɔ́ gba wɛ é nɔ́ gba.

Luki 12:20

Mawu ka ɖɔ n'i ɖɔ: ‘Xlonɔ; zǎn élɔ́ mɛ ɔ́, è nǎ yǐ gbɛ towe sín así towe. Nǔ e a ka kplé lɛ́ɛ ɔ́, mɛ̌ tɔn wɛ é ka ná nyí lo?’ ”

Nǔɖexlɛ́mɛ 7:1

Énɛ́ ɔ́ gúdo ɔ́, un mɔ wɛnsagun Mawu tɔn ɛnɛ ɖo te ɖo ayǐkúngban ɔ́ sín zo ɛnɛ lɛ́ɛ jí; yě hɛn jɔhɔn ayǐkúngban jí tɔn ɛnɛ lɛ́ɛ ɖó te, bónú jɔhɔn ɖěbǔ ma nyi dó ayǐkúngban ɔ́ ó, é ma nyi dó xu ó; é ma ka nyi dó atín ɖěbǔ ó.